السجينة وايدي العقاب ...للكاتبة دينا عادل

*الفصل الثامن والعشرون*

"السجينة ...وأيدي العُقابُ"

*الفصل الثامن والعشرون*

تلك الطاقة الغريبة رُدِت له في الحال فور شعوره أنها في مأزق فقد رآها تبكي وحيدة في مكانٍ مظلمٍ ولا يستطيع الركض نحوها ولكن لم يقدر وهي تنظر له باستنجاد وتصرخ باسمه بشدة، وفجأة تختفي ولا يلحقها ، وهذا ما جعله يفيق وهو يلهث !

انته الأطباء بالمشفى لصوت صراخ عالي وأيضًا ركض أهل "زين" ناحية غرفته وهم غير مصدقين أنه قد فاق ويبكي !

دخل أحد الأطباء الذي يباشر حالته ومع الممرضة التي أعطته حقنة مهدئة وعلق الطبيب محلولًا جديدًا ل"زين" وخرج بهدوء فالتف الجميع حوله وأخبره الطبيب بابتسامة صغيرة:

-الحمدلله كده مرحلة الخطر عديت وصحته كويسة ، هنتابع مع دكتور نفسي عشان اللي حصله من شوية وهرسله ليكم عشان تحكوا اللي حصله ووصله للفزع ده ، ولما يكون أحسن ويقدر يتحمل هنعمل عملية تانية عشان جلطة القلب ونبتعد عن أي مضاعفات ،وهيتم نقله لغرفة عادية حمدلله على سلامته !

انصرف الطبيب وسعد الجميع بذلك الخبر وتم نقل "زين" إلى غرفة عادية ، والتف الجميع حوله وهو سعداء ويبكون بفرح ولكن ظلت عينه معلقة عليها يبحث عنها وهتف بنبرة ضعيفة:

-فين "عهد" ؟ ، هي لسه معرفتش محدش قالها ؟ ، و"يوسف" فين كمان مشوفتوش من لما قومت ؟

تنهدت "سلمى" وهي لا تعرف ماذا تقول في هذا الوقت دلف "مدحت" وبيده باقة ورد وعلى وجهه ابتسامة صغير وقال:

-مساء الخير ، حمدلله على سلامتك يا كبير !

ابتسم له "زين" بامتنان وقال:

-الله يسلمك يا "مدحت" تسلم !

تسارعت دقات قلب "بسنت" ونظرت إلى أسفل عندما وجهه نظره لها ، بينما انتبه "مدحت" ل"زين" عندما قال له بجدية:

-"مدحت" ، "يوسف" فين ؟ ، ليه مجاش معاك ؟!!

ابتلع "مدحت" ريقه وقال :

-آآ ..أصل هو عنده شغل كتير ..

نظر له بأعين متفحصة وقال بترقب :

-و"عهد" فينها ، ليه محدش كلمها ؟!

تدخلت "كريمة" على الفور وقالت :

-أصل إحنا التخمنا بيك يا حبيبي ونسينا نقولها عشان منقلقهاش عليك أكتر ، بس أكيد لما تعرف هتيجي علطول !

بدا الأمر مريبًا له ولم يصدق حرفًا واحدًا فقال بتشكيك :

-طيب اتصلوا بيها وخليها تيجي دلوقتي !

تدخلت "سلمى" وقالت لتغير الموضوع:

-"مليكة" كل شوية تسأل عليك وإحنا مش عارفين نقولها إيه !

تنهد "زين" لتذكره بابنته وقال:

-طب خلوها تيجي مع "عهد" وابقوا قولوا ليها إني تعبت شوية !