من شدة الالم والوحشية الكنت حاسة بيها اغمي علي.. وتاني ما حسيت بي حاجة..
في اللحظة دي حصلت حاجات كتيرة..
الوقت الطلعو فيه مازن وزينب.. مشو فيه بيتنا.. لقو امي جات وواقفة بي توبا بره في الشارع وقلقانة علي.. من شافتهم جات جارية مخلوعة مريم وينا الحاصل شنو قلبي ما مطمن عليها في شنو..
زينب قالت ليها كدي يا خالتي الندخل جوه اول..
امي الساعة ديك اتخلعت زيادة وبقت تولول طوالي دخلوها وزينب قالت ليها انا يا خالتي والله كنت عايزة اسكت لكن بعد الحصل الليلة دا خايفة علي مريم شديد وانا ما عارفة اقول ليك شنو وقعدت تبكي...
وووب علي خلاص بتي ماتت قولي لي يا زينب وامي عيونا بقت منططات وحيلا اتهدا خلاص..
لالا يا خالتي مافي شي وقعدت تبكي احكي ليها انت يا مازن انا ما قادرة اتم الباقي وشغالة تتبكي..
يا خالتي والله زينب دي الليلة الصباح اتصلت بي اسامة وقالت ليه الحق مريم دي.. الايام دي متلمية ليها علي واحد كدا شكلو ما مريح كيف كيف..
قامت مريم قاطعت مازن وانا يا خالتي حزرتها منو كم مرة لاني مشيت نشرت صورتو في قروب في الفيس وجابو لي زيتو طلع واحد عواليق وكعب وسكير وبتاع بنات.. حزرتها منو يا خالتي والله حتي اتشاكلنا بس مريم راسها قوي.. اها الليلة يوم البكي دا قلت وقت امي طلعت وانا براي النجي اقعد معاها زي كل مرة بجيها وانا لافة اللفة اشوفا ليك ملبسة وطالعة.. استغربت مريم دي ماشة وين وهي ما بتطلع بدوني قلت امكن مع اسامة لكن تاني قلت كان جا ساقها من البيت.. المهم بقيت ماشة وراها لي اخر الشارع شفتها ركبت ليها في عربية سايقا الود زاتو البتعرفو ومشت ما عرفت الحقها كيف غير اني اتصلت بي اسامة ومازن يلحقوها قبل تحصل بلوة وقعدت تبكي..
اها امي ما قدرت تستحمل الكلام الاتقال ليها قعدت تكورك وتولول الليلة ووووب علي الليلة يافضيحتي وخراب بيتي الليلة والليلة...
امي ضربت لي سارة لانها الايام دي بتمشي نسابتها راجلا ببني ليها في الحوش عندهم متابعة معاه..
جابت سارة مخلوعة وقبل تقعد حكت ليها وزي المات ليهم زول الاتنين بقن ببكن..
اسامة بعد شوية اتصل بي مازن وفجأة مازن قام علي حيلو وقال ليه انا جاي عليك هسي..
امي وسارة قامو ومسكو في مازن الحصل شنو مالك قمت مخلوع ومتوتر كدا في شنو..
قال ليهم يا جماعة مافي شي انا زاتي اسامة ما قال لي حاجة بمشي وبنجي هسي ان شاءالله..
لحدي هنا دا الحصل في بيتنا..
لما صحيت حسيت بألم تحت ما عادي لما غلبني احرك رجولي وكنت دايخة وروحي عايزة تطلع ما عندي اي طاقة كان.. انتبهت لي نفسي واني كنت بدون ملابس ومغطية بي ملاية.. اتزكرت كل الحصل وبقيت ابكي واكورك واضرب في وشي وراسي بي يدي واااي انا وااااي انا وااااي انا يا امي بتك خلاص ضاعت.. انا انتهيت انا مته مته مته يا امي.. بتكم دفنت راسكم في الواطا يا ابوي بتك ما قدرت تحافظ علي روحا...
جا اسامة داخل ما تنطمي انتي ما بتتهدي بعد دا عينك واتكسرت ولسه تكوركي.. انا اسامة تفضلي علي واحد تاني لا وكمان تقولي اسامة شنو البفكر فيه..
جريت الملاية علي ولفيتها قوي وقمت هايجة علي الله يلعنك الله ياخدك الله ينتقم منك يارب تشوفو في اعز زول ليك يارب ياالله انتقم لي منو وشلته الشبشب ونزلت ضرب فيه بدون ما احس كنت بكورك وببكي زي المجنونة ما واعية بي نفسي...
مسكني من يدي انتي مجنونة بس انا جنك دا بطيرو ليك من راسك لما ازلك زلة الكلاب انتي واهلك يابت الكلب.... تف عليك..
تابعوني🌷
فاطمة قسم الله✏
