طيلت الشهرين القاعدنهم في الشقة دي كان اسامة بطلع الصباح بدري ما عارفة عندو شنو،، لكن ما حصل فتشت غرفتو ما عارفة اذا دا خوف او بلادة مني،، يادوب جاتني الجرأة اني اعمل كدا الليلة،، لا قاعد يسأل مني ولا بقرب زاتو بس كم مرة بضايقني فيهم كان وبتلفظ بألفظ كعبة وتاني زي ما موجودة،، العايز يقتلني لي هو عمل كدا،، ولي هو هسي ما قاعد يقرب مني،، امكن عشان بلقي الباب انا قافلاه ولا لشنو عايزة اعرف حاجات كتيرة عقلي داير يطق منها،،
اول شي عشان ما عندي رصيد كتير رسلت لي نن رسالة تتصل بي لما تفضي،،
بس شكلها هي فاضية علي طول 😂 قبل اتم ثانية طوالي اتصلت..
ميمي هاااي وينك انتي مختفية كدا يا بيبي،،
نن ازيييك والله مشتاقة ليك
انتي وينك من يوم عملت ليك المكياچ وتاني ما اتسلتي بي ولا الواتس بترسلي فيه..
انا اتزوجته يا نن من شهرين كدا..
واااات او ماي قاد قولي واللهي ما مسدقاك انا..
اي والله العظيم اتزوجته وهسي اتصلت بيك عايزاك في موضوع كدا..
تيب خليني ابارك ليكي الف الف مبرووووك يا ميمي بس انا زعلانة شديد منك تتزوچ وما تعزميني علي زواچك،،
والله يا نن جا فجأة بس الحمدلله وهسي بينا مشاكل وانا محتاجة ليك تعملي لي حاجة ممكن.؟
وااااي لكن انتي فزيعة يا ميمي لحقتي تشاكليه وانتي عروس خليكي رومانسية الله..
نن في حاجات كدا ما بي يدنا امكن قدرنا اننا نمر بيها بس الله ما امر بي الهلاك..
اوكي عايزة شنو تيب مني؟
عايني حا اوصف ليك مكان الشقة الانا فيها دي بعد تصلي تاني بوريك تجيني كيف..انا مقفولة في الشقة راجلي معقد يا نن بقفلا علي وبمشي عايزاك تنسخي لي المفتاح دا.. انا قدرت اطبعو علي الصابونة وبرميها ليك بالبلكونة بعد تصليني..
وقت قلت ليها كدا صرخت وقالت لي شيييت انتي چادة وليي ما تتصلي بالشرته دا واحد شرير كيف تعيشي معاه..
نن انا ما عايزة فضايح بس اعملي البقولو ليك ووصفت ليها الحي الساكنة فيه والشقة وين،، بعد تعب وتعب اللهم قدرت تعرف المكان،، وفعلا طلعت بالبلكونة وقدرت انزل ليها الصابونة في جردل وقلت ليها تمشي سريع ما يشوفنا زول والناس دي كلها بقت غير الشمارات ما عندها شي..
الحمدلله عملت خطوة اخدت نفس وجيت داخلة غرفتو بقيت بفتش فيها ما خليت جهة ما نكتها بس ما لقيت شي.. ياالله الحظ الما حلو دا معقول ما خاتي فيها شي نهائي وقفت وبقيت بعاين وبعاين كان المح لي محل ما فتشت فيه،، قعدت في السرير فجأة انتبهت اني ما رفعت المرتبة فتشت تحتها،، رفعتها وضحكته كان في ادراج تحت معمولات لي جوه بدل بره،، بقيت بطلع وبنكت اول شي لاقاني البوم،، شلتو وبفتح فيه لقيت صور بت متصور معاها نططه عيوني لما لقيت صور لابسة فستان زفاف مرتو اسامة متزوج وبقيت بقلب في الصور سريع سريع وهي نفس البت معاه في كذا مكان برا السودان من الصور،، اخر صورة كانت لي طفل رضيع،، صورة واحدة شلتها وبقيت بعاين ليها،، عاينت للساعة اتخلعته الزمن مشي سريع شلت تلفوني وبقيت بصور في الالبوم،، وقفلتو ورجعت كل شي مكانو ورتبت السرير،، دخلته المطبخ عملت لي بيض وعصير وجيت دخلته غرفتي وقفلتها علي،، بقيت بقلب في الصور الصورتها ياربي دي منو وتاني حا القي شنو،، في ورق وحاجات كتيرة بس خفته يجي فجأة ويقبضني كان حا يقتلني،، لكن معليش الايام راقدة يا اسامة،،
وانا بعاين في صورة الطفل دا وبقارن في شكلو،، دخلت لي مكالمة..
😮😮😮😮
تابعوني 🌷
فاطمة قسم الله✏
