عذبني ولكن احبني

البارت52

.

الحلقه٥٢
عذبني ولكن احبني

كانت واقفه في البلكونه اللي بتطل ع ساحة الشانزلزيه...أصرت إنها تقعد في بيت مطل ع الساحه ...بتحبها وبتعشق تتفرج ع الناس اللي بيتمشوا فيها...الجو كان روعه
إبتسمت لما افتكرت المقلب اللي عملته امبارح في خالد...ماحبش ياخد عربيه وفضل إنهم يتمشوا في شوارع باريس...وده سهل عليها في اللي قررت تعمله بعدت عنه لماشافته مشغول في الكاميرا اللي معاه...
فضلت تراقبه لماانتبه لعدم وجودها...كان شكله خايف وهو بيتلفت حواليه يدور عليها
كانت مستمتعه وهي شايفه شكله وهو بيدور عليها...وهي خايفه ينتبه لها...
فضل ع الحال ده ساعه لكن ماحبتش تطولها وهو الغبي ناسي انها جات باريس
كتير وأكيد حافظه شوارعها والأماكن وخصوصا إن معها لغه فرنسيه...
اي نعم أخدت كام تهزيئه منه..بس ماكانتش معاه...ماكانتش عارفه إنه للدرجه دي بيخاف جدا عليها ...حتى إنها لأول مره اعتذرت لحد وإعتذرت له هو فقط ...
إبتسمت لما افتكرت الأيام اللي فاتت...كانت أحلى أيام حياتها خالد غرقها بحبه وحنانه عمرها ماتوقعت إن خالد للدرجه بيحبها.. ندمت أشد الندم إنها كانت هتفرط بحبه وفيه...ندمت أشد الندم ع علاقتها ب نادر وكل يوم يزيد ندمها...كرهت كل لحظه كرهت فيها خالد....
التفتت لماحست بايد خالد حوالين وسطها وشافته واقف جنبها...
خالد:صباح الورد...
إبتسمت:صباح النور...
خالد :الجو حلو النهارده...ايه رايك حبيبتي نفطر بره...
رنا:أوك...
خالد وهو يحرك شعرها:تحبي تروحي فين النهارده يا قلبي
بصت له وضحكت....
بصلها مخضوض:لاء..اوعي تقولي متحف اللوفر...لاننا روحناله أكتر من مره ....
ضحكت ومسكت دراعه:ربنا يخليك حبيبي والله عاجبني وبحب أروحلو..
خالد اتصدم: قلتي ايه ياحلوه...عيدي..عيدي اللي قلتيه...
سابت دراعه بحيره: قلت ايه اه ..عاجبني وبحب أروحلو بس..
خالد :لا لا اللي قبلها...
قالت بغباء:والله...
خالد بقلة صبر:رنـــا اللي قبلها..
افتكرت إنها قالت حبيبي...وده فعلا الواقع خالد حبيبهـــا ...والأيام اللي عاشتها معاه أثبتت الحب ده ..
إبتسمت وقالت: ربنا يخليك..
خالد شالها وهي شهقت واتمسكت فيه:خالد..
خالد:هتقوليها ولا ارميكي من فوق البلكونه..
بصت له بابتسامه:أصلا ماتقدرش مش اهون عليك...
خالد حبس إبتسامته وقال:يعني برضه مش عايزه تقوليها..
رنا بعناد:لا...
خالد:يعني أجرب العقاب التاني...
خافت من نظرات عيونه وفهمت ع اللي ناويه...وقالت بسرعه:لا...خلاص هقول ..نزلني..
ضحك:حريم مايجوش إلا بالعين الحمرا..
نزلها ووقفت تبعد شعرها عن وشها المحروج
رنا:.حبيبي خالد...
شافت إبتسامته ومشت وهي بتقول:رايحه أجهز علشان نخرج..
سحبها له وهو بيقول :تعالي تعالي رايحه فين ياحلوه..ننفذها عملي
^^^^^^^^^^
**************
دخل للصاله وأخد الملف اللي ع الطربيزه وطلع
رفعت حاجبها بعدين معاه وبصت له وهي قاعده قدامها تولين وعيونها في الارض دخل كدا حتي ولا بص لمراته ولا قالها اي كلمه هي ملاحظه إنه دايما بره البيت ولا مرة شافتهم قاعدين مع بعض...
بصت لـ تولين اللي لابسه جيبه وبلوزه عاديه...
إنقهرت طبعا ازاي هيبصلها وهي لبسها كدا ...حرام البنت حلوه بس مش عارفه ازاي تهتم بنفسها...قررت تغير تولين وتعلمها ...علشان الغبي أخوها يمكن يحس ...
قالت:تولين..
تولين:نعم..
ريم قامت وأخدتها معاها:تعالي معايا...
إستغربت لماشافت لبس تولين كلها تنانير وبلايز وجلابيات وكلها عاديه جدا وألوانها غامقه...
ريم:تولين مين اللي جهز لك...
تولين:أكيد عمتي ..
فهمت دلوقت..طبعا عمتها هتعمل ايه غير كدا لانها عارفه شرها وخبثها وهي قاصده الشئ ده
قررت تاخدها للمول بنفسها طبعا تولين بالعافيه وافقت تروح للمول...وراحت معاها
...................

