قدري مع من؟
الفصل الثالث
اتجوزت ليلي من حب حياتها شريف وانتقلت هى وهو محافظه تانيه بعيدا عن اهلها يبدا حياتهم فيها
ليلي :اخيرا ياشريف بقينا مع بعض وبقيت مراتك
شريف : اخيرا ياليلي حلم واتحقق كان نفسي اعملك فرح تلبسي الفستان الابيض وتكونى وسط اهلك بس حطت ليلي أديها علي شفايفه تمنعه أنه يكمل كلامه
ليلي :متكملش هما اللي خلونا نعمل كده وانا مش ندمانه خالص
شريف :انا مش هخليكي تندمي ابدا هخليكي تنسى كل ده وهنبدا من جديد انا هشتغل فى مكتب محاسبه بمرتب مناسب نقدر نعيش منه
ليلي : اهم حاجه عندي نفضل مع بعض و بس و اسبت لكل أن اختياري كان صح واخيب ظن كل اللي مكنش عوزنا نكون مع بعض
شريف :اكيد ياحبيبتي بقولك ايه احنا هنقعد نتكلم كتير في كلام تاني عوزين نقوله اهم دلوقتي
ليلي :كلام ايه بس انت لسه عاوز تتكلم انا عاوزه انام
شريف :اكيد طبعا هنام بس لازم اقول لك حاجه الاول
انتم عوزين تعرفوا هيقولها ايه مش كده بس انا مش هقول ده كلام سر ونسيبه يقولها كلمه برحته 😆😆😆
****""""******
ونروح مكان تاني خالص اول مره نروحه
صباح الخير يا مروه
مروه: صباح الخير يا استاذ حازم
حازم: الاستاذ جوه
مروه:ايوه ومستنيك من بدرى
حازم:خير قوليلى الاول هو موده ايه النهارده
مروه:انت بتسالني انا وهو فى حد بيعرف يحددله مود ربنا معاك اتفضل ادخل
حازم:اه هدخل انا هخاف سلام
سبها حازم وراح دخل المكتب علي طول من غير مايخبط
انت داخل فين ياحيوان مش تخبط قبل متدخل هفضل اقول واعلم فيك
حازم:ما براحه ياعم فى ايه عادى يعنى مش اول مره وبعدين انت مستنينى فاعرف انى هدخل عليك فى اى وقت فملوش لازمه الشويتين دول خليهم لحد يستاهلهم
خالد:بقا كده انا عارف انا مستحملك ليه كانت صحوبيه منيله بستين نيله
حازم:ولا انا عارف بس لما تعرف ابقي عرفنى مش هيضر
المهم الواد يونس اخباره ايه واحشني ابن الايه
خالد :متروح شوفه حد حايشك
حازم :مش ناوى تسيبك من العك الى بتعكه وتتجوز تجيب ام لواد الغلبان ده
خالد :حد اشتكالك انا مبسوط كده ملكش دعوه انت
حازم :خالد انت صاحبى وانا خايف عليك من اللى بتعمله ده مش معني أن كام ست مش تمام دخلوا حياتك يبقي كل الستات كده
خالد :انا اتجوزت مرتين والاتنين انيل من بعض مش حابب ادخل حد تاني حياتي كده حلو اوى
حازم :انت مبسوط وانت داخل على ابنك كل يوم والتانى بوحده شكل بتقدى معاها الليل والصبح تمشى مش بعيد تلاقى ابنك دخلك بوحده ويقولك صحبتى وجايه تبات عندى النهارده ماهو أبوه بيعمل كده مستنى هو يعمل ايه
خالد :اللى يسمعك وانت بتدينى فى نصايح ميصدقش انك إلى كنت خربهامن كام شهر بس
حازم :ايوه محدش يصدق بس لقيت الانسانه الى تعوضنى واحبها بجد وابعد عن الارف إلى كنت بعمله علشانها
خالد :بركاتك يا ست كاميليا اللهم أهديك كمان وكمان
حازم :اتريق برحتك ربنا يوقعك فى واحده تطلع عينك وتخليك تلف حولين نفسك
خالد :امشى غور من قدامى خلينى اشوف شغلى
