اممم اممم مممم عيوني بقت منططات وبحاول ابعد الشي الماسكني بالقوة دي وما قادرة بقيت برجف لما لقيت حد ماسكني بقوة من خشمي ويديه قويات ما قادرة اشوفو كويس واحدد دا منو كان في ضلام.. عايزة اصرخ بس كنت مخنوقة شديد وكل شي لافي كاني واقعة من فووووق..
طاخ طاخ مريم مريم يابت..
قمته بي خلعة شديدة زي الضربني زول في راسي وعرقانة وماسكة المخدة شديد.. بسم الله الرحمن الرحيم بسم الله الرحمن الرحيم..
طق طق يابت يامريم افتحي الباب دا
اها اا اي يا امي دقيقة
جيت فتحت الباب وما كنت مجمعة كويس غير كلام امي الجاني قافلة الباب من جوه مالك لي ساعة بدق وبنادي فيك..
يا امي انا دخلته اغير هدومي ونمته فجأة بدون احس..
وبعدين اسامة تقريبا قاعد..
اسامة!! بري مافي زول بي هناك البيت فاضي الا بتتخيلي ولا حاجة..
امي انا لما جيت هو جا وراي حتي جبت ليه موية بتلقي الجك والكباية قاعدات شوفيهم..
اجي وووب علي انتي عندك حمي ولا شنو يابتي مافي اي كباية ولاجك مختوتات..
كيف يعني انا كنت بحلم مثلا وطلعته بره ما لقيت اي شي كل حاجة كانت مرتبة ومنظمة.. دخلته المطبخ شفته الجك مختوت فوق في محلو.. ارتبكت زيادة لما سمعت صوت ابوي واسامة مع بعض جو داخلين.. كنت عايزة اجن.. معقول انا كنت بحلم لالا مستحيل انا جبت ليه موية انا متأكدة هو كان قاعد ح اسألو..
اسامة اسامة يا امي تعالي عشان ما تقولي اني جنيت يااسامة مش انت جيت البيت وسالتني من خالتك وينا وجبت ليك موية؟
بقي بعاين لي!!
أنا؟ لالا يادوب جيت صادفني عمي بره
😮😮 شنو كيف يعني
امي قعدت تضحك خليها دي حلمانة كانت ما عارفة بتقول في شنو..
بالمناسبة انتو سارة وينا ما شايفا..
مشت نسابتها.. نسيبتها جات من الحج بتجي بعد كم يوم كدا..
جيت داخلة غرفتي وبديت اتزكر في الكابوس الحلمت بيه وراسي ضارب خفته كتير.. اللهم اجعلو خير كأنو حقيقة كان.. حاولت اتزكر الشكل بس ما قدرته.. ما تخافي يا مريم انسي انسي دا كابوس ساي عشان انانمته بدون اصلي او اتحصن اكيد..
مش دا صوت زوبة ولا انا غلطانة.. سامعة الضحك والونسة.. جيت طالعة القاها ليك هي زاتها محكرة مع ابوي وودعمي واخر ونسة..
الله الله بتين جيتي يا ستي ولا حاربتيني الليلة..
هيي تصدقي يا مريم عندك ودعم مباااالغة ظريف ظرافة تعالي اقعدي نتونس..
اتغظت منها الساعة ديك وقلت ليها قومي انا عايزاك في موضوع..
قامت بدون رضاها بس ما اشتغلت بيها جريتها..
يابتي انتي مالك معاي قدر ما القي لي مجال اتعرف بي الود دا انتي تجيني زي ابليس ناطة لي..
زوبة انا خايفة..
هههههههههه شنوووو هههههههه انتي عندك حمي ولا حاجة تخافي من شنو.. عملتي ليك بلوة ولا شنو..
ياخ اسكتي شوية اسمعيني وحكيت ليها بالحلم..
عوجت لي خشمها كدا خلعتيني هسي انا قلت وقعتي ليك في مشكلة ياخ دا كابوس ساي بكون ما تهتمي بالموضوع كلنا بنحلم بالاحلام المزعجة دي..
يلا انا ماشة البيت عندي غسيل والله وكنت عايزة اجي اشيل منك فستانك الوردي داك عندي عرس المساء ماشة ليه طلعي لي خليني امشي..
اووك دقيقة ختيتو ليها في كيس وطلعت اقدمها.. لاقانا اسامة طالع.. قال لينا ماشين علي وين..
قلت ليه لالا ولا محل بس....
قبل اتم كلامي نطت زوبة والله عندي عرس المساء وكنت بحنس في الثقيلة دي تمشي معاي تتقلني وابت لي وهسي محتارة زاتي اسوق منو 😢
اشوف ليك الزول استعدل علينا وجا عرس ياخ لي زمن ما حضرت لي عرس سوداني خلاص اعتبريها محلولة انا بسوقك رايك شنو..
بكل بجاحة زوبة لزتني ومشت قدامو طلعت معاه وكانو اخر ونسة ولاكأني كنت موجودة..
يابت الايه عرفتي تسحبيه ببساطة ما انتي متعودة علي الشلب والكذب ما جديدة عليك.. لكن وحاتك انا ما مني عشان اخليه ليك بالبساطة دي...
تابعوني🌷
فاطمة قسم الله✏
