الحلقه 39
عذبني ولكن احبني
منه محمد
البنات بعد الفطار حبوا يتمشوا بالمزرعه..
ورن موبيل لميس وردت:هالو
اتجمدت مكانها وكتمت شهقتها المرعوبه لماسمعت صوته:اهلا ميسو..
اتنرفزت وقلبها ضرب:مين معاي
......:اخص عليكي لحد دلوقت مفتكرتنيش ياقلبي..
بعصبيه:ولا عايز افتكر..
قفلت الموبيل وقلبها طلع من مكانه من الخوف ...ده مين وازاي عرف رقمها وعايز منها ايه .
مانتبهتش لنظرات دلال الخبيثه وإبتسامتها المتوعده...
شافوا الشباب ماشين قدامهم
أما لميس خافت يرن الموبيل قدام امير فرجعت للبيت
رائد:لا ا ا ا ا ا ا اإله إلا الله.ماشاء الله فريق كرة قدم مش بنات..
سميه:قول ماشاءالله شايف اخواتك معانا...
امير إستغرب لما ماشافش لميس معاهم...
مروان:اخبارك نجلاء(بنت خاله)
نجلاء بخجل:بخير
أمل نطقت الغيره من عيونها المعني ايه بقي يسلم عليها هي لوحدها
ومروان ضحك جواه بنبساط لماشاف نظرات أمل الناريه
**********
كان بيتمشى وهو بيرغي مع فرح ومندمج معاها بالكلام..
شاف إخته بعيد ومعاها واحده في الاول معرفهاش قفل الموبيل وقرب منهم واتنحنح علشان تنتبهلو
رائد بخف دمه:سلام
أمل:اهلا كنت بتكلم مين من شويه والضحك واصل لبنها
رائد شدها عليه:إنتي مش هتبطلي الخصله السوده الي فيكي بجد مش طبيعيه ادي شويه منها لحد
أمل:ها ها ها تضحك
رائد:عارف من زمان إن دمي خفيف
همست:أمل أنا راجعه..
رائد :عامله يا نسرين
نسرين اتفاجأت وقالت:بخير
أمل:عيب بلاش استظراف و اعقل
رائد بخبث:بقولك ايه يا نسرين الا المعطر خلص لأني بصراحة حبيته (وغمزها)
نسرين تنحت وعرفت قصده واتغاظت لأن أمل بصلهم باستغراب:أي معطر.
نسرين بغيظ:أيوه خلص....ولفت مشت بعصبيه راجعه
رائد بصوت عالي علشان تسمعه:ولايهمك ياحلوه أجيب لك غيره
أمل:انت ايه حكايتك يا عندليب
رائد ضحك:إيش دخلك يأم الرخامه
لف ماشي وهو بيضحك ع نسرين اللي واضح إنها اتنرفزت
أمل لحقت نسرين:تعالي إنتي ايه حكايتك إنتي ورائد
نسرين"ربنا يهدوه هقولها ايه دي ومش هخلص منها ":ماعنديش حكايه
أمل بنص عين:عليا أنا..طيب ايه قصة المعطر ها..
نسرين قالت لها الحكايه وأمل ماتت من الضحك..
نسرين بعصبيه:اظاهر مش اخوكي بس الي ضارب لا انت كمان
ومشت وسابتها
*************
مروان بابتسامه وتريقه:حمد لله ع السلامه يا بو مرجان
بسام إبتسم وسلم ع مروان
مروان:اهلك جم معاك..
بسام:لاوالله مشغولين
دخل بسام وسلم ع الرجاله اللي رحبوا بيه.
اما البنات كانوا بيتمشوا ووصلوا عند موقف العربيات....
ريم:الله كل دول عربيتنا
نسرين:بنات خلونا نرجع لاحسن واحد من ولاد عمنا يجي هنا
ريم:وإذا عادي طلاما لبسين باحترام ومش عريان مش فيها حاجة
ريم:دي ال بي إم السوده لمروان.