**************
بصت في الفستان اللي ماسكه ريم :لا...لاياريم..مش هلبسه
ريم:وليه لا ...
تولين:عايزني ألبس الفستان ده قدام مروان...لالالالا
ريم:هتقولي اتكسف والخ ...ياحبيبتي مروان بقي جوزك وبعدين الفستان مش قصير حرام عليكي...ده ل لحد الركبه وانتي تقولي لا
غصبتها لحد ما وافقت ولبسته..
ريم:وااااو ماشاءالله يجنن عليكي
بصت تولين في المرايا...الفستان عشبي جميل وسيور لتحت الركبه...يجنن عليها...
مسكت ريم ايدها وقعدتها وفردت شعرها :ها ايه رايك
تولين بصت في شعرها اللي أجبرتها ريم تقصه مدرج لأنه مناسب لوشها بس طبعا مارضتش إنها تقصره وقصته ع طوله: حلو.

حطت لها ريم ميك أب ناعم وخفيف

تولين شافت شكلها اللي اتغير ميه وتمانين درجه...

إبتسمت ريم بإعجاب:ماشاءالله تجنني...وعايزه تحرمي أخويا من الجمال ده كلو...

إبتسمت تولين وقالت وهي تتامل الأكياس الكتيره المنتشره حواليها:بس ملوش داعي كل ده...

ريم:إلا له ودلوقت هنادي الخدامه ترتبهم...

طلعت ريم تنادي الخدامه سايبه
تولين واقفه تشوف نفسها الجديد في المرايا....

*************************

دخل للبيت وهو بيفكر في كلام أبوه له....جه أبوه للشركه وطلب منه يروح للبيت يرتاح وهو ياخد مكانه...وقاله ياخد تولين تزور أهلها...
دخل للصاله وشاف ريم قاعده وماشافش تولين معها...

قعد مروان:فين تولين...

ريم:فوق...

مروان:روحي ناديها...

ريم اتغاظت منه وقالت تتصنع التعب:مش هقدر اقوم رجلي بتوجعني اوي

قام مروان بلهفه:ليه مالها.

ريم:آمم اتزحلقت من شوي ...

مروان بقلق:طيب قومي آخدك ع المستشفى...

ريم نفسها تخنقه:لا لا مش بتوجعني اوي دلوقت تخف

مروان:متأكده ريمو...

ريم:أيوه...

قام مروان وريم زفرت:أففف أعوذ بالله مش عايزه اروح ..ياريته يدي تولين شويه من الاهتمام والجنيه دي..

****************
نفخت بضيق وهي بتتفرج ع شكلها...خايفه وامنيتها تروح وتغير الي عليها خصوصا ان مروان مش هيرجع دلوقت قررت تبدل لبسها ..أخدت مشبك توك ولسه بترفع شعرها ووقع من ايدها لماسمعت صوته يناديها واتجمدت مكانها....
ماشافهاش في الصاله ودخل غرفة النوم ..
ووقف متعجب يستوعب اللي قدامه دي تولين ولا لا...
ايوة دي تولين ودي جاذبيتها اللي بيهرب منها....واقفه ملبوخه ومش عارفه تعمل ايه
حتى هي مش قادره ترفع راسها...الله يسامحك ياريم...وقعت نظراتها ع المشبك اللي ع الأرض ...
وإنحنت تاخده بس أهم حاجه إنها تتحرك وتخفي خوفها وإرتباكها خصوصا إنه ماتحركش وثابت في مكانه...
رفعت راسها وهي بتاخد المشبك وإيدها التانيه تبعد خصل شعرها عن وشها وقالت
لماشافته متجه ناحياتها:اهـ..اهلا مروان

مروان وعيونه ع شعرها:امتى قصيتيه...

تولين بخوف وبسرعه:إسفه ما كانش قصدي أطلع من غير ما أقولك والله آسفه بس ريم...

مروان إستغرب من خوفها:طيب طيب وإنتي ليه خايفه ...

سكتت وإبتسم وهو بيقول وإيده ع شعرها:بس كدا احلي
نزلت عيونها وقلبها وصل لحلقها من الخوف حتى مروان لاحظ خوفها...
بعد ايده وقال:ع فكره النهارده هانزور أهلك..

رفعت راسها بخوف مش متخيله
أبدا إنها ترجع للبيت مره تانيه:لاربنا يخليك مش عايزه

إستغرب منها ومسك ايدها لماشافها تنتفض:تولين مالك...ليه مش عايزه تروحي هناك

تولين وعيونها غرقت دموع:مش عايزه أروح الله يخليك مروان ماتاخدنيش ليهم

مروان:طيب ليه..

سكتت ماقدرتش تقوله إنها خايفه من أبوها ماقدرتش تقوله إنه أصلا مش معترف بيها وإنه معتقد إنها مش بنته بنت زنا...ماقدرتش تقوله إنها مش عايزه تفتكر آلمها وعذابها وتروح له برجليها.

مروان:هنروح ياتولين لازم تروحي لأن ماعندكيش سبب مقنع يخلينا مانروحش....هغير هدومي ونروح..

طلع...وهي اتنهدت بضيق مش عايزه تروح....قعدت ع أعصابها والخوف من ردة فعل أبوها رعبتها ...البيت كله راعبها ............وخصوصا عمتها
رفعت راسها لماشافته طلع وبيقفل ازار قميصه
يارب قامت بستسلام ولبست هدومها ومروان
لاحظ وشها اللي شحب...
لماوصلوا بيت أهلها..تولين مسكت ايده بخوف وترجي: مروان الله يخليك ماتسبنيش لوحدي ...

مروان مستغرب:مش هسيبك هانزل معاكي..

تولين:وماتسبنيش معاهم وتمشي

مروان ابتسم :لا...اطمني

دخلوا القصر ودخلتهم الخدامه في غرفه الضيوف

إستغرب لماقعدت جنبه وعيونها ع الباب...

