قدرى مع من؟
الفصل الرابع والعشرين
دخل حازم عند خالد لقى المكتب كله تقريباً متكسر ومفيش حاجه فى مكانها وخالد قاعد فى جا
نب وماسك راسه بأيده
حازم اول ماشاف كده راحله على طول وقاعد جانبه
حازم : خالد مالك فى ايه عملت كل ده ليه
خالد : حازم رجع رجع تانى ياحازم ومش عارف اعمل ايه
حازم : مين ده اللى رجع انا مش فاهم حاجه
خالد : شريف رجع علشان يدمرنى وياخد ليلى تانى
حازم : شريف وانت عرفت ازاى
خالد : هو اللى كان بياخد الصفقات اللى فاتت ومخلى الشركه تخسر
حازم : وانت عرفت منين انه هو مايمكن حد تانى
خالد : لا هو انا رحت بنفسى عنده الشركه علشان اعرف مين اللى بيعمل كده لقيته هو
حازم : وانت خايف منه وتعمل كده
خالد : انا مش خايف منه ولو هيكون اللى بنا شغل انا اده بس هو راجع ومصر ياخد ليلى هو قالهالى صريحه انه هيخليها ترجعله وانا خايف من ده لانها بتحبه وممكن ترجعله فعلا ده غير كمان انى عرفت انه اتجوز ومراته حامل
حازم : بس هو اتخلي عنها ومش بسهوله تسامحه وترجعله وكمان انت بتقول انه متجوز فده مش هيحصل
خالد : مش عارف انا مستعد اديله كل اللى عايزه لو عايز فلوس تانى هديله بس يبعد عنها
حازم : طب متقولها وشوف رد فعلها ايه انا متاكد انها لما تعرف انه اتجوز مش هترجعله
خالد : لالا مستحيل انا مش هتحمل انى مش هشوفها ايوه هي مش بطقنى و معملتها ليا زى الزفت بس بشوفها وبملى عينى منها عايزنى اقولها وتروحله وانا عارف انها بتحبه واتحرم منها خالص مش هقدر
حازم : وممكن ده كله ميحصلش وهى مترجعلوش وخوفك ده فى الفاضى قولها وريح نفسك
خالد بنرفذه : لا قلت لا مش لازم تعرف حاجه انت سمعنى مش لازم
حازم باستسلام : تمام ياخالد برحتك
خالد : حازم متزعلش منى انا مش طايق نفسى
حازم : انا مقدر خوفك ده بس عايزك ترتاح لو هى مش عايزك سبها وشوف حالك حرام عليك نفسك
خالد : انا ماشى مش قادر افضل هنا اكتر من كده
حازم : هتروح فين
بس خالد سابه ومشى ومردش عليه
حازم : انا مش هسيبك كده كتير ولازم اتصرف
**********★**********★**********
سابه خالد وهو مخنوق جدا وفضل يلف كتير بالعربيه لحد مالقى انه واقف قدام الكباريه اللى كان تملى بيسهر فيه نزل من العربيه فعلا دخل المكان زى ماهو مليان ناس بيرقصه وفرحنين او هو اللى شايفهم كده
راح قعد على البار وطلب كاس
خالد بيه فينك من زمان مش باين
خالد : ازيك ياوائل
وائل : الحمدلله ياباشا ايه اللى فكرك بينا تانى انا قلت خلاص نستنى ومش هتيجى هنا تانى
خالد : كنت اتمني كده بس ادينى اهو لفيت ورجعت تانى ، مفيش حد هنا نعرفه ولا ايه
وائل : انت مكنتش بتيجى غير ب حازم بيه او مدام شيرى
خالد : شيرى من زمان جدا مشفتهاش وايه خلاها تبطل تيجى هنا
وائل : انت متعرفش ايه اللى حصلها ولا ايه
خالد : حصلها ايه مش فهم انا معرفش عنها حاجه من زمان
وائل : دى عملت حادثه كبيره جدا بقالها فتره طويل وثروت بيه سفرها باره تتعالج
خالد : انت بتتكلم جد انا معرفش حاجه من دى
وائل : ايوه جد جدا كمان انا هقول كده من غير مااكون واثق فى كلامى
خالد : عندك حق
وفضل خالد يشرب ويسكر للصبح
**********★**********★**********
حازم كان راجع البيت لقى كاميليا قاعده مستنياه وقلقانه عليه
كاميليا : كده برده ياحازم مش قولتلك تطمنى لا وكمان قافل تلفونك
حازم : اسف ياحبيبتي فصل شحن
كاميليا : وعمل ايه خالد ماله وايه اللى وصله لكده
حازم : اصل شريف رجع
كاميليا : شريف ايه ده كمان مش فهما سكتت شويه وقالت شريف طليق ليلى
حازم : ايوه هو
كاميليا : يانهار اسود وده ايه اللى رجعه
حازم : رجع وناوى يدمر خالد ويرجع ل ليلى
كاميليا : ياسلام بالبساطه دى هو فاكر نفسه ايه
حازم : ده بقى اللى مخوف خالد تصورى هو موجود من موده وكل ما خالد يدخل صفقه جديد او مشروع يخده منه وخلا الشركه تخسر كتير جدا الفتره دى
كاميليا : وخالد عمل ايه
حازم : خالد خايف ل ليلى ترجعله وبيقول لو على الشغل مقدور عليه لكن ليلى مش واثق من قرارها ، تفتكرى ده ممكن يحصل وليلى ترجع لشريف حتى لما تعرف انه اتجور ومراته حامل كمان
كاميليا : بجد اتجور مش عارفه هى كانت بتحبه جدا بس هو جرحها اووى وجرحه كان كبير
انا بتمني ليلى تكون مع خالد بس هى مش بطيقه وكل ميشوفوا بعض لازم يتخنفوا وشريف ده كان حب حياتها
حازم : انا قولتله انها لازم تعرف هو اعترض وبشده كمان مع انى متاكد انها لما تعرف بوجود مراته وابنه دى مش هترجعله
كاميليا : سيب الموضوع ده عليا وانا هعرف اوصل لحاجه
حازم : متاكده ولا هتغرقينا
كاميليا : انت عندك شك فيا ولا ايه
حازم بقلق : انا لاخالص هو انا اقدر وبصوت واطى ربنا يستر والموضوع يعدى على خير طلاما فيه كاميليا يبقى البس يامعلم
**********★**********★**********
عند ليلى اللى صحت على صوت خبط على الباب وراحت تشوف مين
ليلى من ورا الباب : مين
افتحى ياليلى انا يونس
فتحت ليلى بسرعه
ليلى : يونس فى ايه جاى بدرى كده ليه
يونس : بابا ياليلى مجاش من امبارح وبكلمه تلفونه مقفول
ليلى : هيكون فين يعنى تلقيه سهران مع حد ولا حاجه متقلقش
يونس : لا هو من زمان مسهرش مع حد وكان بيجى بدرى البيت بس مش عارف فى ايه انا قلهان عليه اووى وخايف يكون حصله حاجه
ليلى : متخفش ياحبيبى تعالى نروح عن حازم ممكن يكون عارف حاجه عنها
وراحوا فعلا على بيت حازم
كاميليا : حازم قوم الباب بيخبط شوف مين
حازم : مين البارد اللى جاى دلوقتى
كاميليا : شوف مين وانت تعرف
حازم : يووه طيب هو مستعجل على ايه
راح وفتح الباب واول مشاف ليلى ويونس اتخض
حازم : فى ايه ايه اللى حصل على الصبح
ونعرف الفصل الجاي
شيزاSh