أمل إبتسمت...أما رشا قربت من العربيه تتفرج عليها ومبهوره وبتفكر لو هي مراته كان العربيه دي ليها والبنات بيحسدوها في المدرسه
أمل امنيتها تسحبها من شعرها وتحوس بيها الارض..
نجلاء:وا ا ا او همر بتاعه مين
ريم:لأخويا عادل
نجلاء:حلوه وشيك بس العنابي أحلى
أمل:السوده اشيك
سميه: بتاعه مين العربيه الرياضيه المدرعه دي
أمل:لرائد..
سميه:يجنن لونها ابيض كمان واووو
ريم:عادي رائد عقله ابيض زي عربيته ماشفتيش اوضته بيضه زي عقله
سميه: صادقه والله ياريمو
دلال بتدور ع عربيه امير وشافتها حبت تقهر لميس وقالت بدلع وهي ماشيه ناحيتها:دي عربيه امير صح...فكراها اكتر من مرة ركبت فيها معاه
لميس بصت لها بغيظ ..لا كمان راكبه معاه في العربيه..
نجلاء:دي بورش صح..
دلال بدلع :أيوه بس نفسه يغيرها
لميس مقهوره ونفسها تقوم تلطشها قلم يلوحها
ريم عايزه تقطع لسان دلال :أيوه صح نفسه يغيرها لانه قرف منها بس ناوي يشتري عربيه ع ذوق لميس..
إبتسمت لميس لماشافت دلال سكتت..
أمل:بنات بتاعه مين العربيه الفخمه دي
كانت بتشاورع بي إم لؤلؤي واقفه بعيد..
سميه:مش عارفه أول مره أشوفها
شافوا فهد جاي لهم:بتعملوا ايه هنا
أمل:فهودي عربيه مين دي هو في حد هنا
فهد التفت وبص لها:مش هقول وانتوا مالكم
أمل:مسكته من قفاه انطق ياض
فهد بعناد:لا ويلا روحو اوضكم ايه الي جابكم لمكان العربيات
أمل:مش هتحتح من هنا لحد ما تقول..
فهد سكت شوي وبعدين بخبث:بشرط
أمل:إشرط
مد إيده لها يعني فلوس..
أمل:ايوه ماشي مش معايا دلوقت.
فهد:طيب وانا مش هقول..باي
سميه:لا لا تعال بنات طلعوااللي معاكم...
جمعوا البنات وعطوه
فهد وهو بيعدهم:والله انتوا حشرين موت
أمل:ولا إخلص وقول
فهد:دي عربيه بسام صاحب مروان
ريم طار قلبها ..مش مصدقه بسام هنا..
لميس همست لها:تاتا تاتا طلعوا عيونك..
ريم إبتسمت ..وبصت ل دلال بتراقبها...
رجعوا البنات مكانهم وريم تفكرها مع بسام
***************
دخل فهد وفي إيده الفلوس..
رائد:جبت الفلوس دي منين ياض
فهد:عطيه ربنا
مروان:من مين
فهد:هههههههه مش هتصدقوا من مين وليه
رائد:قول مش بحب افكر
الكل: هههههههههه
فهد :دوول من البنات ... دفعوا كل دول علشان يعرفوا عربيه بسام لمين
رائد:ياحلاوه كل دول علشان يعرفوا عربيه مين
خالد:ايه الي جابهم هناك
بسام:هههههه كويس عشان تعرف قيمتي عربيتي جابت لك فلوس
فهد:و شكلي بعزم مصر كلها... شوفوايطلع لي كام ع كل عربيه
رائد:هههههه والله تتحول لمليونير...ونقسم بالنص سوي سوي
***************
في مكان اجتمع فيه الشر والخبث
:وبعدين معاك ..قلت لك عايز أشوفها
بتردد:ماقدرش خايفه تعلم عليا
:بتنفذي اللي أقولك عليه ورجلك فوق رقبتك فاهمه
خافت منه:طيب طيب قول
:إسمعي اللي أقوله ونفذيه بالحرف الواحد ومش عايز حد يعرف
:طيب
:؟ ؟ ؟ ؟ ؟ ؟....
