قدري مع من ؟
الفصل الثاني
ليلي : ايوه ياشريف انا تعبت وهما عمالين يضغطو عليا معتش قدره بجد
شريف : وبعدين هتعملي ايه هتوفقي و هتعملي اللي هما عوزينه وهتسبيني خلاص
ليلي: انت بتقول ايه ياشريف انا بحبك انت ومش هتجوز غيرك
شريف : ده كلام وبس لكن فعل مفيش مش بتعملي حاجه انا عملت الي عليا واتقدمتلك
ليلي: انا مش هسكت وهنعمل اللي اتفقنا عليه
شريف بفرحه : بجد ياليلي
ليلي : ايوه مفيش حل تاني هما اللي وصلونا لكده
شريف : مش عارف اقولك ايه انا مش عاوز اضغط عليك
ليلي : لا انت مش بتضغط عليا انا عاوزه اكمل عمري معاك وبعمل كده برضايا
رتب انت كل حاجه في اقرب وقت وكلمني
شريف : تمام ياحياتي هخلص كل حاجه بسرعه وهكلمك
*******************"""""""""
بعد كام يوم من المكالمه دي
حنان بتحضر الفطار وعم محمد بيقرا الجورنال و عماد خارج من اوضه
عماد : صباح الخير عليكم
عم محمد وحنان : صباح النور
عماد : ايه ده ياست الكل انتي اللي بتعملي الفطار امال الهانم فين لسه نايمه لحد دلوقتي
حنان : ملكش دعوه انت اقعد افطر وانا هروح اصحيها هي عمرها متاخرت في النوم كده
عماد : حد يشوف الدلع ده وميدلعش
سبته حنان ومردتش عليه وراحت علي اوضه ليلي تصحيها
حنان : ليلي انتي فين يابنتي البت دي صحت امتا احنا محسناش بيها بس راحت فين هي مش بره
عم محمد شافها واقفه بتكلم نفسها : مالك يا ام عماد واقفه كده ليه
حنان : مفيش جيت اصحي ليلي ملقتهاش نايمه
عم محمد : يعني ايه هتكون فين شوفيها هنا ولا هنا
حنان : اشوفها هنا ولا هنا هي عيله صغيره تيها البت مهيش في الاوضه والسرير متساوي زي متكون منمتش عليه اصلا
عماد : ايه اللي بتقوليه ده ياماما وريني كده
راح علشان يشوف اوضه ليلي لقاها فعلا نضيفه والسرير متساوي واستغرب هي ليه كده وان المفرود يكون السرير علي الاقل منكوش وده خله يشك في حاجه فضل يدور بعنيه علي حاجه معينا وفعلآ لقي اللي بيدور عليه علي الكمودينو راح جري عليها وهو بيتمنا انها تكون عكس الي توقعه مسك الورقه الي لقاها وخرج يجري علي عم محمد وحنان اللي القلق ظهر عليهم
عم محمد : ايه الي في ايدك ده يابني
عماد : انا لقيت الورقه دي علي الكمودينو جوه
حنان : فيها ايه الورقه دي
عماد والقلق ظهر علي ملامحه : مش عارف ربنا يستر ويخيب ظني علشان لو اللي فى دماغي صح انا ممكن اموتها
عم محمد : انت بتقول ايه بس يابني شوف فيها ايه بسرعه
عماد : حاضر أما نشوف
كانت الورقه دي ليلي كتبتها بليل وهي قاعده في اوضتها
ليلي : انا مش عارفه اقولكم ايه بس خلاص انا تعبت ومعتش حمل اللي بتعملوه ده انا عوزاك تسمحني يابابا انا بحب شريف ومش هقدر اتجوز احمد ومكنتش هفضل لحد لما تجوزني غصب عني علشان ترضي عمي انا عاوزه اعيش مع الانسان الي قلبي اختاره علشان كده انا اتفقت انا وشريف أن احنا هنتجوز وهنمشي من هنا خالص انا عارفه اني حطيتقم في موقف صعب بس مش بايدي انتم الي اجبرتوني علي كده سامحيني يا ماما ادعيلي علي طول أن ربنا يكون معا في اللي بعمله
حنان بصدمه :يعني ايه الكلام ده بنتي راحت
عماد : شفتي أخرت طبتكم الزايده و دلعكم فيها عملت ايه ياما قولتلكم هي بنت لازم تقسو عليها شويه مش كل اللي تحتاجه تلاقيه بس كنتم تزعقولي انا اهي حطت راسنا في الطين
عم محمد : خلاص معدلوش لازمه الكلام ده دلوقتي اللي حصل حصل
حنان : يعني ايه انا عاوزه بنتي هتولي بنتي
عم محمد : مش هي اللي اختارت يبقي تتحمل نتيجت اختيارها انا من اللحظه دي معنديش بنات انا مخلفتش غير عماد وبس ومعتش عاوز اسمع اسمها ولا سرتها هنا خالص
حنان: ازاي مخلفتش غير عماد امال ليلي كانت ايه دي بنتي حته من قلبي ازاي انساها بس اذاي
عماد : انا لازم ادور عليها واجبها من تحت الارض الفاجره دي
عم محمد : انت سمعت انا قلت ايه ولا لا مش عاوز كلمه زياده ليلي ماتت معدتش موجوده
حنان : اه ليه كده يبنتي يا حرقت قلبي عليكي هنقول لناس ايه لما يسالو عنك ليه فضحتينا وعملتي كده
*********************
العيله عرفت أن ليلي هربت من البيت وحامد وعماد قلبو البلد عليها محدش فيهم قدر يوصلها
وكان عم محمد حزين جدا عليها بقا بنته تربيته تعمل كده ده كان بيعملها كل حاجه هي تقول عليها ومكنش بيخلي حد يزعلها ولا بيحرمها من حاجه طيبه قلبه هي اللي عملت فيه كده هي اللي خلت بنته متخفش منه وعملت كده زي ما عماد قال كان لازم يقسي عليها شويه كانت فكرت الف مره قبل ماتعمل كده بس خلاص معدلوش فايده الكلام ده بنتك كسرتك يا محمد واللي كان كان
أما ليلي فا في حاجات كتير اووووي مستنياها استنو الفصول اللي جايه علشان نعرف ايه اللي هيحصل
خلص الفصل عاوزه توقعاتكم
اللي حصل ده كله حماده واللي جاي حماده تاني خالص
ياتراه ايه اللي هيحصل مع ليلي و اختياره صح ولا هي خسرت اهلها علشان واحد يستاهل ولا
وياتراه شريف يستاهل فعلا اللي عملته علشانه
وياتراه الأهل تستاهل أن بنتهم تعمل فيهم كده علشان بتحب واحد
تفتكرو شريف هيكون البطل ولا هيظهر حد يخطفها منه
هتتخطف منه بجد ولا هيتنازل عنها لو ده حصل
شيزاSh
