الحلقه الحاديه عشر
عذبني ولكن احبني
امير اتعصب من كلامها وسخريتها وارتفع الدم لنفوخه يعني معني كلامها انه مش راجل ومستصغراه ولا ماينفعش يبقي صاحب مسئوليه والي قهره اكتر نطقها لاسم دلال(دلدلتك)
ريم سحبت لميس بسرعه لماشافت امير الواضح إنه اتعصب وخافت من رده:لميــس يله اتأخرنا ع البنات
لميس مش عارفه ليه إرتاحت لما انقذتها ريم من رد امير اللي نظرات عيونه ماكنتش هتعدي عليها الليله بخير
رغده :اومال فين ماما افرحها
مروان ضحك:هههههه أمك مش موجوده
رغده :ليه فينها
مروان حرك كتافه:ولا اعرف
****************
في الجنينه قاعدين يتكلموا ع الكراسي
ريم:ههههههههههههه
رغده بقهر :لا غش غش خلاص مش هلعب معاكم ياغشاشين
ضحكوا ريم ولميس وهما بيجمعو الكوتشينه
ريم:ههههههههه روحي ياخسرانه
رغده قامت ورفعت فونها من ع الطربيزه:أروح أكلم عصفوري أحسن
ريم حبت تضيقها :إلا بالحق امتى راجع عصفورك من السفر مش كأنه طول المره دي(حطت إيدها ع شفايفها بشهقه مصطنعه) ليكون اتجوز عليكي
ضربتها رغده ع كتفها بقوه:ياحمـــاره بتفاولي عليا
ريم حكت كتفها:آآآه والله بتكلم جد خايفه يكون عجبوه الشقر هناك، وقال لازم ماأرجعش إلا وأنا واخد وحده تفكرني بيهم، طبعا انت عارفه هما ماشاءالله حلوين والراجل عايز يصون نفسه هناك
رغده اتعصبت وزقت ريم بعنف
طارت ع ورى من قوتها
وهربت رغده
لميس ميته ضحك ع شكل ريم وهي واقعه علي الارض من الكرسي وبتحاول تشيل نفسها وهي بتضحك وتشتمها في نفس الوقت
ريم مسكت ضهرها وصرخت:آه الحلوفه مش ايد بني ادمه ابدآآآآ دي مرزبه ااااه كسرت ضهري
لميس فاصله من الضحك مش قادره تتنفس من الضحك منظر ريم بجد مضحك جدآآآآ
طلع مروان:سلااا......(سكت وبصلهم بحيره)ايه مالكم
لميس ميته ضحك ومش قادره تتكلم أما ريم قامت تجري علي جوا تلحق رغده
صرخت لميس تناديها بين ضحكاتها:يا غوله البنت حــامل هههههههه
مروان قعد ع الكرسي قدام لميس اللي بدئت تهدى من نوبة الضحك
مروان:ايه مالكم ومالها ريم
قالت له لميس الحكايه ان رغدة زقت لميس ووقعتها من الكرسي وضحك بقوة
مروان ميت ضحك:هههه ههه ههههه تستاهل الي جرالهاا محدش قالها ترفع ضغط رغده الا الكلام ده عند رغده ممكن تموت فيها في مكانها
.........:مــــــــــروان
لفت لميس وشافت امير الواقف قريب منهم
مروان: نعم
امير بأمر :روح لمكتبي جيب الأوراق والعقود اللي في درجي بسرعه
قام مروان:أوكيه
أخد مفتاح المكتب من امير ومشي
امير متعود يتأمر ع إخواته في كل شى ومروان وعادل بيحترموه بحكم إنه الكبير وله هيبته وإحترامه وده قاهر لميس لأنه مغرور ومتكبر
امير بنبره حاره:أنا قلتلك إبعدي عن مروان البعيدة مش بتفهم
لميس حطت رجل ع رجل بغرور:ليه أبويا ولا أخويا أقولك حاضر وتأمر أمر
امير باستفزاز:والله لو اهلك ما ربوكيش انا معنديش مانع اربيكي
وقفت لميس بغضب:إحتــرم نفسك ما تغلطش في أهلي أنا سكتلك كتير
ولفت ضهرها تمشي بسرعه مقهوره منه ومن تقليل إحترامها لأبوها اللي يبقي عمه وأخوها اللي ابن عمه وغير كدا هو ليه ايه عليها عشان يقلل من أخلاقها وتربيتها