مروان بحيره ..معقوله للدرجه دي أبوها مسبب لها رعب...رق قلبه ليها مش معقوله فيه بنت تخاف من أبوها...

***

دخلت الصالون وشافت مروان

سرحان في تولين اللي اتفاجأت لماشافت العمه اللي إنقهرت وزاد قهرها شكل تولين..وعيونها ع مروان اللي إنتبه لها متفاجأ وبعد عيونه عنها مستغرب من وقاحتها...

قربت منهم وهي بتقول بدلع:أهلا اهلا .

مدت ايدها لمروان الي مدير وشه اصلا عنها
رفعت حاجبها وقعدت وحطت رجل ع رجل متجاهله تولين:اتفضل مروان منور حقيقي
دخل فاروق وتولين أول ماشافته لزقت في مروان...
سلم ع مروان ورحب بيه وقامت العمه بسرعه علشان مايسلمش ع تولين وقالت وهي بتقعده :إرتاح ياخويا إنت تعبان

مروان بص ع تولين اللي ماتحركتش من مكانها وعيونها ع الأرض..وقال:سلامتك ياعمي الف سلامه

كانت قاعده طول الوقت ع أعصابها وهي تسمعهم يحكوا وشايفه عمتها تقدم القهوه وغيرها وهي تتعمد تقرب من مروان ... لماقام مروان اللي مش عجبه الجو ومضايق وهو محتقر فاروق اللي ساكت عن عمايل اخته...
طبعا تولين ماصدقت مروان يقوم وقامت معاه ...وطلعوا ..
وطول الطريق وهي شيفاه مروان ساكت

*****************************

دخل للبيت وكان هدوء لأنه رجع متأخر...دخل للصاله وقعد وقلع جاكيت البدله جنبه...سند راسه ع ورى بضيق..واتنهد

بكره فرحها..بكره أمل هتتجوز غيره...بكره الامر الي كان بيحسبه حلم هيكون واقع ملموس ....ضم راسه بإيديه وغمض عيونه بتعب فضل ع حالته ساعه وصراعات جواه وكبت فظيع قام بثقل حتى إنه نسى ياخد الجاكيت وطلع فوق

دخل الجناح..واتفاجأ لماشاف تولين لسه صاحيه

فضل واقف مكانه باصص عليها ومش عارف ليه اللحظه دي بالذات ركزت عيونه عليها وهو بحالته دي

قاعده ع الكرسي وعطياله جنبها وعيونها السود الواسعه تتابع في التلفزيون بسرحان...ليـــــــه لماتكون قدامه بينسى امل
اتنهد بضيق ودخل الغرفه...
إنتبهت ع صوت باب الغرفه ..
وعرفت إن مروان رجع...بس ليه مش بيكلمها ..معقوله مانتبه لوجودها...

*************

اتفاجأت لماشافت رنا داخله
غرفتها:رنـــــــا...

سلمت عليها:امتى وصلتوا...

رنا بابتسامه:النهارده الفجر...

إبتسمت:حمدلله ع السلامه

رنا قعدت:الله يسلمك...عامله ايه ياعروسه..

إبتسمت وقعدت جنبها:الحمدلله بخير إنتي ازيك واخبار السفريه معاكي

رنا:تمام..الحمدلله..

إنفتح الباب وطل خالد:مساءالخير ع أحلى عروسه طبعا بعد مراتي

ضحكت أمل وهي بتقوم تسلم عليه:حمدلله ع السلامه..

خالد:الله يسلمك...

أمل:سوري قطعنا عليكم شهر عسلكم..

خالد:يعني معقوله نفوت جواز اغلي اخواتي الدلوعه
ضحكت أمل:لاتسمعك ساره بعدين تطق من الغيره..
خالد:هي رجعت..
أمل:أيوه تلاقيها جايه دلوقت...
قعدوا شوي معاها وإنضمت لهم ساره ...
قام خالد لماأزعجه رائد من كتر ما رن عليه عايزه يروح معاه يشرف ع القاعه ويساعده

****************
نفخت بضيق لماماقدرتش تقفل العقد
إبتسمت لماافتكرت إن امير كان هو الي بيقفلهولها
إختفت إبتسامتها لماافتكرت إنها لسه زعلانه منه ومضايقه...عدلت شعرها الكيرلي وفستانها الذهبي ...ورجعت تبص في الطقم اللي مش عارفه تلبسه
وقررت تلبسه لماتوصل للفندق
أخدت موبيلها وحطته ع السرير وأخدت شنطتها تدخل فيها حاجاتها.
رفعت راسها لماسمعت صوت
امير:جهزتي...

لميس: ايوه خلصت
امير عيونه وقعت في الطقم اللي ع التسريحه جنبها:وده مش هتلبسيه..عشان لزوم الصور الخاصه

لميس:هاخده معايا ألبسه هناك..

عرف إنها ماقدرتش تقفله ومش عايزه تطلب منه

امير:تعالي اقفلهولك

رفعت عيونها وبصتلو ومقدرتش تقوله لا

أخدته وراحت له ...عطتهوله وكانت هتديله ضهرها بس ما عطهاش فرصه وكانه عارف حركتها لما لف ايده بسرعه حوالين رقبتها وقفله
نزلت عيونها بارتباك...وحسته طول وهو بيقفلو وكأنه متعمد علشان يخليها قربه...وهي مش عايزه تضعف قدامه...ولاهي قادره تتحرك...وعيونه عليها
قرب منها وباس جبينها...وهي حبست أنفاسها..وغمضت عيونها
لما حط شفايفه علي شفايفها ومفيش شئ يفرق بينهم غير أنفاسهم العاشقه المندمجه
شكرت ربها لما رن موبيلها وقلبها حسته هيخرج من مكانه من قوه دقاته
أخدت الموبيل بايدها المرتجفه وردت:ايوه يا ريم...
رفعت نظراتها للمرايا و امير مش موجود

زعلت واتنهدت وقعدت ع السرير

ريم:آلو..لموس مالك

لميس:مفيش حاجة...خلصتوا..

