عذبني ولكن احبني

البارت 56

الحلقه ٥٦
عذبني ولكن احبني
ما قبل الاخيره...
منه محمد
***********
بعد مارجعوا لبيوتهم...أمل رجعت وإنصدمت من اللي

سمعته من البنات...ماكانتش متوقعه يحصل ده كله في ريم وقررت تروح لها...

ريم إخيرا اطلقت من عبدالله وإرتاحت كتير..لما بعدت عنه

اليوم البنات كانوا متجمعين عندها..خلوها تطلع من غرفتها وقعدوا في الجنينه

علشان تغير جو...

امل بحماس:بنااااات هو انا قلتلكم

لمياء:خيــــر....

امل بحماس:وووواو ...هبقي خاله.

البنات كلهم التفتوا ع ساره :بجد

ساره إبتسمت باحراج...وتعالت صرخات البنات....

جت لهم تولين:مالكم..

قامت أمل وسلمت عليها...تولين اتفاجأت لماشافتها...
مانستش إنها كانت حبيبة مروان واللامر ده كان محسسها بالغيره...

حتى لما تفكر نفسها إن مروان ليها هي وبس وامل متجوزه....... أما أمل فحياتها اتغيرت لماحبت طارق ...طارق قدر يخليها تحبه وتنسى مروان..وتحبه هو...صحيح بينشغل عنها كتير في شغله لكنها بتحاول تأقلم نفسها ع الوضع وتتكيف معاه...طلعت موبيلها من جيب بنطلونها

وردت:نعم مروان..

إستغربت لماقال لها تيجي له في جناحهم...لأنه المفروض يكون في الشركه..ايه الي جابه...

إستأذنت من البنات وراحتلو .. دخلت جناحهم وشافته واقف قدام حوض الأسماك اللي بطول الجدار... قرب منها لماشافها واقفه بصاله بترقب ..إبتسم وهو بيقول:مالك واقفه تبصيلي كدا ليه..

إبتسمت وبعدت ايده عن وشها:انت مالك...اول مره تيجي من الشركه دلوقت

مروان:انا ماروحتش النهارده للشركه..

طلع ورقه من جيبه وعطاها لها:روحت أجيب دي

إستغربت وبصتلو بحيره ..ولماشافته بصصلها مبتسم فتحتها...

اتجمدت إيديها ووسعت عيونها بصدمه لماقرأت اللي فيها...اتجمدت دموعها في عيونها وقلبها خفق بشده...

رفعت عيونها الي لئلئت دموع وهي بتقول بصوت مخنوقه حروفه:أ..ازاي ...

مسك ايدها وقعدها جنبه وهو بيقول:قلتلك هجيبها..وهقطع لسان اللي يمسك بكلمه

بصت له :بس بس ازاي قدرت..بابا مستحيل يدهالك مستحيل

مروان بتردد وبعدين قال:أخدتها من أمك...

تولين بصدمه:أمي...

نزلت نظراتها للورقه وبعد دقايق همست :مش عايزه تشوفني صح...

مروان وإيده ع شعرها:هي الخسرانه...

مسحت دمعتها اللي نزلت واتنفست بقوه وواضح إنها بتحاول تمنع دموعها من النزول وهي باصه في الورقه...أخيـرا ثبتت نسبها أخيرا إرتاحت ..وتقدر ترفع راسها بين الناس بثقه...

آلمها إن أمها رفضت تشوفها..لكن دلوقت خلاص مش محتاجلها ..

مش محتاجه لا لأبوها أو أمها..هي عندها مروان..مروان وبس...ومش عايزه غيره

رفعت راسها وبصت له...مافيش كلمه في الدنيا ممكن تعبر له عن اللي جواها..حبها.. عيونها بتشكره ع حاجه عمله ليها وعلشانها...مروان عوضها عن كل حاجه..

خانتها دموعها بهمس :مــــ..مروان

ضمها له وكل تعبير جواها وصل له من عيونها...حاسس بكل وجع هي حاسه بيه ..كان سامع شهقاتها وصوت بكائها اللي بيزيد...قوة قبضتها ع قميصه حسسته بمقدار ألمها وضعفها مشاعرها المختلطه..

