الحلقه 40
عذبني ولكن ..احبني
منه محمد
العصر البنات قرروا يروحوا عند الإسطبل..مشوا كلهم ناحيتها..
شهق فهد:حصان
وقفوا لماشافوا حد راكب حصان في الساحه..
قربوا وقالت ريم:ده امير
رفعت راسها لميس وشافته شكله دوخها..
يجنن بلبس ركوب الخيل أسود وأبيض..طالع ياخد العقل...قربوا منه ووقفوا وراه السياج
نادته ريم:امير _ وعملتلو باي
التفت وشافهم متجمعين..
حرك الخيل ناحيتهم تمشي بكل خيلاء..
إبتسم:ايه الي جابكم هنا
فهد: :عايز أركب..
نزل من ع الخيل وقرب من السياج ومد ايده:تعال ..
شالته ريم ورفعتهوله...شاله وركبه الحصان وخلاه يمسك فيه..
التفت لريم:ريم تعالي اركبي معاه لا يقع لوحده
إنبسطت ريم وركبت معاه بمهاره لأنها متعوده..
مشى الحصان وامير ماسكه وفهد مبسوط من الفرحه.
فهد:خليه يجري شويه ماشي مخستع ليه ما اكلش.
ضحك امير وسابه :أوك
بعد عنهم وخلى ريم تحركه...سند ع السياج وشال الخوذه عن شعره وحرك شعره بايده وهو بيراقب ريم
لميس مراقباه مهوسه ع شكله...وقلبها فضل يدق بقوه ..يجنن يجنن ...
التفتت لدلال وشافتها باصه لـ امير بهيام وحب وماشالتش عينها عنه اتغاظت جدا
صفر امير للحصان وجالو جري
امير:خلاص كفايه
ََنَزل فهد المعترض ورافض ينزل ...ونزلت ريم
ومسكها ولف للميس: لميس
لفتلو.....وقالها:تعالي
خلعت العبايه عنها ...وعطتها لريم.
بص في لبسها ...كانت لابسه فستان ناعم أبيض فيه تحت الصدر شريطه سودا
قصيره ولابسه بوت طويل أسود وشعرها انسال ع كتافها بنعومه..
دق قلبه لماشافها تجنن شكلها عجبه جدا...ساعدها تعدي السياج...
البنات كانوا مبسوطين ..
ودلال الغيره هتطلع من عيونها والقهر والحقد شعلل جواها كانت بتموت من القهر
رفع لميس من خصرها وركبها الحصان بحيث تبقي رجولها من جهه واحده ...
وركب وراها بحيث تقعد قدامه وعطياله جنبها...
رفعت راسها ووبصتلو واتعلقت عيونها بعيونه...ماحسوش إلا بنور فلاش الكاميرا
اللي صورتهم...التفتوا وشافوا ريم معاها الكاميرا تصورهم....
ضحك وحرك الحصان يمشي لميس خافت لتقع لزقت في حضنه ...
امير بهدوؤ:متخافيش مش هتقعي
اتمسكت فيه لما سرع الحصان:اميييير
ضحك:ياخوافه والله ما هتقعي
لميس وكأنها طفله:لا هقع متخلهوش يسرع ..والله خايفه...
إبتسم وميل وبصلها:تخافي وأنا معاكي...
تاهت في عيونه واه من عيونه اللي أخدتها لعالم تاني وقلبها يسابق خطوات الحصان
غمضت عيونها وضمته لمابدء الخيل يجري
مش عارفه ليه حست براحه في حضنه واتمنت ماتبعدش عنه...شدت إيدها حوالين خصره بتملك...وخصلات شعرها تداعب خده ورقبته...غمض عيونه ولف إيده حوالين خصرها والإيد التانيه ماسكه لجام الحصان....
البنات بنبهار::وااااااو يجنن شكلهم لايقين ع بعض
دلال فار دمها بقهر وغضب وحقد...وبعدت تمشي مقهوره ورفعت موبيلها ورنت ع الرقم بعصبيه:
نفذ اللي قلتلك عليه بسرعه.....ماليش دخل تنفذ يعني تنفذ أنا خلاص مش قادره أتحمل عايزه طلاقهم يوصلني بسرعه سامع..
