#هكذا_القدر
#حلقة_31
( هشام كرني من يدي .. لان كاين صوتي بداي يعلا .. وخاف تنصير مشكله خاصتا ان مكان عام .... و عدينا لباقي وحق شباب هما اللي جابو عشاء .. وكاينه هدرزة سمحه .. ومحد ركز فينا ..لان سندباد ..اكثره مجموعات .. وجمعيات خيريه وعيال عم مع بعضهم ... يعني كل حد قاعد في حاله .. وصورنا واااجد بكل .. خاصتا انا هشام .. صورتنا هيام واجد كانو صور عفويات.. جا عمو سالم .. و روحنا .. و اول ماروحت .. رقدت .. او بيش نهرب من واقع بيش نهرب ان لما هتجي ساعه 12 هتكون ذكرة وفاة ماما .. وتامي عشان عارفه هكي ماحولتش تخليني نسهر .. وخلود عطيتها فونها .. لان عارفه محموديقدر يلهيها .. خاصتا لها فتره عليه .. انا مسكتي لفون خلود .. وحرمنها من محمود .. كاين لاكثر من سبب .. واحد من اسباب ذكرة وفاة ماما .. لان خلود في ذكرة وفاة ماما .. تقعد تبكي لغايت مايغمى عليها لان بطبعيتها حساسة شوية .. .. فتعودنا في كل سنه انديرو حاجه بيش نلهو خلود عن بكاء .. ماطقيتش ساعه رن فوني اكاين خالد .. وكاين صوته مخنوووق بكل )
انا : كنك يا خالد ؟؟
خالد (قريب ما يبكي ): لو تعرفي يا لجين شنو صار .. لو تعرفي بس
انا : خوفتني را .. وانا مش نقصني رعيش
خالد : صاحبي اكرم .. اكرم مااات يا لجين مااات
انا : كيف ..اكرم اكرم الخاطب صح ؟؟ كيف كيف مات
خالد : اهاا اكرم صاحبي .. جايته رصاصه طايشه .. توا علمت بالخبر
انا : يناااااعلياااااااااااااا يا خيه .... ربي يصبر امه وخطيبته
خالد : انا هنحاول نروح بأي طريقة
انا : حيي وقرايتك ؟؟ لا يا خالد اصبر را قرايتك محوتك ماحصلتها
خالد : تي شنو تحكي انتي .. هذا صاحبي تعرفي يعني ايش صاحبي .. تي ديمه عنده انا فالحوش .. تي كاين خويا اللي ما جابته امي
انا : لا حول ولا قوة الا بالله .. ربي يرحمه ويجعل مثواه جنه .. انت ادعيله توا
خالد : بينه وبين امي يوم واحد بس
انا : اللهم يرحمهم
خالد : اليوم عيد ميلاد امي
انا (بهدوء) : اهااا
خالد : كيف حال خلود
انا : كويسه الحمد الله
خالد : صارلها كيف كل سنه ولا ؟؟
انا : لا مشغوله مع البنات .. لان بايتين عند تامي صحبتي
خالد : باهي تمام .. انا بنسكر توا
انا : خالد .. اهدااا .. وراسي باهي .. ماتزعلش روحك .. وراهي اجازتك مزالت .. الله يربحك ماتضيعش فرصتك في قرايه بره الله يربحك فكر كووويس باهي
خالد : انشاء الله خير .. انشاء الله خير .. خلاص توا بنسكر
انا : ردبالك ع روحك باي
( سكرت من خالد .. وجعني بكل اكرم صاحبه .. صغير المسكين .. طلعت نشوف البنات شنو يديرو .. معش جاني نوم من الخبر هذا .. طلعت لقيت خلود تهدرز مع محمود .. وتامي مع مروان .. وهيام ع نت .. لما شفني سكرن وبحتن فيا يستنو فيا نحكي )
تامي : هيا احكي شنوو صاير ؟ كنه وجك هكي
انا : اكرم صاحب خويا خالد اتوفى :(
خلود : هييييييييييييي اكرم اكرم .. اللي مره قلتي عليه طرف .. وقتلك نطيحه ؟؟ وقعد خالد يهزب
انا : اهااا وجعني .. وجعععني بكككل
هيام : ربي يصبر هله
تامي : كيف توفى هو
انا : رصاصة طايشه جاته قالي .. وياروحي خاطب هوو :(
هيام : حرااام .. كم عمره ؟
انا : بتهيالي مواليد خالد خويا 89
خلود : هتعدي تعزي
انا : اهااا هنعدي بكره
خلود : من هيشيلك ؟؟
انا : هنكلم ابلة علياء بيش تشيلني
تامي : كان هذا يشيلك بابا
انا : لا هنكلم ابلة علياء .. هتعدي يا خلود ؟
خلود : لا انتي عارفتيني عزاوات مانحبهمش .. عندي حساسية منهم
انا : باهي خلاص هنكلم ابلة علياء بكره صبح
تامي : باهي تعالي يا لجين للدار نبي نهدرز معاك
خلود : ايوا اطلعن بيش نعرف نهدرز مع محمود كويس
هيام : يا فرحتك عاااد انتي .. سهره صباحي لغايت صبح
خلود : ههههه رايفت ع حبيبي حتى هنا اسبوعين مانحكوش مع بعضنا
هيام : بس ووو هااادي حسيته بكل وعاقل
خلود : اهاااا عشان هكي حبيته <3
