الحلقه ٣٥
عذبني ولكن ..احبني
طلع من المكان.ومعاه موبيله....
كان الاتصال من المستشفى طالبينه بعد ماستأذن من عمه ...سمع حركه ورفع راسه واتحنط مكانه
دق قلبه بعنف وشوق لماشاف
اللي حَرمت علي عيونه النوم...لماشاف حبه من طفولته وقلبه وروحه
طالعه من بوابة القصر..لابسه ببنطلون جينز أزرق وبلوزه انيقه
فوشيا ...وشعرها الأسود اللامع منسدل ع كتافها بنعومه ودلع...
سماعات الايبود في ودنها.وماشيه بدلع ع أنغام الموسيقى...ومانتبهتش له كعادتها بس المره دي رفعت عيونها لعيونه واتفاجأت لماشافته ...
لفت بسرعه ودخلت جوه بعد ما اأخدت قلبه وعقله معاها..
دخل موبيله جوه جيب البنطلون وطلع
نفخت بلامبالاة وعدلت السماعات ع ودانها
فجأه إنسحبت السماعات عن ودانها ولفت وشافت مروان
واقف وفي إيده السماعات.....
رنا بقرف :ايه في ايه
مروان دخل السماعات في جيب
بنطلونه الأسود :إرحمي نفسك واتقي الله أربعه وعشرين ساعه السماعات في ودنك مش بتزهقي
رنا:وإنت إيه دخلك... كيفي أنا حره الله
مروانه بصوت عالي:لا نتي مش حره...الظاهر
إنك نفسك تبقي خاتمتك ع أغاني زي ما ريم قالت
رنا طنشته وقالت:ناولني سماعاتي
مروان باصرار:لا المره دي أخدت السماعات المره التانيه الايبود فهمتي
مشى وطنشها ..إتخنقت منه مووت ..شافت أمها طالعه من جوه:ماما تعالي شوفي ابنك اخد سماعاتي
كوثر تلطف الجو: أخوكي عايز مصلحتك
سمعت ضحكة مروان وإنقهرت
لفت بعصبيه وشافته واقف بيتكلم في الموبيل
قفل الموبيل وقال:ماما فين بابا
كوثر:في الجلسه الي وراه مع خالد ابن عمك
رفعت رنا حواجبها ...وسمعت نغمة فونها اللي حاطتها لنادر
وطلعت تلفونها بكريستالاته الفوشيه وإبتسمت بفرحه وطلعت فوق لغرفتها تكلمه....
كوثر عقدت حواجبها بحيره:إلا فين إختك ريم
مروان بحيره:مش عارف....(وبعدين ضحك)...أكيد في بيت امير عند حبيبه قلبها لميس
كوثر اضايقت ورنت عليها وسمعت صوت موبيلها في الصاله يعني ما اخدتهوش معاها
**************
سحبتها من إيدها يطلعها من غرفته:تعالي مش لازم البس أي فستان
ريم:لا لا ازاي أي فستان...إنتي عروسه ماتلبسيش أي فستان
لميس ماقدرتش إلا تقولها :طيب تعالي هدومي مش هنا
ريم :طيب فين
لميس:في الاوضه التانيه
ملامح ريم اتغيرت لما استوعبت وضعهم...وطلعت من غير ما تقول اي كلمه
وهي غضبانه منهم وبالأخص من امير.
لميس ماقالتش حاجه لأنها لاحظت
صدمة ريم ع وشها لأنها أكيد
ماتوقعتش وضعهم كدا ....
دخلت غرفتها وبدئت مهمه ريم البحث عن فستان يليق بعروسه..
طلعت فستان أخضر فاتح ممسوك بكريستالات برتقاليه وموديله شيك وغريب :ده هيطلع عليكي يجنن
عجبها لميس الفستان وقررت تلبسه..
طلعوا وقعدوا في الصاله..
ريم:شفتي الدور اللي فوق
لميس:لا مقفول
ريم:أيوه امير قفله بيقول مالوش داعي يفتحه البيت كبير ودور واحد يكفينا بيقول لما يبقي عند ولاد يبقي يفتحه
إختقت إبتسامة لميس لماسمعت كلامها...
