حطام جسد انثى ( القصة مكتملة )

اعلان البارت الثاني والعشرون

مقطع اول ..

احمد : بروح ابوج بعدج زعلانة مني وضايجة ؟

دنكت راسي ..

_ لا والله ادري بيك مامتقصد ..

احمد :خير ان شاءالله ريحتيني والله جنت ضايج اكول خاف ضايجة زعلانة ..

_ لا مضايجة ..

احمد : ههه والضايج نراضي ..

_ شنو ..

طلع من وره ظهره علبة حلويات زغيرة ومشدود عليها شريط  استغربت من تصرفه وباوعتله باستغراب ..

احمد : اذا مااخذتيها اعتبر بعدج ضايجة مني ..

مشهد ثاني ...

صار كدامي وبيه لهفة اريد احظنه مشتاقة لحظنه شوق تعب انحرمت من حظن امي وابوي وبعدني ماشبعانة منهم وبس بحظنه رجعلي الامان اتذكرت مرة بالحلم من ماقبل ابوي يحظني وشفت روحي بحظن عمر من ذاك اليوم عرفت ابوي سلمني لعمر  اخ يعمر ياعمري وعذابي ليش كلبي مجوي هيج واني الي ماجنت اهتملك ليش هيج خليتني احترك بناري  ليش خليتني اتعذب  ليش ؟؟

مشهد ثالث ...

احمد : شنو شبيج تعاي صعدي وياي قابل اني غريب ..

_ لا يخوي وصلت للبيت هذا وينه ..

احمد : ياهذا وينه دصعدي شالقصة ..

النظرة الي اشوفها بعيون احمد نظرة ماريد اصارح روحي بمعناها واريد بس اتلافاها كلبي ماناقص هموم ياربي ..

مشهد رابع ...

عمر : رجلج اذا تعدي عتبة هذا البيت اكسرها واكسر راسج وياها مادامج على ذمتي ومحسوبة عليه تلزمين حدج افتهمتي ..

_ اذا ماتريدني وشفتني صرت عار عليك وتخاف مني اجيبلك سالفة     طلكني ........

مشهد خامس   ...

احس باصابيعه تتحرك على خدودي  رجع خله خده على خدي حسيت بلحيته على خدي كزبر جسمي وصارت بيه رجفة ..

اخذت ايده خليتها على بطني وخليت ايدي على ايده ..

_ عمر اني حامل ابنك هنا  ابطني تحس بحركته تحس بنبضه تحس بروحه العايشة هنا      نسلك الي تمنيت الله يموته ويحرمك من ريحة الطفل  اني الي راح اجيبلك طفل ثاني  ...

....................

حبايبي متابعيني  اليوم مااكدر انزللكم بارت لان لهسه ماخلصته هالاسبوع اسبوع الخطار  وكولشي مدالحك اسوي وهسه هم عندي خطار اتمنه منكم تعذروني وتقدرون ظروفي   وان شاءالله باجر او بعده انزل البارت

Reeyam alkhfaje