الحلقه ٣٤
عذبني ولكن احبني
الحلقه ٣٤
عذبني ولكن احبني
طلعوا الشباب للمجمع الي فيه المحلات
والبنات أصروا ياخدوهم معاهم
لحد ما وافقوا بعد الحاح البنات وإزعاجهم..
الشباب طلعوا بعربيه واحده ورائد أخد البنات بعربيته وركب معاه مروان علشان يكون قريب من أمل..
في العربيه
مروان:شغل لنا حاجة
رائد:شوف الدرج عندك شغل الي انت عايزه
مروان:نسأل البنات
مروان بدون مايلف وشه للبنات:بنات تحبوا تسمعوا ايه
ريم:أي اغنيه حلوه
مروان:والباقي ماسمعناش رايكم...ايه بتتقلوا
أمل بضيقه : ما قالت لك ريم أي اغنيه حلوه
مروان رفع حاجبه:ماشاءالله أمل موجوده
أمل بعنظزه:أيوه مش شايف العربيه منوره
مروان ابتسم:وأنا أشهد
احمر وشها وماقدرتش تقول كلمه تاني
والبنات حسوا إن فيه بينهم حاجة فضلوا يبصوا لامل ومروان بشك
مروان: يابشر أنا هحط إهداء
سميه بفضول:لمين
مروان:فضوليه
ريم:لو مش هتقول مش هنسمع هنسد ودانا لازم نعرف لمين
مروان طنشهم وهو حايس مع الشرايط ..طلع واحد وحطه،،وفضل يقدم ويرجع يدور ع الأغنيه والبنات متحمسين بس حظه رديئ لأنهم وصلوا للمكان
أمل حاسه بخوف وقلبها بيضرب بعنف
خايفه يكون اللي في بالها يطلع صح
بس لماشافت إنهم وصلوا إرتاحت..
أمل ضحكت:مالكش حظ مسكين
مروان ماردش عليها ونزل..أمل
اتضايقت وفي الوقت نفسه حست ان كدا احسن
ولاد عمهم راحوا يتمشوا وسابوا البنات ياخدوا راحتهم..
..........:بسام
لف بسام وراه وشاف مروان:اهلا مروان
سلموا ع بعض وساله مروان:ايه الي جابك هنا
بسام إبتسم:جايب اختي
سلموا عليه الباقي وأصروا يروح معاهم لحد ما تخلص اخته
مروان شاف البنات واقفين وقرب منهم وهيقول لريم إن إخت بسام في المكان..
بس وقف مكانه لماسمع كلامهم..
سميه:إعترفي بسرعه ايه الي بينك وبين مروان ها
أمل طار قلبها:بت انتي بدئتي تخرفي تقولي ايه يعني ايه الي هيكون بينا
بصت لها سميه من طرف عينها:واضح اننا لا بنشوف ولا حتي بنسمع
بصت لها بشك:بنت لايكون بتحبيه وبيحبك ومخبيه ومش بتقولي
أمل:نعم نعم أحبه لاطبعا لا بحبه ولا يحبني ..
سميه:إعترفي إعترفي أكيد بتحبيه ومخبيه عليا وأنا اللي دايما أقولك علي كل اسراري
أمل:غصب يعني (وبغرور)أنا لو حبيت مش احب اي حد
سميه شهقت:يعني مروان مش مالي عينك
أمل:مروان ابن عمي وبس غير كدا لا ..لا بحبه ولا حاجة .....زيه زي عادل وامير ولاد عم وبس ولا عمري فكرت فيه غير كدا
سميه:حسره وخيبه عليكي.
نسرين:بنات تعالوا ندخل المحل ده
ريم عجبها فستان ليلكي وأخدته تجربه..
البنات عجبهم جدا عليها وأصروا عليها تاخده
طلعوا بعد ماأخدت ريم الفستان
وفي طريقهم..
ريم شهقت والبنات التفتوا لها:مالك
ريم:نسيت شنطتي في المحل
سميه: طيب روحي جيبيها بسرعه
ريم:واحده تروح معايا
سميه: لا مش هقدر أروح احنا هنقعد هنا نرتاح وأنتي روحي جيبيها المحل مش بعيد..
