احببته من طرف واحد👨🏻‍✈️💕

البارت السادس عشر 16

انصدمت من شكله تعبان وجوه عينه هلات سوده وكدمات ضرب من تعارك هو وعبدالله

باوعت عليه حسيت عيونه تباوعلي بشوق ل لحضه اشتاقيتله بس بعدت نضري عنه لان بعدني زعلانه من عنده قدمت العصير عليهم وكعدت ع التخم يم اختي و بلال عيونه عليه احسه يريد نضره مني بس اني اعلمك

حجوا ب امور العرس وكالو هل اسبوع نخلص كولشي يعني اليوم جمعه الجمعه الجايه العرس لان اخو البنيه عبدالله كال لطولون باالاضافه ابني هم مستعجل واني هم لان اريد اشوف ابني عريس وافرح بي اما ب موضوع الدراسه خلي اداوم ماعدنه مشكله بس لو هل سنه تأجلها احسن مطايره الدراسه خلي تهتم ب زوجها هل سنه

كالت امي ع راحتكم بكيفكم بس سالفه الدراسه اذا بنتي قبلت تأجلها للسنه هاهيه بس اذا مموافقه تكملها عدكم كيفها بعد .

ام بلال
ها ريم شنو رائيج.
كتلها خاله هذا هوه لان صراحه كولش مالي واهس للدراسه حاليا .
كالت هذا هو حبيبيتي ان شالله اتفقنه ع كولشي من باجر تطلعون اجهزون للعرس وراها نبدي بحفله الخطبه والخ

وضلوا يسولفون ويضحكون الاهل بينهم

كالت ام بلال عيني عروستنه روحي انتي وعريسج باالهول سولفوا اتفقوا خاف شي معاجبج وتسحين تحجين ع الاقل انتو ميانه انتي ويا .

ابتسمت وطلعت ورحت للهول وجان يجي بلال يكعد ع التخم بصفي ضل يسولف ويطمن عليه ونضراته خوف ولزم ايدي كال خما ضربوج اخوانج شبيج وجهج تعبان عبالك ورده ذبلانه حياتي شبيج.
كتله مابيه شي سلامتك عيني
كال زين هاج هذا التليفون فتحه من علبته ايفون 8 اسود وباوعلي هاج هذا هديه وهذاك التليفون عوفي يم ايات لتسوين مشاكل
باوعتله وكتله شكرا بلال عندي تليفون وها تليفوني يمي مو يم ايات واشوف رسائلك وم ارد
باوعلي وكال ها لعد اذا يمج ليش متردين عليه كلبي طاك عليج.
كتله لان كيفي وعفته وكمت صعدت فوك
وره شويه صعدتلي مريم وبيدها التليفون كالت ولج لتفشلينه ليش راده هديته بابا حصيرين مرته شبيج انتي وبعدين تعاي نزلي سلمي ع اهله شبيج صعدتي فوك هسه شيكولون عليج مخبله متعرف تسلم يلا نزلي
جرتني ونزلت وياها وودعناهم بس بقه بلال ب الطرمه كال اريد احجي وي ريم
طلعتله كتله نعم
كال هاي شبيج متغيره وحته اسلوبج متغير يابه هسه اعتذرنه سامحينه ع فكره اكره هيج واحد يعاملني بس الج م اكرهج وغمزلي تلقائيا ابستمت وداعوفه وجان يلزم ايدي كال عود حاجيني باالتليفون واذا غلستي احسابج عدي اعرف شلون اعاقبج كلشي بوكته حلو وغمزلي وراح .
داطب جان تصير يوجهي اياات هاي شدسون بالطرمه.
باوعتلها بحقد وكتلها اكلي تبن انتي شكو مره ورجال انتي شعليج بينه .
كالت اكيد ديبوسج.
كتلها اي هاي شمدريج ايوته حبي
كالت كولشي اعرف
كتلها اي انتي كتاب مفتوح كولشي يعرف.
وعفتها ومشيت.