كان نفسها يسحب أمها سحب ويغصبها تشوفها....لكن مسك نفسه...للان مصدوم من نظراتها الغير مباليه والبارده ولا كأنه كان بيتكلم معاها عن بنتها...مش معقول في أمهات زيها.......زاد في إحتضانها وهو بيمسح ع شعرها...ويوعدها جواه إنه هيعوضها

عن كل عذاب..ويكون لها الأب والأم والحبيب...

انت ليا انا لوحدي
اللي زيك روحي تطمن معاه
نفسي اقولك ألف حاجة انت ليا حاجات كتير
أنت قلبك خلى عمري يبتدي كده من جديد
انت سندي وانت ضلي
الحلو اللي فاضلي من الحياه الحياه

***************
كان قاعد في الجنينه ...وصوت صرختها باسمه تتردد في باله...

مش مصدق إنه سمعها نطقت باسمه...كانت تناديــه تستنجد بيــــه....معقوله لسه بتحبه ...لكن الموقف انها تتجوز غيره مش قادر ينساه....اتنهــــد بضيق...مش عارف يفكرحس بحد قرب وقعد جنبه وشاف مني..

كانوا ساكتين وفجأه قالت مني:ريم اتطلقت...

شافته التفت بصدمه وبص لها وبعدين رجعت ملامحه تكشر ورجع يركز في حمام السباحه

مني اتنهدت :تعرف ان دي مش أول مره يعملهاعبدالله...

التفت عليها بصدمه:ايييييييييه...

مني :عملها قبل مايخطبها وامها اجبرتها إنها تتجوزه...لكن الحمدلله ماقدرش عليها...

بسام :إنتي بتقولي ايه يا مني

بصت له: بقول ان ريم بتحبك يابسام...وإنت بتحبها وكنت هتخطبها لولا الموقف اللي شفته
وكنت بتظن إنها خانت حبك...ريم ماكانش ليها ذنب كل ده كان من تدبيره هو واخواته....ماتضيعهاش من ايدك زي ماكنت هتضيعها قبل كدا...

قامت لكن بسام مسكها وهومش فاهم حاجه مش قادر يستوعب الي قالته...ازاي عرفت بالي حصل: مني انتي بتتكلمي بجد

إبتسمت وهي بتقول:أنا سمعت من واحده من البنات ..وعرفت إن ده سبب جفاك لأنه في اليوم اللي رجعت فيه مقلوب حالك وعرفت السبب...ماتضيعهاش من ايدك بسام...

مشت وسابته في دوامة صدمته
مش مصدق إن ريم بريئــــه وهو
ظلمهــــا وكان هيضيعها من ايده
...
*************
بعد مادخلت للبيت قلعت فستانها
وقالت وهي بصه عليه وهو طالع من مكتبه وفي ايده ملفات
: خارج...

طارق:أيوه لازم أرجع للشركه عندي إجتماع..

شاف الضيق في ملامحها وهي بتقعد ومشي

كانت مقهوره ومضايقه كان نفسها تقعد معاه..طول الوقت مشغول عنها بشغله يااما في الشركه أو في مكتبه...بدءت تمل من الوضع

إستغربت لماشافته داخل وقالت:نسيت حاجة.

طارق:أيوه...

قامت وهي تقول:ايه هي..

بص لها وقال:إنتي..

بصت له بحيره:أنا..

طارق:أيوه..يالله لبسي هدومك وتعالي

أمل باستنكار:ع الشركه..

ضحك ع ملامحها المتفاجئه وقال:لا عازمك ع العشا ..

لماشافها مستغربه قرب منها وقال بحنيه وإيده تتدخل شعرها اللي منساب ع كتافها:أنا عارف إني مقصر معاكي وشغلي واخد كل وقتي...وعارف إنك مليتي
من الوضع..وأناعذرك مافيش واحده ترضى وتتحمل إن جوزها يكون مشغول عنها طول الوقت..بس أوعدك إني أحاول قدما أقدر إني أوفق بين البيت والشغل...

احمر وشها خجل وخفقات قلبها زادت لما باس جبينها وحضنها..

فتحت عيونها ع إتساعها لما همس بحب:بحبـــــك...

هي تهيأ لها ولا بجد بيحبها ماكانتش متخيله إنه هيصرح لها بحبه وخصوصا في الوقت ده..حست نفسها ولعت وهتموت من الخجل ..