عطتهم كياسها وراحت بسرعه تجيب شنطتها وهي تدعي تلاقيها ،،بطاقاتها كلها فيها وصوره لها ياويلها لو حد اخدها .شكرت ربنا لما لقتها فتحتها بسرعه ولقت فيها كل حاجه زي ما هي
طلعت وهي ماشيه مبسوطه رايحه للبنات..فات شاب جنبها وضرب كتفه بكتفها..
ريم ماتت من الخوف لأن الشاب واضح إنه قاصدها..
رجع لها وفضل ماشي جنبها .......ضمت شنطتها بخوف وسمعته
بيقولها:أول مره أشوف قمر ماشي ع الأرض
حاولت تسرع بخطواتها ولاردت عليه وهي ميته خوف خصوصا
إنه بقي يقرب منها وهي تحاول تبعد عنه..
غرقت عيونها دموع وقلبها وقف لماشافت اتنين شكلهم معاه بيقربوا ويضحكوا ويقول لصاحبهم:ميشو والله ووقعت في قمر حولها علينا وكفايه انت لحد كدا
عند الشباب..
رن موبيله وكانت امه بتبلغوا انها هي واخته خلصوا
مروان:خير خلصوا أهلك
بسام:أيوه ولازم أروح لهم دلوقت
عبدالله شهق:ريم
لفوا وشافوا ريم والشباب اللي بيعاكسوها
مروان راح لها جري وبسام وراه الي النار بدءت تاكله عليها
مروان هجم ع الشاب ومسكه من ياقة قميصه وصرخ فيه:جري ايه يا حقير يالي متربتش
الشاب خاف لماشاف غضب مروان وقال وهو بيحاول يبعد إيدين مروان القويه:ابعد عني ايه دخلك روح دور لك ع غيرها
هنا مروان وصل لحده وضربه بكل قوته :اااه يا حقيريا ابن الكلب انا هوريك ياروح امك
بسام هجم عليه مع مروان والشابين بعدوا بسام واتخنقواا معاه ..دخلوا الشباب في خناقه كبيره
ريم بعدت وهي بتبكي من الخوف
الناس اتجمعوا وحاولوا يفرقوهم عن بعض لحد ما التلاته هربوا لما ما قدروش عليهم
البنات شافوا التجمهر وراحوا يشوفوا فيه ايه وانصدموا لماشافوا الخناقه ولمحوا ريم
واقفه بعيد وبتبكي قربوا منها بسرعه:ريم
ضمت ريم أمل وبكت وجسمها ارتعش خوف
مروان بينهج بغضب:اخ بس لوما حلوهم من إيدي كنت دفنتهم مكانهم
بسام شاف ريم اللي حاضنه وحده وبتبكي.."اه ياوجع قلبي"
بسام:مروان خلاص روح شوف أختك الاول
مروان افتكر ريم وشافها في حضن واحده بس من ضهرها ومش مركز إنها أمل راح لها وقف قريب منها:ريومه حبيبتي خلاص اهدي
أمل متوتره لقرب مروان
مروان:خلاص ريومه انا فرمت امهم علشانك وعرفتهم قيمتهم ولو عايزاني ادبحهملك اروح ادبحهملك
ريم كانت دافنه وشها في حضن أمل لفتلو بخوف:لا لا
رفعت أمل راسها وشهقت مع ريم بنفس الوقت...
مروان: فيه ايه
بعدت ريم عن أمل:مروان راسك
مروان حط إيده ع جبينه وكان فيه دم من جرح خفيف شاف إيده وقال بيطمن ريم:ايه يعني عادي جرح بسيط
ريم لفت ل لأمل:أمل معاكي منديل
مروان انصدم ورفع نظره لأمل ماكانش منتبه إنها أمل..
أمل نزلت راسها وفتحت شنطتها
وإيدها ارتجفت وطلعت باكيت صغير منديل وعطته لريم..
سحبت منه واحد ورفعت شعر مروان عن جبينه وحطته ع جرحه
حط إيده ع المنديل يمسكه وقال لأمل ببرود وصوت أبرد:شكرا
ولف عنها أمل انصدمت من نظراته وبروده..
