قدرى مع من ؟
الفصل السابع
خالدكان مستنى الملف على نار وكل شويه يكلم السكرتيره
حازم وصل ومعاه الملف دخل على طول على خالد اللى كان جاب آخره
حازم : اتفضل الملف اهه
خالد : مالسه بدرى كل ده
حازم : هو انا لحقت ده مسافة السكه مش المهم أنه موجود خلاص بقي يباى عليك
خالد : تصدق انك بارد ومش حاسس بالمشكلة اللى كانت هتحصل لو الملف ده مكنش موجود
حازم : خلاص ياعم حصل خير شوف بقي كنت هتعمل ايه والحق الاجتماع علشان مترجعش تقول انا اللى اخرتك
خالد : تصدق ان انا اللى غلضان وجبته لنفسى أما امشى من وشك انا مش ناقص ارتكب جريمه
حازم : ايوه امش احسن وانا اروح لكوكى حياتى اصلحها بدل متعلقنى بسببك
خالد : وانا مالى أن شاء الله عملتلكم ايه
حازم : خلتنى اشد معها فى الكلام علشان ام الملف ده
خالد : تستاهل اللى هتعمله فيك علشان تحرم
****************
.....: حاسبى خالى بالك
كاميليا : اه.....
راحت شدتها بسرعه ووقع على الرصيف وحصل جروح بسيطه
......: انتى كويسه مش تخلى بالك وانتى ماشيه
كاميليا : اسفه اوووى ومتشكره انك ساعدتنى اصل كنت بكلم جوزى وكنت متعصبه جدا
......: الحمدلله جدا بسيطه
كاميليا : انا كاميليا وانتى اسمك ايه
......: وانا أسمى ليلى فرصه سعيده يا كاميليا
كاميليا : انتي بتعملى هنا ايه
ليلى : ابدا ياستى بدور من الصبح على هديه مش لقيا
كاميليا : انا ممكن اسعدك انا زوقى حلو جدا اللى جبتلهم هديه قبل كده هما اللى بيقولو
ليلى : هههههه شكل دم خفيف وانا معنديش مانع ابدا بس مش هعطلك
كاميليا : هههههه تعطلينى انا لا ياستى متقلقيش مش هتعطل ولا حاجه بالعكس هضيع وقت بس قوليلى هتجيبى هديه لمين حبيبك اعترفى بسرعه
ليلى : ههه حاضر هعترف ايوه لحبيبى وجوزى كمان
كاميليا : سيدى يا سيدى ايوه بقي خلاص يالا بينا
اتعرفو على بعض وكاميليا ساعدت ليلى انها تختار الهديه اللى هى عايزاها
ليلى : انا مش عارفه اشكرك ازاى انتى ساعدتينى بجد انا كنت خلاص قولت انى مش هجيب حاجه
كاميليا : انا معملتش حاجه انتى انقزتى حياتى وانا ساعدتك
ليلى : بجد انا مبسوطه انى اتعرفت عليك
كاميليا : وانا كمان واكيد هنتقابل تانى
ليلى : اكيد
وسابو بعض وكل واحده رجعت بيتها
**********"******"********
ليلى جهزت الاكل وحضرت كل حاجه ومستنيه شريف يرجع من الشغل
شريف دخل من الباب لقي النور مطفى
شريف : ليلى يا ليلى هو النور قاطع ولا ايه ايه الضلمه دى
جت ليلى من وراه وحضنته
ليلى : حمدالله على السلامه ياحبيبى
شريف : الله يسلمك ياروحى ايه ده كله ده علشانى انا
ليلى : طبعا ياحبيبى هو انا ليا حد غيرك اعمله كده خدته وراحت عند السفره يالا اقعد ودوق وقولى ايه رايك فى الأصناف الجديده
قعد شريف وبدء ياكل : امممم يجنن ياروحى تسلم ايدك بس ايه ده كل
ليلى: حبيت احتفل انا وانت بشغلك الجديد وشوف جبتلك ايه كمان
كانت جيباله ساعه شيك جدا
شريف : وااااو حلوه اووى ياحبيبتى بس جبتيها امته
ليلى : بصراحه نزلت النهارده جبتها واتعرفت على واحده ساعدتنى فى اختيارها
شريف : ليه بس كده ياليلى ومين دى اللى اتعرفتى عليها احنا مش عاوزين حد يعرف عننا حاجه و
قطعته ليلى بسرعه : لالا متقلقش انا مقلتلهاش حاجه تخصنا هى كانت هتخبطها عربيه وانا ساعدتها وهى حابت تسعدنى وبس متقلقش محصلش حاجه
شريف : ماشى ياروحي بما انك جبتيلى هديه وانا لا بس معنى كده أن مفيش حاجه دى هتكون سهرتنا صباحى وراح شيلها ودخل الاوضه
( خليكم تتخيلو برحتكم 😄😄)
******************************
أما عند كاميليا فرجعت البيت خدت دش وراحت على السرير ترتاح شويه تعبت اوى النهارده وجسمها وجعها من الواقعه اووى
حازم لما رجع لقا هدوء تام في البيت هو مش متعود على الهدوء ده فكر أن تكون كاميليا لسه مجتش فدخل على الاوضه شغل النور لقى كاميليا نائما فقلق هى عمرها منامت دلوقتى فقال إنها تكون زعلانه وبتعاقبه فراح عندها ونام جانبها على السرير وبشويش بيصحيها
حازم : كاميليا يا حبى
كاميليا بتعب : امم
حازم : ايه اللى نايمك بدرى كده ولا يكنش انتى لسه زعلانه
كاميليا : سبنى يا حازم انا تعبانه وعوزه ارتاح
حازم بقلق وخوف عليها : تعبانه مالك قومى كلمينى وقوليلى ايه اللى تعبك
كاميليا : مفيش حاجه اصلى وقعت وجسمى وجعنى شويه
حازم : واقعتى ازاى طب اومى نروح لدكتور نطمن أن مفيش حاجه
كاميليا : لا بلاش دكتور مش مستهله
حازم بيمسكها من درعها يقومها هى صرخت من الالم
كاميليا : اه اه حاسب يا حازم دراعى بيوجعنى
حازم : لا الموضوع ميتسكتش عليه دراعك شكله حصله حاجه وبعدين انتى وقعتى ازاى
كاميليا بخوف لما يعرف : اصل اصل
حازم : اصل ايه يا كاميليا مش عارفه واقعتى ازاى
كاميليا : اصل وانا بكلمك فى الفون مختش بالى من الطريق وكان فى عربيه جاى بسرعه
حازم قام مره واحده من على السرير : ايه عربيه خبطتك انتى بتقولى ايه
كاميليا بسرعه : لالا هى مخبتطنيش ولا حاجه
حازم : ازاى انا معتش فاهم حاجه ايه الى حصلك بظبط
كاميليا : ماهو فى واحده ساعدتنى وشدتنى قبل ما العربيه تخبطنى فوقعنا على الأرض ودراعى اتخبط
حازم : ولما ده حصل مكلمتنيش ليه على طول ولا رحتى المستشفى
كاميليا : كان الموضوع مش مستاهل
حازم : مش مستاهل قومى يا كاميليا نروح لدكتور يشوف دراعك
خلص الفصل
وايه توقعاتكم فى الى جاى
شيزاSh