**********************
الاوضاع بدأت تستقر اهل ليلى اتعودو على غيابها بس محدش ناسي اللى عملته وفى كتير مستنيها منهم إللى حزين على فرقها وقلبه وجعه ده قلب الام مش ممكن يقسي على حته منه مهما عملت واب مكسور وحزين أن بنته خزلته قدام اخواته والناس وعملت فيه كده واللى عاوز ينتقم لشرفه وعرضه ومستنين اليوم إلى هترجع فيه
وليلى مبسوطه مع شريف إلى قدر وبجداره ينسيها الى عملته وتعيش حياتها ولا كأن فى حاجه خالص ولا صعبان عليها اهلها ولا اللى عملته فيهم
خالد وحازم أصحاب من زمان جدا واكتر من الاخوات هما على الحلوه والمره سوه ولد خالد كان راجل بسيط ومكافح كان عنده مكتب صغير واشتغل فيه وربنا كرمه وبقي غنى والمكتب بقي شركه وبعد وفاته ،خالد مسك شغله وكبره اكتر وهو راجل اعمال ناجح جدا ودقيق فى مواعيده وشغله رقم واحد في حياته بس ده ميمنعش أنه نسوانجى درجه أولي
حازم كان ميختلفش كتير عن صحبه بقي لحد لما قابل كاميليا فى فرح واحد صاحبه وخالد كان بيديقها لحد لما قرر يدخل بنهم وجت الطوبه فى المعطوبه وحبها وفعلا غيرت حياته وبيحاول يغير خالد لكن خالد مكمل اللى بيعمله ومحدش عارف يواقفه
**********************
حازم رجع البيت يدور على كاميليا لقاها بتتفرج على التلفزيون وهاتك ياعياط ودى حاجه مش جديده عليها لما تكون منساجمه جدا بتتقصر بأقل حاجه راح ليها
حازم :مالك ياحياتي فى ايه
كاميليا :شوف المشهد ده الله يخرب بيته هوو اللى عمل كده
حازم :لما يخرب بيته بتتفرجى عليه ليه متشوفى حاجه تانيه هو فى اكتر من القنوات فى المخروب ده
كاميليا :اعمل ايه شدنى وحبيت اتبعه المهم جاى بدرى ليه ايه اللى حصل
حازم :حرام اجى بدرى شويه بس اطمنى ياستى مفيش حاجه واحشتينى بس فجيت اقعد معاكي شويه ينفع والا ارجع تانى اهو اروح لخالد نسهر سهره من بتوع زمان
كاميليا والشر بيخرج من عينيها :بتقول ايه ياحبيبى انت عاوز ايه وبتقولها كده عادى ولا كأن فى حاجه واحشتك السفاله والمسخره إللى كنت بتعملها بس اقول ايه انا اللى غلطانه ولازم اخليك تحرم
حازم بقلق وهو شايفها وهي بدور على حاجه ومش لقياها :فى ايه انتى بدورى على ايه
كاميليا: ابدا ياحبيبى بدور على حاجه تموت من غير معورك انت عارف انى مش بحب الدم خالص والمكان هيتوسخ وريحت الدم هتملى المكان وانا مش عاوزه كده
حازم: وجايه على نفسك كده ليه مترمينى من الشباك اريح هتضمنى أن مفيش حاجه هتحصل هنا
كاميليا : تصدق صح ويبقي بعيد عنى ويبان انتحار عادي جدا
حازم بصدمه :انتحار مين انا مش عاوز اموت دلوقتى لسه شويه
كاميليا :لا لازم اعمل فيك حاجه علشان محدش يبصلك تانى وتحرم تقول كده
وراحت تجرى وراه وهو بيجرى منها عارف انها مجنونه وممكن تعمل حاجه فيه بجد
ونسبهم يجرو ورا بعض شويه يمكن حد يتعب ونكمل الفصل الجاي
ظهر أشخاص جداد وهيكون ليهم دور مهم معانا
خالد :ده شاب جينتل جدا وهنعرف بعدين هو ايه مشكلته وايه الى حصله مخليه رافض يتجوز تانى أو نقول تالت
حازم:ده سكره مسخره جدا مكس مش بطال بس صاحب جدع
كاميليا :القط والفار هبله ومجنونه شويه بس زى العسل
نسيت يونس :ده بقي ابن خالد
قولوا لي رايكم في الفصل
وتوقعتكم كمان
شيزاSh