ساعه 9:11

اندفعت باب غرفتي وجان تنفتح البردات
واسمع مريم تصيح يلا يلا ريم كومي نروح للسوك ندور بدلات فساتين تره العصر عقد القران مالتج وانتي نايمه ع عماج ولج من صدوك عمه العماج كومي نشتري شوكت نلحك
فتحت عيني كتلها صدوك اليوم ?
كالت اي ولج لعد شنو حته خابرتني ام بلال كالت العصر وكالت ليش مترد ع ابني عود راد يبلغها واجه بلال اطانه فلوس التحضيرات
كتلها نسيت افتح التليفون المهم
بدلت بسرعه حته متريكت وطلعنه اني واختي وعفنه ودق يم امي لان يم كل اسواق تلعب فلك اله نشتريلها ف عفناها تأخرنه

المهم افترينه وندور وطبيت كم محل اكدرهن وميعجبني شي اخير شي ايست كلنه قبل منطلع خلي نشوف هذا المحل شكله راقي دخلنه وشفت فستان يجنن سماكي غامق كولش حلو عبالك فستان اميرات كدرته وطلع ع قياسي اخذته وضلينه نفتر بالسوك ندور ع شمع هم سماكي وزينه مال عقد قران حجزنه كيكه الخخ وخابرني بلال كال طلعوا من السوك دانتضركم تره طلعنه ولكيناه صعدت بالصدر وسلمنه عليه وكال حنروح ل محل صديقي صايغ ذهب رحنه واختاريت شي بسيط م احب شي مبالغ بي وثكيل.

رجعنه والعصر صار العقد قران والشيخ يجي يعقدلي المهم مكيجتني مريم مكياج هادئ وحمره سماكي والصبغ اظافر كذالك والشعر تسريحه بسيطه طلعت كولش حلوه وبدوه يجون الاقارب واهل العريس بس بلال بعد مداخل لان معاقدين المهم شويه وكالو اجه الشيخ كعدوني وره الباب وحطوا بيدي قران وبرجلي مي وياس وضل يحجي الشيخ ويقره ايات قرانيه الخ وبعد شويه كال كولي وافقت وانت وكيلي
كلت وافقت وانت وكيلي جان يكول مبروك وكل اقرابنه ضلوا يباركولي
وكالوا اجه العريس وعلكوا الاغاني

كلمات الاغنيه

الف مبروك كولوله للغالي الحلوه طوله.

المهم اجه باس راسي وكالمن يهلهلن النسوان ويصورون بينه اني خجلت احس كل الانظار علينه ويطشون جكليت والجهال يلمون بي ويتعاركون ع الجوكليته ههه
المهم انتهت الحفله جانت بسيطه بس حلوه
واتفقن امي وام بلال انو باجر يعقدلي بالمحكمه حته اتصير زوجته شعرعا وقانونا من سمعت هيج ابسمت وباوعتله هو عيونه كلها فرح ولهفه .

ووصن بلال كالن باجر من الصبح اعقدوا وجهزلها انت الجهاز الملابس وهاي الشغلات حته انتو براحتكم تشترون الي يعجبكم وحته الغرفه هم اختاروها انتو مندخل بيكم اختاروا ع ذوقكم.

المهم بلال اتفق وياهم كال ان شالله ولزم ايدي واسئذن من امي كلها حصعد فوك واخذني وراح

فتحت باب غرفتي وجان يدخل وقفل الباب كتله ها بلال ليش قفلتها كال كوليلي ليش مجاوبيتني البارحه من حاجيتج ع التليفون
كتله ها مو نسيت
كال اذن اني كتلج اذا غلستي عقابج يمي وهسه حنفذه للعقاب وغمز
وقرب وجهه مني وصارت انفاسه قريبه من وجهي ... يتبع

بنات صوتوا ع النجمه حته اشجع وانزلها كلها لان قصه كولش حلوه وحقيقيه ف اتمنه تدعموني بتعليقاتكم والتصويت 😘