قدرى مع من؟
الفصل السابع والعشرين
فى الشركه خالد وحازم بيتكلموا مع بعض
خالد : مكنتش مصدق اللى حصل امبارح كأنه حلم
حازم : انا قولتلك مسمعتش كلام المهم عدت على خير
خالد : مش مرتاح شريف مش هيعديها بالساهل لازم نتوقع منه اى حاجه
حازم : فى دى عندك حق اللى ليلى عملته فيه مكنش سهل برده
خالد : صحيح نسيت اقولك انت سمعت حاجه عن شيرى
حازم :ايه اللى فكرك بيها
خالد : اصل سمعت انها عملت حادثه كبيره وثروت سفارها تتعالج باره
حازم : ايوه عرفت
خالد : وبعدين
حازم :ولا قبلين مردتش اشغلك واقولك
خالد : بس كنت عملت الواجب
حازم :متقلقش عملته مكانك وبعت ورد باسمك كمان
خالد : لا ده انت شايف شغلك مظبوط
حازم : طبعا
قطع كلامهم رن تلفون خالد
حازم : شوف مين ده بينور من فتره
خالد مسك تلفونه : ده يونس ..الو
يونس بعياط : بابا فى حد اخد ليلى
خالد : يونس اهدى وفهمنى فى ايه مين ده اللى خدها
يونس وهو فى نفس الحاله :مش عارف
خالد: انت فين بظبط وانا جيلك
يونس : انا فى جراج المول
خالد : خليك معايا على الخط وانا جيلك حالا
حازم : فى ايه
خالد : يونس بيقول ان فى حد اخد ليلى وبيعيط ومش فاهم منه حاجه خلينا نروح نشوف فى ايه
حازم : خدها ازاى يعنى
خالد : مش عارفه يا حازم لما نوصل هنعرف ايه اللى حصل
وبعد فتره كان خالد وحازم بيدور على يونس
حازم : هناك اهوه
خالد : يونس فى ايه حصل لي ليلى
يونس : كنا خلاص خلصنا ورايحين للعربيه فجاه لقينا حد وقف قدمنا بس ليلى تعرفه وكانت بتقوله مياخدهاش
خالد :مين ده شريف اللى شوفته امبارح
يونس : لا ده كانت بتقوله ياعماد
حازم : عماد مين ده كمان
يونس : اه فى حاجه كمان هو اول ماشافها قالها والله زمان يابنت ابويا
خالد وحازم بصوا لبعض وقالوا فى نفس واحد : اخوها
حازم : مش ممكن طب وصلولها ازى
خالد :اكيد شريف الكلب والله لوحصلها حاجه مايكفينى عمره .حازم كلم خليل وخليه يجمعلى اكبر عدد من رجالته ويحصلنى على بيت ابوها
حازم : خالد استني متتسرعش وخلينا نستني الرجاله
خالد : مش هقدر استني، استني الرجاله انت وتعالي معاهم وانا هحاول اوصلها بسرعه حازم :ياخالد اسمع الكلام
خالد :مفيش وقت لازم الحقها
وسابه وركب عربيته وكلم خليل يعرف مكان بيت ابوها بالتفصيل
**********★**********★**********
اما ليلى كانت بتعيط وتسترجا عماد يرحمها هى عارفه انها غلطانه بس هى انخدعت فى الشخص اللى حباته
ليلى : ارجوك ياعماد سبنى علشان خاطرى
عماد : انتى بجحه صحيح انتى عايزه نعملك عادى جدا بعد ماوطيتى راسنا بين الناس وعايه امك وخيبت ام ابوك فيك انتى اصل موتى من اليوم اللى مشيتى فيه
ليلى : طب خلاص طلامه انا موت بالنسبلكم سبنى وانتم مش هتشوفوا وشى خالص
عماد : لا ماهو لازم نخلص عليك علشان نقدر نرفع راسنا تانى
ليلى :انت جبت الاسوه دى منين انت مكنتش كده
عماد : من ساعه اللى عملتيه فينا كلنا علشان تعيشى مبسوطه كام يوم تقدرى تقوليلى هو فين الاستاذ اللى هربتى وسبتيني علشانه هو فين دلوقتى
