احببته من طرف واحد👨🏻‍✈️💕

البارت التاسع 9

زين اكلج ، ها كول ، اني اصيرلج ابو خط وواصلج يوميه ب طريقي هاا شتكولين كتله هاا بكيفك بس اني معليه انت كول ل ابويه عود من يطلع يجيب صمون وكله انو اني اشتغل يم الكليه وعدي سياره اروح واجي وهيج ف هوه يمكن يكلك عليه توصلني لان يعرفك صديق عبدالله كال ماشي من يطلع يجيب صمون كوليلي حته الحكه لان مو امان ب بالتكسيات كلهم حشاج سكط هههه لا مو كلهم لتعمم خطيه كال اظاهر عاجبتج التكسيات مو لا يابه وين شايفه تكسي هي بس مره، زين اكلج اني عدي خفاره ف حروح عود باجر من يطلع ابوج دكيلي لان الصبح موجود هسه ح حروح خفاره هاي علمودج، ماشي شكرا اخويه، اخويه بعينج منين جيت اخوج ?. متتت ضحك عفته مجاوبت رحت نمت كولش تعبانه وجان اسد التليفون وغفيت كعدت ب 10 لكيت ابويه هو وامي كاعدين كلت صباح الخيرر صباح الخيرات حبيبتي روحي كعدي اخوانج بين م اسوي ريوك اي ان شالله مامه صدوك جبتوا صمون ،اي باباتي هسه حروح بس روحي كعديهم كتله اي خوش بسرعه صعدت فوك دخلت لغرفتي ودكيت ع بلال ... الوو هلو صباح الخير اكلك ابويه حيروح يجيب صمون روح الحكه وكوله كال يلا ماشي سديته وكلت يارب يقبل ابويه واسجل وي بلال ماعرف ليش اريد اروح ويا هيج مشاعري ملخبطه اريده وم اريده ماعرف بس احبه لا لا م احبه اهوو ريم روحي كملي شغلج بلا هل سوالف

ورحت كعدت امير ودكيت باب غرفه عبدالله جان تطلعلي الحيه مالته زوجته ها عيني شرايده كتله نزلوا اكلوا كالت خوشش من وره خشمها، وثول بخشمج اي والله تغيرت بالبدايه جان عود نازكه وحبابه هسه تفرعنت

ونزلت ويا امي احضر  الريوك لكيت امي دكلي بيض وطماطه ومطلعه اجبان كتلها شبسرعه سويتي، اي قابل اني مثلج فاهيه عشتو ليش فاهيه مو اسويلكم عشه فاخر هههه جان تنزل ايات زوجه عبدالله كال عفوا منو يسوي عشه لو ما اني شايله البيت كله وانتي سويتي مره وتعيرينه بي حته عشاج منريده كتلها وانتي منو داس ع ذيلج وكمتي تنبحين من يمج اني وامي انتي شدخلج ? كالت لا شبيج داشاقه وابتسم ابتسامه صفره مال مسمومات وكالت يلا ريم جيبيلي الريوك دا اكل وجان تروح، راحت روحج ان شالله امي ولج ريم يعني بس تكعدين بالبيت تسوين مشاكل شبيج ، يعني اني اسوي مشاكل بربج كالت اي غير ايات كلتلي ع مشاكلج يا مشاكل عزه بعينها شمئلفه عليه هاي كال روحي جيبي القوري وسوي جاي وانتي ساكته ضليت محتركه وضايجه لان الغريبه تحرك اهلي عليه

بلال.
طبعا ردت ريمه ويايه لان اخاف عليها هوايه اسمع سوالف عن اهل التكسيات وتحرشاتهم ف كلت احافظ عليها ويايه لان رايدها الي مرتي وحبيبتي.
من دكت عليه ريمه كال ابويه طلع يجيب صمون بسرعه كمزت من السرير ولبست تيشيرت وطلعت بسرعه سويت نفسي اتمشه عساس صدفه ونمشي اني وابو ريم سوه ونسولف ف فتت كلت صباح الخير حجي كال هلا وليدي شلونك والله الحمدالله بخير ووو ضلينه نحجي بالشغل وجابها بالحجي ع بالسياسيين والحكومه وماكو خدمات ومدري شنو بكلبي هسه شلكيتني وزير الوزراء، اي عمي والله صدوك اصور حته اهل الخطوط كاموا ميفوتون بالافرع لان الكع ممبلطه خطيه البنات ديروحن تكسي واهل التكسيات عيونهم زايغه كال رحمه والديكم عدي بنيتي هم ابو الخط ميجيها اله تطلعه ع الشارع يعني مسوينه شي لو تروح تكسي احسن اني سمعت هيج جان اضلمها عليه لا عمي يا تكسي هسه شلون تمئمن ع بنيتك باالتكسيات مينحزون. اي والله صدوك مينحزرون بس هسه دادورلها ع خط جديد كتلها اها زين لزمنه سره ع ابو الصمون كتله عمي اذا تريد اني اوصل بنتك لان طريقي نفس الكليه بلا هيه شسم كليتها كال اسمها(....) كتله اني بصفها الدائره مالتنه قريبه عليه اشتغل كال صدك والله تسويلي فضل هيه هم اختك دير بالك لان دادورلها ع خط واعتبرها اخيتك فدوه لكلبك ، كتله صدوك جذب بعيني اخليها ان شالله من باجر اجي اخذها ادلل عمي  ....

بنات صوتوا ع النجمه حته اشجع وانزلها كلها لان قصه كولش حلوه وحقيقيه ف اتمنه تدعموني بتعليقاتكم والتصويت 😘