ريم:أيوه ومستنينك.

لميس: اوك دلوقت هتحرك...

قفلت معها وفضلت لثواني تهدي نبضات قلبها .

****************

اتأففت بضيق وهي باصه في الصندل العالي اللي أجبرتها
ريم تلبسه...أمبارح قعدت تدربها ازاي تمشي عليه لأنها مش متعوده ولا عمرها لبسته...رفعت طرف فستانها ولبست الصندل...وهي خايفه تقع
قدام الناس وتتكسف...بس ريم مصممه تعودها....
مشت فيه وهي رافعه طرف فستانها علشان تسهل حركتها...وكل شوي تقف علشان ماتقعش ...ولا منتبه للعيون اللي بتراقبها...

نفخت بضيق:الله يسامحك ياريم...دبابه دي مش صندل...

كانت منزله راسها تشوف خطواتها بحذر..
وهو كان واقف يتفرج ع حركاتها البريئه ونفسه يضحك ع شكلها...كأنها طفله..

فجأه رفعت راسها لماحست بوجود حد كانت تظن إنه ريم.. واتفاجأت لماشافت مروان واقف يراقبها...كانت هتقع بس مروان لحقها ومسكها...بعدت عنه وهي محروجه من نفسها

تولين بحرج:آسفه...

مروان ضحك:أهم حاجه انك موقعتيش...من الدبابه اللي لبساها زي ما بتقولي

إبتسمت وهي بتقلع الصندل :ريم مَصره ألبسه...

مروان: ليه من طولها ريم ..

دخلت ريم :خلصتي...

اتجننت لماشافت الصندل مرمي: برضه مالبستييهوش...

تولين إبتسمت:مش عايزه ألبسه عالي اوي

ريم اتخصرت :لاوالله ..

تولين ضحكت:خلاص هلبس بس اقصر منه

ريم :طيب تعالي نطلع واحد تاني

مسكتها وسحبتها معاها...وعيون مروان عليها ...كان الاول مش شايف حاله لان النهارده فرح امل
لكن لماشافها نسى كل حاجه...حركاتها البريئه وإبتسامتها اللطيفه وضحكتها كل حاجه
فيها مخليه يبتسم وسط احزانه...خلاص خلصنا
........................
حكايه امل نهائي واتجوزت بسلامه الله طارق.....

واقفه قصاد المرايا ونظراتهاع فستانها الأبيض بتصميم فرنسي...وطرحتها البسيطه...تسريحة شعرها ...مكياجها الناعم ...كل شئ فيها هادي وجذاب...
اتنهدت بتحاول تطرد مروان عن بالها وتحط قدامها طارق وبس..

لفت للباب اللي إتفتح وإبتسمت لماشافت سميه داخله ووراها نسرين

سميه: ألف ألف مبرو و وك أمووله...

ضمتها بخفه وهي تقول:الله يبارك فيكي...

نسرين:قولي لها عقبالك علشان تنبسط

ضحكت أمل وهي تقول لسميه :عقبالك...

ضحكت سميه وهي بتقول:آآمين

نسرين:شفتي إختي مش بتتكسف ومسروعه ع الجواز .....والمشكله حبيبها أربعه وعشرين ساعه عندنا...
سميه:حرام عليكي ده بيجي شويه حتي مش بتتعدي الساعتين
نسرين برقت:وساعتين شويه يامفتريه...ده ع كدا لو مجاش يوم اختي هتنجلط
ضحكت أمل وسميه ضربت نسرين:عبيطه هتفولي إن شاءالله يجي كل يوم..

نسرين:والله ع بالي بتتخانق لأني قلت هنتنجلط أتاريها خايفه ع حبيب القلب مايجيش...

إتفتح الباب وشافوا ريم داخله إختفت إبتسامتها لماشافت اللي دخلت وراها سلمت عليها ريم ونظراتها ع اللي واقفه جنبها وإبتسامتهاع وشها
ريم:دي تولين مرات مروان..

رمشت بعيونها ورسمت إبتسامه ع وشها..وعقلها فضل يردد

توليـــــن مرات مروان مــــرات مروان..

حست بشئ جواها يآلمها ..سلمت عليها ورجعت تولين وقفت جنب ريم...

بعدها دخلوا عندها البنات يباركوا وهي مش قادره تشيل عيونها عن تولين...اومال لو شافت مروان نفسه...طردت الأفكار عن بالها وحاولت تنسى كل الذكريات وتفكريها انصب علي فرحها وبس....

***********************

قعدوا حوالين طربيزه ورشا قالت:فينها تولين

دلال ونظراتها تبحث عن لميس:معرفش...

رشا لمحت ريم ماشيه في الممر ومعاها واحده متعرفهاش:مين اللي مع ريم..

دلال:مش عارفه

دققوا النظر وبصوا لبعض بدهشه:توليـــــــن

ريم:السلام عليكم

بصولها مش مصدقين إن دي تولين

دلال ورشا من غير نفس: اهلا

ريم ماكانتش عايزه تروح لهم بس عايزه تقهر رشا

سلموا ومشوا وسابوهم.

رشا:بنت الرفدي... شفتي شكلها..مستحيل مروان يرجع يبص لي ودي قدامه

دلال:إنتي غبيه مش انتي بنفسك الي علقتي ع شكلها المره اللي فاتت..