بس ايده القويه مسكت دراعها بعنف ولفها ناحيته بغضب وحاصرها
شهقت وبصت له بصدمه وهي بتحاول تشد دراعها من ايده : اوعي سبني
امير بصوت كله غضب:لما اكلمك ما تدينيش ضهرك وترفعي صوتك سامعه
رفعت نظرها له بتحدي ممزوج بقهر:مين بتكون انت علشان تآمرني وكمان تمد ايدك وتلمسني سيب ايدي
رفع حاجبه باحتقار وع وشه إبتسامة سخريه: لا الأخت شريفه وطاهره مش عايزه حد يلمسها
لميس صرخت فيه وهي بتسحب ايدها:سبنيييييييي يانددددددل
ومشت بسرعه بعيد عنه وهي بتقاوم دموعها
*******************
دخلت عليهم كوثر في الغرفه:ريم
ريم فزت واقفه من نومتها:أيوه
كوثر:عندنا ضيوف اليوم اجهزي عايزاكي في البيت
ريم باستغراب:مين
كوثر :أم بسام صاحب أخوكي أول مره تزورنا ما تطلعيش من البيت
ريم فتحت بؤها بعدم إستيعاب:هــــا
كوثر: ها ايه اوعي تنسي فهمتي
ريم ساكته بدون رد لسه مش مستوعبه
لميس بصت لـ ريم لقتها مبلمه وخافت مرات عمها تشك بحاجة قالت بسرعه:إن شاءالله ياطنط
بصت لها وكشرت وخرجت برى الغرفه
لميس نغزت ريم بكتفها بقوه:ريمــــــــــو و و و و و و و و و ه
ريم وعيونها ع الباب:سمعتي اللي قالته أمي
لميس:سمعتها،وفضحتينا ليه ماردتيش ع امك
ريم:مش عارفه زي ما يكون حد ربط لساني لما قالت أمي انهم جاين
لميس بلا اهتمام وقعدت تمشط شعرها:طيب وإذا جم
ريم لفت عليها بحماس:تفتكري جاين يخطبوني
جمدت إيد لميس ع شعرها تشوف صورة ريم المعكوسه في المرايه للحظه وبعدين انفجرت تضحك:ههههههههههههههههههه هبله إنتي راح فكرك لبعيد
ريم بخيبه:أنا قلت يمكن
المغرب جهزوا البنات
لميس لبست فستان ناعم لونه أحمر وحطت مكياج هادي وشعرها خلته سايح ع كتافها ولابسه شريطه حمرا ساتان
ريم لبست فستان طويل ممزوج ألوان زاهيه وخلت تسريحه شعرها مموج وحطت مكياج ناعم
لميس بابتسامه:الله كل الحلاوه دي علشان أم بسام
ريم حركت شعرها باستهبال:أكيد دي امه يعني حماتي لازم اتشيكلها
لميس:هههههههه لاكمان جوزتي نفسك لابنها
ريم بغمزه:إن شاء الله هيتم المراد من رب العباد
نزلوا تحت البنات ولما وصلوا للصالون وقفت ريم فجأه ولفت ع لميس وهمست:شكلي حلو
لميس ابتسمت:أيوه حلو يله بينا ندخل
ضحكت لميس لماشافت ريم تاخد نفس وتعدل وقفتها كأنها بتدخل ع خطيبها مش حريم
دخلوا :السلام عليكم
شافوا واحده في نفس سن كوثر تقريبا ومعاها ثلاث بنات
:وعليكم السلام
سلموا وقعدوا جنب بعض
كوثر عرفتها عليهم :دي بنتي ريم ودي لميس بنت عمهم
فوزيه أم بسام ونظراتها تتأمل لميس:ماشاء الله ربنا يحفظهم
حكوا شويه وقاموا البنات يقعدوا في الجنينه
.....
عند البنات
بيرغوا مع بعضهم وكأنهم يعرفوا بعض من زمان كانوا حبوبين جدا ويدخلوا القلب بسرعه
لميس لاحظت إن مني(بعمرهم) تتأمل ريم وتبتسم ونظراتها غريبه
بشرى طفله صغيره عمرها سنوات بس فضوليه
بشري: مني دي الي كان بيتكلم عنها بسام
ريم وكأن ميه بارده انكبت عليها بصت لـ بشرى بصدمه
مني نغزت بشرى بنظرات سكتتها
لميس بتسحب الكلام من بشرى :بسام
بشرى اتحمست:أيوه بسام شافها وقالنا إنـ.....