قفلت الموبيل بقهر:هانت يا ست لميس اتهني الدققتين دول في حضنه وبعدها شوفي انا هعمل ايه وانا الي هكون في حضنه
ضمها له بقوه وقال:إمسكي فيا كويس
فتحت عيونها لماحست نفسها طايره في الهواء..قفز الحصان السياج وطلع برى الساحه وجري جوا المزرعه...بعدت عن حضنه وبصت حواليها
يجنن منظر المزرعه..رفعت نظراتها له شافته باصص قدامه ...
سندت راسها بحضنه ودموعها غرقت عيونها..ماهي مش قادره تفهمه .. مش قادره تفهم تصرافته معاها...أحيانا تحس إنه بيحبها وأحيانا لا
تحسه بيكرهها وبيدبحها بكلامه المهين
غمضت عيونها ..حتى مابقتش فاهمه نفسها..ماهي مش فاهمه مشاعرها الي بتحسها معاه...هل هي حب ولا كره...بتحبه وتكره في نفس الوقت
ا ا ا اه ياربي مش قادره ....مش قادره أفهم حاجة
لا مش عايزه أحبه مش عايزه احبه وبعدين يجرحني ويعذبني
ا ا ا ا ا ا اه ياربي
حست بايد امير ع ضهرها وضمها له شهقت ودفنت وشها في حضنه وبكت
رجع ضهره ع ورى وإيده ع كتفها علشان يشوف وشها وهو عاقد حواجبه:لميس..مالك
ماردتش عليه وهي منزله راسها وشعرها مغطي وشها.
وقف الحصان ونزل ..نزلها من خصرها ..وبعد شعرها عن وشها:ليه بتعيطي
لفت وشها وهي بتمسح دموعها:انا كويسه خلاص..
رفعت راسها وبصت له لقته باصص عليها وبعدين رفع راسه وبص قدامه وحواليه
إستغربت ومسك ايدها وبالإيد التانيه لجام الحصان:تعالي..
مشت معاه دخلوا بين شجر ووقفت بصدمه لما شافت اللي قدامها..
المكان روعه يجنن...الأرض..خضرا ومليانه ورد بألوان مختلفه
وولافف شلال كبير نفس الشلال الي في بيتهم بس ده واضح لان أنواره أكتر...وبأحجار ملونه بألوان روعه...مشت قدامه تتامل في المكان
لحد ما وصلت للشلال...
لميس:ده نفس اللي في بيتنا
امير وهو بيقعد جنبها ع طرف الشلال:أيوه عجبني شكله وصممت نفسه في البيت..
لفت وشها تتامل المكان حواليها وهي تبعد خصل شعر ورا ودنها:ايه المكان ده
لفت وبصتلو وهو بيدخل ايده تحت الميه ويبتسم من غير ما يبص لها:المكان ده انا عملته خاص بيا ومحدش يعرفه غيري
كانت في حيره...خاص بيه وماحدش يعرفه غيره..ليه جابني له عايزني اعرفه انا ...ااااه يا امير اللي يخليك فهمني لاني مش قادره افهم اليوم متغير معايا كليا ليه...
لميس:امتي عملته
عيونه دارت في المكان:من زمان من قبل ماأسافر..كنت أجي هنا لما أكون مضايق من امر معين أو حتى مبسوط ...
"ياترا دلوقت أي واحده فيهم"
قربت من الورد تلمسه بأناملها الناعمه ..وريحته تفوح في المكان..
فجأه جه ع بالها صورتها اللي في موبيله عقدت حاجبها بتفكير لحد دلوقت الصوره محيراها.
رفعت راسها تبصلو وهو واقف عند الحصان يداعبه ..وشعره
يحركه الهوا...أسأله عنها ولا لا...
