انا وانت

الفصل الخامس

بعد مغادرة هاشم الشقه ظلت مريم علي وضعها حتي نامت ع الارض مكانها

ف نفس الوقت كان هاشم ف طريقه الي المطار ليسافر الي امريكا لينهي بعض الاعمال
فقام بالاتصال ع زوجته رشا:
الو ازيك يا حبيتي عامله ايه
رشا:
كويسه ياروحي انت فين
هاشم :
ف مصر وراجع امريكا تاني
رشا :
بس انا ياروحي سافرت فرنسا من يومين
هاشم:
وليه مقولتيليش يا هانم
رشا :
سورى يا بيبي بس كان صحابي مسافرين يعملوا شوبنج وانا مخنوقه وانت ع طول مشغول فسافرت
هاشم بضيق :
خلاص يا رشا انا هخلص شويه الشغل واحصلك سلام يا قلبي
رشا : باي ياروحي هتوحشني اموووووو(انا وانت بقلم ياسمين عبادي)

القي هاشم الهاتف وهو يزفر بحنق كنت ناقصك انتي كمان مش كفايه العفريته اللي اتجوزتها بس انا وهي والزمن طويل ليصل الي المطار  ويصعد طائرته الخاصه هو وطاقم الحراسه والسكرتاريه الذي لا يفارقه ابدا

اما عند مريم فقد استيقظت علي الم شديد ف جسدها نتيجه لنومها ع الارض لتدعو ع هاشم :
روح منك لله اشوف فيك يوم يابن سحر ويكون اجازه الهي تلدغك عقربه عميه ويدوسك قطر ف نفس اللحظه

لتسحب حقيبتها وتخرج هاتفها لترسل رساله صوتيه لعمتها:اازيك يا عمتو وانا وصلت مصر و ف الشقه وهاشم زي ما قلتي عليه بالظبط نسمه ملاك نازل من السما وعشان كده هيقضي شهر العسل مع مراته انا هبقي اكلمك تاني

لتنهي الرساله وترسلها الي عمتها ثم تنظر ال الشقه مفكره ثم تقوم باجراء مكالمه اخري لتتصل باحدي شركات العماله لتطلب طاقم تنظيف كامل
مريم :
شركه................للعماله
الموظف : ايوه يافندم اي خدمه
مريم:    انا كنت محتاجه طاقم تنظيف كامل
الموظف :
تمام يا فندم ممكن حضرتك تحددي العنوان والمعاد اللي حضرتك عايزه الطاقم فيه وهنبعته لحضرتك كمان ممكن ابلغ حضرتك ان احنا عندنا كمان طاقم ضيافه كامل لو حضرتك عندك حفله ومحتاجه لعمال
مريم بضيق:
اسمعني انا محتاج طاقم تنظيف بس اصل انا راجعه من السفر النهارده وعايزه حد ينظف الشقه بس
الموظف :تمام يافندم اديني العنوان وبكره هيكونوا عندك
مريم:
لا االنهارده وانا مستعده ادفع الضعف بس يجوا دلوقتي
الموظف بسعاده:
ساعه وتحده ويكونوا عندك

بعدمرور ساعه يضرب جرس الباب عند مريم لتجد طقم التنظيف لتدعوهم للدخول ليندهش العمال من منظرها فتضحك قائله :
اصلي كنت ف حفله تنكريه
ليبدأ العمال ف عملهم وبعد عده ساعات تبدا ملامح الشقه ف الظهور  ريسبشن كبير  ونافذ زجاجيه بعرض الحائط تطل ع منظر النيل الرائع ومطبخ امريكي مجهز بكافه الاجهزه ثم ممر صغير به ثلاث غرف احداهم غرفه بها معدات رياضيه وغرفتي نوم اختارت مريم اصغرهم وبها بلكونه ضخمه بها بعد النباتات الجافه من قله الاهتمام  والاخرى كبيره وفرش الشقه يدل ع زوق صاحبها الشديد ليقاطع مريم من شرودها احد افراد الطاقم قائلا :
حضرتك بالنسبه للملابس الكتير دى نعمل ايه
ليحمر وجه مريم خجلا من طبيعه هذه الملابس :
ارميها او احرقها مش عايزه اي حاجه هنا
العامل:
تمام حضرتك اي خدمه تانيه
لتعطيه مريم اجرهم شاكره عمتها التي اعطتها مبلغ كبير لتبقيه معها وتشكر العمال ليغادروا ثم تتوجه مريم الي الحمام لتاخذ حماما ساخنا لعله يهدئ اعصابها ثم تخرج وتبدا باعداد حاسبها الالي ف غرفتها لتبدأ ف مباشره عملها شاكرة ف نفسها الفرصه التي اعطاها لها هاشم دون ادراك ثم تذهب الي فراشها سعيده بهذا المقدار من الحريه الذي حصلت عليه ولكن مالذي يخبئه القدر لها

لتشرق شمس يوم جديد ع ابطالنا كل ف عمله
ولكن ف فرنسا نجد رشا تجلس ع احدي طاولا ت القمار تتناول شراب مسكر وهي تلعن حظها لهذه اليوم فقد خسرت مبلغ كبير طول اليل لتقوم  متجهة الي جناحها ف الفندق لتنام ولكن يقاطعها رنين هاتفها مجيبه
رشا :
ايوه يازفت عايزه

الحارس :
ف حاجه ياهانم حصلت ولازم تعرفيها
رشا:
ايه متقول وتخلص ما انا بدفعلك عشان تنقل اخبار هاشم قول وخلصني
الحارس:
هاشم بيه اتجوز امبارح يا فندم انا حاولت اكلمك بس مكنتش عارف اوصلك

لم تسمع رشا باقي حديثه فقد الجمت الصدمه لسانها فجعلها عاجزه عن الرد لتفيق من صدمتها صارخه :
احكيلي كل جاجه وازاي ده حصل وهي مين
الحارس:
انا معرفش اللي حصل بالظبط احنا نزلنا من المطار ع الفرح علي طول وكل حاجه حصلت بسرعه بس انا صورت العروسه وهبعتلك صورها دلوقتي

لتغلق رشا الهاتف  ثم تطلب من الفندق حجز اول رحله ال امريكا ليعلن هاتفها وصول رساله لتفتحها وتفاجئ مما ترى وتقول :انتوا بتهزروا دا اكيد مقلب
ولكنها متاكده من وفاء ذلك الحارس لها لتتصل بمحاميها الشيطان سمير وتطلب منه تقصي الامر ثم تذهب لغرفتها فتجهز حقائبها وتتجه للمطار