بعدت عنها وهي بتقول بارتباك وخجل :هروح البس حالا

استغرب لماشاف وشها المحمر وعرف إنها هربت بسبب خجلها...ضحك..واتحرك عشان يطلع يستناها بره..وزاد ضحكه لماشاف فستانها ع الكنبه..نست إنها سيباه هنا...

**********************
كانوا كلهم متجمعين كالعاده في الجلسه الشبابيه في قصر الجوهري

مشكليــن دايره وبيلعبوا كوتشينه ماعدا بسام اللي قاعد بعيد قدام التلفزيون..ومش مهتم اصلا.

سرحان وعقله عمال يعيد ويزيد في الكلام اللي قالته إخته مني...

رائد بصوت عالي:في نا ااااس قاعدين يعني قال ايه متابعين وعقولهم وقلوووبهم في مكا ا ا ان تاني.. ...ده شو بنقوله

عادل بئلش:عا شق ..عا شق

ضحكوا كلهم لأنهم عرفوا إنه قصده بسام ..

اللي بصلهم وجات نظراته ع عيون مروان اللي بصصله...بصمت..

حول نظراته عنه لماجه في باله بسرعه الموقف اللي وقع فيه

لما عماه حبه وغضبه وإنهال ع عبدالله قدام مروان اللي أكيد اتفاجأ من إندفاعه وشك في الموضوع..

وقال ببرد:خليك في لعبك إنت وهو...

قام وهو بياخد موبيله من ع الأرض ويدخله في جيبه:أنا ماشي

رائد وهو يرمي ورقه : ع فين رايح ياحلو لسه بدري..

بسام:ورايا شغل مش زيك تنام لحد ما يقولك النوم إرحمني..

رائد شهق :قول ماشاءالله ياحقودي حتى ع النوم حاسدني يمه منكم يامعشر القررين..

بسام بتريقه:كلها السنه دي وتنضم لمعشرنا

طلع ووقف وهو بيفكر يفاتح مروان في الموضوع وإلا يأجله..

قطع أفكاره ايد مروان ع كتفه:ليه واقف..

التفت:هاه ماشي دلوقت

مروان بصله بتفحص:بسام ماعندكش حاجة عايز تقولها

سكت بسام وبعدين إنطلقت الكلمه من بؤه من غير شعور...: ريم

مروان بدهشه:ريم..

بسام إرتكب لماشاف ملامح مروان وقال:أ أيوه ريم...

بص لمروان لماطال سكوته وشافه بصصله بنظره مافهمهاش بصمت وقال:كنت بتحبها...

اتفأجأ من كلامه وماقدرش يقول حاجه.ماكانش متوقع إن مروان يقولها كدا صريحه

مروان اتنهد وبعدين قال:أنا عارف إنك بتحبها..بس ليه بتطلبها دلوقت ما كانت قدامك طول الوقت .

بسام:عارف إني اتأخرت..بس أنا شاريها..ويشرفني إنها تكون حلالي

إرتبك لماشاف نظرات مروان الصامته..قبل مايضربه ع كتفه ويحضنه بفرحه:ما لسه بدري ياغبي...

زفر براحه وهو يضربه بنفس الضربه:يقطع شيطانك وقفت قلبي ...

ضحك مروان وهو يبعد عنه وبسام يقول بضحكه:راضي تقول عني غبي وحمار كمان بس جيب لي الموافقه وارحمني

إبتسم مروان:إن شاء الله خير..بس مش ضمنلك ..اظن عارف بعد اللي حصل لها ..

قاطعه بسام:عارف

مروان بابتسامه:أوك ..

********************
إبتسمت لما حست بإيديه لفت حوالين وسطها لفت وشها تبص له لما باس خدها...ولسه هيقرب ينزل ع شفايفها و

ضحكت لما إنقلبت ملامح وشه لما سمعوا صوت ريم:لميـــــــس...

بعد عنها ودخلت ريم المطبخ
امير بيضرب ريم ع جبينها:إنتي متعرفيش تخبطي ع الباب قبل ما تدخلي البيت..

ريم ايدها ع جبينها:بيت أخويا استأذن ليه بقي

امير رفع حاجبه:لا والله...

لميس بصت وفهمت ملامح ريم الغريبه قبل ماترسم إبتسامه ع وشها لماشافت إن اميرموجود...

أخد اميرالفنجان من ايد لميس وهو طالع من المطبخ لمكتبه...