لفت وشها.لا لا مش هساله رجعت تبص له تاني متردده..امير بالنسبه لها لغز كبير
غامض وغموضه ده قهرها...لفت تتامل شكل الحصان كان أبيض وشعره ع اسود..شكله حلو ...قربت منه ولمست شعره..وامير باصص عليها
لميس: إسمه ايه
التفتت تبص له وهو ابتسم: الامير
رفعت حاجبها:الامير
ضحك وقال:عارف مستغربه..
طار عقلها لماضحك أول مره يضحك في وشها
امير:جدي اللي مسميه..
لميس:جدي
امير:أيوه...الامير إتولد بعد ولادتي بيومين وجدي سماه الامير ع اسمي وقدمهولي هديه من لما كنت طفل وهو ليا
كانت بتتامل ملامحه وهو بيتكلم بس هو ماكانش بيبصلها كان مركز في الامير ويمسح ع شعره وإبتسامته الجذابه ع وشه...
قلبها دق بقوه لمجرد إنها تتامل...فيه كانت واقفه جنبه وقريبه منه ..
التفت يبص لها وإختفت إبتسامته لمااتعلقت عيونه بعيونها وقلبه دق بعنف
مد إيده وبعد خصل شعرها اللي حركها الهوا عن
وشها وووقفت إيده ع شعرها..قربها منه وسحب شفايفها في بوسه طويله عميقه
لكن كان هناك الي واقفه وعيونها مليانه حقد وغل تترقبهم...
جت لها إختها وقالت:لحد دلوقت واقفه مستنياهم
لفت عليها والقهر ياكلها:همووت يارشا همووت...لمجرد إني افتكر شكلهم وإنه راح معاها ولحد دلوقت ما رجعوش بحس اني بموووت
رشا:عادي ماتنسيش انها مراته
دلال اتعصبت:عارفه إنها زفت مراته وده الي قاهرني
رشا:طيب ما تتعبيش نفسك وتضيعي عمرك ع الفاضي
دلال:ماحدش حاسس بالنار اللي جوايا...كنت ممكن أكون مكانها بس شوفي ازاي هي اللي اخدته
رشا:وهتسبهولها بعد الحب والانتظار لمده 3 سنين او اكتر تخليها تاخده كدا بالساهل وهي ماعرفتهوش الا من كام شهر
دلال:طبعا لا ومستحيل..إصبري عليا..هتسمعي قريب طلاقهم وهتشوفي
اما آمير بعد عنها لماسمع موبيله وعطاها ضهره وهو لسه مغمض عيونه بقوه وطلع الموبيل..
غطت وشها بين ايدها اللي شعلل حراره وقلبها اتسرعت دقاته......
بعدما إستوعبت اللي حصل..رفعت راسها لماسمعت صوته المصدوم: اييييييييييييه
**************
البنات قاعدين في الغرفه يتكلموا ..
دخل عليهم فهدي بيجري بفوع لدرجه خضهم شكله المخطوف...
ساره بخوف:فهد مالك
فهد وهو بينهج:م خالد وقع من النخله
شهقت امل وإيدها ع بؤها
ساره وقفت:خالد ..فينه
فهد :أخده امير وخالد للمستشفى..
البنات بصوا لـ امل اللي دموعها بدئت تنزل وشكلها المرعوب..
طلعت تجري مع نسرين والبنات وراهم
وصلوا هناك لقوا امهم بتعيط والكل حواليها بيهدوها..
امل بخوف ودموعها مغرقه عيونها:ماما ماما خالد ماله
مسكتها لميس تهديها ونسرين ضمتها وبكت..
احسان:إذكروا الله إن شاءالله مفهوش حاجة
امه تبكي:ازاي بس مفهوش حاجة وبيقولوا الوقعه قويه ومش بيتحرك اااه يارب رحمتك يارب .
امل قلبها وقع من بين ضلوعها ودموعها ماوقفتش ضمتها ريم تهديها وبعدتها عن الحريم..
ساره ماسكه نفسها علشان أمها :خلاص ياماما إن شاءالله مفهوش حاجة...دلوقت اتصل ع امير واطمنك....اخدت موبيلها ورنت ع امير
في المستشفي
جالهم ابوه لأنه عرف متاخر لانه ماكانش في المزرعه
ابوه :طمنوني..
