سبحان الله حملت سريع من عبدالله،، والدنيا ما كانت سايعانا من الفرحة،، في الوقت البدت فيه الدنيا تضحك لي،، زوجتو الاولي من عرفت انو اتزوج حاولت ترجع ليه والتلفونات كل يوم بقت تتصل والاولاد وما بعرف وانا ندمانة وكدا،، وضغطط عليه بي انو يا يرجعها يا يجي يسوق اولادو ما بتقدر تربيهم براها،، بقيت بشوفو مهموم بقي وبعيد مني،، ف مرة فاتحتو في الموضوع قال لي انو ما عايز يرجعها لكن عايز يجيب اولادو بس خايف اني ما ارضي بي كدا،، قلت ليه ما عندي اي مانع وانا بحب الاطفال كمان واطفالك اطفالي،، بقي بسلم علي في يدي وبالمساء جا شايل ليه صندوق احمر كدا قال لي غمضي اول ابيت ليه بس وقت بقي بكلكل فيني من الضحك غلبني وغمضته،،، وقت فتحته لقيتو جايب لي ست بتاع دهب حلوووو ما عرفت افرح كيف قلت ليه ربنا يخليك لي ويرزقك من واسع يارب انتت بقيت سندي ودنيتي وكل حاجة لينا انا اتحرمت منها ربنا عوضني بيها فيك،،
الحمدلله ايامنا كانت بسيطة والشهور مرت وبطني كبرت يوم ابكي ويوم اضحك والحياة الزوجية ما بتخلو من المشاكل برضو بس كمان دا عادي،، اتعلمت كتير وبقيت واحدة تانية مرا مسئولة يعني مريم ديك بح زي ما بقولو زمان ماتت،،
مع اول صرخة مولود لي بكيت بكيت بكيت لما دموعي دي وقفت براها من الفرحة لكن.. انو ربنا عوضني بي قرة عيني يملا علي حياتي ويفرحني ويسعدني بيه،، سميتو عبدالرحمن علي ابوي 😍..
مرت السنين واكيد حصلت حاجات كتيرة فيها طبعا نن اتزوجت برضو وسافرت اوروبا وفتحت ليها كوافير زي امها،، اهاوالليلة كان عيدميلاد عبدالرحمن تم تلاتة سنوات ماشاءالله،، وانا شغالة بي يدي ورجولي اعمل في الكيك واجهز في الشقة ومعاي اولاد عبدالله عندو بت وولد بقرو في المدرسة بساعدو فيني،،
جا عبدالله طاير زي الساكيه كلب بكورك من بره لما خلعني معاه جابني جارية في شنو؟
قال لي يا مريم يا مريم انتي مش اسمك مريم عبدالرحمن النور،،
اي في شنو؟
ومش عندك اختك اسمها سارة عبدالرحمن النور
اها في شنو يا عبدالله جسمي ما شايلني بعد كدا..
قال لي الليلة جابو لينا مهندس جديد واثناء ما انا بتكلم معاه جبنا سيرة الاهل وكدا وطلع دا راحل اختك،،
وقت قال لي كدا بقيت شايفة طشاش طشاش واتفقعت بالبكي وزي كأني في حلم وبقيت مهبوشة وهسي هو وين وهم وين والحاصل عليهم شنو وامي وابوي كويسين وبقيت ماسكة يدو وكلمة ورا كلمة نفس ما باخدو..
لما فكرت لي روحي بقينا نضحك زي المجانين من البعمل فيه قعد وحكي لي عن كل شي وانو هسي هو مستقر في الرياض وسارة معاه وامي وابوي برضو جو زيارة قاعدين عندها،، المهم هو نبهو ما يقول ليهم ويشوفوني لما نمشي ليهم بعدين،،
كنت فرحاااانة شديد ومنتظرة اليوم يمشي،،
عملنا عيد الميلاد وشلت ليهم جاتوه وكيك برضو كبيتهم في عامود،، ولبسنا وكنت بالرغم من فرحي خايفة في نفس الوقت واني كمان ما حصل حكيت لي عبدالله الحاصل بيني وبين اهلي شنو بالضبط...
وقفنا قدام الشقة الوصفها راجل اختي لي عبدالله ودقا الجرس،، شوية كدا والباب فتح،،
في وقتها عيوني اتملت بالدموع وكنت عايزة اقع في حضن ابوي واقول ليه اشتقت ليك يابا لي خليتني ومشيت واحكي ليه عن الحصل لي في السنين الفاتت دي كلها،،
رفعت ليه ولدي وقلت ليه عبدالرحمن سلم علي جدو،،
ابوي سندي الاتكسرت من دونو قعد يبكي كمان لما شالو بين يديه وبقي بسلم عليه في كل مكان،، سلمت عليه كتير انا في يدو وراسو وكتفو،،
قلت ليه ابوي دا زوجي عبدالله،، سلم عليه ودخلنا،،
ابوي قعد يكورك لي امي وسارة تعالو شوفو عبدالرحمن الصغير مريم سمت ولدا علي تعالو شوفوه،،
لما شفت امي كأني شفت ملك قدامي،، والله جريت عليها ومسكت يدها ببوس فيها وببكي بقينا نبكي سوا لما ابوي جا شايل ليها ولدي رفعو ليها بقت تسلم عليه وتبكي،، سلمت علي سارة وحضنتها شديد،، ما شوق سنين ما هين،،
كانت لمة حلوة صحكنا زي زمان واتونسنا واتزكرنا حاجات كتيرة،،
طلعنا منهم متأخرين وقالو بكرا بجوني من الصباح 😂،، عبدالله وصف ليهم البيت ودعناهم ومشينا،،
ما اتخيلت انهم كان حا بستقبلوني اول نهائي بس عبدالرحمن كان ليه الفضل في يدا خلاهم ما شايفين شي قدامهم تاني طول الوقت من يدي امي لي ابوي شايلنو جيت راجعة بيه البيت مهدد نام طوالي 😂😂..
الليل كلو عديناه ونسة انا وعبدالله فجأة نط لي قدامي قال لي انا عايز بت تشبهك اسميها عائشة،، وجنيتو قامت وتاني ما محتاج احكي ليكم الحصل شنو كدا عيب 😂😂...
تابعوني🌷
فاطمة قسم الله✏