بسام عيونه علي ريم وخوفها ع مروان"ويلوموني مايلوموني"
ريم انحنت تاخد شنطتها من الأرض ولمارفعت راسها اتجمدت اول ماشافت بسام واقف قدامها وأبتسم..
ماكانتش عارفه إنه موجود ولا انتبهت له ...يالليله فله ،،يعني حصل الموقف ده قدامه اخر كسفه لا وكمان عيطت قدامه كدا فعلا كملت"
انصدمت لماشافت شكله..
شعره منكوش وتي شيرته مقطوع وكان ماسك إيده وحست إنها متأذيه.....بسام كأنه عرف اللي بتفكر فيه رفع إيده ورتب شعره وأبتسامته ع وشه يطمنها..
مش منتبهين لعيون عبد الله الي لاحظت نظراتهم لانه كان باصص لريم ولا هي انتبهت له بس لاحظ نظراتها لبسام واتصدم
بسام رتب تي شيرته وهو بيقول
مروان:مروان أنا ماشي
مروان إبتسم:شكرا بسام ع الفزعه
بسام ضحك ضحكه طيرت عقل ريم:ولايهمك حاضرين لاي فزعه تانيه وغمزله
سلم عليهم ومشي..
البنات ضحكوا لماشافوا شكل الشباب
أمل:رائد اعدل شكلك
رائد عدل شكله وهو بيقول:خربتوا شكلي خلاص حرمنا ناخدكم معانا في اي حته بتجيبولنا مشاكل
أمل زعقتلو :والله مطلبناش من حضرتك تروح تتخانق
رائد:اعمل ايه يعني أنا الراعي الرسمي للخناقات ماقدرتش أمسك نفسي
ضحكوا وقرروا يطلعوا من المجمع بس البنات أصروا يتعشوا الاول.
اتعشوا وطلعوا..
في العربيه
مروان المره دي صمم هو الي يسوق وجنبه رائد كان ساكت طول الوقت وأمل مستغربه من نظراته ليها..
لفت أمل للشباك ومروان شغل شريط وأغنيه محدده(بحبك انا لعمرو دياب)
ولا ليك عليا حلفان
ده انا روحي فيك من زمان
ياسلام ع القد ولون الخد
ولا ليك عليا حلفان
ده انا روحي فيك من زمان
وبحبك انا أنا بحبك انا
بحبك انا انا بحبك انا
بحبك مهما كان
أمل سمعت الأغنيه ورفعت عيونها واتعلقت بعيون مروان من المرايه وكأنه موجهالها الكلام
بعدت عيونها وقلبها يدق بقوه
وحست إنها محتاره..معقوله قاصد الكلام عليها وبيحبها مستحيل
**************
صحت من النوم بفزعه ع صوت امير وهي تتنفس بقوه ودموعها نازله بخوف..
اميربعد خصل شعرها عن وشها:لميس اسم الله عليكي اهدي
انفجرت تبكي وغطت وشها بإيديها ولحد دلوقت مفكره انها بتحلم
قلبها نازل دق بطريقه مرعوبه ..
قعد جنبها ع طرف السرير يهديها كان متفاجأ من بكاها وخوفها عارف إنها بتحلم من نبره صرختها وهي نايمه لحد ما شاف شكلها المرعوب مستغرب ايه الحلم اللي رعبها كدا وقالب حالها بالشكل ده.
قام يجيب لها كوبايه ميه واتصدم مكانه لما حس بإيديها المرتجفه لفتها حوالين وسطه وراسها علي صدره العاري تضمه بقوه وقالت من بين صوتها الباكي الخايف:ارجوك ما تسبنيش ارجوك انا خايفه
حط إيده ع ضهرها وهو لسه بصدمته بس حس بدفا حضنها له
ورجفتها ودموعها ..قلبه دق بقوه لدرجة خاف تسمع دقاته
والجو حار...ضمها له وغمض
عيونه وريحة برفانها غمرته...
******************************
قاعد ع مكتبه وساند راسه ع
المكتب بيفكر باللي حصل اليوم
نظراتهم المتبادله اللي لها أكترمن معنى بينهم..معقوله بتحبه ..
