حطام جسد انثى ( القصة مكتملة )

اعلان البارت السادس عشر

مقطع 1.
خليت ايدي على جتفه وابتسمت..

_  لا يضل بالك عليه اني مبيه شي بس انت الي دوامك بلش وصار ١٥ يوم شوكت تداوم ؟؟ فاتحة وخلصت وامي جانت شايلة همك روح قدم مدرسة اهلية وداوم ..

امجد : لا راح ااجل السنة ..

_ شلوون ؟ ليش ؟..

مقطع 2 .

خلص اني لازم اكول لعمر لازم يدري بكلشي اني تعبت وماكدر اتحمل كلشي بوحدي بالنهاية اني بشر والي طاقة للتحمل  وشيريد يصير خل يصير وصلت حدها وياي ...

مقطع 3 .

اسماء : رهف اريد اسألج سؤال ؟

_ شنو ؟

اسماء : انتي ضامة شي علينه  ؟

_ مثل شنو ...

اسماء : انتي خوما حبلتي من عمر ؟؟؟؟؟؟...

مقطع 4 .

عمر : كتلك يومين وتوصل فلوسك اني مااكل حقك وماارجع بكلمتي ..

ابو فهد : انت خالفت بالاتفاق واني اليخالف وياي بالاتفاق يضوجني حيل  واذا اضوج اضوجه  حيل ..

عمر : هسه شتريد فلوس ماعندي وماالك حق تسوي اي شي حتى لو تروح للشرطة كلتلك يومين وادبرلك ..

ابو فهد : هاي مرتك ؟ حبيبتك ؟؟  بس حلوة خوش تختار  اووف جمال البغداديات يسطر  سطر  عندي اتفاق جديد وياك  انطينه هاي  الغزالة الواكفة وراك  وطايحات الك ٢٠ مليون ..

مقطع 5 ..

حضني حيل لصدره  ضعت بين ايديه  كلبي يدك سريع وجسمي يرجف غمضت عيوني وبس صوت دكات كلبه وكلبي  الي اسمعهن احسه اخذني من العالم كله نسيت كلشي  كلبي كام يدك سريع والرجفة بجسمي صعدت لشفايفي  الي ماوكفت رجفتهن الا من صارن على صدره   شعور بيه يريدني اصير اقرب من هيج تمنيت اكدر ادخل لنص قفصه الصدري ياعذابي ليش تصير اماني انت شنو  منين دخلت لحياتي وسيطرت عليها لهالدرجة  عمر انت شنوو !  ...