حطام جسد انثى ( القصة مكتملة )

البارت السابع

الباب صارت تندك حيل واسمع امي واخواتي يصرخن  ....
اريد اوصل لابوي اريد اشبكه اريد اكله اكتلني موتني بس لاتموت بس ماكدر ...
فتح منير الباب الهن وكلهن طاحن على ابوي يصرخن ويبجن واني بس اباوع عليهن ماكدر اتقرب مدري من الخوف مدري صدمة تخليني جامدة بمكاني  وبس عيوني تصب ..
هديت روحي من ايدين عمر وطحت على ابوي الطم واصرخ  اجيت اريد اتلمس وجه ابوي  شافني امجد ..

امجد : حقيرة وخري عن ابوي كتلتي وهسه جاي تبجين عليه  ديربالج ايديج توصله اكص اديج والله وخررري ..

صاح بيه ودفعني ..

فدوة بس خليني ابوسه بس خليني اشمه واكتلني والله ماريد اعيش بعد اكتلني وريحني ..

امجد : كتلج روحي منا ماريد اشوف خلقتج ..

باوعت شفت المسدس واكع يم الشباك رحت اله ومحد منتبه الي لزمته خليته على بطني اريد قوة تضغط على الزناد وتكتلني اريد اموت ياريتني ماشردت من عقابك يابابا ..
غمضت عيوني واني اتشهد واكول هاي اخر لحظاتي..
حسيت بأيد لزمتني واخذت المسدس مني  ماعندي طاقة افتح عيوني ولا اشوف منو الي منعني احس فقدت كل احساس عندي ..
لزمني من خصري وسحبني من الغرفة واني مغمضة عيوني ..
فتحت عيوني باوعت عالايد الي لازمتني درت وجهي شفته عمر ..

عمر : ابقي بغرفتج ولتطلعين ولاتقربين من السلاح ماشي ..

   ليش ؟

عمر : شنو الاليش !! كتلج كعدي هنا وسكتي ..

  ( خلاني عالجرباية باوعت عليه وهو لازمني )

  انت شنو دتظاهر انك خايف عليه ؟

عمر : مخايف عليج ولا شي ..

لعد ؟؟

عمر : اكلج اني هواي انطيتج اهمية ولي ذاك المسدس وموتي روحج عاد اني هم ارتاح ..

  اصلا اني متت  من يوم ماانت اخذت كلشي عندي كل الي صار بسببك وهسه دتمثل دور الخايف عليه هو انت شبقيت بحياتي احسه روحي صرت حطااااام مابقه شي مني خسرت حياتي واهلي وابوي واخوي الي يتمنى يذبحني اليوم قبل باجر وياريت يسويها لان مابقه شي عندي اخسره ..

عمر : مراح تموتين وميصيرلج شي عقابج اخذتي ومراح اسمح لاحد يلمس شعرة منج شيريد اخوج اني مستعد ..

  انت اكبر حقير ..

( لزمني من شعري )

عمر : هذا لسانج اكصه ولج انت صدك حلال كتلج  اذا غلطتي مرة ثانية اكتلج وادفنج افتهمتي ..ادبسزز ..

وخر ايدك عني انت واحد قذر مكفاك الي سويته يلا كمل الي بديته يلا اكتلني وريحني احسن مايكتلني اخوي اكتلني انت عالاقل ماراح انقهر ...

( هد شعري وقرب وجهه عليه )

عمر : باعي واسمعيني كلش زين اني اخذت جزاتي وانتي اخذتي جزاتج انتي شيطانة واني شيطان اكبر منج فلا تحاولين تمثلين البراءة فتهمتي ..