رفع راسه بسرعه:مستحيل
ريم ليا أنا وبس ومستحيل أسمح لحد ياخدها مني
بس يمكن أنا اللي بتوهم إن نظراتهم لبعض لها معنى
إبتسامته لها ونظراته بتقول شئ تاني ااااه يا وجع قلبي
لالا مش هسمح لها تشوف حد غيري او تفكر فيه مجرد تفكير ريم ليا انا وبس حتي لو غصب عنها ...انا لازم اقول لامي تخطبهالي بسرعه وفي اقرب وقت
قطع تفكيره صوت موبيله
قام واخده من ع السرير:ألو
جاله صوت صاحبه:اهلا عبود
عبدالله:اهلا
سمع صوت الأغاني والإزعاج اللي جنبه:إنت فين
صاحبه ضحك:في الشقه كنت عايزك تشرفنا تشوف السهره النهارده سهره من الي قلبك يحبها اوعي تفوتها
إبتسم وقام:طبعا اطمن مش هتفوتني انا جاي دلوقت
قفل الموبيل ولبس وطلع*
*****************
فتحت عيونها وشافت نفسها نايمه بحضن امير العاري..
رفعت راسها عن صدره بسرعه ووقعت نظراتها عليه كان متمدد ع السرير جنبها ولافف إيده ع خصرها ونايم..
اتمنت يغمى عليها بعدت عنه ونزلت من السرير بصدمه..وقلبها
بيطلع من قوة دقاته ..ايه الي جابه
عندها وازاي سمحت لنفسها تنام في حضنه ..
دخلت الحمام بسرعه وكأنها خايفه يصحى ويشوفها..
بصت ع وشها في في المرايه
وانصدمت لماشافت عيونها المنتفخه من البكا واثار الدموع
عليها افتكرت اللي حصل وشهقت
وإيدها ع بؤها والدموع اتجمعت
في عيونها...مستحيل امير شافها وهي بتبكي ومفزوعه من الحلم الي دايما يراودها كتير
حطت إيدها ع راسها والصداع يضرب فيها ..امير شاف ضعفها
ودموعها ..بس ازاي جالها وازاي نام عندها..
غسلت وشها بميه بارده تحس إنها في حلم ولازم تصحى منه..
نايمه في حضنه ولبسها كدا ..نزعت هدومها كأنها تبعده عنها وتبعد ريحته اللي بتقلب معدتها..
أخدت شور سريع ولبست روبها
الأبيض واترددت تطلع قلقانه تشوفه ..بس لازم تطلع وإلا بتموت من البرد
فتحت الباب بشويش تحاول ما طلعش صوت وطلعت شافت السرير
فاضي ومافيهوش حد..يعني صحى
راحت لباب غرفتها تقفله وشافت باب غرفته مقفول
قفلت الباب ولبست هدومها وسمعت صوت موبيلها
شافت المتصل ريم ردت عليها
وقالت لها ريم تيجي عندها..
قررت تروح لها لبست بنطلون جينز أزرق وبلوزه طويله حمرا
جففت شعرها الكستنائي وسابته مفرود حطت مكياج خفيف ولبست عبايه وطلعت من البيت رايحه لبيت عمها دخلت من البوابه الزجاجيه ودخلت القصر استقبلتها ريم
حطت لهم الخدامه فطار وقعدت تفطر مع ريم اللي بدئت تحكلها عن الي حصل معاهم في التجمع
لميس ضحكت بخبث:حركات واتخانق كمان
احمرت خدود ريم:شفتي ازاي اتخانق علشاني
لميس:هههههههه
****************
نروح لمكان فيه الخبث والشر كله
:والله إنك بايخه وماتستاهلي الحب الي عطهولك سالم
هدى :لييييه
دلال:المفروض أي حاجه يقولهالك توافقي عليها لانه بيحبك ياغبيه وانتي ناويه تخليه يسيبك
هدى بخوف:لا
دلال: خلاص إسمعي كلامي ونفذي اللي يطلبه
دلال وحده خبيثه وحقوده فضلت تلعب ع هدى بكلامها وتغذيها
بسمومها ..وهدى بعقلها الصغير
صدقتها ومشت وراها..
ماكانتش عارفه إن دلال مافيش
أخبث منها وهتضيعها..