هتفت بخوف لماشافت ملامح ريم اللي إنقلبت فجأه بمجرد خروج امير

ضمتها:اسم الله عليكي...فيكي ايه ياقلبي

قاعدتهاع الكرسي وريم تقول بصوت مخنوق:بسام خطبني..

اتفاجأت لميس وقالت بفرحه:بجد امتى...

ريم وهي تشد ع إيديها بارتجاف:مروان قالي قبل شوي..

لميس باستغراب:طيب ليه إنتي بترتعشي كدا

لماشافت نظرات ريم قالت بخوف ودهشه:بنت لايكون هترفضي..

قعدت ع الكرسي قدامها وهي تمسك ايديها بحنان:ريم مش ده اللي كنتي تتمنيه..مش بسام حبك وحلمك..ماتتخليش عنه علشان اللي حصل لك إياكي تتخلي عنه علشان تجربه مَرت حتى مش من إختيارك..

ريم والدموع غرقت عيونها:بس .بس خايفه

لميس :وليه تخافي ..إياكي تقارني أو تشبهي بسام بعبدالله بسام غير وإنتي عارفه والكل عارف اخلاقه ..

ريم بصوت مخنوق:عبدالله الكل عارفه وابن خالتي و..

لميس:تعتقدي لو بسام شبهه وزيه كان مروان صاحبه...ويفضل رفيق عمره....او انتي حتي تحبيه....ياحبيبتي متخلطيش بينهم ابدا وانسي عبد الله وانسي الي عمله وفكري في بسام وبس....بسام الي حبتيه وبقي حلمك الي ياما حلمتي تحققيه...ودلوقت اهه هو في ايدك ومش لازم تضيعيه وتتمسكي فيه بكل قوتك

حركت راسها بأيوه وهي تمسح دمعتها..

دخل امير لابس بدله ماركه وطالع موز ابن الايه وفي إيده شنطته وإيده التانيه الفنجان..قال وهو بيحطه ع التربيزه:ياساتر يارب الكلام والرغي مش صابرين لحد ما تقعدوا زي البشر في الصاله .

سكت لماشاف ملامح ريم:ريم ماله وشك..

قالت لميس لماشافته جاي لريم وهي بتقوم وتحط ايدها ع صدره تمنعه وهي تقول:تعبانه شوي..

ومسكت دراعه وسحبته لبره وهو بيقول وعاقد حاجبه:من إيه..

لميس خافت يقعد ويزن ع راس ريم علشان يعرف مالها .. مسكت ايده ومشت معاه

للباب:مافيهاش يا حبيبي شوية صداع ويخف

امير:من ايه..

إبتسمت لميس :يووووو..لازم تعرف اسرار نسائيه يله انت مع السلامه لاتتأخر..

إبتسم ورمالها بوسه ع الهوا وطلع.

إبتسم واتأوهت بألم لماضربتها ريم ع ضهرها متعصبه:اسرار نسائيه هاه..ع بالك يعني مش هيفهم يا منبع الغباء..أحرجتيني

ضحكت لميس وقالت وهي ترد لها الضربه :يامنبع الهبل ماتضربنيش ع ضهري تخيلي أكون حامل وأسقط بسببك..

ريم بفرحه.:واللــه حامل

ضحكت لميس:بت غوري قاعده بقولك تخيلي مش بجد حامل عبو غبائك ..

**********
مروان ما فتحش ريم في موضوع خطبتها من بسام..مع إنه كان شايف تساؤلات بسام وتوترته وشروده من إنتظار ردها ولهفته بس مش حابب يضغط ع إخته...عايزها

تفكر ع مهلها وتاخد راحتها..مش عايز يظلموها مره تانيه...

أخد موبيله يرن ع السواق يجهز العربيه..والتفت بينادي تولين
يستعجلها لأنهم اتأخروا ع زواج سميه...شافها طلعت من الغرفه بفستانها النيلي الناعم عطيها
أكتر نعومه ووشعرها الأسود الكيرلي المنسدل ع ضهرها بلمعان وحيويه.. ريم حاولت معها ترفع شعرها بتسريحه حلوه لكنها ماكانتش بتحب ترفع شعرها كانت بتحب تخليه ع طبيعته..

وقعت الاسوراره ع الأرض وإنحت تاخدها ..أخدها من ايدها ومسك ايدها يلبسهالها..وهي بتقوله بابتسامه ناعمه:سوري اخرتك

إبتسم وباس ايدها:طيب إمشي ما تخلينيش أتأخر زياده...