مني:بشرى
ريم مكسوفه ومحروجه ووشها احمر من حرقه الدم"يانهار اسوح قايلهم (برقت عيونها) احيه لايكون قايلهم كمان كنت لابسه ايه يااااااااا فضحتي السوده"
مني شافت وش ريم الي احمر وضحكت:سوري ريم ..بس أخويا شافك مره بالغلط ...و.. وإحنا كنا عايزين نشوفك ونتعرف عليكي
بشرى لسانها مفلوت: قال حلوه اوووي
مني برقتلها :بشرى روحي العبي في الجنينه
مشت بشرى مبوزه وريم اتمنت تقوم ترمي نفسها في البسين لحد ماتختفي في قاعه من الاحراج
لميس:ههههههههه
مني مصوبه عينها لريم وتبتسم: بصراحه أخويا عنده حق إنتي حلوه وعسل
ريم ساكته باحراج أول مره تتحط في الموقف ده ومن مين من إخت فارس أحلامها
دخلت رغده وانقذتها من الموقف
وفات الوقت كلام بينهم وريم أختفى الإحراج منها وحكت مع مني وأخدت عليها
رن موبيل مني و قطع عليم كلامهم شافت المتصل وردت وهي تبتسم وتبص ل ريم:يا اهلا.....تمام...هههههه مش وقته ....أيوه خلاص.....أوكيه باي
قفلت الفون :ده بسام منتظرنا بره
ريم خفق قلبها بقوه ووشها احمر من نظرات مني ......خلا ص
ضحكت مني والبنات وودعوا بعض وطلعوا
ريم مسترخيه ع الكنبه بفستانها وحاطه إيدها ع بؤها تتاوب: عايزه أنام
لميس بصت للساعة في ايدها الألماس الناعمه: بدري لسه
ريم قامت:لا دايخه عايزة أنام(مدت ايدها للميس) قوميني
قاموا وطلعوا ع الصاله ع دخلت الشباب :السلام عليكم
ريم لميس:وعليكم السلام
مروان : ريمو ايه رايك في اخوات بسام
لميس لاحظت نظرات العيون العسليه الناعسه وطنشتها
ريم بحماس:يووووووووه لطاف جدا ويدخلوا القلب بسرعة
مروان كلم لميس:وإنتي لميس ايه رايك فيهم
إبتسمت:أيوه ماشاءالله كيوت
امير بنغزه:وأكيد عاقلين ومتربين كويس
لميس فهمت نغزته واتغاظت منه بصتله ببروووود ولفت وشها عنه:ريم يله مش قلتي هنام
عادل:لا أسهروا معايا
ريم :فاضيلك إحنا نايم النهار كله وشبعان
عادل فتح عيونه بصدمه: بسم الله أكلتيني روحي نامي نامت عليكي حيطه
ضحكت لميس وريم ضربت كتفها:وبتضحكي كمان يله إمشي قدامي
اتحركت لميس معاها وهي ماسكه ضحكتها وعادل قال باستنكار:خيـــــر لاتكون خدامه عندك ولا بنتك(يقلد صوتها)يله إمشي قدامي
ريم :وإنت ايش حشرك يارخم
مروان بملل: بقولكم ايه انتو صدعتوا نفوخنا اسكتوا يلا وكل واحد ع اوضته بيتك بيتك
وطلع السلم مع امير
وعادل دفع ريم من كتفها:روحي نامي يارب ما تصحي بكره علشان أشيل الطوبه من عليك
واخد السلم كله جري
ريم صرخت ريم:عدووووووووووووووووووووول
*************
كانت قاعده في الصاله لمارن موبيلها
لميس:hello
هند: هالو ياحلوه عامله ايه
لميس:تمام وإنتي
هند:.cool إسمعي النهارده لازم تيجي عندنا مع ريم
لميس عقدت حواجبها بتساؤل:whay
هند:جاين عندي بنات عمي ونفسهم يقابلوكي ولازم تيجي إنتي وعدتيني إنك تزوريني
لميس إبتسمت: بس كدا .حاضر
هند ضحكت:هههههه اعملك ايه مش نافع معاكي إلا كدا
لميس:أوكي هقول لريم وارد عليكي
قفلت معها ع سؤال ريم:مين
عادل بطرف عينه:يافضوليه
ريم بنفس النظره:وإنت ايه حشرك اقطم انت
عادل بستنكار:إنتي اللي اقطمي معايا في الكلام
