قدرى مع من ؟
الفصل الثاني عشر
خالد استنهزها فرصه وراح وراها
ليلى خلصت حمامها وخارجه لقت خالد قدمها
خالد : ايه الصدفه الحلوه دى
ليلى اديقت اول ماشافته بس بتحاول متبينش ابتسمت له ابتسامه خفيفه وحولت تمشى خالد وقف قدمها
خالد : راحه فين كده انا بكلم
ليلى : وانا بٱى صفه اقف اتكلم معك انت صاحب الشركه اللى جوزى (واتكت على الكلمه )بيشتغل فيها ف لو فى حاجه فجوزى هناك روحله مش تجلى انا بعد اذن حاضرتك
خالد : استنى هنا ايه اللى بتقوليه ده انا لو عايز جوزك كنت خليته يجيلى لحد عندى لكن انا عايزك انتى فعلشان كده انا اللي جتلك
ليلي : عايزنى انا وايه بقي اللى حضرتك هاتعوزه منى
خالد : اولا تبطلى كلمت حضرتك دى انا خالد وبس
ليلى : وياتراه ايه بقي ثانيا
خالد بابتسامه جذابه : انتى
ليلى بانفعال : نعم يعنى ايه انتي ياستاذ يامحترم
خالد : انا من ساعة ماشوفتك وانا حالى اتقلب شقلبتى كيانى
ليلى : انت اتجننت متحترم نفسك ومتنساش انى واحده محترمه متجوزه وبحب جوزى انت فاكر نفسك ايه علشان تقف تكلمنى كده
خالد : مستعد اعمل اى حاجه وتبقى ليا
ليلى : لا انت اتجننت رسمى وكلمه زياده معايا انت حر
خالد : انا مش هستسلم وهتبقي ليا خليكى فكره كلامى ده كويس
سبته ليلى ومشت رجعت ل شريف على طول
شريف : اتاخرت كده ليه
ليلى بارتباك : لالا ابدا كان فى ناس كتير هناك
شريف : طب يالا كولى الشوكلاته دى خلينا نروح
**********★**********★**********
رجع خالد على بيته وهو متعصب جداا مفيش واحده واقفت قصده أو رفضته هو اللى الستات بتجرى وراه ازاى واحده تعمل فيه كده
و اللى طلع قدامه وهو فى الوضع ده يونس
يونس : مالك فى ايه، ايه اللى مديقك كده
خالد بعصبيه : يونس اطلع على اوضك انا مش طايق حد
يونس : يبقي اللى عامل فيك كده البنت اياها مش كده ولا ايه
خالد : انا شكلى مش هخلص منك النهارده مش كده
يونس عمله ايوه برأسه مع ابتسامه خفيفه بيمتص غضب خالد بيها
يونس : انت بتعمل كده ليه
خالد : يعنى ايه مش فاهم تقصد ايه
يونس : يعنى انت بنت تعمل فيك كده انت عايز منها ايه ماهى زيها زى غيرها
خالد : لا هى مش زى حد هى مختلفه عنهم
يونس : مختلفه ازاى يعنى فيها ايد أو رجل زياده ماهيا ست زى كل الستات
خالد : هههه لا ياسيدى مفهاش ايد ولا رجل زياده بس هى مختلفه عن اى ست انا عرفتها انا لما بشوفها كانى طائر فى السما وشها كده ترتحله وتخليك متشلش عينك من عليها مش مرميه عليك او عايزاك علشان مصلحه واحده شايفاك راجل مش من حقها اصلا أنها تكلمه فهمنى ولا بكلم نفسى
يونس بيهز رأسه من فوق لتحت فهم وهو بيقول ايه وايه اللى يقصد ازاى طفل فى السن ده يكون مستوعب الكلام ده اصلا
يونس : طب انت هتوصل معاها لي فين
خالد : مش عارف اوصل لحاجه هي مش من الستات اللى من كلمه تجيلك ،دى من النوع اللى هيطلع عين الواحد
يونس : تفتكر انها تستاهل انك تعمل اي حاجه علشانها
خالد : انت مالك بتتكلم كده ليه
يونس : علشان انا مش عايز واحده تجبهالى هنا وتطلع زى اللى قبلها وتحملنا كلنا نتيجه اختيارك الغلط
خالد : فعلا معاك حق انا اختياراتي كانت غلط فى الستات اللي اخترتهم بس دى لا
دى حاجه تانيه وانت عارف كل حاجه حصلت من اول امك لحد اخر واحده
يونس : طبعا ولولا وجودي ما كنتش اتجوزت امي
خالد :ايوه انا اتجوزتها علشانك واهي سابتك وسابتني وراحت وانت عارف هي عملت ايه كويس
يونس : اه والهانم التانيه اتجوزها علشانى برده
خالد : انت بتفتح في اللي فات ليه كل ده احنا عارفينه ايه فايدته دلوقتى
يونس : علشان ما تقوليش ان انت تجوزت دي كمان علشانى ولما تغلط تحملني انا الغلط بتاعها بعد اذنك . وسابوه طلع علي اوضته
وخالد راح اوضته هو كمان
**********★**********★**********
حازم رجع البيت ولقى كاميليا قدمها اكل فاكهه وخضار ومش مبطله اكل
حازم : ايه ده كله ياكوكي انتى هتكلى كل الفاكهة والخضار ده
كاميليا : بسم الله الرحمن الرحيم انت طلعت منين مش تكح أو تقول اى حاجه وبعدين كل ده ايه مش انا حامل وعايزه اتغذى
حازم : مقولتش حاجه بس مش كده هتتعبى ياقلبى وانا خايف عليك
كاميليا : هو ده اللى بخده منك المهم هتتعشه ولا هتنام خفيف
حازم : اكيد سيتك مش هتكلى
كاميليا : اكيد مش هقدر استناك لحد دلوقتي انا كلت من بدرى على العموم الاكل عندك فى الثلاجه لو هتاكل
حازم : طب انتى راحه فين
كاميليا : هدخل انام
حازم : بدرى كده خليكى ونسهر شويه
كاميليا : لالا مش هقدر عايزه انام
حازم قرب منها وبيحضنها كاميليا زقته بسرعه
كاميليا : ايه ده حاسب كده
حازم : فى ايه
كاميليا : ريحه البرفيوم بتاعك رحته وحشه اوووى كده ليه
حازم : برفيوم ايه الى رحته وحشه دى احسن ماركه وده النوع المفضل عندى وانتى بتحبى رحته
كاميليا : لالا مش ممكن يكون هوه انا مش طيقاها خالص ورحتها غريبه
حازم : لا هى دى .و ده اكيد من الحمل
كاميليا : طب أبعد كده انا مش طيقاك تقرب منى
حازم : نعم هو هيطلع عليا ولا ايه ايه مش طيقاك دى
كاميليا : ايوه مش طيقاك مش انت الى عايز عيال اشرب بقي وسبنى علشان انا على أخرى ومشت من قدامه
حازم : اشرب بقي ايه ابن الكلب ده هو احنا هنبتدى من دلوقتى لما نشوف لما يجى هيعمل ايه كمان أما اروح اتخمد
ونكمل الفصل الجاي
قلولى توقعاتكم ايه
ياتراه ايه اللى حصل مع خالد
شيزاSh
