قدرى معك انت ؟
الفصل الثالث عشر
ومع بدايه يوم جديد
صحي خالد بعد عناء طول الليل في التفكير في ليلي ومش عارف يعمل ايه يقول لأهلها علي مكانهم أو عن طريقه يبعد بها شريف مش قادر يوصل لحل
راح الشركه ودخل علي مروه وقال لها ابعتيلي شريف
مروة :حاضر يافندم وكلمت شريف وطلبت منه يجي لي خالد بيه
شريف دخل عند خالد : تحت امرك يافندم
خالد : اقعد ياشريف
شريف : حاضر فى حاجه حصلت
خالد : لالا خالص بس كنت عايز ادردش معاك شويه
شريف : اتفضل حضرتك
خالد : قولى ياشريف انت ايه حلمك أو نفسك تحقق ايه
شريف : ياااه نفسى فى حاجات كتير
خالد : ايوه زى ايه
شريف : نفسى اكون زيك رجل اعمال وعندى الشركه الخاصه بيا وفلوس كتير بس ده حلم بعيد جداً
خالد : وللى يحققلك اللى نفسك فيه
شريف : ازاى يعنى وهيحققه كده من غير مقابل
خالد : لا طبعا بمقابل بس انت توافق
شريف : اعرف ايه المقابل الاول
خالد : هتسافر اى بلد انت عايزها بمبلغ كبير جداً تبدأ بيه حياتك واللى انت عايزه
شريف : عرض مغرى جدا وشكلى هوافق عليه
خالد : مش تعرف ايه المقابل الاول
شريف : مفيش اى حاجه تخلينى ارفض عرض زى ده بس ايه هوه طلبك (سكت شويه وكمل كلامه) ليلى مثلا
بصله خالد بصدمه : ليلى
شريف : ايوه ليلى اوعه تكون فاكر انى مااخدتش بالى من نظراتك ليها يوم الحفله أو يوم ماشوفتها فى المطعم انا واخد بالى جداا
خالد : شكلك هتسهل عليا حاجات كتير جدا
شريف : انت شايف كده
خالد : ايوه انا اللي عايزه بوصله مهما كانت صعبته وده زى ماقلت عرض مغرى جداا
شريف : اشمعنا ليلى اللى بتعمل كده علشانها
خالد : ده مش شغلك هطلقها و تسافر وتختفى من حياتها خالص
شريف : وانا موافق
خالد : بسرعه دى مش تفكر شويه أو حتى تعترض انت مكنتش بتحبها ولا ايه
شريف : بالعكس بحبها جدا بس العرض بتاعك ميتعوضش انا لو فضلت عمرى كله بحبى ليها مش هوصل لحاجه انت كده بتسهل على الطريق
خالد : تمام اول متخلص معاها هيوصلك الشيك
شريف : اتفقنا
خرج شريف وخالد مكنش مصدق اللى حصل أن بعد التضحيه اللى ليلى عملتها لشريف هو يتخلي عنها بكل سهولة وفجاه دخل عليه حازم بطرقته المعتاده
خالد : ١٠٠ مره قلتلك مدخلش كده
حازم : وايه الجديد انا كده على طول المهم مالك كده ايه اللي شغلك
خالد : خلاص هوصلها
حازم : هى ايه دى اوعه يكون اللى فى بالى
خالد : ايوه ليلى خلاص كلها مساله وقت
حازم : ايه اللى حصل
خالد : عرضت على شريف اللى بيحلم بيه مقابل أنه يسبها
حازم : ووافق هزخالد رأسه بنعم فكمل وايه عرضك بقي
خالد : مبلغ مكنش يحلم أنه يوصله هيخده ويسافر ويبدأ حياته بعيد عنها
حازم : وانت ايه اللى مخليك واثق فى كلامه مايمكن ياخد منك المبلغ ويخدها ويسافر