إنقهرت رشا وقالت:مش مهم الشكل المهم تصرفاتها....

بصت لدلال الي مركزه نظراتها في لميس: وإنتي ليه قاعده تراقبي الي ماتتسمي لميس

دلال:مش شغلك..

بعد زفـــــــة أمـــــــل وبعد ماقعدت

قاموا البنات عشان يروحوا لها..

تولين مارضتش تروح معاهم وفضلت تقعد وتشوفهم من مكانها...لفت حواليها بحيره ..مستغربه لأنها ماشافتش عمتها موجوده..
التفتت لماحست بحد قعد جنبها وشافت رشا بصلها..
رشا:شفتك قاعده لوحدك قلت اقعد معاكي
تولين إبتسمت وهي مش مرتاحه لها

رشا كملت كلامها:عارفه البنات مش عايزين يقعدوا معاكي

تولين بحيره..قصدها ايه ..

وكملت رشا:لأنهم بيحبوا أمل وأكيد هيوقفوا في صفها ومش حابين يضايقوها...

وكملت لماشافت نظرات تولين: ليه إنتي مش عارفه إن أمل هي اللي بيحبها مروان.

إنصدمت تولين وصت لـ أمل مصدومه...معقوله مروان بيحبها...
قطع تفكيرها ريم اللي جت لما شافت رشا قاعده معاها وأخدتها معاها...وهي مش قادره تستوعب اللي سمعته...جه في بالها مروان وافتكرت تصرفاته الأخيره...ماكانش بيقعد معاها إلالما يكونوا قاعدين مع أهله...سرحانه الكتير... الحزن اللي بتحسه في
ملامحه ...حتى إذا كان في البيت يقعد لوحده وسرحان..دلوقت بس عرفت السبب..بصت لـ أمل...لأن اللي بيحبها اتجوزت غيره...بس ليه
إحساس فظيع حست بيه ونظراتها ع أمل...ومروان في بالها...هل لانها صعبان عليها حبه لأمل...ولا هـــو" غيـــــره"

*****************
باركوا لها ورقصوا حواليها البنات فرحانين بيها وليها..

وعيون واحده حاقده بتراقب واحده فيهم..

لماشافتها متجهه للحمام لوحدها...سبقتها ودخلت قبلها

ورفعت موبيلها:اهلا اميري.

وقفت لماسمعت صوت دلال تستوعب الإسم اللي سمعته..

دلال:امير حبيبي والله عارفه إنك مش بتحبها وبتحبني..وعارفه إنك عايزنا نتجوز...........أيوه حياتي عارفه إن مش قصدك تسبني لما وقعت في البسين وحصلتها بس علشان ماتشكش.... عا رفه ان روحك وقلبك معايا............ههههههه عارفه إنها قطعت علينا أحلى لحظه..............عامل ايه دلوقت..........حبيبي والله أنت كمان وحشتني أكتر........بكره.......أوك حبيبي نتقابل في نفس المطعم ع الغداء.....

سندت ع الجدار قبل ما تقع وإيدها ع راسها....

مستحيـــل...مستحيل امير يخونها مع دلال...مستحيـــل

اه دلوقت بس عرفت ليه بيدافع عن دلال وراضي بقربها...دلوقت بس عرفت ليه مش بيعترض ع تصرفاتها ووقحتها ..دلوقت بس عرفت سبب صمته لما واجهته...

غمضت عيونها وإنسابت دمعتها ع خدها...ألم حاد يعصف في قلبها...إنسحبت من المكان قبل ما تشوفها دلال...

***************
***************

بعد مارجعوا من الفرح.

قعدت ع الكنبه وهي شيفاه دخل مكتبه وقفل ع نفسه الباب طول الطريق وهو ساكت ولا اتكلم رغم إن ريم كانت معاهم عماله تتكلم بس كان هو صامت ومش ع بعضه...وهي عارفـــــه ليــــه...
بس هي ليــــه زعلانه ليـــه مضايقه...من ساعه ما عرفت إن مروان بيحب...

اتنهدت بضيق..أنا طول عمري عايشه لوحدي...مش مهتمه بحد ولا حد مهتم بيا...ليه دلوقت اهتم بيه هل لأنه أنقذني وطلعني من العذاب اللي كنت عايشه فيه...أو لأني كنت معجبه بيه او ..لأني..حبــيتــ..ـه...أنا عمري ماحبيت حد ولا حد حبني...ازاي أقول إني حبيته أو عرفته إنه حب....آآه ياربي..

قامت لما أقنعت نفسها إن ده مش حب...ومستحيل يكون حب..دخلت الغرفه وأخدت شور وغيرت ونامت...

**

رجع راسه ع ورى وغمض عيونه بتنهيده...اليوم شافها عروسه لغيره..ماسكه ايد غيره...ضم راسه بإيديه وغمض عيونه بقوه يطرد صورتها من باله
فضل في مكتبه ساعه بصمت وهدوء وماتحركش من مكانه...قام وطلع من مكتبه لماعرف إنه مستحيل يحول اللي حصل لحلـم...
دخل الغرفه وجات عيونه عليها...
نايمه ع طرف السرير ولو اتحركت هتقع منه وكأنها بتهرب منه...خصل شعرها الأسود متناثره ع المخده...رموشها الطويله السود تلامس خدها...
ماحسش بنفسه غير انه قعد ع طرف السرير يبصلها..
بعد عيونه عنها وقام...

***************

فتحت الباب وشافت ريم داخله...ووشها متغير وشكلها مضايقه...

قعدت جنبها:ريامي مالك حبيبتي..