مش فاهمه إن العلاقه بينها وبين
سالم محرمه ونهايتها الضياع
والموت حتى لو اقنعهاإنه بيحبها
ويعشقها لأن مفيش شخص يحب واحده يرضي عليها انها تكلمه من ورى أهلها وتروح وتيجي معاه..
*******************************
:هههههههههههههههه
ريم محروجه:مني خلاص الله
مني:ماصدقتش لماقالي بسام
ريم بدهشه:بسام
مني:أيوه طلب مني اتصل وأسال عليكي خايف عليكي الأخ
ريم ابتسمت بحب:الحمدلله بخير
مني لبسام الي قاعد جنبها:اطمنك ريم بأتم صحه وعافيه
ريم إنصدمت:جنبك
مني:ههههههه أيوه
ريم:مني اشكريه بالنيابه عني واسأليه عن ايده وإعتذري له بالنيابه عني
قالت له اللي قالته ريم وضحك
بسام:حاضرين للحلوين وايدي تمام وبتقولك إن شاءالله تنكسر لعيونها..
ريم سمعته وماتت خجل ووشها قلب الوان
مني:سمعتيه
ريم محروجه:مني ماما بتناديني مع السلامه
قفلت معاها وعيون لميس تراقبها:ماله وشك Red
ريم قالت لها ولميس ضحكت
بس إختفت ضحكتها لماشافته داخل عليهم وعيونه عليها..ماكانتش عارفه إذا هو متعصب
لأنها طلعت من غير ما تقوله أولأ لان نظراته غريبه وحاده..
بعدت نظراتها عنه وقعدت بثقه
وهي بتحاول تنسى اللي حصل بينهم..وقلبها خفق لما افتكرت
قربها منه ودفا حضنه..
سمعت ريم بتتكلم معاه وهي التزمت الصمت..
دخلت كوثر وسلمت عليها وقعدت جنب ريم..
أصرت عليهم يتغدوا معاهم وامير ماقدرش يقولها لا
نزلت النقاب لماسمعت صوت مروان
وعادل دخلوا..
شافتهم سلموا ع امير..وجا لها
وقعد جنبها..حاسه انه متعمد يقعد جنبها
علشان يراقبها...
اتكلمواشوي وقاموا يتغدوا
بعد الغدا
كانت واقفه عند الحوض تغسل إيديها وهي سرحانه..
إنتبهت عليه دخل وقفل الميه أخدت مناديل تنشف إيديها ولسه هتطلع بس وقفها صوته
امير:مين سمح لك تطلعي من البيت من غير إذني
بصت له ببرود وقالت:ماطلعتش للشارع أولبيت غريب..بيت عمي
قرب منها:ولو إن شاءالله حتى بيت أهلك ماتطلعيش برضه من غير إذني
بصت له بحده وردت بصوت صدمه
أكتر من نظرت عيونها:أهلي ماتوا وبيتهم أتحرق..
طلعت وهو اتجمد مكانه يستوعب كلامها
قعدت جنب ريم بهدوء عكس
عاصفة الحزن اللي جواها
شافته طلع وفضل يرميها بنظرات
غريبه وعاقد حواجبه..
بعدت نظراتها عنه ببرود وسمعته قالها:يله نمشي
ريم:خليها تقعد معايا ..إنت رايح للشركه دلوقت
بصت لها كوثر يمعني متدخليش
قامت لميس تلبس طرحتها
ريم: ما تلبسهاش مش محتاجه مروان
وعادل طلعوا فوق
مالبستهاش أخدتها في ايدها وطلعت
معاه مشوا بصمت..كانت حساه انه عايزه يقولها حاجة بس متردد وهي اول ما دخلت للبيت ما عطتهوش فرصه يكلمها ودخلت غرفتها ع طول
******************
دخل الصاله:السلام عليكم
نطت من مكانها بفرحه وراحت
له..ضمته وسلمت عليه..
سلم ع زوجته وقعد:فين رنا والولاد
ريم قامت:هروح أناديهم
طلعت فوق ودقت باب غرفة
مروان وسمعت صوته..