خالد : انا مش هخليه يعمل كده وبعدين ده كان واخد باله من نظراتى ليها ومتكلمش
حازم : ده راجل ناقص بقي لا ومش بعيد يكون عايز يوصل لكده اصلا من الاول
خالد : لا مفتكرش ولو كده مش هخليه يعيش لحظه واحده زياده على الدنيا دى هو وهي كمان
حازم : اهدا ياعم مش كده انا بفترض مش اكتر
خالد : بكره هنشوف ،سيبك انت مبرووك وهتبقي اب ايوه بقى
حازم : اسكت متفكرنيش ده ابن الكلب مطلع عينى من دلوقتى وربنا لاعلمه الادب لما يجيلى
خالد : هههههههه ليه بس هو بيعمل فيك ايه
حازم : ماهو ارف اللى جبونى كل اما اقرب من امه تقولى مش عارف ايه وتطلعلى حجج شكل ابعد عنى مش طيقاك مش عارفه البرفيوم رحته ايه لما ارفت
خالد : هههههههه معلش بكره تعوض الايام دى
**********★**********★**********
شريف بدأ يتغير مع ليلى وعلى طول خناق وعلى أتفه الأسباب
وفى يوم كان شريف متأخر وليلى فضلت مستنياه وتكلمه تلفونه مقفول والجو برد وشتا جامد جداوالوقت بيعدى ومش عارفه تتصرف ازاى وهي خايفه عليه اوي ومش عارفه اعمل ايه وفضلت كده وقت طويل لحد لما حاست بالباب الشقه بيتفتح ولاقته داخل جرت عليه وبخوف
ليلى : انت أتأخر كده ليه وكلمك كتير مش بترد
شريف ببرود : مسمعتوش
ليلى : انت كنت في لحد دلوقتى ومش شايف الجو عامل ازاى
شريف : كنت سهران مع اصحابى
ليلى : اصحابك مين دول ومن أمتي وانت بتسهر بره لحد الوقت ده
شريف : انتى هتحسبينى ولا ايه انا اعمل اللى انا عايزه
ليلى : بس تطمنى عليك متسبنيش كده قلقانه ومش عارفه اصرف ازاى
شريف : هتصرفى ازاى هتعمالى ايه يعنى هتنزلى تدورى على فى الشوارع ولا هتعملى ايه
ليلى : هو أنا أعرف انت فين علشان انزل ادور عليك
شريف : يبقي اسكتى خالص ومش عايز كلام كتير
ليلى : ايه اللى انت بتقوله ده اسكت ازاى يعنى ،انت تتأخر وافضل قلقانه عليك ولما تيجى مش عايزنى اتكلم لا انا اتكلم ولازم أعرف انت مالك وايه اللى مغيرك كده معايا
شريف : بقولك ايه انا مش فيقلك الصبح نكمل
ليلى : الصبح ايه تعالى هنا قولي فى ايه
شريف : فى انى خلاص تعبت ومعتش عايز اكمل
ليلى بصدمه : هو ايه اللي مش عايز تكمل يعنى ايه
شريف : يعنى خلاص كلها كام يوم واسافر واخلص من ام الايام دى
ليلى : تسافر ايه من غير متقولي
شريف : واقولك ليه اصلا انا خلاص بخلص كل حاجه
ليلى : تقولى ليه هو انت هتسافر من غير متقولى أو تخدنى معاك
شريف : اخدك معايا فين وانا بقولك خلاص مش هكمل انا زهقت منك ومن العيشا معاك
ليلى : ايه انت جاى تقولى كده دلوقتى بعد اللى عملته علشانك
شريف : عملتلى ايه انتى اللى سبتى اهلك وهربتى انا مقولتلك تعملى كده
ليلى بانهيار ودموع ماليا عنيها مش مصدق اللى بتسمع وان ده شريف اللى ضحت علشانه وقررت
هنعرف قررت ايه الفصل الجاي
شيزاSh