************
البنات كانوا قاعدين برى بعيد
سميه نايمه وراسها في حضن امل وميته ضحك...
نسرين وشها أحمر ومتعصبه ضربتها بقهر:ضحكتي بلا ضروس إن شاءالله..
امل:هركب طقم وحركت حواجبها والله ووقعتي الموز
نسرين بعصبيه: احمق موز
أمل:ههههههههههه
غصب عنك والله موز كل الصفات الحلوه فيه قلب اخته
نسرين:أيوه القرد في عين أمه غزال..
أمل:ع فكره انا مش هسمحلك تقولي عن أخوي قرد
نسرين خافت أمل تزعل:اسفه مش قصدي وبعدين ده مثل يعني
أمل:يعني معترفه إنه موز
نسرين بحده:لا...
جت عندهم ماشيه بتردد وقالت :ريم..
ريم:نعم
رشا:مروان عايزك
أمل اتفاجأت لايكون كانت عنده ولا متعلقه بيه ...اتغاظت منه اكتر معقول تكون كانت عنده وتحكي معاه لا وكمان له عين يقولها تنادي اخته
ريم رفعت حاجبها:فينه ....وليه مارنش علي موبيلي
رشا قعدت وانبسطت لأن أمل واضح إنها إتغاظت ولقتها فرصه فحبت تزود و
قالت بدلع وغنج:معرفش بقي هو قالي اناديلك ...روحي هتلاقيه قاعد في الجلسه الي وراه
أمل فتحت عيونها بوسعها لما قالت قاعد وراه لأنه بعيده والمكان هادي وفاضي ايه الي وداها عنده وبعدين دي اوضه فاضيه
ريم:وأنا ايه يوديني هناك ده مكان بعيد
سميه :روحيلو بسرعه لا يتنرفز
قامت ريم ونفضت بنطلونها وراحت.
*************
دخلت فعلا للمكان ولا لقت حد فيه...فكرت انه مقلب من مروان ومستخبي عنها
دخلت لجوه ونادته:مروان
سمعت الباب بيتقفل ولما لفت شهقت بخوف:عبدالله...
عبدالله مهبول عليها وفحصها من بنطلونها لشعرها المفرود
بابتسامه خبيثه:ياعيون عبدالله..
وقع قلبها من الرعب وهي شيفاه مقرب منها
لزقت في الجدار بخوف:إنت بتعمل ايه هنا...انت اتجننت...ابعد عني
حجزها بين إيديه اللي ساندها ع الجدار وقال:أيوه مجنون وبحبك ..إشتقت لك
غرقت عيونها دموع وهي بتحاول تدفعه وتبعده عنها:ابعد عني واوعي تلمسني ...الله يخليك إبعد..
عبدالله لمس خدها :إنتي ليه مش فهماني...انا بحبك ياريم بحبك
شالت ايده عن خدها بقوه وصرخت فيه:وأنا بكرهك بكرهك انت مش بتفهم ابعد عني
قست نظرته وصرخ فيها:طبعا مش قلبك لبسام أكيد طبعا مش هتبصيلي ولا حتي تشوفيني
شهقت بخوف..ازاي عرف.
مسكها وقربها منه بقهر:طول عمري بحبك ومش شايفك غيرك وإنتي عايشة لي قصة حب مع صاحب أخوكي...ولافكرتي فيا ياعشيقة بسام..بس إحلمي تكوني له لأنك ليا أنا...
اتغلت منه واتفجر قلبها قهروكره ..ملت من ملاحقته ليها
ومش طايقه قربه صرخت فيه وهي بتزقه عنها:ايوه بحبه وبكرهك ومش طايقك يا اخي افهم وخلي عندك كرامه
طلعت من المكان تبكي وطلع وراها عبدالله وفي قلبه نار وحقد
إبتسم بسخريه إنتي ليا ياريم...وهتشوفي.
********
كان بيتمشي وهو بيتكلم في الموبيل اتفاجأ لماشاف ريم طالعه من غرفه بتجري
وإنصدم وحس رجوله إنشلت وقلبه إنصهر لما شاف عبدالله طالع وراها من نفس الغرفه وإبتسامته ع وشه وقع الموبيل من إيده...