امير ووران وقفوا:إن شاءالله خير
طلع الدكتور وطمنهم إنها جات سليمه وراسه مش اتضررت بس رجله إنكسرت و كتفه فيه خلع بسيط...
دخلوا لغرفته شافوه متمدد عالسرير ورجله مرفوعه ومجبسه وكتفه ملفوف ..
امير:الف سلامه تقوم منها بالسلامه
خالد:الله يسلمك
ابوه باس راس وابنه وخالد علطول باس إيد أبوه
ابوه::الحمدلله ع السلامه يابني
خالد:الله يسلمك..
مروان:حمدلله ع السلامه ياطرزان
ضحك خالد:الله يسلمك..
عاتبه أبوه لأنه كم مره يحذره ويمنعه يتسلق بس هو
عنيد وراسه ناشفه من وهو طفل صغير واستغل الفرصه إن أبوه مش موجود واتسلق مع رائد...
رن موبيل امير وكانت ساره
طمنها وكلم أمه يطمنها وعطاها تطمن علي ابنها.
*****************
رجعوا من المزرعه علشان ام خالد اصرت تروح تشوف ابنها وتفضل جانبه
اما لميس رجعت لبيت عمها لأن امير في المستشفى مع خالد..وامل وساره من ساعه ما رجعوا وهما بيعيطوا وعايزين يزوره خالد بس أمهم قالت لهم مش دلوقت لأن الرجاله عنده
*************
في الليل...
كانت قاعده زعلانه ..دخلت
عليها ريم:مالك.
لميس:أخوكي سافر..
ريم اتفاجأت :امير امتى
لميس : من شوي قليلين
ريم:عادي هو كدا أحيانا تجيله سفريات مفاجاه ويسافر من غير ما نعرف يعني عادي بكره تتعودي
اتنهدت لميس بضيق.. ريم قالت :بكره هنروح نزور خالد.
لميس:امتى
ريم:أكيد العصر أو المغرب..
لميس:أووو مامته عامله ايه
ريم:ياعمري عماله تعيط ومخنوقه بس لما الدكتوره قالت لها انه تمام ارتاحت
صرخت ريم فجأه:وااااااا امير سافر يعني هتنامي جنبي
لميس ضحكت... انتي برنامج
*************
العصر..
إجتمعوا دلال وهدى ورنا في بيت دلال....
هدى إنقهرت لماسمعت عن لميس:.ان شاء الله ماتتهنى
دلال:وأنا مش حاسبها تتهنى وهتشوفوا....
هدى:هتعملي ايه.
قالت لهم اللي عملته وإنها كلفت واحد من الشباب اللي اتعرفت عليهم يتصل ع محمول لميس وتلفون البيت علشان تشككه فيها ويطلقها..
هدى:طلعتي مش سهله
رنا إبتسمت:يا اروبه جبتي الافكار دي منين
ضحكت دلال وقالت هدى بحمله :يارتها اتحرقت مع أهلها وخلصتنا من شرها..
رنا اتفاجأت:اتحرقوا
هدى إستغربت:ليه إنتوا متعرفوش
دلال:لا
قالت لهم هدى اللي حصل لأمها وأخوها..
دلال:وأخوها كبير
هدى:أيوه..
لمعت فكره خبيثه في راسها وقالت:عندك صوره له
هدى:لا بس ليه
دلال ل رنا:امير عارف الي حصل لاهلها
رنا باستغراب:لا ماحدش فينا يعرف
دلال:ولا يعرف إن عندها أخ
رنا:ماأعتقدش
هدى:أكيد يعرف مراته أكيد يعرف عن عمه وابنه
دلال:إسمحي لي يارنا أخوكي امير مغرور ومتكبر ومش بيهمه يعرف حاجة عن حد ...
رنا:طيب والمعنى
دلال:مش هقولك حاجه دلوقت الاقي الاول صوره اخوها
هدى: هدور لك عليها في اوضتها يمكن ناسيه له صوره...
