لما طلعته من المستشفي لقيت الوسخ دا هو وصاحبو منتظريني ومعاهم سارة زي كأني عملت جريمة ولا قتلت زول،، سمعوني ما سمعوني بس كنت شايلة سبحتي وبستغفر وساكتة.. جينا البيت اول ما دخلته ابوي جا وبقي بضرب فيني يا قليلة الادب يا ما مربية انا ما عرفت اربيك واول مرة اشوف ابوي ببكي بي حركة وكسرة خاطر.. مسكو ابوي مني وقعدوه في السرير..
امي وينا؟
سارة مسكتني اسكتي سكت حسك ما اسمع منك كلمة انتي هو بتعرفي امك كان بتعرفيها ما بتعملي قذارتك دي..
ابوي ا...
بي انفعال ببو يلوي حنك لو ابوك كنت عرفت اربيك من الليلة انا ما بعرفك ولا عايزك في البيت دا ياريتك كنتي متي قبال تعملي فيني كدا يا مريم.. خسارة اسم اختي السميتو ليك.. غضبان عليك لي يوم الدين..
يابا ما تقول كدا عليك الله ما تقول كدا جيت قعدت تحت رجولو وبقيت بسلم علي يدو وعلي كراعو.. يابا عليك الله صدقني والله العظيم انا ما عملت شي.. الله ياخدني لو انا عملت غلط.. يابا انا اتغشيت..
اسكتي مني سوقا يا اسامة من قدامي قبل اكتلا سوقا قلت ليك..
وقت جا يلمسني جريت يدي شديد وبقيت برجف اوعي تلمسني انت بالذات زح مني ما تقرب انت فاهم ولا..
هي هي اسمعيني انتي هنا..
سارة اسمعيني انت لازم تفهميني يا سارة..
لمت فيني ضرب لما وشي اتورم وقالت لي انتي واحدة من زات الناس تاني باب الاوضة دا ما تطلعي منو وكتر خير اسامة اللما الفضيحة والوسخ بتاعك..
منو الكان برضي يعرسك تاني انتي ما عارفة عملتي فينا شنو.. جرتني من يدي ما عارفة عملتي في امك شنو بي سببك وقعت من طولا عملتي ليها جلطة عارفة شنو قتلتيها مية مرة.. ياريت لو قلت ليها انك متي كان احسن..
امي وينا وبقيت ببكي شديد عايزة اشوفا بس..
تشوفي شنو عايزة تقتليها مرة واحدة انتي تاني ما عندك شي هنا اسامة كلم ابوي واتفقو علي عقدك منو بكرا دي.. الصاح انتي تركعي ليه عديل عشان لماك وسترك...
لالا انا اسامة ما بعرسو ما بعرسو يا ابوي انا ما عايزاه..
ابوي قام جايط لما خفته منو.. وضربني كف لما وقعته علي الارض.. لو الله كاتب اجلك يتم اليوم اقدري قولي لا تاني.. وقت ما عرفت اربيك انا بخليه هو الربيك..
سارة دخلتني الاوضة وطبلتها علي قايلني بهرب..
رقدته في السرير وكلمة يارب في لساني.. اتزكرت كل الحصل..
انتي يا زينب معقولة بس اعزه صاحبة عندي وبثق فيها تطعنيني في ضهري كدا ااااه انا من الم الخيانة،،
نمته من التعب وما عارفة نمته كيف،، صحيت والليلة يوم دفني،،
ولا كلمة ما اتكلمتها جهزوني في البيت ولبسوني التوب وعقدو لي وزي الطاردني سلموني لي قبري،، لا عزومة لا حفلة لا غيرو،، طلعته من البيت من سكات،، ماف حد رضي يقدمني او يعاين لي،،
جينا الشقة زاتها بس ما خلاص ابكي لي شنو تاني،، دخلته وقفلت الباب علي بالمفتاح،، دخلت الحمام اتوضيت وفتحت شنطتي لبست التوب وقعدت اصلي،، وبقيت اقرا في القران وانا ببكي قلبي محروق وموجوع،،
يا حيوانة افتحي الباب طق طق طق افتحي الباب دا وقت ما رديت عليه مشي،،
مشيت علي المرايا بعاين في روحي ما عرفتها وش شاحب ومورم وعيون سودا بي الجمبات،، كأني ميت طلع من مقبرة،،
بقيت مركزة في نفسي وقلت
ﺍﻟﻤﺮﺃﻩ ﺣﻴﻦ ﺗﻨﺘﻘﻢ ﻣﻦ ﺍﻟﺮﺟﻞ ﺗﺮﺗﺪﻱ ﺍﻟﺸﻴﻄﺎﻥ...
تابعوني🌷
فاطمة قسم الله✏