ليلى : خدعنى وسبنى وانا ندمانه على اللى عملته علشانه انا مكنتش اعرف انه كده
عماد : احنا حذرناكي منه وانتى مسمعتيش لحد اشربى بقى
كانت ليلى قعده على الارض ومربوط ايديها ورجليها ووشها بيجيب دم من الضرب اللى عماد ضربهولها ومش عارفه تتحرك دخل عليهم عمها حامد
حامد : عفارم عليك ياعماد ايوه كده خلينا نخلص على قليلة الربايه دى
ليلى : هتروحوافين من ربنا انتم فكرين نفسكم مين علشان تعملوا كده
حامد : انت تعرفى ربنا انتى علشان تتكلمى عنه اللى زيك من غير حيه ودين
ليلى : ربنا هو اللى هيحاسبنى مش انتم
الباب اتفتح على وسعه ودخل منه ام ليلى
حنان بتعب :بنتى ليلى انتم بتعملوا ايه فى بنتى
عماد :انتى ايه اللى جابك ياماما
حامد : اطلعى يا ام عماد ومتدخليش
ليلى :ماما
حنان : ايه اللى بتقولوا ده دى بنتى ياناس عايزين تموتوها واتفرج عليكم
عماد :تعالى معايا ياماما امشى من هنا
حنان زقته بعيد عنها وراحت ناحيه ليلى واخدتها فى حضنها وبتعيط : مش همشى مش هسبها ولا هخليكم تقربوا منها انا مصدقت انها جتالى تانى
ايه اللى بيحصل هنا فى ايه مين ليلى ايه اللى جابها هنا تانى
كان ده عم محمد ابو ليلى
حنان :الحقنى ياابوعماد عايزين يموتى بنتى
عم محمد :هى ماتت من اليوم اللى خرجت فيه من البيت
حنان : اعمل حاجه علشان خاطرى هى لو حصلها حاجه انا هروح وراها مش هسبها
**********★**********★**********
كان خلاص خالد وصل بلد ليلى وبيدور على بيت ابوها كل مابيقرب كل ماقلبه بيدق اكتر وحاسس بخوفها وانه ممكن يخسرها فى اى وقت وصل اخير قدم الباب وطلع المسدس بتاعه من العربيه وحطه فى هدومه وكلم حازم
خالد :انا وصلت بيت ابوها اهو وداخل على متوصلوا
حازم :خالد احنا خلاص قربنا متدخلش لوحدك
خالد :مش قادر ياحازم يالامتتاخروش
وقفل معاه وخرج من العربيه ووصل لباب اللى لقاه مفتوح نص فتحه ودخل وكمل لقى باب تانى وفى صوت جاى من جوه دخل اكتر ووصل للاوضه اللى فيها ليلى وسمع كلام امها وهى بتترجاهم يسيبوا بنتها
دخل خالد بسرعه
خالد : ليلى
ليلى رفعت رسها وشافت خالد قدمها :خالد
حامد : ومن ده كمان
خالد مسالش فيهم وراح على ليلى وبيفكها
خالد :انتى كويسه عملوا فيكي ايه
عماد :انت مين ياجدع انت وازاى دخلت هنا
خالد : انا اللى هخلص عليكم واحد واحد على كل دمعه ونقطه دم نزلت منها
حامد :والله عال وانتى من واحد لواحد ومقضياها مسخره
خالد :هى اشرف من الشرف وكلمه زياده من اى حد هخلص عليه وطلع المسدس بتاعه
ليلى اول مشافت المسدس صرخت
ليلى بصراخ : خالد بلاش ارجوك (وامت وراحت ناحيته ومسكت فيه )خلينا نمشى من هنا ارجوك متاذيش حد لو بتحبنى خالد للحظه ركز معاها ونسى اللى حوليهم
خالد :لو بحبك انا....
وملحقش يكمل كلمته لان عماد استغل الفرصه وهجم على خالد وخد منه المسدس
عماد :قولتى بقى انت مين
خالد وقف قدم ليلى يحميها من تهور عماد وليلى كانت حضناه من ضهره لاول مره تكون قريبه كده من خالد برضها ومسكه فيه جامد جدا
ونكمل الفصل الجاى
شيزاSh