هو ده انصاف اني انا احبك و قلبك مشغول بغيري و إلا من العدل ينساني حبك مع اخلاصي و تقديري
ريم مستحيل....مستحيل ريم تخوني....مستحيل تخوووون حبي..
دمعت عيونه وهو شايف حبه اتبخر قدامه..اتمني عيونه تنعمي ولا يشوف الي شافه خيانه لقلبه لا ...مستحيل
رسمتك ورده ورده في لمست رضى و زرعت الشوك بايدي رسمتيني صرخه صرخه تشق الفضا و سقيتك من وريدي
************
دخل للخيمه وجت نظراته ع عبدالله كان نفسه يدبحة ويشرب من دمه..
لوكانت النظرات تقتل كان قتله وعبدالله بادله نفس النظرات بحقد..
بسام:مروان
مروان:خير يا تاعب مروان معاك
بسام:إعذرني راجع دلوقتي.
قام مروان باستغراب:ليه مالك...
"انا اندبحت ااااه ياريم ليييييه"
بسام مش قادر يتكلم ومش طايق يشوف عبد الله :لا بس بابا طالبني
أخد بعضه وطلع يركب عربيته ومروان معاه
************
دخلت للغرفه تبكي وقلبها يدق بقوه ورعب...كانت هضيع...
دخلت لميس الغرفه بخوف لماشافت شكل ريم:ريم مالك
ريم انهارت ع السرير تبكي:مفيش حاجة
قعدت لميس جنبها بخوف:لا فيكي حاجة..ريم اتكلمي قولي لي الله يخليكي ما تخوفنيش زياده...
ريم قامت وضمت لميس ببكا:ع...عبد....الله
لميس بخوف:ماله
ريم:ال...ندل
لميس وقف قلبها:ماله ..عملك حاجه..
ريم ببكا:كله..من..رشا..الحقيره
لميس نشف الدم في عروقها خافت من اللي في بالها صرخت فيها:ريم انطقي...ايه الي حصل قولي
قالت لها علي الي حصل ولميس اتنهدت براحه وحمدت ربها انه محصلش اللي في بالها...
ريم بقهر:والله لأفضحه الندل الجبان....وماحدش هيوقفه عند حده إلا...
قاطعتها لميس بخوف:لاياريم متقوليش لحد انتي كدا بتحطي الشكوك فيكي وماحدش هيصدقك وخصوصا خالتك ساعتها هتقول انك بتتبلي عليه وامك عمرها ما هتكدب اختها وتفضحها عند عمي لأنها عارفه إنك بتكرهي ولادها ورشا وقتها هتنكر..وامير ومروان لا يمكن يسبوه ده ممكن يقتلوه فيها
ريم ببكا:مقهوووره يالميس مقهوره نفسي اقتله واقتل إخته
تخيلي لو شافني حد كنت هتفضح يالميس والله لتفضح...
لميس ضمتها بحنان:خلاص الحمدلله محصلش حاجة ...ورشا هتاخد جزائها
ريم:والله منا سيباها الحيوانه كنت هضيع بسببها
**********
راحوا عند التجمع ووقعت نظراتها ع رشا القاعدة بكل ثقه
وكأنها ماعملتش حاجة..
ريم ارتفع ضغطها وقهرها كانت بصالها بثقه وتحدي...
ماقدرتش تعمل حاجة لأن الكل موجود وقعدت جنب لميس..
أحسان:فينكم ليه مش قاعدين معانا ليه قاعدين لوحدكم مندعسات ها
سميه:هههههه يعني ايه تيتا معنى مندعسات
أحسان بتريقه:تعرفي الهزار السنع
سميه:هههههه يالي قاعدين اطلعوا بالترجمه
أحسان رفعت عكازها بتضربها:انتي يابت مش بتتكسفي بتتريقي ع جدتك
قامت وباست راسها وهي بتضحك:اتريق عليكي يا غاليه ...بس والله مافهمت مصطلحاتك
احسان:وليه مش بتفهمي هبله
كوثر:يابنات ولاد عمكم الرجاله جايين..