.....:أووووو ريومي عندنا وأنا أقول البيت منور
قامت ريم وسلمت عليه
امير إبتسم:طيب ليه بتسلمي وإنتي شايفني الضهر
ضحكت:إصلك بتوحشني ...خلاص هسحب سلامي
إبتسم وقعد يبص للميس:اتعشيتوا
لميس طار قلبها لأنها ماجهزتش عشا إنشغلت مع ريم
لميس:لاء
رفع حاجبه وعرفت إنه اتعصب
ريم:شبعانين ...إلاصح يا امير ليه ماجبتش شغاله
امير بكل قسوه:وليه أجيب وعندي لميس طلاما بتعرف تطبخ وتغسل مش محتاج لها أعتقد إنها متعوده ع الشغل والخدمه...
إنصدمت لميس وكبتت دموعها
عرفت قصده.....
طلعت ريم من عندهم...
ودخلت لميس للمطبخ وطلعت
خضار تقطعه ودموعها متحجره في عيونها...
سمعت صوته واقف ع باب المطبخ: قاعدة بتعملي ايه كل ده عندك
ماردتش عليه لأنها لو ردت هتعيط ومش بس كدا ممكن تخبطه بالحله مستفز عذبني انا شخصياٍ.
لاحظ إرتجاف ايدها وحست بيه وقف وراها وايده بتاخد السكينه من ايدها:انا متعشي مفيش لزوم تتعبي نفسك
فار دمها بقوه بقهر ودمعتها نزلت ع خدها ومسحتها بكل قهر وألم..إذا متعشي ليه يجرحها بالكلام مع ريم....لييييييه يذلها ويهينها...
ريم واضح إنها فهمت قصده لأنها اتعودت تسمع تريقته عليها مع رنا
ليه لازم تنهان؟؟؟
كانت لسه عطياله ضهرها وعيونها وجعتها من حبسها لدموعها ..وهو لسه واقف وراها بدون حركه ..حساه انه بيستمتع لما يجرحها ويهينها..ويشوف دموعها...
اتماسكت بقوه مش عايزه تفرحه
في ضعفها....فتحت الميه وغسلت إيدها
وهي حاسه انه لسه واقف مكانه
إنقهرت ودمها بيغلي واتفجرت دموعها لماشافته واقف و ع وشه إبتسامة سخريه ونظرة عيونه المستهزأه...ضربته بكل قوتها ع صدره وهي
خلا ا ا ا ا ا اص مش متحمله حياتها....
إنهارت تبكي وهي بتضربه ع صدره:لييييييه بتعمل فيا كدا...اقتلني....ادبحني.. موتني.. وريحني من اهانتك وتجريحك .
ضمها لصدره وهي بتحاول تبعد عنه وتضربه وهو ماتحركش من مكانه ضمها بكل قوته...
لميس ببكاء لحد مااستسلمت لحضنه:ليه بتعذبني ليه
ماردش عليها وفضل ضاممها وبعدين خرجها وبعدها عنه وشاور ع قلبه :زي ما عذبتي ده
سابها وراح لغرفته...
*
*****************
أمل نايمه ع سريرها بتفكر في مروان
معقوله بيحبني..لا مروان مستحيل يحبني....
إنقلبت للجهه التانيه....طيب ايه معنى تصرفاته واهدائه..
تصرفاته غريبه معاها مرات يحسسها إنه بيحبها ومرات ولا بيحبها ولا حاجة هو بس بيغظها والسلام
غمضت عيونها وضمت مخدتها في حضنها
وابتسمت لما افتكرت الإهداء مروان بيحبها زي ما بتحبه
فتحت عيونها ..بحبه..أيوه بحبه
ساره بتراقبها:أمول
أمل انتبهت لها:نعم
ساره عدلت قعدتها ع السرير
ساره :مالك كدا عماله تبتسمي مع نفسك زي المحنونه
أمل:ها...عادي فيها ايه لما ابتسم
ساره بخبث:لامش عادي...ياللا قوليلي ايه حكايه الاهداء ها
أمل :ا...أي إهداء
ساره ضحكت:هههههههه لامتحاوليش تعملي روحك مش عارفه لانك واضحه ومروان واضح
أمل:مروان
ساره:هههههه أيوه مروان حبيب القلبي
أمل اتفاجأت وسكتت مش عارفه تقول ايه ووشها قلب لطمطمايه
ساره بستهبال:حرام عليكي حسي بيه وفكري فيه تشوفيه في احلامك
أمل انحرجت وأخدت المخده ورمتها ع ساره:سئيله
ساره مسكت المخده قبل ما تضربها في وشها وضحكت بصوت عالي
أمل غطت نفسها باللحاف كلها
وقالت:تصبحي ع خير
ساره:هههههههه وإنتي من أهله ياجولييت
وقامت تقفل النور..