ريم بصوت مخنوق:حددوا معاد فرحي

لميس:امتى

ريم ودمعتها ع خدها:بعد مانرجع من الساحل..

لميس بدهشه:ازاي يعني بعدما نرجع من الساحل..

سكتت لميس لماشافت دموع ريم وحاولت تهديها...

ريم:كل ما أحاول أنسى يفكروني يقربه وقته...صرخت ليييييييييييه لييييييييييييه

لميس:إهدي حبيبتي خلاص..احنا هنعمل ايه مفيش بايدينا حاجه نعملها انتي مراته سواء قربو معاده أو أخروه..

سمعوا صوت باب غرفة امير اتفتح
ومسحت ريم دموعها بسرعه
لماشافته طالع...

امير:أهلين ريمو...

قامت تسلم عليه وهي تبتسم وتحاول ماتوضح له إنها كانت بتعيط..

ريم بابتسامه:وحشتوني وقلت أجي أتغدى عندكم..بس شكلك طالع..

امير عدل قميصه:أيوه عندي شغل وهتغدى برا..

رفعت راسها وبصتلو بصدمه ونزلت عيونها لما شافته رفع عينه عليها...وقلبها غاص داخل ضلوعها...

طلع وقالت ريم بابتسامه:ياللا انا ماشيه شكلك مش ناويه تغديني

******************
قاعده في الجنينه مع ريم ورنا لمارفعت عيونها وشافت مروان خارج...من بعد الفرح رجع لعادته أول ما اتجوزوه...يفضل طول الوقت
بره البيت...هي ماصدقت يتحسن معاها وبقت تشوفه ويقعد معاها حتى لو مع أهله قابله وراضيه

ريم:إحم إحم نحن هنا.خلاص مشي من زمان

إنحرجت ونزلت عيونها وقالت:فين لميس

ريم: رنيت عليها وشكلها مشغوله...

رنا:بدئتي تجهزي لجوازك

ريم بضيق:لا

رنا:لازم تبتدي من دلوقت يادوب تخلصي لأن الأسبوع الجاي رايحين الساحل الشرير.

ريم اضايقت ونفسيتها زفت لما افتكرت جوزها من هذا العبد الله ورحلتهم للساحل يعني أكيد هيلزق فيها...

رنا: المساء هاخدك معايا ع المول نلف ونشتريلك حاجتك..

ريم:لامش هروح في حته

رنا:هتروحي يعني هتروحي

رنا لـ تولين:ايه رايك تولين تيجي معانا منها تنبسطي ونتمشى ومنها تتسوقي...

تولين:مش عارفه هسال مروان

ريم:أوك اتصلي بيه دلوقت

تولين:اتصلي إنتي...أنا ماعنديش موبيل

اتفاجأو البنات إن ماعندهاش موبيل وان مروان مش عطاها واحد

طلعت ريم موبيلها ورنت ع رقم مروان ومدته لتولين اللي خدته بتردد ماكانتش عارفه إن ريم هتخليها هي تكلمه.

طول ماردش وبعد ثواني جالها صوته:ايوه يا ريم

تولين إرتبكت لما سمعت صوته: مروان

عقد حاجبه باستغراب لأنه ماعرفش الصوت وقال:مين معايا

تولين:أنا تولين...

بصوا ريم ورنا لبعض...يعني معقوله ماعرفش صوتها

ريم همست بتريقه:من كترما بيقابلها ماعرفش صوتها...

اتفاجأ مروان وافتكر إنه ماجاب لهاش موبيل ..ازاي نسى:اهلا تولين

تولين:اهلا ازيك

مروان:تمام إنتي ازيك

تولين:بخير.............

مروان:عايزه حاجة.

تولين:كنت بستأذنك عايزه أروح مع البنات النهارده للمول

مروان طبعا وافق لأنه عارف نفسه إنه مش بيخرجها من البيت وأكيد البنت كرهت نفسها...
طلعوا للتسوق واتسوقوا واتعشوا ورجعوا..

قعدوا في الصاله مع كوثر
لمادخل مروان :السلام عليكم

قعد جنب تولين ...وقالت تولين
له:اتعشيت..

اتفاجأ من سؤالها وقال:أيوه..

اضايقت لأنها رفضت تتعشي مع البنات علشان تخلق فرصه تقعد معاه ويتعشوا مع بعض...صعبت ع ريم لأنها عارفه انها ما تعشتش معاهم عشانه....وإنقهرت من أخوها...قام مروان وطلع فوق ولحقته تولين...بدل لبسه ورفع موبيله لما جاله
مسج..

فتحه..

"تولين ماأكلتش حاجة علشان تتعشى معاك"...
رفع راسه متفاجأ وطلع من الغرفه...شافها قاعده ع الكنبه وسرحانه...

دخل الغرفه وأخد الكيس اللي جايبه معاه وطلع.

إنتبهت عليه قعد جنبها وهو بيطلع علبه من الكيس اللي معاه...

مده لها وقال:كان المفروض أجيبهولك من أول جوازنا...

اتفاجأت لماشافت الموبيل في ايده وقالت :بس أنا مش بحتاجه

مروان ابتسم: لا هتحتاجيه لما تعوزي مني أي حاجه وأنا مش موجود ..بدل ما تستخدمي موبيل ريم...

تولين أخدته منه :بس انا مش بعرف استخدمه

مروان:مش مشكله أنا أعلمك...

إبتسمت وقالت:شكرا...

ركزت نظراتها ع الموبيل تهرب من نظراته...

رفعت راسها لماسمعته يقول :مش ناويه تعشيني...

تولين باستغراب :إنت قلت إنك اتعشيت...

