الحلقه 45
عذبني ولكن احبني
منه محمد كاتب
خبطت الباب ماسمعتش رده...فتحته ودخلت...
شافته قاعد ع طرف سريره وضامم راسه بإيديه...
آلمها قلبها عليه...كانت عارفه إنه بيحب أمل...وصدمته أكيد كبيره...اذا كان هي مش مصدقه إن أمل هتتجوز غير مروان ....ومش مصدقه إن أمل وافقت ع غيره...قربت منه وقلبها وجعها ع شكله
وهمست:مروان
رفع راسه وقال :مش عايزه اسمع حاجة
ريم:بس....
قطع كلامها صوته:ريـــــم قلتلك خلاص مش عايز اسمع حاجة
بصت في موبيله اللي شاشته نورت ...ووقف قلبها لماشافت صورة بسام تنور الشاشه...
همست وقلبها تسارعت دقاته:بـ...بسام
أخد موبيله وحطه ع الصامت ولمارجع يرن قفله ورماه ع الأرض...
رمى نفسه ع السرير وعطاها ضهره وقال بصوت تعبان:اقفلي النور والباب..
دمعت عيونها وطلعت وقفلت الباب...وقفت عند الباب وفضلت واقفه تبص عليه....عمرها ماشافت أخوها بالشكل ده...شكله مقلوب فوق
تحت ... وزاد عليها بسام ...
دخلت غرفتها وأخدت موبيلها واتصلت ع أمل..
سمعت صوتها:ألو
ريم:بجد اللي سمعته..
ماسمعتش ردها وقالت بقهر:أمل جاوبيني بجد اللي سمعته
سمعتها صوتها المخنوق:آ..أيوه
ريم بحزن:ومروان.
سمعت شهقتها وهي تبكي
ريم:ليه ياأمل ليه..
زاد بكاها وماقدرتش تقول كلمه تقول ايه...تقول إنها بتحب أخوها ومش عارفه ازاي هتعيش من غيره...تقول إنها وافقت ع غيره لأنه خانها...لأنه حطم قلبها..
تقول ايه..ماقدرتش تقول إلا:غـ...غصب عـ....ني
بكت معاها مش معقوله عمها
غصبها...معقوله يكون عمها من النوع ده ....مستحيل
********************************
رمت موبيلها بغيظ وقرف في شنطتها....يعني ليه عايز يشوفني ...ودلوقت كمان...ولا كمان لو ما رحتلوش هيدخل ويفضحني..أفففف الله ياخدك ياخالد...بكرههك...
وقفت عند مرايا المدخل وعدلت
شعرها اللي سابته مفرود وشابكه فيه ورده حمرا ع الجنب تناسب
بلوزتها اللي ع تصميم فرنسي حمره حرير وبنطلون أسود سكيني وصندل بكعب عالي أحمر..رشت برفيوم يجنن واتضايقت من نفسها رمت الازازه في الشنطه
...غبيه ليه أهتم بشكلي قدامه..لفت وراها وشافت فهد جاي لها
فهد همس:خالد مستنيكي برا
كشرت وقالت:طيب..
مشى فهد معاها ووصلها لخالد...اللي كان واقف ومتكي ع الجدار في الجنينه في مكان بعيد وأنواره خفيفه يعني ماحدش بيشوفهم...
سابهم فهد ومشي
اتنهد بضيق وقربت منه وقالت:نعم كنت عايز ايه
رفع حاجبه وقال يقلد كلامها:أول مره أشوف واحده أول ما تشوف جوزها وتسأله السؤال ده...
لفت وشها وقالت وهي متكتفه:مش أول مره....
إبتسم ومد ايده:عامله ايه...
التفت وبصت له ومدت ايدها وسلمت ...وإنقهرت لمافضل ماسك ايدها ...
سحبها له وباس خدها...شهقت
ووشها احمر ولزقت في الجدار لأنه سحبها ناحية الجدار..علشان ماتهربش...
رنا بغيظ وقالت:شيفاك اخدت راحتك كل شوي القي هيئتك قدامي...
حك حاجبه بصوبع ايده وبص لها :تعرفي إن ماعندكش أسلوب راقي أبدا في الكلام...
وبص لها من فوق لتحت:مش واضح عليكي أبدا...
لفت وشها مفروسه من نظراته
وكمل كلامه:والله امير قالي لو تحب تاخدها بيتك مسموحلك...
حست بالقهر ودموعها غرقت عيونها...إنقهرت من امير حياه راميها ع خالد كأنها رخيصه عنده مش للدرجه هي صحيح غلطت بس غلطتها مش كبيره في نظرها إنه يرميها ع خالد ويصرح له كمان
حست بصوابع ايده ع دقنها يلف وشها ويبص في عيونها وهمس:ليه بتعيطي طيب....