***********
خالد:أفف متى اخرج زهقت
امل :هههههه ده لسه أول يوم لحقت تزهق امال هتعمل ايه بعد اسبوع يا حلو
خالد:لاياقلبي هخرج مش هفضل هنا
ساره تفتح قطعه شوكلاته:إذا سمحوا لك
خالد:بت خففي من البلع شايفك خلصتي العلبه
امل: قول الله واكبر
سمعوا خبط ع الباب ودخل سلم عليهم وقعد جنب خالد :عامل ايه يا اسد واخبار رجلك
خالد:أحسن
رائد:شفت ده جزاء الي مش بيسمع النصايح قلت لك بلاش تتسلق عملتي فيها شجره وما سمعتش الكلام
خالد بنص عين:إحلف كدا مش كأنك متسلق معايا.
رائد اتصنع البراءه وشهق:أنا امتي
احسان رفعت العكاز وضربته:فكرتني نسيت ها ..شوفت خالد والي حصله احمد ربك ان انت كمان محصلكش حاجة انا احلف ع المصحف انه لقط منك الهبل كله ،،خالد كان عاقل .
رائد شهق...وخالد مسك ضحكته وحرك حواجبه...
رائد ضربه من كتفه:والله البلا كل.....
قطع كلامه لماشاف خالد المه كتفه...
أحسان ضربته بالعكاز:قوم قوم وابعد عن الولد اشحال لسه قايله
قام رائد:سوري سوري خلود نسيت
خالد إبتسم وحواجبه لانت :لااطمني يا جدتي انا بخير جات سليمه
*****************
نزل من غرفته وقابلته مني..طالعه من المطبخ..عدي من جنبها ولا التفت لها...
لحقته :بسام..بسام
بسام التفت:نعم
مني راحت عنده:مالك ...ليه متغير
بسام لف وشه بضيق:مفيش حاجة
مني شاورت ع وشه:شايف وشك عامل ازاي
بسام:ولا حاجة تعبان شوي
مشى وسابها وهي حصلته:بسام إصبر عايزه اقولك حاجة
بسام خاف تكون حاجة خاصه بريم قلبه وجعه ولا لف لها وكمل طريقه وطلع
لحقته للباركنك وشافته بيركب عربيته راحت عنده وفتحت الباب
وقعدت:بسام إسمعني
بسام شغل العربيه: سمعك
مني:عرفت إن خالد مكسوره رجله وهو في المستشفى...
بسام التفت بصدمه:خالد
مني:أيوه اتصلت بيا ريم وقالت لي
بسام غمض عيونه بألم لماسمع إسمها..وحس بغضب جواه وقلبه اتعصر لما افتكر ريم وهي خارجه من الاوضه ووراها عبد الله
مني بقلق :بسام مالك
بسام ماسك نفسه:انزلي بسرعه
مني:طيب مش عايز تعرف في أي مستشفى..
بسام زعق:لامش عايز أعرف إنزلي
خافت منه ونزلت وجريت ع جوه
كان ماسك الدركسون بكل قوته وضاغط عليه ومقهور من الي حصل
بسام بوجع:ليه ياريم ليه..