فتحت الباب شافته قاعد ع مكتبه واللابتوب قدامه وبإيده أوراق
مروان:ايوة يا ريم
ريم:بابا تحت وعايزكم
قام مروان ونزل معاها وهي راحت تنادي عادل اللي
كان متمدد ع سريره بينام..
دخل مروان الصاله وسلم ع أبوه وقعد
دخلت بعده ريم معاها عادل
ووراهم رنا..سلموا وقعدوا
اتكلم شوي وبعدين قال :بكره معزومين كلنا
كوثر استغربت لأنها كانت رايحه لوحدها معاه للحفلات والعزايم في قصور رجال الأعمال أصحاب زوجها واللي بينه وبينهم أعمال وبسنزس.وبما
أنها سيدة أعمال كانت بتحب تهتم
في عمل زوجها ودعمه..
ريم:فين
الجوهري:في بيت فاروق السكري
ريم بدهشه:ابو تولين
الجوهري:أيوه إنتي تعرفي بنته
ريم:أيوه كانت معايا في النادي
كوثر:الحفله كبيره
الجوهري:أيوه كبيره...كسبنا صفقات مشتركه بينا الأسبوع
اللي فات وحب فاروق نحتفل في بيته...
كوثر: امير عارف
الجوهري:طبعا عنده خبر هو اللي
كان ماسك الصفقات والحمدلله ابني حوت, بَيض وشي قدام الناس
مروان:أحم..أحم..نحن هنا ياعرب
ضحكت ريم:ههههههههه أنا شامه ريحة غيره
الجوهري أبتسم:بس مروان لو يشيل العناد عنه ويداوم مع أخوه كان مافيش أحسن منه
مروان:لايابا ربنا يطولي في عمرك, أخويا ماشاءالله عليه ماسك المجموعه كلها والحمد لله مامشيها
زي ماتحب وأكتر أنا ليه ارازي نفسي عنده وبعدين يابابا انا عايز اشتغل في مجال دراستي هندسه
الجوهري:بس يابني ده مالك ولازم تعرف
كل صغيره وكبيره فيه...وإذا ع مجال دراستك ميخالفش إشتغل
في مجال دراستك كل شئ متوفر مالكش عذر..
مروان بتفهم:إن شاء الله يابابا
**********************************
دخلت البيت ومالقتش حد في الصاله...والTV شغال ..
نادت بصوت عالي:لموووووس..
ياأهل البيت
طلعت من غرفتها بفرحه لما
سمعت صوتها:ريم
سلمت عليها:فينك
لميس:كنت بصلي..إيه المفاجأه الحلوه دي
ضحكت ريم وقعدت اصلك وحشتيني واتسحبت زي الفار وجيتلك
لميس ضحكت: هههه تشربي ايه
ريم:إممم أي عصير بارد
راحت لميس للمطبخ وحصلتها
ريم.. صبت لهم عصير فراوله في
كاسات...وأخدت صينية حلويات
وطلعوا في الجنينه وقعدوا ع
الكراسي عند الشلال اللي كله أنوار خافته رومانسيه
وطالع المكان ساحر ...
ريم:اممم هتلبسي ايه بكره
لميس حطت الكاس ع الطربيزه باستغراب:For what
ريم بتعجب:ليه امير ماقالكيش إن
بكره فيه حفله في بيت فاروق السكري
لميس بهمس:لا
زعلت ريم من أخوها اللي مهمشها وشكله مش بيقعد معاها
أبدا ..رق قلبها ع حال لميس وقالت
بمرح:أووبس شكلي سبقته...
لميس:الحفله كبيره
ريم وهي بتشرب:طبعا
لميس باستغراب:غريبه...إنتو
رحتوا لهم قبل كدا...
ريم:لا أول مره نروح لهم... ها مقولتلييش هتلبسي ايه
لمس: I dont know you surprise me
ريم:حتى مافيش وقت نروح للمول.....ايه الحفله دي الي مانعرفش بيها إلافي الوقت الضايع
قامت ريم ومسكت إيد لميس
وسحبتها معاها:تعالي نشوف هتلبسي ايه انتي عروسه ولازم تبقي نجمه الحفله
وتغطي ع بنته مرام
ضحكت لميس واختفت ضحكتها لمادخلت ريم غرفة امير
