#هكذا_القدر
#حلقة_15
( حلقة وحده راهو وطويلة بكل <3 )
( مابيتش نرد مستغربه من بابا .. دوته وعيونه و وجه وكل حاجه .. ماكنش بابا اللي يحكي معيا هكي .... معقوله بابا اللي اميرته لجين ... لالالا فيه حاجه غلط ... وضيء انولع ... طلعت من دار نشوف شنو صاير بره .. تي نبي نشوف اللي قاعده تبكي كيف شكلها هذي .. وطلعت وياريتني ما طلعت لقيتهم طالعين هما اثنين من دار .. وهيا لابسه عبايه وتحت سروال HD وفاتحه عباية من تحت ... وجمه الصفراء طالعه من وشاح ... والميكب الأوفر اللي تقول مكياج افراح .. وفمها المشرع وهيا تمضغ في هذك مستكه .. بكل صدق منظرها مع احترامي وحشاكم طبعا يخلي اي واحد يرجع ... نحن بنات صغار مادرنش طروح هذي مش هذي وحده في نص اربعينات .. وبحت فيا بابا بأستحقار )
بابا : نحن متغديين بره .. هي سلام
( وطلعو مع بعضهم وانا من كثر صدمه قمعزت ع اقرب كرسي ليا وفاتحه فمي .. مستكه من اللي صاير .. عند خلود طالعه هيا و مريم لان خلاص دوام كمل .. بس انفجعت من اللي شفاته .. ماكنتش تتوقع ابدا ... كاينه تحساب هتشوف شخص اخر مفروض هيروح بيها )
مريم : كنك يا بنت مستكه شنو فيه
خلود : هييي جهاان :O
مريم : من جهااان ؟؟
خلود : كاينه حبيبة خويا خالد .. حي هذي جايه شورنا
جهان : خير خلود كيف حالك
خلود : الحمد الله بخير .. شنو جيبك هنا
جهان : نبي نروح بأختي ... كيف حال خالد شنو داير ؟؟
خلود : معلش يا جهان انتي توا متزوجة ومفروض ماتسألش ع واحد انتي بعتيه !! .. عن اذنك
مريم : طح سعدك من وين جايبه القوه هذي
خلود : والله يا مريم لو تشوفي خالد كيف كاين لما بعاااته برخييص هتعرفي كيف جبت جرأه وقوة هذي بيش نحكي معها هكي
مريم : ربي ينتقم منها
خلود : تي وين خوكي انحسه طول
مريم : ههههه ما يموت الا ع العكوز اهو جا
خلود : هههه باهي هيا عشان انا بنرقد نعسااانه
( ركبت مريم من قدام ولما جت خلود بتفتح باب لقت حد ينادي فيها وكاين استاذ بتاعها في مدرسه )
خلود : نعم يا استاذ
استاذ : نسيتي كتابك ع درج
خلود : باهي الحمد الله بعدك عندي امتحان بكره فيه .. شكرا
استاذ : هههه بالتوفيق .. العفو .. وزي ما قتلك لو احتجتي اي حاجه انا قاعد باهي
خلود : انشاء الله توا لو في حاجه مافهمتهش هنجي نسألك عليها
استاذ : باهي هيا سلام
خلود : سلام
( ركبت خلود لسياره وجت عينها في عين محمود يبحت فيها من مراية قريب ياكلها .. ور قيتله بكككل ... يعدي محمود يحرق سياره بقوه لدرجة عججها .. خلود من فجعه مسكت في كرسي بقوه )
مريم : وووو عليا كنك بشويش
محمود : تعرفي تسكتي
خلود : كنك محمود تبي تقلب بينا سيارة بشويش الله يربحك را نخاف من سرعه و جو هذا
محمود : اسكتي انتي اخرى -_-
