#هكذا_القدر
#الحلقه_48
( انا خشيت لدار .. مش هتصدقو شنو لقيت .. مش هتصدقو اللي شفته .. مش هتصدقو .. يالله لطفك .. سبحان الله .. سبحان الله )
انا : هيييييييييييييييي ياااااربي ... لطفك يارب .. لطفك
( تي اللي قدامي لا مش امل .. استحاله تكون امل ... تي شكلها منظرها .. كاين يرعب .. كاين يخوف .. يخوووف بكل )
امل : ل لجييين
انا : خااااااالد تعاااال بسرعه
( هما اصلا كانو يسمعو في شهقتي لما شفتها .. ولما خالد سمعني انادي عليه خش .. وحتى هو انفجع .. كاينه تخوف .. كاينه ترعش )
( انا مزلت مصدومه ... ومش قادره نحكي ولا نتحرك .. كنت نبحت فيها بس .. نبحت فيها وهيا قاعده تبكي .. دمووع ينزلو من عيونها .... ياربي امل تبكي .. امل اللي بكتني ... اللي عذبتني تبكي ... الشيخ ينادي علينا .. بس انا وخالد مش قادرين نحكو .. كنا نبحتو فيها وخلاص .. الشيخ خاف .. يحساب اغمي علينا او صارتلنا شيء حاجه ... خش وحتى هو انصدم من شكل امل )
الشيخ : لا حول ولا قوة الا بالله ... لا حول ولا قوة الا بالله
امل : لجين قربي
( الشيخ كاين يبحت فيا انا وخالد كيف مصدومين .. هز خالد بيش يصحى .. وخالد هزني ... كاينه عيون اممل حممرااااااء وشكلها يخوف بكل .. والهالاتها وااااجد .. وكاينه نااقصه بكل تقول ممياء .. ويدها شكلها غريب .. و وجها .. تي كلها ع بعضها كاين شكلها غريب ويخوف )
الشيخ : شوفيها يا بنيتي
( انا قربت وقعدت مصبيه عند سرير من جيتها .. ونبحت فيها .. كيف قاعده ضعيفه .. كيف هكي شكلها تقول مذلوله ... وكيف فيه ادوية واجد حدها .. ومناشف معبيات دم )
امل : سامحيني
( انا قعدت نبحت فيها وخلاص .. مابيتش نرد ... تصدقو برغم منظرها وشكلها ... يصعب ع اي انسان .. وتوجعه .. بس انا مافش حاجه تهزت فيا .. ولا وجعتني ... كاينه امل ماحوتك ما تحكي ..)
امل : بنقولك حاجه يا شيخ تقدر تسمعني
الشيخ (منزل عيونه عالأرض ) : احكي قولي اللي عندك
امل : انا درت شر واجد .. وظلمت ناس واجد .. بس اكثر ناس ظلمتهم .. هو شاكر وعياله .. خاصتا لجين ... كنت نبي شاكر من زمان .. من زمان بكل ... بس هو تزوج وحده غيري ... وحده ماكنتش طايقتها .. ماكنتش قادره نتقبلها .. كنت لازم نكد عليها .. وخليت ام شاكر وخواته يكرهوها ... وتعبتها واجد في عيشتها .. بعدها الموت خذها
( وقفت شويه امل من كلام وقعدت تكح .... وهيا تكح اطلع في دم من فمها .)
خالد : سلووووى جيبي ميييييه
سلوى(تعيطله من برا) : مش خاااشه للدار هذي انا .. ولا جايبه حاجه لححححد
امل : خليها مانبيش حاجه ... خلوني نكملكم ... فرحت .. نحساب شاكر هيخذني نحسابه هيتزوجني ... بس لا مابش بعدها يتزوج .. وقعد سنين من غير زواج ... درت حاجه .. حاجه خلاته يتزوجني .. حاجه خلتني نعيش معاه في حوش واحد
