احببته من طرف واحد👨🏻‍✈️💕

البارت العاشر 10

ريم

صعدت لغرفتي بعد ما تريكت بكلبي كلت شو بابه مكلي ع الخط شنو مكله بلال خاف لو ابويه مقبل لا لا اصلا ابويه يقبل اوي مادري لزمت تليفوني رحت ع محادثه بلال مداز شي اكيد مموافق ابويه لان ولد شاب وسياره وحدنه ? ماعرف ضليت افكر هو الصراحه اني حابه اروح ويا مدري احس من دوخه البنات بالخط لا جذب علموده اريد ويا ههههه رحت ع ميزتواليت مالتي طلعت الصبغ اظافر وصبغتهن لون وردي فاتح وبدلت بجامتي هم وردي وفتحت شعري ورحت ع سريري تمددت وجان ابويه دك عليه فتحت كلت ها بابه كال تعاي نزلي جوه كتله ماشي

نزلت كال لكيتلج خط كتله صدوك واخيرا والله جنت شايله هم شلون اروح واجي كتله باجر يجي مو كال اي اي راح يجي صديق عبدالله هذا بيت ابو بلال هاا بكيفك كال اي خوش ولد ووصيته عليج كتله دير بالك عليها امي كالت اي هو خوش ولد وخدوم وحباب بس امه متنجرع فد نوب ابويه كلها هسه شعلينه ب امه هو مجرد يوصلها كئنما تكسي بس ع الاقل واحد نعرفه كال هذا هو ريمه باجر حضري نفسج كتله ان شالله

داصعد لغرفتي جان تجيني ايات سلامات وين رايحه يعني هو بس،اليوم كاعده شدعوه متساعدينه يلا كدامي روحي كملي غسل مواعين وغسلي الطرمه والحديقه ومسحي الصاله كتلها متولين مني احسن اشايفتني خدامه جان تعيط اني نهار كله اشتغل شنو اني بنغلادش لو فصليه لو خدامه شنو انتي متحسين مو عيب عليج مساعدينه يل جلاله الملكه لو مو من مستواج التنظيف حايره تنظفين بشرتج وماسكات ومرطبات ومكياجات الي يكول انتي مزوجه مو اني  كتلها والله كيفي بيت ابويه اعيش امدلله خوش + اني من زمان مهتمه بنفسي وبأ اناقتي وبشعري وبكولشي هو النظيف من يوم يومه مرتب ونظيف ف اذا تغارين روحي نظفي خيستج ولتقارنيني بيج ، عاط بيه عبدالله ادبسز خدم احنه عدج ?  كتله انته شلك دخل من يايوم تحاسبني لو هاي الحيه تحركك امده الرجال الي مرته تحرك ليش اني يا يوم منظفه كله ع امي بس مرات اسوي عشه

جان يستلمني رزاله غسل ولبس وابويه كام ينطيني محاضره عن المساعده وامي جرت ايات يمها وتهدي بيها يمه والله حقج انتي هم تتعبين وانتي ريمه لا شغله ولا مشغله حركي نفسج وامير كل عاده رجع بغرفته ماله دخل من يوم ازوج عبد الله كام ميسوي مشاكل وهدئ ف من صارت العركه هو اصلا مطلع من غرفته ،،كمت ابجي وصعدت للغرفه ياربي حته اهلي طبكوا وياها راسنلي بلال كلي ع الخط كتله اي ادري كال شبيج كتله ع الي صار كال ليش ازعلين تره انتي الغلطلانه كتله والله لو اموت خاف جنت اساعدهم هسه ابد لان حركت عبدالله عليه ورزلني وابويه وامي كلهم رزلوني كله من وراها كال هو لازم ينصحوج مو يرزلون المهم عوفج منهم لتخليهم ينزلون دموعج تره غاليه عليه وادعت عيونج الحلوات لتبجي خجلت ومسحت دمعتي وضلينه نسولف ك اصدقاء وكام يحشش ويضحكني ونسيت حته العركه باوعت للساعه 2:20 يابه شكد حجينه كتله بلال منتبهنه ع الوقت شكد حجينه كال اي والله صدوك يلا روحي اكلي ماريدج ينقطع اكلج بسبب خلاف بسيط روحي تغدي بلال شتغده هو كل مره نتغده ب 1 هل مره محد دك عليه الباب وكال تعاي اكلي كرهوني اهلي من وراها واني م انزل لو اموت اني من ازعل م اكل وياهم وهمه لو يريدون جان صاحوني  كال لعد شلون تموتين جوع كتله عادي اتحمل كال لا هسه حروح اجيبلج لفه وحلويات وحبشكلات،  لا بالله شلون تجيبلياهن ، عدي طريقه اهاا وهي شنو طريقتك مدي علاكه بحبل من من السطح مالتكم واني اترسه اكل وصعديها ههههه عززه كال والله حروح اجيب اكل وانتي حضري العلاكه لان كبريائج ميسمحلج تاكلين منهم  هههه تمام وصدوك وره ربع ساعه دك عليه طلعت للسطح وجان انزل علاكتي وحطلي الحبشكلات وصعدتهن ضليت اضحك ..

بلال

هلو يمه شلونج
هلا بيك صايرين منشوفك واذا نشوفك عينك بالتليفون
عدي شغل حاليا ان شالله افرغلكم واطلعكم ونتونس تريدون اوصيلكم ع عشه جاهز

تبارك، اي بلال جيبلنه عشه لان يوميه نطبخ حته ملينه
تدلل اختي الحليوه عليه شتريدن اطلبلج.

فدوه لكلبك اريد شاروما وببسي ومقبلات ادللي وامي شتريدين جيبلي نص دجاجه اني ميكفيني لفه ادللي ، تبارك روحي ع ابويه شوفي شياكل وتعاي كليلي حته اروح اجيب الاكل راحت وجتي كالت هو اصلا اجه

ها بلال منك من الشيطان تعزمنه
هههه يابه غير انتو اهلي قابل شمسوي شتريد اجيبلك كال كيفكم وياكم اكل وجيب ل اخوك هم لفه عود من يجي ياكلها ،، ان شالله يلا رايح اني
طلعت من البيت دكيت ع ريمه .. الوو ها هلو شلونج تريدين اجيبلج اكل ويايه خاف بعدج زعلانه ومنازله جوه اهاا ماشي اظاهر تنازلتي عن كبريائج وعنادج هههه يلا مع السلامه.

بنات صوتوا ع النجمه حته اشجع وانزلها كلها لان قصه كولش حلوه وحقيقيه ف اتمنه تدعموني بتعليقاتكم والتصويت 😘