#هكذا_القدر
#حلقة_23
( بدلو دبشهم وقمعزو وقعدنا ناكلوو .. والحق الأكل كاين يهههبل بكل ههههه نشكر في روحي .. وقعدنا نهدرزو لغايت عاشيه درنا كاكاو .. وكيكة كريم كراميل اللي درتها .. وبعدها روحنا بيش يتريحووو .. وانا هذا كله كل شويه نبحت في فون بلكي هشام دزلي او عبرني .. روحنا حوش وفتحت نت بسرعه .. بلكي نلقى حاجه من هشام اي حاجه .. بس مالقيتش حاجه .. رقتلي بكل وزعلت بكل .. وعديت تاني يوم للمعهد .... وكاين هشام قالب وجه ومتعصب .. ماحبيتش نحتك بيه .. قعد لما يشرح نبحت فيه .. وفي عروق رقبته اللي بارزه .. يبحت فيا هو .. انزل راسي ع طول .. .. حوالت كم مره نحكي معاه في معهد بس كاين يصد فيا .. ورديت انا وياه لنقطة صفر .. وبعد 4 ايام من نفس معاملة ونفس طريقة .. ومعش رن ولا يدز مسجات .. رايفتله وااجد .. حسيت روحي فقدت الأب والاخ والأم .. وقعدت انحس بأحساس اتجااهه .. احساس نكذب فيه .. احساس الحب .. حب اللي تحبه حبيبة لحبيبها .. لا ياربي مانبيش نحب انا مانبيش نتعلق .. في بعض الاحيان البعد .. يخلينا نكتشفو حقيقة مشاعرنا واحاسيسنا .. وقعدت لغايت ساعه 12 ضعفت من كثر تفكير ..اكتشفت انه انا هشام حاجه مهمه في حياتي .. حاجه مهم بكل .. زي الروح .. وزي الأكسجين .. وفي نقطة ضعف .. درت حاجه ماعمرش درتها .. حاجه ولا في عمري توقعت انا نديرها .. دزيتله مسج .. كتبتله فيها كلمتين .. رايفت عليك بكل .. ماطقش مسج خمس دقايق ورن عليا .. احساسي وقتها معش قدرت نفسره )
هشام : رايفتي ؟؟ كيف نفهمها هذي رايفتي ؟؟ ... كنك ساكته نحكي انا صح ؟؟
انا : هاااااااه نعم
هشام : كيف نفهمها رايفتي ؟؟
هشام : ليكي توا 5 دقايق ساكته ؟؟ شنو سؤال صعب لدرجة هذي
انا : مش عارفه شنو انقول
هشام : كيف مش عارفه شنو تقولي ؟؟
انا : لان اللي صار كله غلط في غلط
هشام : شنو اللي صار ؟؟
انا : هشااااااااام -_-
هشام : سقدي يا لجين شنو تبي اتقولي
انا : ليش انت اتعامل فيا هكي شنو درتلك انا
هشام : ههه كنها معاملتي لكي ..؟ مانشوفش فيها غلط .. بالعكس زي قبل نعامل فيكي
انا : زي ماكنت كارهني صح ؟؟
هشام : قصدك ع بداية كورس ؟؟
انا : اها
هشام : ههههه ع ئساس كنت نكرهك انا من قبل
انا : هشام والله حرام هكي .. انا ماعمرش اتصلت بحد او تنازلت بطريقه هذي .. بس عشان انت وجودك مهم في حياتي نبيش نخسرك .. والله صداقه احسن واثمن .. نبيش نخسرك بسبب اسمه حب
هشام : بااهي والمطلوب ؟؟
انا : مش عارفه
هشام : انتي في كلام تبي تقوليه ومش عارفه كيف تقوليه صح ؟؟
انا : لا عادي
هشام : لجين ليا توا نعرفك واجد .. وفتره فاتت كنت معاك شبهه 24 ساعه يعني حافظك ... مافش داعي تكذببي عليا
انا : نسأل سؤال ؟؟ انت ليش جافيتني ؟؟ ليش عاملتني بطريقه هذي ؟
هشام : لا بلكي تبيني نرد نحكي معاك بكل وجهه بارد .. ونرد نبصر ونهدرز ونشفط ...؟ بعقلك انتي !!
انا : بسسس
هشام : من غير بس .. قوليلي شنو فيه فقلبك
انا : خااايفه يا هشام خايفه .. خايفه من مستقبل
هشام : لجين انتي اتحبيني صح ..؟ انتي تبيني
انا : مش عارفه
هشام : لا انتي عارفه !! بحتي لجين خليها جلسة صراحه .. احكي كل اللي في قلبك ونحكيلك كل اللي في قلبي !!
