احببته من طرف واحد👨🏻‍✈️💕

البارت الثامن 8

المهم من رجعت من الحفله داصفح ع الانستكرام وشفت عبدالله ناشر ايده وايد زوجته من جان خاطب لكيت بنيه معلقتله كاتبه الف مبروك عبودي دخلت ل بروفليلها مكتوب ريم بويه اني مصدكت كلت لكيت مريتي ريمه وجان اتوكل كتبت مرحبا عدي موضوع مهم وياج كتبت هيج حته ترد تشوف شنو الموضوع المهم ياخذها فضولها المهمم كمت كل مره ادخللها وتصدني اكلها احبج تكلي اترخص كطعت كمت م ادخللها حسيت نفسج ذلتني عفتها،، طبعا اني مواليد 1994مواصفاتي حنطاوي وعيوني خضر وطولي متوسط  مفتول العضلات ولحيه ماعدي لان شروط الضباط ماعده لحيه فقط شوارب اذا يريد،
.........
نجي للطرف الثاني ريم

فديوم كعدت من الصبح داروح للدوام ضليت انتضر ابو الخط لكن م اجه دكيت عليه كال انضربت السياره وحاليا هي يم المصلح ان شالله باجر تصلح ريم اعذريني اخذي تكسي واني اعوضج بنهايه الشهر اقلل فلوس الخط كلت اها ماشي براحتك طلعت ادور ع تكسي هاي اول مره اروح وحدي بتكسي لو خط لو ويا اهلي المهم رحت للكليه نزلت يم الكليه نزلت ملازمي ويايه واتمختر ع كيفي امشي اجه واحد لزمني بجتفي كال هذا منو ???! باوعت بوجه طلع بلال لابس الزي العسكري بكلبي يمه هذا شجابه شنو ميداوم ميحاسبوا لاطش بالكليه شكو ،كتله هاي شبيككك وخر ولي مني وانت شعليك ? كال اذا اني شعليه لعد منو العليه كتله اهلي كال داحاجيج هذا منو انوب سيارته بيضه يعني مو تكسي وانتي عدج خط عفته ومشيت لزمني من ايدي كال اذا متحجين العب بيج طوبه  كدام الناس حسيته صدوك عصب دماراته طلعن وعيونه صارن حمر كتله والله تكسي والله ماعدي شي كال ليش بيضه مو صفره مثل باقي التكسيات هاا ونبي ماعرف شبيك شفتها مكتوب عليها من فوك تكسي وصعدت لان مستعجله وابو الخط م اجه سيارته بالصيانه مسوي حادث مدري شنو اني احجي وكلبي يدك سريع وامتمت بالكلام لان صدوك خوفني عافني وراح، اووف يا حقير انعلبوك ههه شلون بهذل احوالي رحت فتت اول محاضره نص ساعه طلعت ويا وجان اضرب المحاضره الثانيه اني وصديقاتي وطفرنه رحنه ناكل ونشتري جنط لان مفتح محل جديد مال جنط واحذيه دامشي واسولف وبيدي علاكات مال مسواكي وقوطيه ببسي جان الكه بلال بوجهي عزه هذا شجابه رحمه ل الله اشو هذا خزرني وراح يابه هذا شبي ميداوم اربعه وعشرين ساعه يفرفر هو والزي المهم رحت بسرعه حته احضر المحاضره الباقيات كلت خاف يشوفني ويكول لعبدالله اختك تفرفر ناقصني اني رحت وبدت المحاضره لحد م ختمت اليوم وطلعت هلكانه تعبب لان حضرتنهن كلهن ماعده المحاضره الثانيه المهم باوعت ع الساعه 3:00 اهو شراح يرجعني لازم هم تكسي واني رحت صرفتهن للفلوس ع الجنط والاحذيه ضليت حايره المهم طلعت جان الكه كيات نفرات واني عدي بس الفين كلت يكفي رحت دورت ع كيات يوصلن لبيتنه ماكو عززه بعيني شلون حرجع التفتت لكيت بلال ديركب سيارته