قدرى مع من؟
الفصل الثامن والعشرين
خالد وقف قدم ليلى يحميها من تهور عماد وليلى كانت حضناه من ضهره لاول مره تكون قريبه كده من خالد برضها ومسكه فيه جامد جدا
خالد :انا رجالتي على وصول ولو اذيتها هتندم اخر ندم
عماد : انت مش هتقدر تمنعنى انا هخلص عليكم انتم الاتنين
حنان :بلاش يابنى تضيع نفسك ومستقبلك
عماد :انا لازم انتقم منها لشرفنا واللى عملته فينا كفايه اللى عشناه بعد اللي عملته بعد عملتها السوده
خالد وهو ماسك ايد ليلى اللى عليه وبيحاول يطمنها وبيقولها :متخفيش طول ما انا موجود مفيش حاجه هتحصلك
ليلى وعينيها مليانا دموع وبتبصله بخوف و ياس
عماد راح شد ليلى من ورا خالد وعمها بيحاول يمسك خالد لحد مفصلوهم عن بعض
عماد بيعمر المسدس :اتشاهدى على روحك
خالد :لو عملتها انا هخلص عليك بايدى ومش هرحمك
عماد : خلاص فات الاوان
وفى اخر لحظه خالد قدر يفلت من عمها ووصل ليلى ووقف قدمها مع خروج الرصاصه من المسدس واستقرت ناحية قلب خالد اللى وقع على الارض مع دخول رجالته المكان
ليلى على الارض وخالد فى حضنها : خالد رد عليا متسبنيش ارجوك
خالد بتعب :ااه انا لو موت دلوقتى هكون مبسوط جدا لانى هموت وانا فى حضنك دخل حازم ولما شاف خالد راح عليه :خالد اجمد ياصاحبي متستسلمش هتبقى كويس
خالد :حازم خالى بالك من ليلى ويونس ...
حازم :متقلش كده انت هتبقى كويس وانت اللى هتكون معاهم
خالد :اسمعنى بس
ليلى :انت عايز تسبنى كده انا مش هسمحلك انت سامع مش هسمحلك
خالد :كان نفسى اعيش عمرى معاك بس الظاهر مليش نصيب بس عايزك تعرفى انى عمرى ماحبيت حد زيك
ليلى : وانا عايزه اعيش اللى باقى من عمرى معاك متسبنيش ارجوك فى لسه حاجات كتير هنعملها سوا خالد انا .انا عايزه نكون مع بعض متسبنيش
خالد :انتى جايه تقوليها دلوقتى انا اتمنيت اسمع منك كلمه حلوه بس مكنش اتمني اسمعها فى الوقت ده
حازم :اتحمل شويه ياخالد الاسعاف على وصول وهتبقى كويس ونفرح بيكم وايه اخير نطقتها وقالتلك عايزاك متخزلهاش بقى واتحمل علشان خاطرها
خالد كل شويه بينام بس حازم بيفوقه وبيضغط على مكان الجرح لحد موصلت الاسعاف ونقلوا خالد وليلى ركبت معاه مسبتوش ووصل المستشفى ودخل على اوضه العمليات على طول
ليلى كانت عماله تعيط وتبص على ايديها وهدومها اللى مليانين دم وخايفه انها تفقده بعد ما اخير قلبها دق ليه واعترف بوجوده
حازم كان خايف على صاحبه ويفقده هما على طول مع بعض فى الحلوه والمره عمره متخيل حياته من غير خالد او ان ممكن يحصله حاجه كان على طول جانبه ومش بيسيبه
بعد فتره طويله من الانتظار اخير الدكتور خرج ليلى وحازم رحوله على طول
حازم :طمنا يا دكتور
الدكتور : هو وصل في الوقت المناسب الرصاصه كانت بعيده عن القلب ٢سم كانت عمليه صعبه جدا بس هو كان بيقاوم وقلبه اتحمل ،كل اللى علينا اننا نستناه يفوق هو دلوقتى هيروح العنايه المركزه لحد لما يفوق ونطمن
ليلى : عايزه اشوفه لوسمحت