إبتسمت بخجل وسحبت ايدها وراحت تاخد شنطتها..

****************

دخل الغرفه وهو بيقول:خلصتي..

شافها واقفه تحط اللمسات الأخيره:أيوه خلاص...

فتحت درجها تطلع طقمها وإستغربت لماماسمعتش صوته
رفعت راسها لقته بصصلها..

لميس:فيه ايه..

قرب ومنها وهمس في ودنها:إرحميني...

إبتسمت وهي تدفعه بخفه عنها وتلف تاخد طقمها الألماس ولما مد ايده هياخده منها كأنه افتكر موقف وفجأه ضحك...وضحكت معاه...وهي بتدهوله.

قال بابتسامه يقصد لما كانوا بعاد عن بعض :تصدقي كنت أتعمد اقفلهولك لأنه الوحيد اللي كان بيخليني أقرب منك..

لميس بنظره خبيثه: عارفه..

لماشافت نظراتها اللي فهم إنها ماكانتش تمانع لأنها كانت عايزه تكون قريبه منه بالمثل.. قالت لماإنتبهت للي قالته بخجل:أقصد...يعني..هو...

ضحك وسحبها وضمها:والله بحبك...

*****************
كانوا ميتين ضحك ع شكل سميه
المتوتر والخايف حركة إيدها الكتيره ونظرات عيونها...كانوا عارفين السبب اللي مخليها بالحاله دي عارفين إنها فرحانه ومكسوفه ومتلغبطه .. ...مع إن في يوم كتب كتابها ماكانتش في التوتر والخوف ده..

نسرين بتريقه:لالالا متقوليش خايفه ومكسوفه وكدا ومعرفش ايه انتوا اربعه وعشرين ساعه لزقين لبعض

ضحكوا البنات وقالت سميه وهي تمسك ايد نسرين وتحطها ع قلبها:حسي ياصندل

كانت بنبضات قلبها سريعه وإرتجاف ايديها...صعبت عليها وضمتها وهي تقول:الف ألف مبروك سوسو...

إبتسمت سميه وقالت وهي بتضربها بتضيع دموعها مش عايزها تنزل:غوري شوفي باقه الورد بتاعتي فين لحد دلوقت ما جابهاش عادل اكيد نساها جنب التورته في صاله العشي عارفه حركاته

ضحكت نسرين : أول مره أشوف عروسه تضرب إختها...

طلعت لصالة العشى تشوف عادل فين

دخلت صالة العشى وشافت باقه الورد ع التربيزه........شهقت لماسمعت حس رجالي جاي من جوه نزلت بسرعه تحت التربيزه واستخبت.....
سمعت صوت حس عادل وصوت صاحبه أكيد رائد...
كانوا جايبيبن التورته حطوها ع التربيزه وقال عادل لماشاف باقه الورد:اااه ياحوستي السوده يا نا ياما من سميه ماعطتهاش الورد انا هطير يا معلم قبل ما تفجر صاروخ فيا وفيك وفي القاعه كلها

ضحك رائد لما مشي عادل وشاور للنوادل يطلعوا لمااتأكدت إن كل التجهيزات أوك ...وقف لما رن موبيله ورد بغضب جهوري:نعــــم...

غمضت عيونها بصدمه لماسمعت نبرة الغضب في صوته أول مره تسمعها..وهي
تدعي ربنا ان الليله تعدي ع خير

رائد:وبعدين معاكي أنا مش قلت لك ماتتصليش بيا مرة تانيه ومش عايز اسمع صوتك لا انتي ولا غيرك......وانا مش بحبك افهميها بقي......ايوه بحب.....بحب واحده تسواكي وتسوي عشره غيرك......
......شوفي يابنت الناس أنا قطعت علاقاتي كلها وغيرت رقمي أكتر من مره علشان البنت اللي بحبها...وماعنديش أي إستعداد أخسرها علشانك .....فخلي عندك شويه من الاحمر ومتتصليش تاني او تدوري علي رقمي مره تانيه...

قفل الموبيل ونفخ بضيق ومسح وشه بايده

كانت بتسمعه ودموعها ع خدها ومغطيه بؤها بايدها تمنع شهاقتها....رائد بيحب

#######################