وديريد يحرك مد راسه من السياره كال اصعدي تره م اخليج ترجعين تكسي وحدج كتله لو ما ممخلصه فلوس م اصعد وياك بس امري الله كال طبعا كله من التفرفر تخلصيهن ع الملابس صعدت ليوره من السياره كتله عزه يا تفرفر بلال هاي اول مره كال تره الجذاب تره يبين من عيونه ويباوعلي بالجامه مال سياره كال صدك ع فكره تره اني هنا اشتغل يكون بعلمج باالمركز المجاوره للكليه مالتج  نجي كل فتره اني والضباط بس ع الاغلب الاوقات احنه  هنا شغلنه ف لجذبين تكولين اول مره اطلع دائما اشوفج واغلس كتله ياا واني اكول انت اربعه وعشرين ساعه هنا اي شعبالج لعد هم نشتغل وهم نمتع نضرنه بالحلوات اني طنكرت كلت بكلبي خلي يفيدنك الحلوات ضل يحجي هو واني م اجاوب عرف ضجت كتله بلال بلا زحمه عليك نزلني يم الشارع لان ماريد اهلي يشوفوني وياك خاف عبالهم شي نزلني هنا افضل كال لو يجي ابوج م انزلج اوصلج لحد الباب كتله نزلني لو افتح الباب و اوكع جان داريد افتح الباب حته اخوفه وينزلني جان بسرعه قفلهن وباوعلي وابتسم ابتسامه خبيثه عاد صدوك ضجت لان اهلي محافضين ميقبلون هيج ولد يوصلني للباب حته زحمه من الناس لان الناس اشكال والوان يحجون وي يألفون ، وصدوك وصلني لحد الباب جان بسرعه اخذت جنطتي وطبكت الباب بقوه ورحت  اول مطبيت بدلت وسبحت وتغديت ونمت لان ميته تعب اول مكعدت باوعت ع الساعه 8:43 نزلت كتلهم مساء الخير لكيت ايه مرت عبدالله مطنكره لان مداشتغل كله عليها وع امي الشغل وفعلا اني مداشارك وياهن بحجه تعبانه وعدي امتحانات كلت طبج مرض شسويلج بكلبي، كلت لمي مامه شنسوي عشه كال طلعي لحم من الفريز وحمسي وسوي محموسه وكلي فنكر وباذنجان وزلاطه وطرشي وخضره وسلكي بيض اذا تريدون كتلها ماشي اشو ايه عافتنه وصعدت كالت اترخص خاله خلتني وحدي اسوي العشه يلا عساس اميتين ع مساعتج بكلبي خلصت العشه واكلنه ورحت غسلت المواعين ورحت لغرفتي دزيت رساله ل للخط كال اعذريني اخيتي بس السياره بدلناها وبعد مندخل للفروع مال بيتكم لان بسبب الفروع وعدم تبليط الارض صار الحادث وهسه خسرت سياره كامله هذيج منتهيه ف اعذريني بعد انتضرج ع الشارع وادكلج وتجين وناخذج ويا الخط لا عيني شنو ع الشارع تره بعيد والله هذا الموجود وهسه سئلي عن اي ابو خط بعد ميدخلون باالفروع كتله لعد اني ابطل لان بعيده المسافه وهيج حتأخر كال براحتج، يبو ع حضي سديته ضايجه كلت لعد باجر اغيب بين ما بابه يدورلي ع خط جديد يجي للباب اجاني اشعار ع الانستا من بلال هلاو رديت كلت هلاوات كاال خاف ضايجه مني جيت اعتذر كتله لا عادي كال شبيج ? حجيتله ع ابو الخط كال خيولي عوفي كتله اي عفته هسه اكول ل ابويه يدورلي خط ف باجر حغيب حته يدور لان اضوج من التكسي كال ايي زين اكلج.....يتبع

بنات صوتوا ع النجمه حته اشجع وانزلها كلها لان قصه كولش حلوه وحقيقيه ف اتمنه تدعموني بتعليقاتكم والتصويت 😘