خفق قلبها من حنية صوته ...وبعدت إيده عنها وقالت:مش بعيط
طلع موبيله وشاف المتصل وضحك:نعم
عادل:إنتهت الدقايق ياللا هعد لحد تلاته وألقاك قدامي
ضحك :إحلف كدا
عادل:والله ..عارف كان بإمكاني
أجي لحد عندك وأسحبك من قفاك بس مش عايز اشلفط هيئتك قدام اختي...واحطك في موقف محرج وسط اهلك
ضحك وقال:اتلهي ع عينك واتنيل كدا
قفل الموبيل...وقالت رنا وهي
رافعه حاجبها:الله ع الاسلوب الراقي..
إبتسم وهو بيعدل ياقه قميصه:ماينفعش مع أخوكي إلا الاسلوب ده...لازم اروح له دلوقت.......كان نفسي أطول معاكي بس أخوك هادم اللذات حاسبلي حتى الدقايق...
اتحرك بس رجع وبص لها
عرفت تفكيره وقالت بتحذير:اياك تقرب
بص لها بصدمه ومات ضحك
:هههههههههههههههههههه
إتغاظت منه وقالت:ماقلتش حاجه تضحك..
حرك راسه بأيوه وشاور لها باي ومشي..
***************
كانت بتبص للبنات ومبسوطه من الفرحه لماشافت.إن لميس مش موجوده ماحضرتش
دلال:إلا لميس فينها غريبه ماشوفهاش
إستغربت ريم غريبه لميس لحد الان ماجتش...وقامت تتصل بيها
كانت قاعده ع سريرها وضامه رجولها لصدرها...لماسمعت صوت الموبيل..
شافت المتصل ريم...
وردت:الو
ريم:اهلا لميس
لميس:اهلا ريم
ريم:فينك أتأخرتي
لميس:مش هقدر أحضر
ريم بخوف :ليه سلاماتك فيكي حاجه تعبانه
لميس حطت إيدها ع قلبها كأنها تقصده:تعبانه شوي
ريم:سلامتك ماتشوفي شر يا قلبي...
قفلت ريم معها وحواجبها معقوده..صوت لميس ماعجبهاش...
رفعت راسها لرهف واعتذرت منها...إبتسمت دلال بفرحه وغمزت لرشا اللي بادلتها الإبتسامه...
****************************
حابسه دموعها غصب وبتحاول ...تهرب من نظرات رشا المنتصره
شافتها بتقرب منها وقالت لها:مبروك الخطوبه...
رفعت راسها مستحيل تخليها تشمت فيها وقالت بابتسامه :الله يبارك فيكي..عقبالك
اتنهدت رشا بشوق وقالت بدلع:آمين...قريب إن شاءالله...
ومشت رايحه لإختها....
سمعت صوت ريم خلفها:مبروك
التفت لها وقالت وقلبها يآلمها ودموعها مغرقه عيونها:الله يبارك فيكي...
ريم ماحبتش تحمل أمل الذنب..وعمها هو اللي غصبها...أصلا
واضح من عيونها وحزنها إنها بتحب أخوها بس مش في ايدها..
إبتسمت لها و مسكتها من دراعها وماشيه معاها:سمعتي آخر نكته...
الشيخ عبدالله خاطبني..
وقفت أمل بذهول:وإنتي وافقتي
ريم:مجنونه إنتي..طبعا مش موافقه يروح يدور له ع واحده تناسبه ومن مستواه يع...
ضحكت أمل غصب عنها...وإبتسمت ريم لماشافت إنها غيرت نفسيتها...
********************
:ماما قلتلك مش عايزاه بكرههههه يعني بكرهههه
كوثر زعقت :يعني اييييه ..وبعدين معاكم بتكسفوني مع أختي أخوك رفض بنتها بعد ماخطبناها له...واتجوز غيرها...وإنتي كمان ترفضي ابنها.
ريم:ماما دي حياتي وأنا حره فيها...وعبدالله ده مستحيل اتجوزه
كوثر :شوفي ياريم هتاخدي عبدالله غصب عنك سامعتيني
جريت ريم ل امير اللي واقف يبص لهم بحيره: خير مالكم
ريم ودموعها ع خدها:امير ماما عايزه تجوزني عبدالله غصب
اميربدهشه:عبدالله ابن خالتي
ريم:أيوه
امير:امي إنتي بجد عايزه تجوزي ريم من الصعلوك ده
كوثر بغضب:ازاي صعلوك..ده ابن خالتك
امير:وإذا ابن خالتي..اجوزه إختي لا هو من مستواها ولاحتى يناسبها
كوثر:أنا قلت لأبوك وأبوك وافق وأنا موافقه...وماعنديش إستعداد أخرب علاقتي بإختي مره تانيه كفايه إنك رفضت بنتها تقول عني ايه
امير باصرار :ريم مش هتاخده لو تنطبق السما ع الأرض..
كوثر بصرخه:إذا ما اتجوزتش عبدالله لاهي بنتي ولا إنت ابني..
ومشت وسابتهم..بكت ريم وضمته وهو مصدوم من أمه
يعني ايه معني بتتبرى مننا علشان إختها...حاول يهدي ريم وهو محتار
أمه من جهه وإخته من جهه ولميس حكايه تانيه...
**************
قاعده ع سريرها وبتحاول تتصل بيه وموبيله مقفول
رمت موبيلها بقهر وبكت لأنها خلاص ضاعت...