كان سايق باقصي سرعه وما نتبهش الا وهو قدام البحر نزل من العربيه وقعد ع الأرض وفكر في ريم الي قتلت حبه في منتهي السهوله
انا يمكن عايش بعدك صحيح مجروح
لكن عايش وبتنفس وفيا الروح
صحيح جرحك كسرنى لكن ما موتنيش...ولو مكتوبلي لسه في عمري عمر هعيش مافيش بقى حاجه هتخليني ابقي عليك....معنديش اي حاجه بجد تشفع ليك ومهما كان فراقك عنى صعب بجد....محدش مات فى يوم لما بعد عن حد مسيرى افوق من اللي انا فيه هحبك تاني ليه وعلى ايه....قلبي مش هيرجعلك حتى لو كنت هتحيبه
ومهما الجرح يوجعني هتحمل وايه يعني...متستغربش لما بعدت وابيعك ما انت بتبعنى
حياتى مش بايد انسان ومهما حس بالحرمان....ما تنساش ان فى حاجه اسمها نعمه النسيان
غمض عيونه بوجع وسمع صوت تلفونه طنشه لان عارفه انها مني الموبيل رن مرة
تانيه وتالته وابعه واخيرأأأأأ رد:الو
مروان بهزاره كالعاده:اهلا ابو مرجان
إبتسم لماسمع صوت صديق عمره:اهلا مروان ...اخبارك ايه
مروان :تمام إنت عامل ايه فينك يا خويا لا بتتصل ولا بتفوت
بسام: معلش يامروان عارف غلطان ومقصر بس انشغلت الايام دي
مروان ضحك:لايكون اتجوزت
غمض عيونه بألم لما افتكر ريم
مروان:ألو و و و و
بسام: ايوه معاك
مروان ضحك:لايكون الكلام صحيح
بسام:لامش صحيح متخافش مستحيل اتجوز من غيرك ..إنت فين دلوقت
مروان:في المستشفى عند خالد
بسام افتكر:سلامته لسه جيلي الخبر والله هو عامل ايه
مروان:لا ياحبيبي أنا الغلطان المفروض أبلغك بس تعرف حوسة الأهل لماعرفوا
بسام:في أي مستشفى
مروان:مستشفى ال...
بسام: أوك أنا جاي حالا
*************
دخلوا للمستشفى وقابلوا بسام سلم ع مروان وريم انتبهت له من زمان ماشافته إشتاقت له
سلم ع عادل ورمى السلام ع كوثر...وقعت نظراته ع ريم وقلبه فضل
ينبض في حبها لانه لسه بيحبها ومش قادر ينساها أو يكرهها..
نزل عيونه ومشى مع مروان.دخلوا الحريم قبل منهم وسلموا
بعدين دخلوا الرجاله
رائد أخد الباقه من بسام يشمها:إممم دي ليا شكرا يا حبي
مروان ضحك: رائد حطها ولما تدخل للمستشفى هنجبلك زيها
رائد شهق: بتفول عليا يا بومه
مروان:هههههه انا بومه يا تيس
حط الباقه:شوف هعمل نفسي ماسمعتش حاجة
مروان:كل الشهقه دي وماسمعتش حاجة
الكل:هههههههههه
بسام:سلامتك ياخالد تعيش وتاخد غيرها
خالد:الله يسلمك
ماحبش يطول عنده لأن أهله موجودين وإستأذن ولف خارج...شاف عبدالله داخل..
رماله نظره حقد وشويه ويخنقه ويفش غله...لمح ريم باصه لعبدالله وقبض ايده بقوه
عبدالله إبتسم بسخريه ومد إيده يسلم:ازيك بسام
بسام بصلو بحقد اتمني يكسر إيده سلم وطلع
أماريم بصت لعبدالله بحقد وبغض،، له عين يجي بعد اللي عمله فعلا حقير.
رائد قاعد ع السرير ومعاه ورده من الباقه بيشمها...
عادل:خلاص راحت ريحة الورد وانت حاطتها ع منقارك
الكل:هههههههه
رائديشمها:إمممم ماأجمل رائحة الورود وخصوصا إذا كانت حمراء..
عادل:ليه الأخ بيحب عمال يشعر
رائد تنهد:إسكت انت واتلهي
مروان :أو و و و و و الأخ شكله غرقان
نسرين همست لسميه:في بنات مصر كلهم
ضحكت سميه ورائد بص عليها وجنبها نسرين وبعدين قام :ولاكمان هديها ورده
احسان بخبث:اها ورده بس
الكل:ههههههه
مروان:وتعرف تقدم ورد إنت وظرافه دمك
رائد بنص عين :طبعا بعرف
وقعد يمثل لهم والكل يراقبه رائد عمل نفسه راح لمكان وإختار ورده حمرا أخدها من الباقه..
مروان:هههههه وبعدين
رائد:بعدين قدمت الورده لحبيبتي شوفوا ازاي واتعلموا..قعد ع ركبته والرجل التانيه تناها حركة اللي بيقدموا ورد أو خاتم خطوبه يعني شبه الأفلام...
ومد الورده باتجاه نسرين اللي كانت قاعده قدامه..