ريم بتأفف:أفف عيل
عادل:وإنتي ست اطاطا
ريم فتحت بؤها بترد عليه بس
لميس قاطعتها بزهق:خلا ااااااص بقي أعوذ بالله توم وجيري
ريم :كنتي بتكلمي مين
لميس:هند وعازمنا اليوم
رنا باشمئزاز:يييع لايكون الفلاحه
لميس باستخفاف:أيوه الفلاحه عندك مانع
رنا بسخريه: اونو مش عارفه ازاي مصحباها صدق المثل قالوا الطيور ع أشكالها تقع
عادل بنرفزه:رنا إبلعي لسانك واسكتي
رنا بقرف:مابقاش الا العيال تسكتني علشان دي(وشاورت ع لميس بقرف)
مشت خارجه من الصاله وهي بتقول بغرور:واحده زباله سمعتها ع كل لسان
إنصدمت لميس وعينها علي الباب اللي خرجت منه
ريم: سيبك منها دي تقول أي حاجة علشان مقهوره
لميس رمشت بعيونها بعدم تصديق" قصدها ايه أنا سمعتي ع كل لسان...لا..لا دي وحده حاقده ومقهوره وبتقول أي كلام"
قامت ريم لماشافت لميس سرحانه وأكيد بتفكر بكلام رنا
:ياللا لميس علشان نجهز
قامت لميس معاها مقرره
تطنش كلام رنا
**************
ماسكه فستان أخضر وبنطلون وبلوزه ومحتاره:ايه رايك ألبس الفستان وإلا البنطلون
لميس:إممم لا إلبسي الفستان لأنك أول مره تروحي عندهم
ريم رمت البنطلون والبلوزه ع السرير وهي تلف لغرفة التبديل:أوك
لبست لميس فستان فوشيا ناعم وعليه جاكيت قصير للصدر أبيض بتطريز ناعم بلون الفستان وحطت لمسات ميك أب ناعم وفردت شعرها الكستنائي بأريحيه ع كتافها
أخدت شنطتها وطلعت من غرفتها مرت علي ريم ونزلوا تحت بعد ماكلمت ريم السواق يقرب العربيه قدام باب القصر
**********
قاعدين في غرفه الضيوف بعد ماعرفتهم هند ع بنات عمها
كانوا اتنين بنات عسولات بس وحده خجوله والتانيه جريئه وحركاتها تشبه حركات هند وبينهم خناقات بهزارمش بتخلص
دخلت هند معها كتاب ومدته للميس:ده الكتاب اللي كنتي عايزاه
أخدته لميس وفتحته :وااااو ابراهيم الناجي
بنت1 كلمت لميس:بتحبي الشعر
لميس:أيوه جدا
بنت 2 غمزت لها:طبعا إنتي رومانسيه
لميس ضحكت:مش شرط
بنت2 باصرار:لا أكيد رومانسيه طالماا بتحبي الشعر
ريم:بنت عمي بتحب الشعر وشكلها كلها رقه ونعومه بس تشوفيها تقولي الرومانسيه من هنا وهي من هناك (تقصد أمل)
ضحكت لميس:هههههه حرام عليكي أموله عسل
بنت1 اتحمست: ليه ماجبتوهاش معاكم
ريم:مره تانيه إن شاءالله
هند للميس:ها لميس هتاخديه
لميس فتحت شنطتها:أكيد هاخده
ودخلته جوه الشنطه
إنبسطوا كتير في زيارتهم انبساط ورقص ورغي يعني قاعده فلللللللللله
بعد العشا وصل السواق عندالباب والبنات طلعوا من الصاله عند المدخل يلبسوا صندلهم
لمحت لميس شاب من المرايه اللي كانت قدام باب المدخل وتعكس اللي عندالباب للي بره
وواضح إنه كان داخل بس شافها واقف يبصلها بذهول
رجعت ع ورى بسرعه وداست علي رجل ريم اللي كانت وراها
ريم زقتها عنها كردة فعل:آ آ آ آه مالك
لميس بربكه شاورت ع الباب:فيه حد بره
هند مستغربه:والله
مشت للباب وطلت منه شافت باب الشارع مفتوح
هند لفت للبنات:معقوله بدر رجع
لميس اتحرجت لأن بدر شافها واتكسفت
طلعوا في الشارع ولمحت من طرف عينها شاب في عربيه سوده ورى عربيه السواق واتاكدت إنه بدرركبت بسرعه بعد مافتح لها السواق الباب
