حطام جسد انثى ( القصة مكتملة )

البارت الثاني

‏مؤسف أن تملك كم هائل من الأمال والأحلام ..
لكن الظروف المُحيطة عبارة عن مستنقع...

القراء الاعزاء الحساب جديدة والقصة جديدة اتمنى اليقره يعمل متابعة حتى توصله البارتات واتمنى ارائكم وتعليقاتكم وشكرا.. اتمنالكم قراءة ممتعة

البارت الثاني

فزيت من صفنتي على صوت امي تصيحني عالغده كمت صفطت الجبة والشال وخليتهن بالكنتور وطلعت لكيت امجد وفرات جايين ابوي توه دخل للبيت وراح يبدل صبيت الغده وخليته على ميز الطعام بالمطبخ اجاني ابوي ..
بويه انه جم مرة اكلج ماحب اكل عالميز حطي بصينية وجيبي يم الصوبة اليوم باردة كلش ..
بابا هسه غير اريد اسويكم من العوائل الراقية عود  ومديت بوزي ..
ولج هو الرقي بالاكل عالميز شون عقل عدج ...
شلته وخليته بالصينية وحطيته يم الصوبة فعلاً يوم بارد كلش واحب بهيج اجواء الكعدة يم الصوبة وشرب الجاي ..

خلصت الغده وكبل كفيت الاماعين ورحت لغرفتي ادثرت وجريت تلفوني جوه البطانية راسلت اكرم ..
هلو حبيبي وينك اشو ممراسلني لهسه ..
ذبيت الفون لان جان اكرم ممتصل  ربع ساعة واجتني رسالة عالماسنجر ...
هلا حبيبتي اني بالمحل شوية وارجع ..
طبعا بعد التخرج اكرم فتح محل حلاقة مع الاسف حال الخريجين هيج بالعراق مهندسين وكاتلهم الظيم الحمد لله على كل حال ..
غفيتلي تقريب نص ساعة دك تلفوني جاوبته ..
الوو حبيبي كواك الله رجعت..
اي حياتي رجعت وكملت غده راسلتج وانتي ماكو ؟
اي مو مادري وغفيت هسه حسيت على اتصالك..
اها رجعي نامي حياتي واليوم تره امر على ابوج العصر للسوبرماركت اريد افتح الموضوع ويا من جديد ..
اني كبل فزيت  شنو صدك شراح تحاجي شتكله عفية حاول ويا بكل طريقة بلكي هالمرة يقنع..
الله كريم حبيبتي اروحله العصر واشوفه شيكول ..
اكلك حبيبي افتح خط وانت تحجي ويا حتى اسمع شتكله  حباب ...
ههههههه ولج انجبي غير بعد ماعرف اسولف..
لا عليك الله بداعتي احسبني ماكو مداسمع ..
ان شاءالله عمري يلا راح اناملي شوية اني  احبج ..
احبك يالدنيا كلها باي ..
سديت التلفون وضليت اطكطك باصابيعي طبعاً هاي عادة بيه من اتوتر اضل اطكطك باصابيعي  شوية وكمت افتر بلبيت مادري شريد بس متوترة وخايفة لساعة ب٤ شفت ابوي طلع واني ماخليت اية ماقريتها بلكي تفرج هالمرة ..

صارت بالخمسة ونص اتصل عليه اكرم.
الو رهف اني هسه راح ادخل لابوج راح اخلي الخط مفتوح بس حسج عينج اسمعلج صوت ماشي ..
ماشي حبيبي اطمن يلا فوت واني ادعيلك ..

سمعته دخل ..
السلام عليكم
ابوي .. وعليكم السلام
شلونك عمي شخبارك
ابوي .. والله زين برحمة الله
عمي اني جاي احجي وياك
صوت ابوي بحدية شوية .. بس لا على نفس موضوع رهف ؟؟؟
اي عمي بس اريدك تسمعني شوية عمي والله بدنيا كلها هاي اني مانفسي ببنية غيرها الله شاهد انت من ترفض كل مرة جاي اموت الف موتة والله عمي اني مو ذنبي اخوي ماتفاهم ويه زوجته واطلك ولا ذنبي اخوي الثاني مرته سوتله عمل   استغفرالله وكشفها وطلكها ولا ذنبي اخوي راعي مشاكل وينسجن كل هذا مو ذنبي اني انسان تعبت على روحي ووحصلت شهادة غيري هواي يحلمون يحصلوها اني مو ذنبي انولدت بعائلتي وماريد اكول اني اكره عائلتي لان راح اجذب  مهما يسوون اني احبهم وهم لايمكن اكطع علاقتي بيهم بس كتلك راح اخلي رهف بعيدة عنهم مستعد ااجرلها بيت وحتى اذا تريد قريب عليكم ..
ابوي.. اي روح اجرلها بيت وتعال  ههههه ..
ليش تضحك عمي حجيي بي شي يضحك ..
ابوي .. ولك هو انت كلك حلاق وتوك فتحت المحل شهريتك ماتوصل الميتين تريد تفتحلك بيت لا انت تريد تبهذل بتي وبعدين توك كلت نسوان اخوانك راعيات سحورة ومشاكل اخاف يشدن ويه بتي ويروحن يسولها سحر يخلنها معلعلة يابني البنات هواي وروح الله يوفقك وتلكه البنية الي تناسبك بس اني ماعدي بنات للزواج بتي ماتناسبك الله وياك ..
زين عمي كلي انت شتريد واني اسوي والله اليطلع بيدي كله اسوي وماقصر بس كلي..