أمل وشها ولع من الاحراج ..معقوله أنا واضحه بس أنا عمري ماوضحت أني بحبه بالعكس أنا ومروان دايما نتخانق سبحان الله ساره دايما فهماني صح
*****************
صحت الصباح ع نغمة تلفونها
وردت وهي لسه بتفتح عيونها
:اهلا ريم
ريم بشهقه:لسه نايمه
لميس بنعاس:أيوه
ريم :اصحي ياللا مافيش وقت الساعه تلاته دلوقت
انصدمت وبصت في الساعه قامت بسرعه وهي خايفه نامت كل
الوقت ده ياويلها من امير ...أوووووووو ماصلتش الضهر ياربي
قفلت مع ريم بسرعه ودخلت
الحمام ...غسلت وشها واتوضت
وطلعت وهي تستغفر لأنها أخرت الصلاة واتضايقت من نفسها .
صلت وطلعت من غرفتها شافت غرفة امير مفتوحه وشكله مش موجود ..
اتفاجأت بيه قاعد في الصاله
لابس بنطلون جينز أبيض وتي شيرت أسود وقدامه اللاب يشتغل فيه وجنبه
ملفات...
رفع راسه وبص لها ورفع حاجبه:صح النوم
مشت للمطبخ وقلبها يرقع خافت انه يكون الهدوء الذي يسبق العاصفه
عملت لها كوبايه نسكافيه وبصتلو مستغربه من هدوءه .. طنشته ودخلت غرفتها
***********************************
قامت بزهق:يعني لازم نروح
امها:أيوه لازم..أبوكي مش هيكسف عمك
نفخت بضيق:والله مليا خلق اروح
دخل لابس بنطلون أسود وتي شيرت بحري وفي إيده كيس:مالها السندريلا أمل ليه مالهاش خلق تحضر حفلة الأمير تشارلي ولا ملقتش فستان.
أمل رفعت حاجبها:أيوه خفف دمك وإنت بس ماعليك إلا تلبس البنطلون والقميص وتمشي..لاوراك فستان ولا شعر ولامكياج...
ضحك:خلاص بس ده اللي شايله همه جيبي عدتك وأنا أحط لك مكياج واظبطلك شعرك
أمل:لاوالله بايعه عمري أنا والله منا ناقصه تحشر كمان الكحل في عيني زي الهطله ساره معرفش ايه الي خلاها تخليك تحطلها
رفع حاجبه بضحكه: والله بلاها انتي الخسرانه
امهم :رائد جبت اللي وصيتك عليه
رائد:لالالالا اخص والله ازعل واجيب ناس تزعل معقول الغاليه توصيني ع حاجه ولا اجيبهاش طبعا جبته
عطاها الكيس وأمل قالت:ايه الي في الكيس
رائد قعد جنب أمه وضمها:ماما متقوليش دي اسرار بين الام وابنها
أمل:احمق أسرار
حرك حواجبه يغظها وهمس في ودن أمه يتكلم وأمه تضحك ع هبل ابنها.
قامت أمل:الحمدلله والشكر ع نعمه العقل
طلعت من الصاله ودخل خالد
:السلام عليكم
:وعليكم السلام
باس راس أمه وقعد بتعب
امهم بحنان:مالك يا حبيبي..تعبان تحب احط لك غداك
خالد :لايا ماما أكلت في المستشفى ..
