احببته من طرف واحد👨🏻‍✈️💕

البارت السابع 7

نجي للطرف الثاني
بلال...
اول مره شفت بيها ريم ببيتهم جانت لابسه بلوزه عريضه وصدرها طالع شويه انصدمت وارتبكت وبوكتها  كلت هاي شطلعها كان عندي حبيبه ف من شفتها صح نكدر نكول نعجبت هيج نظرات قليله  لكن حبيبتي تحبني وممقصره ويايه من ناحيه تصرفاتها او اي شي وحته تسمع كلامي معدله وحبابه حته مره ريم فتحتلي الباب كالت حسيته صافنه بوجهي ارتبكت كتلها شكرا اخيتي شو هاي كلبت وجها ههه
الى ان فد يوم حبيبتي اختفت احاجيها مترد لو ردها بارد اني محترك عليها وهي تردلي بكلمه واعصب ونتعارك وره فتره عرفت هي مخطوبه اي مخطوبه حسيت بصدمه قويه لان هي كولشي مضم عليه يعني حته لو تريد تروح تبول تكلي انوب تنخطب ومتحجي طبعا عرفت انخطبت من خلال حساب اختها داصفح ع الفيس شفت اصدقاء مشتركه بينها وبين حبيبتي اخذني الفضول ناشره حفله الخطوبه ومسويتلها تاك انجنيت رحت دخلت لحبيبتي لج كلبه تضحكين عليه كدامج طفل بعد هل سنين حب ومكالمات وطبه وطلعه ومحاجي اهلي عليج هيج تغدريني وتنخطبين وتسكتين بشنو قصرت وياج ردت اسف بلال اني انجبرت لابن عمي ابويه ميكسر كلمه ل عمي لان اخو الجبير واعتذر منك الف مره وشكرا ع كل لحضه حلو عشناها صدك بلال لا عبالك فرحانه حضل طول عمري احبك باي واسف لان حنطيك بلوك لان حزوج خاف تسببلي مشاكل 💔 فتحت التليفون ولكيتها راكعتني بلوك لا يابت الكح.... لج الله لا يوفقج مثل ما شعلتي كلبي اخذتلي جكاره ورثتها واني اعصاب طاكه روحي رحت بالكوفي طكيتها بصفنه شسوي دكيت ع عبدالله وحجتله كال دقايق واجيج اجاني وضل ينصحني متفيدك لو تحبك صدوك مجان قبلت جان حاربت الدنيا ووووو الخ... مرت سنه واني نسيتها لكن مرات تجي ببالي وصح انقهر لكن احقد بنفس الوقت وكرهت البنات كلهن كضيت حياتي خلال هاي السنه علاقات عابره وبنات مزوجات ارامل اصادق لكن بس اكضي وقت وياهن محاك وحده ببالي  المهم يوم جنت كاعد داتفرج لعبه ريال وبرشا ومندمج ودك عبدالله ها ولك دتلعب ريال وبرشا ولك ارعن دعوف الطوبه عدي الك خبر الله اليستر احجي عرسي الخميس الجاي ايباه مبروكك عيني بالرفاه والبنين ولك والعباس فرحتلك كله تسلم اخوي تشرفني اريدك وتركصلي بالقاعه كاال ها هو ادلل اذا بعرس اخوي م اركص بعرس منو اركص كله بعرس خالتك احسن ارعن 😂 ههههه ديلا ولي داتابع العب صدوك شكد شكد بعدهم صفر صفر هاا خوش يلا ادعبل اودعناكم الله وياك .... وصار يوم عرس عبودي ورحت اني واصدقائي اليعرفو وتوجهنها بالقاعه جانت كولش حلوه وراقيه اخذنه ميز وكعدنه بين العوائل وكرايبه ل عبدالله وبدت الحفله رحنه سلمنه ع عليه وباركلناله وكعدنه وبده الدك والركص واحنه وياهم من الحماس نزعت سترتي لان عركت من الركص ذبيت لحم هههه وجان اكعد ع الميز وجان تفوت وحده تخبل جنها باربي هي وفستانها الوردي  ووجها الطفولي وغمازات فقدت لك شهل غزاله فهيت بوجها هي انتبهت مفهي بوجها غلست بعدين باوعت كلت لك هاي اخت عبدالله خلصت الحفله واني عيني مشلتها من وجها حته هي ضاجت رادت تكوم لكن ماكو مكان ورجعت مكانها اول مرجعت للبيت جانت اخت عبدالله المنعجب بيها من جانت عدي حبيبه ههه ياحبيبه الي عافتني شكد عار اني وانضحك عليه حته من بعدها نرتبطت لان جنت احبها من المراهقه ولا حبيت بعد كرهت النسوان كلهن خاينات، المهم من شفت ريم ضلت ب ببالي شكلها ونزاكتها احس كلبي كال هاي الك طبعا اعرف اسمها مره اخوها ذكر اسمها ريم ريمه اصيحلها اذا صارت مريتي وحبيبتي يتبع .....

بنات صوتوا ع النجمه حته اشجع وانزلها كلها لان قصه كولش حلوه وحقيقيه ف اتمنه تدعموني بتعليقاتكم والتصويت 😘