#هكذا_القدر
#الحلقه 52
استبرق : رايحه تقول بنتك انتي مش بنتي
انا : هههه سقع عليك تقولي حتى ماما
استبرق : شوفي كلبه نستنى حتى تسليم مابت تسلم
ام معتز : هتيها هنا معنا .. وانتي شوفي جوك
انا : لا يا عميمه بالعكس مفرحتني
( طبعا قعدت انا فوق مسرح .. مشرفه عامه انا .. ونصفق ونزغرت وندير جوو .. تامي اللي بتتزوج... وتامي مش اي وحده .. تامي الغلا كله .. تامي معنى الحقيقي لصديقه الحقيقيه .. مسكت وشاح وقعدت نرقص .. قعدت فرقه تغني ع صحبة )
عَنّدَيِ أصّحَاَبّ اَلَخِيِرَةَ فِيِهّمَ ** وَقّتَ يِجٌوٌنِيِ نَفّرَحّ بِيّهَمّ
""عنـدِي آصحـآب آلله يحفظْهُمْ . . . نفقـد روحـي ومآنفقـدهُمْ
( كنت نرقص ونبحت في تامي ونغمزلها .. طبعا صورنا مع بعضنا واجد .. كاين فرح ولا قوة الا بالله .. اجعنه فرح كل بنيه .. قالو مروان جا ...انا لبست عبايتي وحطيت وشاح ع راسي .. ومزالت جوري ماسكه في يدي ... وطلعت لتامي قعدت نسقم فيها .. وحطيت طرحه ع وجها .. وقتلهم يولعو اغنيه معينه .. خلاص جت بتولع اغنيه .. بنبرم ناحية باب بنشوف مروان .. لقيت اللي خاشه معاه بنت عمه بتاعت روني .. انا عرفتها .. لان تامي شيرتلي عليها اول ما جينا .. وطبعا معاه ماماته )
تامي : بحتي الحقيره كيف خاشه معاه
انا : اسسس اهدي هيا تبي تخرب ليلتك بس .. اقهريها انتي
( ولعو الاغنيه اللي هيخش عليها مروان .. ومروان كاين طالع يههبل .. والبدله مدايرتله جوو ... وتحليقه .. كاين طالع ماشاء الله عليه )
الليله صرت شريكه بعمرك هلق قلبي صار بامرك
خليني اغفى على عمرك بدي افرح فيك
وردة عمري وحقي شمك خاف عليك واعتل همك
صار فيي غيرلك اسمك حبيبي سميك
من اليوم ملكك انا من اليوم
من اليوم انت الي من اليوم
بايدي المحبس لبسني وخبيني بقلبك واحبسني
عمري ابتدى من اليوم
بكرا بوعي بشوفك حدي تنينتنا علي فرد مخدي
ببوسك وبوعيك وبحس عيونك فرحاني
بعرف بدك بوسه تاني من قلبي بعطيك
من اليوم ملكك انا من اليوم
من اليوم انت الي من اليوم
بايدي المحبس لبسني وخبيني بقلبك واحبسني
عمري ابتدى من اليوم
( برغم ان تامي انقهرت من لقطة بنت عمه .. بس كاينه متوتره بكل .. ويديها ترعش .. ركب مروان .. ورفعلها طرحه .. وباس راسها .. سلم عليا .. ونزلت انا وجوري .. وردت فرقه قعدت تغني .. وتشطح .. واقارب مروان يقعدو يرقصو .. وبنت عمه حتى هيا ... انا كنت مقمعزه في اول طاوله حداه خلود وابلة علياء .. ونشوف في تامي كيف رقيتلها .. بس مروان قعد يوشوشلها .. وهيا تضحك .. ههه ديمه كاين خاطرني نعرف .. شنو يقول العريس للعروس بيش تقعد ... برغم اني تزوجت بس لغايت توا مش عارفه شنو يقول ... قعدت مصوراتي تصور فيهم .. ومروان منسجم ... وطبعا صورو هل تامي معاهم .. وهل معتز حتى هما .. بعدها تامي شيرتلي بيش نركب نتصور معاه .. تصورت معاهم .. وبعدها ولعو اغنيه اخرى بيش يقصو تورته ..)