رائد وهو مغمض عيونه وبكل رومانسيه:أحلى ورده لأجمل ورده في حياتي
الكل انفجر ضحك..ونسرين انصدمت ووشها ولع حراره
والبنات ضحكوا ع شكلها وغمزو لها...
إنقهرت مووت ورائد فضل ثابت بحركته..
عادل بضحكه:ماله الشاعر شكله نام من الرومانسيه
رائد فتح عين وحده:لا مستني البوكس اللي هايجيني دلوقت
الكل ضحك لماعرفوا قصده ومروان مش قادر يتنفس من الضحك واحسان نازله فيه تهويش بالعكاز معاه ...
نسرين الي فضلها شويه وتقوم تحدفه من الشباك
**************قصص منه محمد كاتب*********
ممدده ع سريرها وبتتفرج ع نسرين الي تقريبا كسرت كل الادراج بغيظ وغل
سميه:شوي شوي كسرتي الادراج
نسرين بعصبيه :مزاجي دروجي وأنا حره فيه
سميه ضحكت ونسرين بعصبيه اكتر:خير
سميه:اصل افتكرت الي حصل ههههه
نسرين كشرت:وتضحكي إنتي وشكلك
سميه:ههههه بصراحه رائد ده خطيييير
نسرين بانفعال:والله منا مفوتهالوا ده حرجني قدام الكل
سميه بحماس:نسرين
نسرين:نعم
سميه: الا ليه مااخدتيش الورده
نسرين فتحت عيونهابوسعها:نععععم
سميه:يا هبله مين الي يطلبها رائد قدام الكل وترفضه...ده البنات مهوسين عليه لا وكمان يديكي ورده وحمره ههههههه
نسرين افتكرت شكله وهوب يمد لها الورده كان شكله عجيب..نفضت الأفكار ومشاعرها وإنتبهت لسميه اللي حاطه إيدها ع خدها وبصلها
نسرين:خير انتي كمان
سميه اتنهدت:بعد قلوب الحب اللي ملت الاوضه
رمت عليها المخده:اسكتي يابايخه
ضحكت سميه..ونسرين قالت:يعني يوم ما احب مش احب إلا رائد..
سميه:بصراحه فيه شك إنه بيحبك
نسرين اتجننت:ايييييييييه
سميه:أيوه من حركاته بيقول كدا
نسرين اتوترت وقالت بغيظ :تلاقيها دي حركاته مع البنات بيحب ويسيب ع كيفه..
سميه ماسكه ضحكتها:طيب انتي ليه متعصبه كدا
نسرين لفت نفسها في الغطاء:تصبحي ع خير..
*********قصص منه محمد كاتب*************
رجع من السفر وفات ع بيت خالته سناء لأنها اتصلت عليه ماحبش يقول لها لا مع إنه تعبان دخل عندهم وشرب قهوته معها واتكلم معاها وسالته عن لميس عامله ايه واستغرب منها لانها مش بطيق سيرتها ما هتمش وقال يمكن صفت نفسها من ناحيتها والدليل انها نادتته يجي عندها
بس إستغرب لما ماشافش دلال غريبه.
لماخلاص خد قعدته وجاي بطلع فات من جنب غرفه الصالون ووقف لما سمع إسمه وإسم لميس وصوت دلال بتتتكلم مع واحده مش عارفها
الصوت :والله
دلال:أيوه
الصوت:لميس مرات امير ابن خالتك اللي كنتي مخطوبه له يطلع منها ده كله
دلال:أيوه حتى أناماصدقتش في البدايه وقلت أكيد إشاعات بس لماسمعتها بوداني إنصدمت فيها
الصوت:معقوله وإنتي ازاي سمعتيها بتكلمه
دلال:كنت في بيت خالتي وبعدين فكرت أروح لها زياره وأصفي النفوس يعني أعتذر لها وكنت عايزها تسامحني..
الصوت:وليه تروحي تعتذري لها إنتي نسيتي إنها أخدت امير منك..
