#هكذا_القدر
#الحلقه_53
البنت : حبيبي
( انا سمعت صوت بنت .. انجلطت وانجمطت .. يعني حبيبي .. واسم متسجل نونو .. حسيت روحي قريت الاسم غلط .. او بتهيالي .. رديت بحتت فالفون .. كاين نفس الأسم .. نونو .. ماقدرتش نرد عليها قعدت نسمع في اللي تقول فيه بس )
البنت : عزوو حبيبي .. كنك ساكت ... هههه شكلها بومه حداك .. اممم مراايفتلك حبيبي .. اموااااه .. ديير حل هيااا نبييييك
( انا استكيت .. بوومه .. هذي تقصدني انا .. ولا انا بتهيالي .. سكرت في وجهها .. وفتحت مكالمات فونه .. كاين اغلبية مكالمات من نونو .. تخيلو حتى لما كاين مسافر .. كاين يحكي معها .. ميزة سامسونج يحتفظ بي سجلات القديمه بكل ... حسيت روحي مزلت مش متريحه ... نبي دليل قاطع .. دليل يقولي انه معتز يخون فيا ... خشيت ع مسجات .. وياريتني ماخشيت .. قريت اتفهه واحثر محادثه ممكن نقرها ... كاينه محادثتهم ماتخلش من كلام الغزل والحب .. وماتخلش من حاجات حقيره وتافهه .. تخيلو كاين يحكيلها عليا في مسجات )
البنت : حبيبي فييش ديير .. انا توا كيف كملت شاور بتاعي
معتز : نعيما حبيبتي .. قاعد حديا بومه نتفرجو ع TV
البنت : ان شاء الله قاعده في حضنك -_-
معتز : تي اي حضني .. هذي تعرفي حضن .. تي مو حكيلك عليها ألف مره .. هذي بارده .. عندها برود غير طبيعي .. انحس فيها مش انثى
البنت : ههههه احسن .. اصلا لولها را انت توا ماتحكش معيا
معتز : ناعليااا منك انتي
البنت : باهي هيااا نبي نحكي معاك
معتز : خلاص هيا توا تصبي وحدها هيا اصلا
البنت : توا تواا نبي نحكييي معاااك هيا بيبي بنقولك حاجه حلوه
معتز : حاجه احم احم ولا
البنت : ههههه طبعا احم احم
معتز : معنتها دقايق ونرن عليك هههه
( طبعا مانحكيلكم ع كلامهم .. وكاينه اغلبية مسجات .. شكرا حبيبي ع الهديه .. ومن كلام هذا .. فهمت حاجات واجد من مسجات .. ان البنت عارفه عليا كل حاجه .. وان معتز ديمه يكلم فيها ويدزلها في مسجات .. وان يوم لما عرفت روحي اني حامل .. وطلع هو فجأه كاين عنده موعد معها ... برغم اني ماحبيتش معتز .. ولا تعلقت فيه .. بس حسيت غصه في قلبي ... غصة ان زوجي مداير هكي .. ان انا كنت عبيطه .. انه كاين يلعب عليا .. انه كاين يستغفل فيا ... وانا زي هبله مش حاسه بحاجه .. ولا عارفه بحاجه .. انا اللي انحس بحاجات هذي .. ونعرفهن ع طول .. ماعرفتهمش مره هذي .. قمعزت ع سرير راسي يبرم ... وااااعره بكككل .. وااااعره الأحساس اللي حسيته .. سمعت صوت معتز طلع من حمام .. رديت جهازه كيف ما كان .. ودرت روحي طبيعيه )
معتز : كيف مازلتي مارقدتي
انا : مازال مش جايني نوم
معتز : غريبه .. بتطلعي تتفرجي ع TV
انا : مش عارفه .. شنو انت بترقد ؟
معتز : اهااا
انا : خلاص انا مش طالعه من دار
معتز : بترقدي حتى انتي
انا : لا هنلعب عالفون
معتز : هيضيقني الضيء بتاع فون مش هنعرف نرقد
انا : لا ماعليك توا نواطي السطوع .. ارقد انت