رائد:اليوم شكلك اتهد حيلك
خالد:جدا ..النهارده كان عندي عمليتين وكلها إستغرقت وقت طويل ده غير الحالات التانيه
امهم بعطف:يديك ألف عافيه حبيبي
خالد:الله يعافيكي ياست الكل
رائد:راجع المستشفي تاني
خالد قام:أكيد هقوم أنام شوي
وصحوني الساعه 8
رائد:يعني مش هتحضر الحفله النهارده
خالد:إلا إن شاء الله بحضرها
إستأذن منهم وطلع لغرفته ..
اتمدد ع سريره وغمض عيونه جت في باله حبيبته وأخد المخده
وحطها ع راسه مش عايز يفكر هلكان ونفسه ينام
............................
لبست فستانها بعد ماطلعت من عندها الكوافيره وخلصت مكياجها وشعرها...
كانت حاطه لها ميك أب ناعم وشعرها خلته مفرود وماسكه خصل منه ع جنب
بكريستال برتقالي ع أخضر..اتعطرت ولبست صندلها العالي
وافتكرت طقمها الألماس الناعم وطلعته من علبته ...
هاجمتها ريحة برفانه ورفعت عيونها شافت صورته المنعكسه
ع المرايه واقف ع باب الغرفه لابس بدله سوده شيك جدا
بصلها بتأمل:خلصتي
نزلت عيونها لما أربكتها عيونه
وهي بتحاول تقفل العقد مش عارفه مالها جرلها ايه مش عارفه تقفل العقد
حست بيه واقف وراها وإيديه تبعد إيديها ويقفل لها العقد...
حبست أنفاسها لما ملس بصوابعه ع رقبتها وخصل شعرها...
رفعت عيونها واتجمدت كل خليه
فيها وقلبها دقاته حست إنه سمعها من قوتها لماشافت...نظرة عيونه اللي قلبتها ....
حط إيديه ع كتافها ولفها ناحيته اتوسعت عيونها بصدمه لما باس جبينها واستمر للحظات...وهي ماقدرتش تتحرك أو تبعده...حست بحراره أنفاسه اللي حرقتها..
بعد عنها وكأنه ندم مافهمتش منه ولا من نظرته حاجه.....مشى من الغرفه وهو
يقول ببحه مهلكه:هستناكي في العربيه
حطت إيدها ع وشها وغمضت...عيونها وهي حاسه بحرارة
وشها..اتنهدت بضيق..ليه ترتبك وينقلب حالها لما قرب منها...
ليه تتجمد وماتقدرش تتحرك...لما يحط عيونه في عيونها واه من عيونه..
لبست لميس حجابها وطلعت ...
فتح لها السواق الباب وركبت
جنبه وهي ساكته..حتى هو
قاعد في صمت...
********************************
في الحفله:
لميس قاعده مع بنات عمها
وتفكيرها كله عند امير..
نفضت أفكارها...مايستاهلش أفكر فيه....
التفتت تشوف الناس وجات عيونها ع بنت بتلعب مع ولد
:ايه يالموس عماله تبحلقي فيها كدا ليه لا يكون هتخطبيها لحد
التفتت لأمل وقالت:مين عندي اخطبلو
أمل لاحظت الحزن كسى وشها
وقالت بسرعه وهي بتسحبها
معاها:تعالي نرقص
ريم شافت أمل ماسكه ايد لميس وبترقص معاها واتغلت:الخونه ولا نادوني معاهم
ساره ضحكت:روحي لازم يعني دعوه
ريم:تقومي معايا
ساره:لا ماليش مزاج عايزه اقعد
ريم حركت حواجبها: يابت إنتي ناويه تعنسي قومي وتشوفك واحده من العواجيز دول بعدين تخطبك لابنها
ساره:لا ا ا ا اوالله ليه قاعدة فوق راسك
ضحكت ريم:أيوه عايزه أتطمن عليكي
ساره:تطمني ع نفسك الاول وبعدين فكري فيا
ضحكت ريم:لامتخافيش مطمنه
ساره رفعت حاجبها بشك:بنت
ضحكت ريم: الا يا ساره تفتكري ليه عازمين ناس عواجيز في الحفله
ساره:وإنتي مالك ما تقومي تطرديهم احسن
ريم:يمه منك ماحدش يقولك ع حاجة اروح اتمشي احسن
قامت وساره ضحكت عليها
****************