دلال:اكيد مش ناسيه..بس فكرت فيها وقلت خلاص الراجل اتجوز واختارها هي ليه اقعد استناه طول عمري وهو مش حاسس وأضيع مستقبلي علشانه صحيح بحبه بس مستحيل أقضي عمري في حب واحد مش بيبادلني الحب وكمان متجوز....بصراحه أنا كتير رفضت خطاب خطبوني علشانه لحد امتي يعني لحد ما اعنس واقعد في بيت ابويا ...لا يا حبيبتي انا اشوف حياتي واتجوز هو مش احسن مني
الصوت:يعني خلاص مش عايزاه وهتتجوزي غيره..
دلال:طبعا عايزاه بس إذا هو مش عايزني خلاص هسلم امري لله و اشوف حياتي..
الصوت:اها طيب كملي
دلال:أيوه لماروحت لها سمعتها بتتكلم مع واحد في التلفون وكلام بقله ادب وغزل كمان
الصو:طيب مش يمكن جوزها
دلال:أنا فكرت كدا بس لماسمعت إسمه إنصدمت
الصوت: اسمه ايه
دلال:نادر...أنا بصراحه إنصدمت متوقعتش أبدا انها تخون امير..يعني بصراحه تحمد ربنا انها اتجوزت واحد زي امير
الصوت: يا نهار اسود وعملتي ايه
دلال:رجعت مادخلتش عندها خفت تعرف إني سمعتها ورجعت...
***********
نفخت بضيق لماسمعت صوت...التلفون..كانت عارفه إن هو اللي بيرن قررت متردش شغلت نفسها بتنضيف المطبخ متجاهله صوت التلفون..
كان بيرن باصرار لدرجه مزعجه خلتها تعتقد إنه ممكن يكون مش هو...
راحت له ورفعت السماعه جالها صوته الملهوف وقف قلبها ...
رفعت بصرها وشافته واقف قدامها عند باب المدخل ..
اتغير وشها واتجمد الدم بعروقها من الخوف وخصوصا نظرة عيونه اللي وقفت قلبها..قفلت السماعه بخوف واضح خلاه يعقد حواجبه بطريقه خوفتها..
حاولت تهدي ضربات قلبها وقالت من غير ماتتحرك من مكانها :حمد لله ع السلامه...
كان تفكيرها إن لو هو اللي رد ع التلفون وقال المتصل إسمها الشئ ده رعبها ماهي مش قادره تتخيل رده فعله وخوفها من تاكيد شكوكه ...طيب فيها ايه لو حكتلو عن المزعج الي عمال يطاردها لالالا مش هيصدقها هو فاكرها مقضيها ودايره ع حل شعرها وصاحبه علاقات اومال لو قالت له عن الشخص المجهول ماكانتش عارفه إن تفكيرها ده وخوفها أثر ع تصرفاتها..
سمعت صوته الحاد : كنتي بتكلمي مين
ألجمها سؤاله مع صوت التلفون اللي رجع يدق...حبست أنفاسها لماشافته اتقدم ورفع السماعه رفع نظره ليها بقوه وهو بينزل السماعه ويقفلها
وإيده تنمد ويمسك إيدها بقوه
وهو بيعيد سؤاله بحده أكتر من قبل:سألتك كنتي بتكلمي مين
غمضت عيونها بألم وهي حاسه فعلا ان إيدها بتنكسر من قوة قبضته وقالت بصوت مرتجف:اه كنت بكلم سميه
إضطرت إنها تكذب وماتقولش الحقيقه وإلا هيدفنها مكانها ولا ممكن يصدقها...ومش عارفه المجهول ده ممكن يتبلي عليها ويقوله ايه
قال وهو بصصلها ب كل قهره وغضبه من الطقطقه اللي سمعها في ايدها:سميه ها
مش قادره تتحمل ألم ايدها رفعت عيونها الي اتملت دموع وقالت بألم:اه سيبي ايدي ...ايدي اتكسرت
زقها من قدامه ووقعت ع الأرض وايدها ضربت في الطربيزه صرخت صرخة مكتومه
و مسكت ايدها وسمعت صوت الباب اللي اتقفل بقوه ودموعها اتفجرت
**************
