احببته من طرف واحد👨🏻‍✈️💕

البارت الثاني 2

المهم مره بده الدوام بدلت وسويت تسريحه يعني بالمدرسه انزع الحجاب وحطيت مكياج خفيف وصدريتي كولش حلوه وبوتين ابيض وشال نيلي طلعت فول رتابه وحطيت عطر خفيف وشلت جنطتي وانتضر صديقتي تجيني حته نروح سوه اندكت الباب رحت ركض فتحت الباب وصحت ادبسزز صارلي ساعه انتضرج باوعت لكيت بلال بويه مو ولد يخبل غنبله حلغوم هههه هو والهيبه وشاربه المفتول وعضلات بارزه ضليت مفهيه بوجه بعدين انتبهت لنفسي كلت بكلبي عزه شكد عيب كال بلا زحمه وين عبدالله كلت ها ااه مادري بعدين صفنت لوهنه كلت ها لا طالع مدري وينه احس كلبي دكاته قويه هاي اول مره هيج يصير بيه ارتبكت دائما جان يجون اصدقائه ويسئلون عن اخويه واجاوبهم بس هذا بلال ربكني،  كال ها شكرا اخيتي
كلت بكلبي ولك يا اخيتك مين جيت اخيتك كبر المهم رحنه للمدرسه واول يوم كله كضيناها بالساحه نضحك ونعيط ونحش بالبناتت ههه خلص الوكت انتضرت صديقتي بالباب مال مدرسه ورجعنه سوه ساعه ب 4:33 وصلنه يم الفرع القريب يم بيتنه باوعت لكيت بلال واكف يم بيتهم  نافخ نفسه هو يبعد عن بيتنه 3 بيوت المهم مفهيه بوجه جان صديقتي تكلي ريم هاي شبيج شو مجاوبين كتلها ها شكو كالت هاي عليمن تباوعين ع الضابط هاا ريم طالعه عينج كتلها لا يابه يا ضابط اصلا وين اكو ضابط هنا كالت اهوو هو انتي غير اكلتي بعيونج كتلها نجبي ههه دخلت للبيت محد موجود كلهم طالعين بسرعه نزعت شالي ورحت ركض اباوع عليه من الشباك عبالك الله مخالق غيره نافخ نفسه نعلبوكك يكولي خيتي امشي وادردم جان يطلعلي بوجهي امير كاال هاي شنو تخبلتي تحجين ويا نفسج ضل يصنف عليه كتلها باع هذا طبيت لغرفتي وسديت الباب بدلت ملابس،البيت فتحت شباكي لكيته ديحجي ويا بنيه هاي منيه الادبسزز انقهرت مدري غرت اوي شعليه بيه قابل هو حبيبي حته اغار بس صدوك ضجت هههه

بعد مرور فتره بده الدوام يعني عادي بدت الدراسه الجديه لان ببدايه المدرسه جنه بالساحه كاضيها وضحك وسخافه وونسه لان ممسلمينه كتب  المهم قبل كل م انام اذكر موقف من انصدمت بوجه بلال ضحكت كلت ها ليش دافكر بي  احسه شتت تفكيري ماعرف ليش دافكر بيه شنو معقول حبيته  ميروح من بالي المهم داصفح ع الانستا وشفت بيج اغاني وتصاميم فتح اغاني كومه من بيهن جلبت ب اغنيه مال شيرين  سمعتها  مال حبيتوا بيني وبين نفسي ومئلتلوش عن الي بنفسي ممبعرف ائي بيعصلي لمن بشوف عينيه .. ضليت اعيد بيها واذكر بيها بلال لحد ما غفيت كعدت الصبح فتحت عيني باوعت ع الساعه ساعه ب 9 عززززه رايح عليه الوكت جان عدي صبحي يويليي شلون فاتتني نسيت اوقت التليفون غفيت حرامات جماله البارحه اتفقت ويا البنات وكتلهن اي اداوم اوي خ ارجع انام نمتت كعدت ب 1 اول منزلت رحت ل امي بالمطبخ ها مامه الله يساعدج ها حبيبتي شنو شو مشفتج ممداومه ليش اي مو راح عليه الوكت اي طبعا كله من السهر ع التليفون دعوفي مو حته عقلج وكف كمتي تغفين بدون متدرين وكلبتها محاضره نص ساعه اي اي مامه كافي افتهمت والله اي غير لمصلحتج شنو اني كارهتج قابل ليش مسمعين النصيحه والله سمعتها للنصيحه اي سمعتيها اطببيها من هاي الاذن ويطلع من الثانيه خليج هيج ضلي ضلي اظاهر اني مالج صداد يردج ادبسزز بيش ساعه دتنامين مامه هاي شبيج هاي اول مره اسهر هو جذب انام متاخره ههه المهم اكلت رزاله غسل ولبس امداني لو كايلتها توني رجعت من المدرسه ولا هل رزاله

المهم مشت الايام مثل الروتين داراسه وبيت وهكذا فديوم جنت توني كاعده من النوم سمعت امير يكول ل امي

يكول دخلت كروب بي عبدالله وشباب المنطقه كله بي ع الفيس وعبدالله ادمن هو وبلال اني كتله اميره وانت هم بي كال طبعاا غير اني الي محلي الكروب كتله ايع شمحلي امخيسه ههههه شسمه بلا كال وانتي شعليج كتله قحط كروبات بس اشوفك شناشر حته ضحك عليك كال اسمه ***** وشوفي شلون يعلقولي وتفاعل وكذا المهم اخذت اسم الكروب وعفته عود الظهر  ادخله رحت تريكت وطبيت سبحت وحطيت مرطبات لجسمي ولشعري ولبست برنص ولافه خاولي كعدت ع سريري واصفحت بالتليفون كلت خلي ابحث عن الكروب خشوف شينشر امير وبلال بحثت عنه وملكيته هاي شنو شو ماكو  فكرتت رحت فتحت فون امير اعرف الرمز مالته بس هو ميدري لان مره شفته من وراه وفتحت الفيس مالته واخذت اسم الكروب المضبوط وشنو الصوره بالضبط لان هو كال بس اسمه طلعته  رحت لفوني بحثت مره ثانيه ولكيت ودخلت بي ضليت اتصفح لكيت منشورات ل عبدالله تحشيش وكذا طبعاا هو بي 2k او اكثرر هوايه بي وجان الكه منشورات بلال تحشيش وكذا ضليت اصعد بالمنشورات جان الكه منشورات قبل اسبوعين هلا هاي شنو  يتبععع 👈

بنات صوتوا ع النجمه حته اشجع وانزلها كلها لان قصه كولش حلوه وحقيقيه ف اتمنه تدعموني بتعليقاتكم والتصويت 😘