#هكذا_القدر
#باقي_حلقة_42
( وسكرت في وجهه وقعدت نشوف في خلود كيف تبكي وتعيط ... انا احترت معش عرفت كيف ندير ولا شنو ندير ... قعدت نهدي فيها وخلاص ... جا معتز ساعه 12 في ليل لانه قتله يجيني متأخر لما تأكدت انه خلود رقدت ... روحت وانا مابيتش نحكي لمعتز شنو صاير ولا شنو فيه ... مابيتش نخششه في مشاكلي وعائلتي .. لانه من هذك يوم كاين واضح عليه انه ندم ع الزواج ... وانا اصلا هو مايهمنش بيش نحكيله .. رقد معتز وانا قعدت نبرم في حوش ... مش عارفه شنو ندير ولا كيف نتصرف .. تذكرت صندوق اللي له شهر معزوق في دولاب .. صندوق ماما .. فتحته لقيت فيه كتاب .. استغربت شنو كتاب هذا .. لما بحتت فيه فهمت انه زي مذكرات .. فتحت كتاب كاين مكتوب )
ماما : لجين حبيبتي .. اكيده انتي توا بما انك تقري كلام هذا الدنيا قست عليكي .. صح انا مش معاكي ولاحداكي .. بس اكيده حتى وانا ميته هنحس بيك واللي صايرلك .. نتمنى انك ماتشوفيش في حياتك واجد .. ولا عذاب واجد .. زي اللي شفته .. نتمنى انه دنيا قست عليك حاجه بسيطه .. لجين ومن انتي صغيره كنتي اقرب وحده من عيالي .. حتى لما قعد عمرك 6 سنين كنتي تجيني تشوفي فيا .. ولما نمرض تخافي عليا .. كاين مفروض انا نعانيك ونكون امك .. بس انتي كنتي لماما وتخافي عليا وتهتمي بيا .. اكثر من خالد وسلوى .. ولما جت خلود فرحتي بيها .. عكس كل طفل يغير من خوه .. وقعدتي تهتمي بيها وتلعبي فيها .. برغم عرايك اللي كاينه بينك انتي وسلوى .. بس كنتي طيبه وحنونه عليها .. وماكنتش اتحبي حد كيف ماتحبي خوكي خالد ... ومن انتي صغيره مستحمله حاجات واجد ... وكنتي قويه .. تتألمي ماتحكش .. تفرحي تفرحي ناس معاك .. كنتي اتحبي لما تفرحي .. تخلي ناس تفرح معاك .. ولما تزعلي تزعلي وحدك بيش ناس مااتتضيقش .. اكيده زي ما انتي لما كبرتي ... ماتخلش الحياة تغلبك .. اغلبيها انتي الحياه .. انا باتك شفت معاه عذاب واجد .. مش منه هو .. لا الله يسامحه هو ماعمره زعلني .. من هله اللي رفضيني .. كل اهانات شفتها .. وكل سبات شفتها .. حتى كاينه بنت اخته تهين فيا .. ومره ضربتني ... كاينه اتحب شاكر ... بس شاكر حبني انا ... اكيده باتك حنون عليكم كيف عوايده .. اكيده ينجن لما تمرضي .. انا متأكده انه مش هيتزوج من بعدي .. لاني متأكده انه مش هيجب وحده غيري ... جوجو حبيبتي ... مهما دنيا ظلماتك .. مهما دنيا وجعاتك .. خليك قويه .. خليك زي الشجره مهما ضربت فيها عواصف ومطر وعجاج .. تقعد واقفه شامخه ماتتهزش ... اغلبي كل حد يحاول يحطمك او يأذيك ... ماتسكتش عن حقك .. بس في نفس الوقت خوذي حقك بأدب ..لو تزوجتي عاملي راجلك كويس .. وعاملي هل راجلك كويس .. حتى لو كانو مش كويسين .. عامليهم كويس
( كاينه ماما كاتبه مذكره طويله عريضه ... كنت نقرا وانا عيوني يدمعن .. ماما حكت عن حياتها وشنو صار فيها من مواقف .. حتى ماما تعذبت ..بس ماكنش زي عذابي .. ع اقل كاين معها وقتها حبيبها .. حبيبها يخلي الحياه تهون مهما كاينه قاسيه .. كاينه ماما كاتبه عن مواقفي مع خلود وخالد وسلوى .. كنت مره نضحك .. ومره نبكي .. قريت ربع الكتاب .. بس حسيت بالقوه .. حسيت بالأمان .. عرفت وفهمت وتأكدت .. انه ضعف ماعمره يكون حاجه صح ... وانا هنخلي ماما تفخر بيا حتى وهيا ميته .. هنرد زي قبل .. هنبني روحي بروحي .. هنرد وندمهم كلهم عاللي داروه ... رقدت وانا عارفه شنو هندير بكره مع خلود .. في صبح عديت لأبلة علياء قلت معتز نبي نتغدى عندهم ... ولقيت خلود تبكي ومنهاره .. استغربو كلهم هدوئي ..ماحدش جاتله نيه يحط حاجه في فمه .. كاينه تامي وهيام معنا .. هما يصبرو في خلود وانا ساكته ... جت ساعه 3 وخلود تبكي وتبكي )
