#هكذا_القدر
#الحلقه_34
( انا بحتت فيها وتجاهلتها ركبت لداري .. بدلت دبشي وعزقت روحي ع سرير .. وقعدت خلود تهدرز وتحكيلي .. وانا ماعندش راس لحد نبي نرقد .. وهيا تهدرز ماحسيتش بروحي الا واخذني نوم .. رقدت وماحسيتش الا ساعه 2 في ليل يرن فوني )
انا : هااا كنك شنو تبي
تامي : صبي يا خرا فيسع
انا : كنك شنو فيه
تامي : ماسمعتش انتي شنو فيه
انا : تي كنك شنو صاير من مات
تامي : صبي بيش تعرفي من مات
انا : هاا هااا احكي
تامي : سمعتي معهد شنو مداير
انا : لا :/
تامي : كيف انتي ماتفتحش في فيس
انا : نت اصلا ليا فتره كبيره معش فتحته .. باعدين فوني يدوبك نشوف منه من اللي اتصل بيا .. مهم سقدي روحك شنو فيه
تامي : المعهد مداير رحله
انا : واللهِ ؟؟
تامي : والله .. كتبينها في قروب بتاع فيس .. وغير هكي دزولي مسج .. اكيد حتى انتي دزولك
انا : غريبه اول مره نسمع معهد مداير رحله
تامي : تي مش قتلك انا معهد هذا يهبل .. ماشي معهد كله .. حتى مجموعة محمود
انا : اهااا توا نسأل خلود اذا قاللها محمود او لا
تامي : خلاص حنه وتي روحك
انا : كيف هيا امتى .؟
تامي : سبت .. هتجي معيا هيام
انا : تماام ... باهي ماعرفتش وين
تامي : حزري فزري وين
انا : هاا يا حنه وين ؟
تامي : بوسكو =D
انا (فرحت) : كذااااابه
تامي : وحق ربي هيي
انا : الله عليك جووو .. بنوض من صبح نوتي روحي
تامي : هههههه خطرتي عليا ايام مدرسه
انا : هههههههههه تي ليا زمان ع بوسكو زمان بكل اخرى
تامي : خلاص يا حنه وجك مش فاضيتلك
انا : باااي
( سكرت من تامي .. طار مني نوم .. والحق قعدت نفكر في بوسكو .. مع اني كبرت بس مزلت نفرح لما نشوف مدينة ألعاب .. بحتت في جيهة خلود لقيتها مفنصه تبحت فيا .. فجعتني )
انا (حطيت يدي ع عيوني ) : ووووووو علياااا اعوذ بالله من شيطان رجيم .... خلود خلود نايضه انتي
( انا نحكي وغمضه عيوني خايفه .. ولما مالقيتش رد منها خفت اكثر .. قعدت اوسع بين صوابعي بيش نشوفها .. درت فتحه بسيطه بيش نشوف .. لقيتها مغمضه عيونها وفجأه فتحت عيونها )
انا : اااااااااااااااه يا مماااااامي .... اعوذ بالله من شيطان رجيم ... يارب يارب اسكنهم مساكنهم
خلود : هههههههههههههههههههههههههههههههههههههههههههههههههههههههههههههههههههههههههههه
( انا لما قعدت تضحك قعدت خايفه اكثر ونرعش .. قعدت انقول حي ع امه هذا العفريت يضحك عليا .. وهيدير عمايل سود توا .. قعدت نقرا في قرأن بصوت عالي )
خلود (قربت مني) : ههههههههههه يا هبله كنت نديرلك في مقلب رااا انتي اوووي
( انا بحتت فيها وعيوني يدمعن .. حطيتي يدي ع وجها .. بتاع بنتأكد مننها .. وفجأه صرفقتها كف لغايت ما صوابعي علمو ع خدها )