سمعت صوت باب غرفتها انفتح وشافت دلال داخله :هاااي
حقدت عليها لأنها السبب في ضياعها:خير...ليه جايه
دلال قعدت مستغربه:مالك جايه أسمع آخر الأخبار...
وغمزت لها ....فار دمها وصرخت
عليها بحقد ودموعها ع وشها:أي أخبـــار...عايزه تسمعي أخبار ضياعي ...يا#####
دلال إنصدمت:إحترمي نفسك
قامت تبكي بكل حقد وقهر:أنــــا ضعت بسببك...كله منك ضيعتيني الله يضيعك..اطلعـــي برا ..برااا مش عايزه اشوف وشك البشع ده هنا تاني بررررره
دلال قامت:طالعه بس ع فكره اللي ضيعك غباءك وسذاجتك
وطلعت ...رمت نفسها ع سريرها تبكي وحالفه تنتقم
من دلال لانها سبب في ضيعها..
**************
قررت تروح تشوف لميس وتشتكي لها من الي بتعمله فيها امها
من زمان ماشافتهاش...مستغربه منها لا كلمتها ولاجت تزورها..
ضمت لميس بقوه:فينك يا دبه وحشتيني
لميس بابتسامه مصطنعه:هروح فين يعني
ريم :امير موجود
لميس:لا...اتفضلي
قعدت ريم وهي مستغربه من شكل لميس..وشها مش طبيعي اكيد حصل حاجة لاحظت إن التلفون مش موجود
:فين تلفونكم
لميس إرتبكت ماتوقعتش إن ريم
بتلاحظ:ها..ا ..باظ..وامير هيشتري واحد جديد
ريم شكت إن بينهم حاجه وقالت:لميس فيكي ايه
لميس حركت راسها بـ لأ وحابسه دموعها..
سكتت ريم ماحبتش تضغط عليها وقالت :أمل خطوبتها يوم الخميس
لميس إنصدمت:ومروان
ريم بحزن:مروان الله يكون في عونه كان هيتجنن لما عرف وحالته تحزن..
آلمها قلبها عليه بس ماقدرتش تقول حاجه.
اتنهدت ريم:ولا كمان أمي بتغصبني ع عبدالله.....و
إنتفضوا كلهم لماسمعوا صوت الباب شوي و ينكسر وصوت امير
اللي هز كل شئ:لميـــــــــــــــــــــــــــــــــــس
إرتجفت لميس ومسكت ايد ريم تحتمي فيها وريم مستغربه
شافوا امير دخل للصاله وشكله
يخوف..عيونه كلها شرار من الغضب..حتى إنه مش من قمه غضبه مالاحظ خالص وجود ريم من غضبه وقرب من لميس
ومسكها من ايدها وسحبها يوقفها وصرخ بكل قهر وبعصبيه
وأنفاسه اللاهبه حرقت وشها:وتقولي ما أعرفهوش وصورته معاكي ياساقطه
ريم مصدومه مش فاهمه ايه الموضوع
هزها بعنف وقلبه بيدوب جوه ضلوعه من نار القهر والخيانه
:ليــيييييـــــــه يالميس ليييييـــــــــه
ريم بتحاول تخلص إيده من لميس:امير سيبها انت فيك ايه انت اتجننت
امير بوحشيه:ابعدي ياريم عن وشي أحسن لك
هجم عليها بهمجيه وحط إيده علي رقبتها وضغط عليها
والغضب والقهر أعماه وهو يصرخ عليها...من قلبه بكل غل وانتقام وغضب
وألم...وهي حست خلاص ان انفسها اتخنقت بالفعل
وتحاول تسحب ايده عنها ودموعها
مغرقه وشها ....وملامحها انقلب لونها للون الازرق ..
بكت ريم وهي شايفه امير وحش مش أخوها...ضربت امير
ببكا:سببببهههها يا اميييير سبهههها...لميس بتموت انت بتقتلها
امير زقها عن ايده بعنف لدرجه انها طارت ع الكنبه من قوه الدفعه وضمتها ريم ولميس تبكي وجسمها ارتعش بطريقه مخفيه
ريم بصوت راجف:ليه ياامير ليه
امير ب يتنفس بقوه وعروق وشه وايده وضحت:عايزه تفهمي تعالي أنا أفهمك
************
فتحت الباب ع إختها:رشـــــــــا
رشا:ايه مالك
دلال بفرحه:الخطه كملت
رشا:والله
دلال:ههههههه أيوه وأنا متحمسه نفسي اشوف واتفرج ع الي بيحصل دلوقت
رشا:أكيد طلقها
دلال:آمين....والله ما قادره أصبر لازم أعرف الي حصل
********
صرخت وهي بتقف:مستحيـــــــل مستحيل ...امير انت ايه الي بتقوله ده انت اكيد اتجننت ازاي صدقت ازاي
امير مسك موبيل لميس وطلع الصور وحطها قدام عيونها...
ريم شهقت مستحيل أخوها يبقي مغفل وغبي ...
امير بستهزاء:صدقتي دلوقت
ريم بقهر:ده رامـــــــــي ابن عمي......اخوها
***************
