احببته من طرف واحد👨🏻‍✈️💕

البارت الاحد عشر 11

دك المنبه ⏰
فتحت عين ورجعت غمضت رجع دك المنبه جان انهض باوعت للساعه 6:00
كمت بسرعه حته لا اتاخر رحت للحمام غسلت وفرشت اسناني ورجعت لغرفتي بالعاده احط مكياج قبل لا البس الملابس المهم حطيت مرطب ببشرتي وطلعت الملابس من كنتوري حضرتهن وحطيت عليهن عطر ورجعت ع وجهي حطيت فونديشن وشويه كونسيلر جوه عيني ودائما احط ايشدو جوزي فاتح دائما دائما احسه نازك ويا كولشي ويا اي لبس احط جوزي . ورسمت ايلانير وحطيت ببطن عيني كحل بيجي يوسع العيون وحطيت باودر وحطيت تنت وردي ع خدودي وشويه ع حلكي وكبست رموشي وحطيت مسكارا ولبست ملابسي ولفيت الشال لفه تركيه بدون دنبوس وحطيت مرطب ل ايدي وجددت الصبغ اظافر ودزيت رساله ع بلال حته يجي وره عشر دقايق دك الباب ابويه صاحني يلا اجه ابو الخط ايي نازله ونزلت لكيته يسولف ويا ابويه كلت صباح الخير وابويه انطاني مصروفي وصعدت ليوره وحرك وطلع كال بلال الله بالخير اغاتي كتله الله بالخير عيوني كال فديت عيونج المرسومات رسم كتله شلون ابو خط اول يوم يتغزل لا عيني بطلت ، اخخ كلشي ولا تبطلين شويه وكفت السياره نزل راح جاب ثنينهن عصاير وبسكت كال هاج ريمه افتحي ريكج هذني كلش احبهن ويشبعن اخذتهن واكلت

وصلنه للكراج ونزلنه كال يلا امشي اوصلج لشعبتج يلا اروح كتله لا لا مالها داعي اني اروح كال امشي كدامي بدون نقاش عفته ورحت وهو ورايه بكلبي كلت هذا حته مراح يخليني اضرب محاضرات حيضل ورايه ورايه المهم مرت ايام وهو طبيعي يوصلني ويسولف لو يتغزل فدوه ل مريتي ، منين جيت مرتك ? كال مريتيي وحبيبتي هم عدج اعتراض خجلت وسكتت يوم عن يوم صرنه مثل الاصدقاء 24 ساعه نحجي ومرات يعزمني ع غده

فديوم اجاني من الصبح شو هذا خزرني اول م مطلعت من الباب صعدت بالسياره وحركك بكل سرعته بلال شبيك كال شبيه مو اليوم احركج ادبسزز شنو هل لبس الضيك ومكياج وحمرتج الحمره انتي بكليه مو راقصه مو بملهه تشتغلين تفهميني لو لاا انتي بهذا لبسج تدلين التايه تكوليله تعال شمسويه بنفسج اعصابك بلال شبي لبسي اهلي قابلين نزلني هنا خلي اروح وحدي جان يوكف السياره دافتح الباب مغلقه كتله افتحهن جاب بطل المي ونكعني بي تبهذلت تنورتي بيجيه قصيره صارت شحالها وقميصي الاسود مبين بي المي عطت بي هاي شدسوييي نكعتني كال حته لتعيديها وانته بصفه شنو دتحاسبني ?? كال بصفه حبيبج وزوجج بالمستقبل  ريم اني احبج حبيتج اول مشفتج ببيتكم وحجيالي عن حبيبته وشلون عافته وشلون حبني وانعجب بيه وفرح  من شافني بعرس عبدالله، عباله اني مادري ميدري جنت بالمدرسه سويت حساب بنيه وحجالي ههه ومن يسولف اسوي نفسي متفاجئه وكضيتها يا ويا خصم الحجي ريمم هذا لبسج مينعاد لان انتي حبيبتي وزجتي عن قريب واضح كلامي انطاني كوت طويل مالته لبسته وكال انزلي وصعدي بالصدر اريد احجي وياج وجان اصعد بالصدر وحرك ومشه بالسياره وضل يسولف شلون منعجب بيه وحبني جان اني هم اعترفله بلال م اجذب عليك اني هم احبك وحجيتله عن كولشي ضل متعجب هاي انتي هم طلعتي تحبيني وساكته سحب ايدي ولزمها وكال ريمه احبج ابتسمت وكتله احبك كال عيديها بعداعتي كتله بلال كال بربج عيديها احبككك كال لو ما عيب جان بستج  بس زحمه كتله عززه العب بيك فلك حته يلا وديني للكليه كال هسه اخذج لمحلات ملابس اختارلج شي مستور لبسي كتله هسه يلا بس هل مره وبعد م اعيدها خليني اروح تأخرت كال شنو اني مكرن واخلي مرتي اليسوه والي ميسوه يباوع عليج انتي بس الي تفهيمني لو لا

مرت الايام وصرنه حبيبين من صدوك يوميه نحجي وبليل لحد الصبح اني اخابره ونسولف ونضحك ويتغزل بيه ولحد ما اغفه واكعد الصبح الكه بعده الخط مفتوح صارت المكالمه 11 ساعه ضليت اخبث واكعد بي بصوتي صباح الخير يحلوو ممكن نتعرف موو كلبي ازرف بلال كووم اليوم جمعه شعدك نايم حبيبي سمعت حركه كال ولج اشفايتلي اكعد واصبح بوجهج الحلو ماريد صوتج يكعدني اريدج هسه انتي يمي  لج لو انتي يمي غير تدرين شسوي بيج ابوس.. قاطعته بلال هاي شبيك كول صباح الخير مو تحجي اشياء فسيقه باي حروح كال يعني متريدين اكملج لا لا ماريد ضحك كال اروح فدوه لليخجل ....

بنات صوتوا ع النجمه حته اشجع وانزلها كلها لان قصه كولش حلوه وحقيقيه ف اتمنه تدعموني بتعليقاتكم والتصويت 😘