احببته من طرف واحد👨🏻‍✈️💕

البارت الثالث عشر 13

ديريد يرفع الفستان مالتي من رجلي وجان ادفعه عبالك الله انطاني قوه رغم هو ضخم بالنسبه الي وكمت اعيط وابجي وانهزمت وشلت الشال حطيته ع شعري ب اهمال واخذت جنطتي وبسرعه فتحت الباب وانهزمت وهو ركض ورايه ريم لحضه بسرعه اجرت تكسي ورحت لكليتي باوعت لنفسي بكامره الفون كحلتي سايله والمسكارا مصخمه عيوني من وره البجي وحمرتي مخربطه خربها الحقير كرهته كره وشالي نص شعري طالع منه ضليت ابجي بهدوء حته لينتبه السايق طلعت من جنطتي كلينكس ومسحت الصخام من جوه عيني وعدلت الحمره والشال ووصلت لكليتي رحت للحمامات  لكيتها فارغه ضليت ابجي واناشغ بصوت واشهك متوقعهته بنسبه واحد بالميه يسوي هيج ثاقه بي ثقه عمياء لهذا طبيت للبيت طلع مخططلي ومسوي الميلاد حته يضحك عليه ويعوفني عباله اني من هذني البنات اليدورن لعب عرفتك يا حقير عرفت خطته الله لا يوفقه مصدومه صدمه عمري م اتوقع كل هذا يطلع منه معقوله يضحك عليه بكلامه المعسول يريد يضحك عليه ويغتصبني ضليت ابجيي واحجي ويا نفسي لا لا بلال يحبني لعد شلون طلع هذا منه لو ما منهزمه جان هسه اخذني واعتده عليه

ضليت ابجي واتلمس شفايفي حقير اخذ عذريه شفايفي وابجي حيل وجهي صار احمر من البجي وضاقت انفاسي حته م اكدر ارجع لبيتنه هسه يكولن مو عدج دوام ضليت حايره ابجي واشهك خابرت صديقتي وجتني كال عزه ريم شبيج منو وياج ليش دتبجين شكو انوب من كلتلي شبيج زدت بالبجي وداريد احجيلها بس كلامي مو واضح من البجي وراحت جابتلي بطل مي وغسلت وجهي وشربت مي وهدئتني ولزمت ايدي اهدئي ريم مو اله تحجين بس لتبجين الله عليج هدئت وحجتلها كولشي شهكت وكالت ريم شكد حذرتج كل م طلعين ويا اكلج يدري بالج تره الولد مو امان وهاي النتيجه فتحت تليفوني ولكيته حارك التليفون باالاتصالات والرسائل غلقته كتلها لصدريقتي حوراء وج كرهته كره متوقعته هيج يسوي ويستغلني كل م اتخيل الموقف احترك حرك احس نفسي رخيصه وهيج يريد يضحك عليه م اعتبره حب لان راد يتعدى عليه جسديا  تحول حبي اله الى كومه كره وحقد
ريم تره الصوج صوجج شلون اطبين ويا لبيت وحدكم وانتو لا مخطوبين ولا كاطعين مهر وانوب تبوسي من خده هو رجال واله رغباته شتريدي يسوي يعني وخاصتا بيت وحدكم ومابي احد وكل ثنين ثالثهم الشيطان شلون ائمنتي ودخلتي ويا

من حجت حوراء هيج كمت اشهك وابجي لج حوراء لتهيجين مواجعي غير ائمنت بي عبالي ماعده هيج سوالف
حبييتي وين اكو رجال ماعده هيج سوالف وبعدين انتي هم الغلطانه كافي لتبجين من يخلص الدوام رجعي سبحي ونامي وباجر غيبي وغلقي تليفونج ولتردين عليه ابد  والاحد كولي ل ابوج ابو الخط بعد ميجيني دوري خط جديد

وخلص الدوام بالكوه احس طول الوقت اليوم لان مهمومه وضايجه ورجعت تكسي ووصلت لبيتنه وبسرعه صعدت لغرفتي كتلهم ل اهلي تعبانه اخذت شاور وضليت ابجي جوه الدوش ولفيت نفسي بالروب ولفيت شعري بمنشفه  ونمت حته بدون تفكير من القهر
كعدت ثاني اليوم الصبح فتحت تليفوني لكيت 40 مكالمه ورسائل اعتذار شفتهن ومجاوبته حيل كرهته حته منزلت اكل مالي نفسج وره نص ساعه رجع دك شفته ورفضته جان يدز رسائله اذا مراح تجاوبيني حجي لبيتك وحق القران اذا مجاوبتيني اجي لبيتك والعب بيج طوبه ف فتحي خط ولتعانديني بكلبي كلت متنجبب احسن
رجع دك مرتين وثلاثه ومرديتله رجع دز رساله وحق الله جايج لبيتكم مهتميت لان ميسويها وره دقايق انركع شباك غرفتي ب حصوايه فتحتها لكيته واكف بباب بيتنه وجان يتصل سديت الشباك وفتحت خط خير خير شكو ليش واكف يم بابنه وخر ماريد اشوفك ريم ليش متنطين مجال خلي افهمج والله تعبان ومنمت الليل كله احس نفسي مذنب وغلطان والف مره غلطان اعتذرلج عن الصار  والله الشيطان وزني واحنه وحدنه وتعرفين كل اثنين ثالثهم شيطان و وز براسي وانتي حلوه ووحدنه وانتي هيجتيني شكو تلوسيني متكولين رجال عزابي واله رغباته كتله ها خلصت بلال عوفني بحالي جنت احبك واموت عليك بس بعد هاي تصرفاتك كرهتك كره عوفني وضل يبرللي ويحجي وابجي واكله حبيتك وانت ضحكت عليه وفئجه وجان تنفتح باب غرفتي لكيت ايات زوجه عبدالله دتسمع عليه من داحجي ويا بلال جفلت بمكاني ...... يتبع

بنات صوتوا ع النجمه حته اشجع وانزلها كلها لان قصه كولش حلوه وحقيقيه ف اتمنه تدعموني بتعليقاتكم والتصويت 😘