مروان ببتسامه :تقدري تقولي مش عشا...

إبتسمت وقامت.
****************
لابسه فستانها الأبيض بكريستالات ملونه داخلها اكتر اللون الفوشي...القت نظرة أخيره ع شكلها طلعت من الغرفه وشافته قاعد في الصاله وحايس مع أوراقه...بتحس بضيق لماتشوفه مشغول عنها بشغله اللي يجيبه حتى في البيت وأول أيام جوازهم.

رنا:خالد..

رفع راسه وبصلها : نعم

رنا:أنا خلصت ..مش هتقوم تجهز

ساب الأوراق اللي في ايده وبص في ساعته...وقام..

عدا من جنبها وهو يبتسم لها ..

قعدت في الصاله تنتظره ...لحد ما طلع و بيلبس ساعته..

قامت تاخد شنطتها متجهه للباب مسكها وهمس :نسيت أقولك إنك قمر..

إبتسمت باحراج و سحبت ايدها...بصت في إنعكاس صورته ع المرايا وهو محتاس يدور ع حاجه...

قالت ببراءه:حبيبي بتدور علي ايه..

قال وهو بيرفع مخدات السرير:موبيلي ما شفتهوش

قالت بابتسامه :لا.افتكر حطيته فين

وقف وعيونه تدور في الغرفه وإيديه في وسطه:مش عارف..نسيت حطيته فين

رنا :لايكون ناسيه في المستشفي

سكت وشكله بيفكر:لا لا ماعتقدش

حطت حاجاتها في الشنطه وهي بتقول:يمكن في العربيه

أخدت شنطتها:ياللا ياخالد هنتأخر مامتك مستنينا تحت

نفخ بضيق وهو بيفكر ممكن يكون حاطه فين...

ركبوا في العربيه وفتح أدراج العربيه يدورعليه

امه: انت بتدور ع ايه

خالد:موبيلي مش عارف حطيته فين

امه:طيب رنوا عليه..

رنا:رنيت يا ماما بس طلع مقفول

امه:إمشي يا بني لانتأخر وإن شاءالله تلاقيه في البيت يعني هيكون راح فين ...

******************

بصت للميس الي قاعده
ع طرف السرير وهي بتحط مناكير أحمر وقالت:غريبه لموس جيتي تلبسي عندي...

لميس:ليه مش عايزاني.

ريم:لا طبعا اخص عليكي...بس مستغربه بالعاده بتقوليلي ان انا الي اجي البسك عندك

لميس:أيوه عارفه بس قلت اجي اجهز المره دي من عندك

دخلت ريم غرفة ملابسها تجيب صندلها ...

ولميس سرحت تفكر هي جت عند ريم علشان تهرب من امير لانها مش عايزه تشوفه.......بعد اللي عرفته...

أحيانا تكذب اللي سمعته...بس لماتشوف الواقع واللي دايما تشوفه منه ومنها تصدق....

**************

إنبسطت كتير لماشافت البنات حضروا كلهم....
مع إنها انبسطت مع البنات اخوات طارق...بس لسه ماتعودتش عليهم....
بصت لتولين الي قاعده جنب ريم ساكته بعدت نظراتها وإنشغلت تتكلم
مع البنات....

اتأففت مقهوره وهي شايفه تولين قاعده وماتحركتش من مكانها...حتى ماتقدرش توصل لها...التفتت لإختها دلال اللي كل تركزها علي ملامح لميس بتشوف أثمر فيها نتيجه اللي عملته ولا لأ ....وإنبسطت لماشافتها كل شوي تسرح ....

ريم:هههههه والله فهد ابن اختي نكته...

نسرين:اااه قولي ده مصيبه ...

سميه:والله حرجني قدام خطيبي ...وكسفني قدامه

نسرين:لاسيبك...هو أصلا عارف طوله لسانه..

لمياء :بنات ايه رايكم نطلع الجنينه..

قاموا البنات وطلعوا للجنينه الواسعه المزينه...وقعدوا ع الكراسي...

نسرين:بنات فين تولين وريم

سميه قامت: رايحه أناديهم..

قامت سميه وراحت تنادي البنات وقابلت رنا اللي جايه تقعد معاهم...

قامت تولين تروح للجنينه وفي إيدها كاس عصير ...وعيون رشا

الحاقده تراقبها...مدت رجليها بحيث ماحدش يشوفها في طريق تولين قاصده تقوقعها
تولين اللي وقعت لما اتعثرت برجليها وإنكسر الكاس في إيدها الكل التفت لماسمع صرختها
وماانتبهوا لإبتسامة رشا الشمتانه قاصده تكسف تولين:حسبي ع نفسك مش بتشوفي وإنت ماشيه والله عيب اوي مش عارفه تمشي

جريت ريم لتولين وشهقت لما شافت ايد تولين تنزف دم ...

ريم:اسم الله عليكي تولين...

كانت تتألم من ايدها ودموعها محبوسه جوه عنيها ..ساعدتها ريم ونسرين
وقوموها ودخلوها للصالون..ونسرين بتحاول توقف النزيف...وريم من فزعها مش عارفه تتصرف ازاي

أخدت موبيلها وهي شايفه واحده من البنات دخلت ...واتصلت ع مروان...

وقفت سميه:جري ايه فين تولين دلوقت

لمياء:دخلوها البنات للصالون وريم اتصلت ع مروان ياخدها للمستشفى لأن ايدها بتنزف جامد جدا

قاموا البنات يشوفوها..بس مالقوهاش لانها طلعت مع ريم ومروان بعد ما لفت ايدها

مسك ايدها يشوف جرحها وعاقد حاجبه ..وهي تتألم وحابسه دموعها من ألم ايدها وكسفتها قدام الناس...

