#هكذا_القدر
#الحلقه_43_44 (حلقتين في حلقه)
( طلعت وانا نتأفف مش وقته بكل خليني نفرح مع اختي بفرحتها .. فتحت باب بس ماكنش معتز .. كاين خالد .. خاالد !!! تفاجأت بكل ..)
خالد : لجيييييييييييييين
( خالد انصدم حتى هو .. لان كاين عابي يحكي مع ابلة علياء قبل مايحكي معنا .... بس صدمتي كاينه اكبر من صدمه خالد ... قعدت واقفه نبحت فيه ومش قادره ندير اي ردة فعل .. طلعت خلود وتامي بيش يعرفو من )
خلود : هيييييييييييييييييييييييييي خاااالد :o
خالد : كيف مش هتسلمو عليا ولا شنو ؟
( خلود قعدت تبحت فيا .. وفي خالد .. وانا نبحت في خالد ومرفعه حاجبي ... بكل برود جاي بيقول ماتبوش تسلمو عليا ... عطيتله ظهري وخشيت جوا .. ولحقتني خلود )
تامي : شنو جيبك انت
خالد : كيف شنو جيبك .. جاي بنقعد مع خواتي نوقف معاهن
تامي : توا تذكرت ان عندك خوات ... ربي يكون في عونك يا لجين
( طلعت ابلة علياء بعد ما قلنالها ان خالد جا .. وجرا عليها وحضنها .. وهيا قعدت تبكي ... وتحضن فيه وتبوس فيه ..... بعد احضان وبوس .. خشو جوا .. كنت انا فوق فالدار )
ابلة علياء : خش تريح
خلود : هيا تامي خلينا نطلعو فوق
تامي : لجين فوق ؟
خلود : اهااا هياا خلينا نركبولها
خالد : شفتي يا ابلة علياء .. كيف يعاملن فيا .. حتى كلمة خير ماقلنها
ابلة علياء : انت اللي درته في روحك ... انت خليتهن يعملنك هكي ... لو كنت سمعتهن .. فهمتهن .. ماكنش صار هكي .. ماكنتش اختك تزوجت غصب عنها .. ولا كانت انكسرت .. وانذلت بطريقه هذي
خالد : مش هتفهمووني .. مش هتفهمو حاجه ... وين عمي عبد الله هو الوحيد اللي يمكن يفهمني
ابلة علياء(خنقاتها العبره ) : ادعيله بالرحمه
خالد (انصدم) : كيييف شنو قصدك انتي
ابلة علياء : عبد الله توفى قبل فرح لجين بشهر
( خالد قعد يبكي .. وابلة علياء حتى هيا قعدت تبكي معاه ... خالد ماكنش يعرف انه عمو عبد الله توفى .. كاين خبر هذا كيف صدمه له ... لان عمو عبد الله بالنسبه لنا حاجه كبيره بكل .. ضحكنا معاه .. ولعبنا كارطه معاه .. وكلينا معاه .. كاين بنسبه لنا الاب ثاني .. اما بنسبه ليا فهو الأب الأول <3 ... اانا كنت فوق مع بنات ونرعش )
انا : شنوو جيبه هذا بس ... شنو يبي .. ليش جا
تامي : باهي وجهييه يا لجين
انا : مش هنقدر نواجهه .. نواجهه شنو نقوله .. ولا ايش نحكي ... عارفه اول ماشفته حسيت كيف الميه مثلجه طاحت فوق راسي ... ياريته قعد غادي ما جا .. ليش يقلب في مواجع
خلود : ع اساس مواجع اصلا همدن .. او نسيتي ... ماهو كل يوم تتذكري اللي داروه فيكي
انا : من طبيعي بنتذكر ... واستحاله هننسى في يوم ... ييي علياااا خرب فرحتنا ... انا مش مكتوبلي نفرح بكل
تامي : حييي صوت عياط
انا(صبيت) : ييييي شنو فيه