ووصلوا الشباب ما
ماعدا طبعا عبدالله:السلام عليكم
وسلموا ع جدتهم اللي رحبت بيهم..
أمل عيونها ع مروان والأفكارعمال تودي وتجيب في دماغها
أحسان:صبي يادلال القهوه للعيال..
دلال كشرت وقالت لرنا تصب
سمعتها الجده وقالت:يادي العار مش بتعرفي تصبي القهوه الله ع بنات الزمن ده
ريم:لا ياتيته مش تعممي مش كلنا..
دلال اتغاظت من ريم وجدتها وقالت بدلع وعباطه:لايا جدتي بس حرام ضوافري فيها مونكير ولسه حطاه وخايفه يبوظ ولا يصبغ في الفنجان
ريم همست بسخريه:اسم الله ع ضوافيرك..
الشباب والود ودهم يمسكوا دلال ويخنقونها را ا ا افعه ضغغغطهم ولماسمعوا كلام
ريم ضحكوا...
أخدتها لميس:ولا يهمك تيته أنا أصب..
أحسان بابتسامه:والله يا بخت امير بيكي ما غلطش لما اختارك انتي وانا اشهد
امير إبتسم وهو يتامل لميس المحروجه ومش منتبه لنظراته اطلاقا
دلال انفقعت مرارتها بقهر من وصف جدتها وإبتسامة امير اللي
فجرت النار جواها..
مدت لميس الفنجان لـ امير علشان يعطيه للرجاله
وأخده منها ووزعه عليهم ورجع قعد جنبها
اتوترت من قربه لأنه كان لازق فيها بس إنبسطت لماشافت نظرات دلال اللي بتاكلها...
رائد:بقولك ايه يا جدتي انتي زي الشاطره كدا تدوري لي ع عروسه زي مرات امير سنعه وعاقله
أحسان ضربته بالعكاز:علشان تهبل في بنت الناس..
الكل:هههههههههه
رائد بثقه:عارف والله إني اهوس فيها بحللاوتي وخفة دمي وياحظها بيا
البنات ضحكوا وهما باصين لنسرين الي اتعصبت من نظراتهم
مروان:يخربيت الثقه.. نفسي افهم جايبها منين ..
رائد:الله يسلمك ....واخدها من جدتي الله يطول في عمرها... ومن الوالده الله يحفظها ومن نفسي الله يخليها...
مروان:ماشاءالله مجمع مع كل جهه....
سميه بسخريه:مش شايفها طالعه من عيونه...
الكل:هههههههههه
رائد:غيرانين وطقوا كمان
عادل:عارف بالجزمه ع راسك إذا ماسكتش..
رائد ضحك:وده أول واحد غيران
عادل قلع جزمته ورماها عليه بس ماجتش فيه وجت في نسرين لأنها
قاعده من نفس الجهه الي قاعد فيها...
نسرين صرخت:اه...
رائد ضحك:اسم الله عليكي..نصيبك بقي..ياعمري حاسه بيا
نسرين اتشنجت منه ومن البنات ورمتها عليه بغل
عادل:هييه جزمتي ماركه عايزها
رائد:ههههههه والله ضربة بنت ناعمه مش بتالم ..مش زيك قفل كسرت رجليها ياعمري عليها
خالد بعتاب:رائد...
حط إيده ع بؤه:سكتنا
نسرين بقرف:أحسن
*********
دخل للبيت وقابلته إخته اللي استغربت لماشافته راجع:حمد لله ع السلامه
فات من قدامها طالع السلم :شكرا
إستغربت منه ولحقته لغرفته
دخلت وشافته قعد ع طرف السرير وقلع الجزمه وسرحان...
مني:بسام مالك
بسام انتبه لها:انا كويس مفيش حاجة.