الدكتور :صعب دلوقتى حالته متسمحش اول ماحالته تسمح هتشوفيه على طول
حازم :طب هو يقدر يفوق امته
الدكتور : خلال ٤٨ ساعه ان شاء الله بعد ازنكم وسبهم ومشى
وليلى كانت منهاره جدا وحازم قرب منها وسندها وبيحاول يوسيها
حازم : هيبقى كويس وهيقوم بالسلام صاحبى وانا عارفه انتى لازم تكونى اقوه من كده علشان لما يفوق هيكون محتاجك جانبه
ليلى :مش قادره خايفه اخسره بعد ماحبيته
حازم : وحبك ليه هو اللى هيخليه يقاوم ويقوم قلبه اللى بيدق ده بيدق علشانك انتى وهو اللى خلاه يتحمل العملية
ليلى :عرفت ده متأخر اووى
حازم :تعرفيه متأخر احسن من انك متعرفهوش خالص وقومى يالا خلى دكتور يشوفك
ليلى :ملوش لزوم انا كويسه
حازم : كويسه اى امال مين اللى مشلفط ده اومى ياشيخه تعبتونا معاكم
ليلى هزت راسها ومعنى نعم وحازم ساعدها ووداها لدكتور
**********★**********★**********
فى مكان تانى كان واقف قدم الدكتور وبيحاول يستوعب منه ايه اللى بيقوله
شريف :يعنى ايه الكلام ده انا مش فاهم حاجه
الدكتور :زى ماقولتلك يا استاذ شريف حضرتك مش هتقدر تخلف انت عندك مشكله تمنعك
شريف :طب مفيش علاج
الدكتور :للاسف مفيش لحالتك علاج
شريف :يعنى انا طالعت مش بخلف وهى مكذبتش عليا والتانيه حامل ازاى طلعت بتخونى
مشى شريف من عن الدكتور مش طايق نفسه وبيفكر ازاى قدرت تخونه
ركب عربيته وساق بسرعه جنونيه ووصل البيت وفضل ينادى على مراته اللى جت بسرعه
مراته شروق :فى ايه ياحبيبى بتنادى كده ليه
راح ناحيتها ومسكها من شعرها وبيشدها منه
شريف :بقى تخونينى انا يابنت الكلب انا اللى لميتك من الشوارع وجبتك هنا تخونينى انا
شروق :محصلش اخونك ازاى بس مين اللى قالك كده ده ده بيكذب عليك
شريف :الدكتور اللى قالى انى مبخلفش تقدرى تقوليلى بقتى حامل ازاى وانا مبخلفش انطقى
شروق : انا حامل منك انت صدقنى انا عمرى ما خنتك
مسكها شريف جامد وفضل يضرب فيها لحد مااغمى عليها وبتنزف دم كتير جدا وسبها ومشى واللى فى البيت طلبولها الاسعاف بس نزفت دم كتير وفقدت الجانين وهى حالتها كانت خطره والبوليس فى المستشفى مستنيها تفوق ويخدوا اقوالها
الضابط :هتفوق وتتكلم امته يادكتور
الدكتور :للاسف حالتها خطر جدا واحتمال نجاها ضعيف جدا
الضابط : احنا عايزين نعرف مين اللى عمل فيها كده
الدكتور :اول ماهتفوق هبلغك على طول
عدا كام ساعه لحد مفاقت شروق والدكتور طلب الضابط بسرعه
الضابط : خير يادكتور
الدكتور :هى فاقت بس مش هتقدر تتكلم
الضابط :نعرف منها بس ايه اللى حصل ..انتى سمعانى يامدام
شروق حركة رأسها بمعنى ايوه
الضابط :تقدرى تقوليلي مين اللى عمل فيك كده
شروق : شريف... جوزى.. كان .. عايز يقتلنى ..شروق قالت الكلمتين دول وسكتت
الضابط :يقتلك ليه
شروق :مفيش رد
الضابط :مدام ..انتى سمعانى دكتور تعالى شوف مالها
الدكتور راح يفحصها :للاسف .......
نعرف ايه اللى حصل الفصل الجاي
شيزاSh
