الحلقه ٥٠
عذبني و لكن احبني
منه محمد
الحلقه بفيديو لما امير يحب يكفر عن ذنوبه وياخد لميس للدسكو
الحلقه نبدأ
قاعده بين البنات ومش معاهم غصب عنها حاسه بالقهر والحزن لأن مروان دلوقت مع غيرها...أكيد فرحان ومبسوط وهي ولا ع باله
وليه يفكر فيها من اساسه...وهي اللي خانته وصدقت كل شئ عنه...و مش بس كدا دي راحت اتجوزت غيره....غمضت عيونها بألم وحابسه
دموعها...اللحظه دي صعبه عليها جدا اتمنت ألف مره إنها ماكانتش عملت الي عملته..
فتحتها لماحست بايد لمياء ع ايدها بصت للمياء وإبتسمت وهي بتحاول تمسك نفسها وتسيطر ع مشاعرها...قامت وأخدت شنطتها معاها لدوره المياه وحصلتها لمياء
دخلت وحطت شنطتها وغسلت ايدها وطلعت منها تنهيده بحرقه...
شافت لمياء واقفه جنبها وبتعدل حجابها وهي بتقول:إنسيه يا أمل إنسيه...
سكتت وهي مركزه في الميه مش في ايدها
لمياء:إنتي اتجوزتي وهو اتجوز...إدعيله ...وإدعيلي لنفسك إن ربنا يوفقكم في إختياركم وصدقيني لو ربنا كان كاتب لكم نصيب في بعض مافيش قوه تمنع مشيئته سبحانه...بس ربنا اشاء إنكم ماتكونو لبعض..
إبتسمت أمل امتنان وقالت لمياء وهي بتاخدها معاها:يله نرجع عند البنات...
مشت معاها أمل وهي بتقول :اخبار اختك ايه مع عريسها
إبتسمت بمياء :الحمدلله سمنه ع عسل...
ضحكت أمل:دايما يارب....ومافيش حاجة جيلها في السكه
ضحكت لمياء: لا بس إن شاءالله قريب ...مع إن جوزها مش عايز دلوقت(وضحكت اصل بيقول مش عايز حد يشاركها فيه....
ضحكت أمل:ربنا يخليهم لبعض يارب
لمياء:آمين...
قعدوا وحطت أمل شنطتها ع التربيزه قدامها وجات عينها ع دبلتها....وافتكرت طارق...افتكرت لما كانت معاه...كان طيب جدا معاها ومؤدب بس
هدوءه رافع ضغطها صحيح كان كلامه قليل بس نص الوقت ساكت....
اتنهدت وقامت علشان تسلم ع أخوها...الي واقف بعيد
**************
دخلت وشافت عمتها قاعده جنب رنا ..إرتفع ضغطها لماشافت انها....ماكلفتش نفسها حتي تطل ع بنت اخوها وتبارك لها...ودلوقت لزقه في رنا كأنها هي الي بنت اخوها....بصتلها بجنب عينها وراحت تسلم ع رنا بابتسامه:ألف مبروك رنا...
رنا:الله يبارك فيكي...
بصت لعمه تولين ومسكت نفسها لاتكشر في وشها:لوسمحتي ...أخويا خالد جاي يقعد جنب عروسته..
قامت عمه تولين بغرور وسلمت ع رنا وطلعت....
وقفت رنا وقلبها حساه وصل لحلقها ....ضغطت ع فستانها بقوه ونزلت راسها لماسمعت الزغاريد....
دخل خالد ومعاه أبوه و عمه وامير وعادل....
إبتسم بفرحه وعيونه ع رنا ومش مصدق إنها قدامه ...
سلم عليها وباس جبينها:ألف مبروك حبيبتي..
سحبت ايدها بإحراج لماسمعت عادل يتنحنح:إحم إحم ..