وقام يدخل الحمام بس وقفت
قدامه وقالت باصرار:لا فيك مالك وبعدين ليه راجع من المزرعه..مش كنت بتقول هتنام هناك..حصل حاجة اتخانقت مع حد
بسام بخنقه مكتومه :لاماتخنقتش مع حد بس مليت ورجعت فيها حاجة
مني بعدم تصديق:إنت تمل من فسحه ومكان فيه مروان مستحيل أكيد حصلت حاجة.
بسام اتعصب وكاره نفسه:منييييي وبعدين معاكي قلتلك محصلش حاجة اففف
بعدها ودخل للحمام....
***************
صحت من إزعاج موبيلها وردت
بعصبيه من اللي داق عليها بالوقت البدري ده :نعم
مني:بسم الله الرحمن الرحيم يا صباح خير...
ريم استوعبت الصوت:اهلا مني
مني:صباح الخير يانوامه...
ريم اتعدلت:صباح النور..كم الساعه..
مني:الساعه عشره ونص
ريم:يووووه في حد يتصل في الوقت البدري ده عايزه انام لما اصحي هرن عليكي
مني زعقت:قومي فيه حد ينام في الوقت الحلو والجو الحلو لا وكمان في مزرعه مالت عليكي قوووومي
ريم ضحكت:أيوه أنا...
مني:من خيبه حظك امتي راجعين هتطولوا
ريم:مش عارفه بس ما اعتقدش دلوقت اصل الجو حلو ع حد قولتك ولمه وونس
مني:والله إنا مفروسه من بسام الواحد يتمنى يقعد في مزرعه بالجوو الحلو ده وهو يرجع
ريم اتفاجأت:بسام رجع ليه
مني:معرفش ماله بيقول مليت مع اني حاسه انه غير كدا لان شكله متغير ومضايق
ريم بخوف:ليه ماله
مني:والله يا ختي علمي علمك غلبت أسحب منه الكلام ماقدرتش
خفت يكون اتخانق مع حد
ريم:لا طبعا لا..ولاد عمي مبسوطين معاه مااعتقدش
مني:والله معرفش بقي ماله
ريم بخوف:بليز مني حاولي تعرفي ماله
مني بضحكه:هاه أشوف حركات الحب بدءت...
ريم:هههههه بقولك ايه بس إسمعي الكلام من سكات
***********
برى عند الجده ...
:السلام عليكم..
باس راس جدته وأمه وقعد جنب لميس...
التفت لها وهمس:صباح الخير
رفعت راسها وبصت له مستغربه...لقته بصصلها ومبتسم..
نزلت راسها وقالت:صباح النور
مدت ايدها بفنجان قهوه وناولتهالوا
جتلهم دلال لابسه بنطلون أسود
جلد ضيق وبلوزه حمره كات وشعرها مفرود وماشيه بدلع :صباح الخير..
الكل:صباح النور..
قعدت جنب أمها وهي هتاكل امير بنظراتها كان لابس بنطلون
أسود وتي شيرت كحلي زايد اللون وسامته ورافع شعره بنضارته السودا
بس امير ولا حتي بصلها وكان يقرا جريده ...
إنقهرت منها لميس حتى مش محترمه جدتها..
دلال بتلفت إنتباهه قالت بكل دلع:امير
رفع راسه:نعم
فرحت لما بصلها وقالت وعيونها بصاله بغنج وتبتسم:لما تخلص المجله ادهالي
رجع يقرء المجله:إن شاءالله..
دلال بصت للميس بتحدي..
قعدوا يتكلموا وكانت دلال تتعمد تكون هي اللي واكله الجو وتحكي مع امير..
ولميس ساكته حاسه بملل وقهر
ومحتقره دلال واميراللي نازل رغي معاها عادي ولاكأنها موجوده جنبه..
قامت تخرج..
أحسان:ع فين يا بنتي
لميس:هصحي البنات..
لمحت امير ما ادهاش وش ومندمج بالكلام مع الغندوره دلال واتجهالها تماما راحت عند البنات مقهوره ودموعها في عيونها حتى ماكلفش نفسه يبص لها ويسألها..منه محمد
