اها خلاص جا يوم السفر وما باقي لي الا امسك في نن واقول ليها انا غيرت رايي ما ماشة من الرعب الكان داخل فيني والخوف السببو لي اسامة الله لا كسبو يوم في حياتو،، طيلة ما انا حية مستحيل يمر يوم علي ما اتحسبن عليهم فيه ومتأكدة كنت انو ربنا حا ياخد لي حقي في يوم،، كان قلبي مليان حقد تجاهم والعملو فيني بس سبحان الله لما الانسان يلتزم بي صلاتو وقراءة القران والاستغفار ما عارفة قلبو ببقي صافي كدا دي انا حاجة حسيتها في نفسي،، اي انا كنت في وقتها عايزة ابقي شيطان وانتقم منهم لو اصل للسجن لكن الحمدلله الله هداني من عندو ومنتظرة انتقام ربنا لي الحا يكون اشد من انتقامي ليهم،، ودعت نن وامها واخوها البقو لي اسرة بالدموع،، وانا ماشة لي مجهول ما عارفاه كيف يكون،، وثقتي بي ربي قوية انو كاتب لي الاحسن،، ركبت الطيارة وطول السفر كنت ماسكة سبحتي بستغفر وبسبح وبدعي،، لما وصلته السعودية ياالله شميت ريحة الكعبة والراحة الحسيتها في حياتي كلها والله ما مرت بي،، اتمنيت من جواي اعمل عمرة واشكي همومي ووجعي هناك واخليها وابدا مشوار جديد بي مريم مولودة اللحظة،،
نزلنا من الطيارة وبعد الاجراءات خلصت بقيت بعاين كان اشوف عبدالله دا اسمو،، فجأة سمعت الصوت مريم مريم،، عاينت شفتو هناك قدام جيت عليه وكنت ماشة مستحية مدنقرة راسي ومرتبكة،، اول ما وصلتو قال لي السلام عليكم وكان مبتسم،، قلت ليه وعليكم السلام ويدي كانت بترجف لما مدا يدو لي،، قال لي حمدالله علي السلامة والف مبروووك لينا،،
وااااي انا الساعة ديك كل حتة في قلبي من جوه ما كانت ياها،،
قلت ليه الله يسلمك ومبروك ليك كمان،،
شال حاجاتي وقال لي حا تمشي الشقة الليلة ترتاحي ورايك شنو بكرا ان شاءالله نقوم نعمر سوا،،
اللحظة القال لي فيها كدا ما عرفت اعبر عن فرحي كيف تقول قرا افكاري،، قعدت اضحك لما بكيت،،
لما شاف دموعي اتهجم وحسيتو اتوتر كدا قال لي يازولة خير مالك فيك حاجة تعبانة من السفر ولا شنو...
قلت ليه لالا انا كويسة بس كان نفسي في عمرة ووقت انت قلت لي عليها انا بكيت من الفرح..
قال لي يا شيخة طيرتي رحمن قلبي وقعدنا نضحك..
بقيت بعاين ليه ودي اول ضحكة من جواي كانت لي معاه زي اني بعرفو،، ما كنت مصدقة البحصل لي دا،، في سري قلت الحمدلله وما كان ربك نسيا،، اتزكرت سورة مريم لاني بحب اقراها،، وانو الله كان احن عليها لما حملت ولما ولدت ولما الناس ما رحموها الله رزقها بي سيدنا عيسي ...
جينا البيت قال لي ديك غرفتك بخليك بي راحتك هسي لاني لازم امشي الدوام بعد كدا،، واذا احتجتي لي شي عندك الشقة بتاعتك اعملي البريحك،،
بقيت ساكتة بس ما اتوقعت يقرب علي ويسلم علي في راسي،، تقول صبت فيني مطرة بقيت واقفة زي الصنم ومشبكة اصابعي في بعض،، وجاتني رغبة اجري الحمام لاني حسيت اني عايزة اعمل بي بي 😂
عدي اليوم وكنت منتظرة بكرا بي فارغ الصبر،، عبدالله طلع حد محترم وما حاول يضايقني اول يوم وخلاني بي راحتي،، هو صاح ما كان وجيه شديد ولا بملك عضلات او غمازة بس ادبو واحترامو خلتني اشوفو احلا راجل في الدنيا،،
قمته بدري عشان الحق اقرا قران واصلي الصبح،، حسييت اني عطشانة جيت طالعة اشرب اول،، لقيتو قاعد بقرا في قران جاتني في بالي الاية الطيبون للطيبات،، ما حس بي،، اتوضيت وشلت مصحفي وجيت قعدت جمبو براحة وقعدت اقرا وقمنا صلينا مع بعض،، وختيت الفطور وبعدها سافرنا علي طول،،
لما جينا داخلين الحرم كان ماسكني من يدي زي داخلين الجنة والله ياالله علي احساس الطمأنينة والراحة النفسية،، صليت ودعيت وفضيت الجوه قلبي كلو،، شربت من موية زمزم وغسلت وشي واتوضيت منها ودعيت ربنا يرزقني بالزرية الصالحة ويعوضني بالاحسن،، دعيت ربنا يجمعني بي اهلي،، ويسعدني مع زوجي،، دعيت علي الظلموني،، دعيت لي نن اختي اللقيتها معاي في القسوة،، عملنا العمرة،، قلت ليه عبدالله..
قال لي عيون عبدالله طبعا خجلته شديد وبقيت بتبسم براي،،
قال لي حياك اطلبي ها..
قلت ليه وديني اشتري لي نقاب انا عايزة اتنقب،،
الساعة القلت ليه فيها كدا تقول طفل واديتو مصاصة اتبسط اتبساطة وبقي يقول الحمدلله وسجد في الارض،،
امورنا اتسهلت والحمدلله وانا اتنقبت بي رضاي،،،،
الليلة المساء وقت جا راجع داير يدخل الغرفة التانية من سمعت حركة الباب جيت طالعة ولابسة الروب كنت..
عبدالله
نعم وبقي بعاين لي..
ممكن ننوم من الليلة في غرفتنا مع بعض..
بقي بعاين لي وبضحك..
احلا ليلة دخلة كانت نسيت كل الالم والخوف ودي كانت بداية حياة جديدة لي مع عبدالله...
تابعوني🌷
فاطمة قسم الله✏
