#هكذا_القدر
#حلقة_37
انا : استغفر الله عظيم .. ياربي صبر .. ياربي صبر .. ألو
هشام : ها حبيبي كيف حالك
انا : مش كويسه يا هشام مش كويسه
هشام : كنك شنو صاير شنو فيه يا حبيبي اخرى
( انا حكيتله عاللي صار وع خالد وكلام اللي قاله .. تصدقو مابكيتش صح كنت خايفه ومتوتره .. بس مابكيتش يمكن لاني بكيييت واجد يمكن لان خلاص معش عندي دموع )
هشام : بس كيف هكي .. من هيكون دزله صور ... وشنو فايده اللي يخذها
انا : مش عارفه مش عارفه ... قلت بلكي الحقيره امل .. بس هذينا صور في معهد .. باعدين صور خلود .. مع محمود .. مش عارفه حاجه .. ولا فاهمه حاجه
هشام : كل حاجه هتنفهم .. وكل حاجه هتطلع ع حقيقتها .. انتي توا شنو هديري مع خالد
انا : والله ماعارفه حاجه .. هو انا اصلا مش قادره نوصله بأي طريقه دارلي بلوك .. وع فونه كاين مايردش بعدها حطني في قائمة حظر
هشام : لجييين انتي من اللي ممكن يستفيد لو ان شاف صور خالد
انا : امل .. امل فتره اخيره تهدد فيا واجد .. بس يا هشام نرد ونقولك .. في صور من وين بتجيبهم امل .. يعني هذي من حد اخر
هشام : زعمك نسرين ؟
انا : نسرييين ... بس لييش ادير هكي .. وكيف هتوصل لخويا ... اوووف اووووف تعبت تعبت
هشام : خلاص حبيبتي هدي روحك .. ومافش داعي من انفعاال بتاعك هذا كله .. توا انا نشوف طريقه ونعرف شنو صاير
انا : كيييف
هشام : مش عارف بس هنشوف حل وخلاص
انا : باهي
هشام : انحبك انحبك ... والله صدقيني مابعد الضيق الا فرج
نا : يارب يارب
هشام : خلاص حبيبي سلام توا
انا : سلام
( سكرت من هشام وقعدت نبرم في دار .. ونلف وندور ع روحي .. شنو صاير في دنيا .. ليش ناس قعدت هكي مأذيه واجد وشريرة .. يارب صبي معيا .. خشت عليا خلود .. وحكيتلها اللي صار .. مرن يومين اخرات .. ونحن نفس الحال .. مافش حاجه تغيرت .. انا اللي كنت انعدي يوميا بيش نطمن ع عمو عبد الله .. معش قعدت نعدي .. قعدت ابلة علياء هيا تجينا .. تسأل علينا وتعدي .. وفي يوم كنت قاعده انا وخلود في دارنا .. اتصلت بيا تامي )
انا : خير خير
تامي : اهلين يا حنه شنو جو
انا : زي ديمه مافش جديد وانتي
تامي : زيكن يا بتي .. مهم اسمعي هيا وتن رواحكن
انا : كنك يا خيه شنو فيه
تامي : نبيك تجي اتغدي عندنا
انا : لالا فكيني
تامي : كنك يا حقيره
انا : والله ماعندي نيه نطلع من حوشنا
تامي : ع اساس حوشنا مش حوشكم .. من غير طروح قدامك نص ساعه بس .. را توا طالعه انا وبابا .. واقل اخرى من نص ساعه .. هيا سلام
نا : اصبري بس
تامي : سلام سلام
خلود : كنها ؟
انا : تبينا نجو نتغدو عندنا
خلود : باهي خلينا نعدو نغيرو جو .. العطله فاضل عليها 4 ايام وتكمل
انا : بس ماعندش نيه نطلع من حوش بكل
خلود : هيا يا نكدوو صبي وانتي تحبي النكد
انا : باهي يا حنه هيااا صبي
خلود : كنك تلبسي في عبايه ... طح سعدك بتعدي بالتوته
انا : اها ع اساس هما غرب .,.. باعدين ماعندش نيه نبدل
خلود : طح سعدك باهي خوذي معاك حاجه
انا : تي قتلك عندش نيه نبدل .. باعدين نحن مروحين نفس اليوم را
خلود : باهي نلبس معنتها انا .. خليك انتي هكي مبهدله