مروان:ازاي وقعتي..

ماردتش عليه لأنها لو هتتكلم هتعيط
زياده وفوق كدا خايفه يخانقها ..لأنها فضحته..لأنها مراته ...
رفع راسها وعيونه بعيونها الدامعه:تولين...

نزلت دمعتها ومسحها مروان بصوابع ايده:خلاص متعيطيش.

قام لما دخل الدكتور يعالج ايدها ووقف بعيد جنب ريم اللي ساكته وعيونها عليها لأنها عارفه إحساسها...

ركبت في العربيه مع مروان
وهي سرحانه إنصدمت لماسمعت إن اميرسافر فجأه..بصت في موبيلها حتي ماقالها بمسج

قررت ماتروحش لبيتها وتقعد عند ريم اللي أصرت عليها تقعد معاها..

طلعت من غرفة التبديل وشافت
لميس قاعده ع طرف السريروعنيها ع موبيلها الي ع الكمودينو

وقفت عند تسريحتها تفتح الدرج بتاخد الكريم وهي وتقول:مالك مستنيه مكالمه

بعدت نظراتها وهي بتقوم:لا...

ريم:امير إتصل...

لميس وهي تاخد لبسها:لا...

عرفت إنها مضايقه علشان كدا نفخت يعني لحد امتي تلاحق اخواتها وتحل مشاكلهم

بصت ع نفسها في المرايا...:وأنا مين يحل مشكلتي...

**********
دخل للبيت وهو بيتكلم مع امير في الموبيل
وقف لماشافها في الجنينه واقفه عند حوض الورد عليها فستان أبيض ناعم وخصلات شعرها بيحركها الهواء....قفل موبيله وعيونه عليها..الأيام اللي عدت إنشغل كتير ولاشافها حتى هي لا كَلت ولا حتي اشتكت ...قرب منها وهي إنتبهت لوجوده
وإبتسمت:اهلا مروان...
بادلها الإبتسامه:اهلا بيكي ..شايفك يعني في الجنينه اومال فين ريم
تولين:ريم نايمه وطنط خرجت..
يعني قاعده لوحدها ..يعني كانت بتقعد لوحدها لماريم تكون نايمه أو طالعه لمشوار تجهز لفرحها والغلبانه تقعد لوحدها وعمرها ما اشتكت وهو ولا عمره فكر حتي مجرد التفكير يقعد معاها وبيتهرب منها
تولين قالت لماشافته طول في البصه فيها:خير مالك
إبتسم وقال:سلامتك...بتئمل مراتي اصلها وحشتني.
لفت وشها لحوض الورد وهي تبتسم باحراج...
لفت تبصلو لما حست بيه بيمسك ايدها اللي ملفوفه بشاش
مروان:ايدك عامله ايه..
تولين:الحمدلله مش بتوجعني...
عمره ماسألها عن ايدها قبل كدا معقوله متحملته التعب والوجع.. اتعلقت عيونه بعيونها ..وشاف وحس فيها باللي كان بيهرب منه وخايف منه....الحــــب...
قطف ورده بيضه من الحوض وقرب منها ودخلها في شعرها ...إبتسمت وأناملها تلامس الورده..
إختفت إبتسامتها لماحست بصوابع ايده تمسك شعرها وبدء قلبها ينبض بقوه وإختفى مروان
من قدامها وحل مكانه ابن عمتها الوضيع صوابعه..حتى برفيوم ابن عمتها بعد ايده لما شافها برقت بخوف ورجعت علي وري
مروان:تولين مالك..
غمضت عيونها وفتحتها لماإختفى ابن عمتها الوضيع من قدامها...
قالت وهي بتحاول تضبط أنفاسها:مافيش حاجه ..أنا داخله جوه...
مشت عشان تدخل ووقفها مروان
اللي قال وحيرته بتزيد من تصرفاتها:طيب البسي علشان نروح لأهلك..
تولين برفض:لا مش لازم ..
مروان:لازم نروح النهارده لأن بكره رايحين الساحل واحتمال نطول
مشت متردده ولبست هدومها وطلعت معاه...
أول ماوصلوا قدام الباب فضلت قاعده زي الصنم وبعدين لما لقت مروان بصلها بمعني منزلتيش ليه نزلت وقالت: مش هتنزل معايا
مروان:لا رايح مشوار دقيقه وراجع مش هاطول
اتردت ومنزلتش وهو بصلها بتعجب
مروان: صديقني مش هطول
نزلت ودخلت البيت...
وواقفت في الجنينه وحست بخوف مش طبيعي مش عارفه ليه

......:يااهلا بالغزال الشارد

اتجمدت حواسها لماسمعت الصوت ...وزادت دقات قلبها... التفتت بسرعه لماحست بايد ع كتفها تمسك شعرها..وشهقت

وعيونها اتوسعت برعب:انت

إبتسم وعيونه هتاكلها بوقاحه :ياعيوني انتي ..وحشتيني ياعسل..

بعدت ايده اللي نزعت بلوزتها بصرخه لمادفعها ع الجدار وأنفاسه الكريهه تحاوطها...
ابن عمتها ماحسش بنفسه إلا طاير في الهوا ومن قوه الدفعه ضهره ضرب في الجدار بقوه حس بعضم ضهره اتكسر
واستوعب العيون السود اللي طالع منها نار.... ..إلا باللكمات اللي تسدد في وشه بوحشيه .
مين ده ومين الي ضربه تعالوا نشوف ونروح معاهم الساحل ونخلص كل الحكايات من هناك