احببته من طرف واحد👨🏻‍✈️💕

البارت الخامس عشر 15

صحيت لكيت مريم ترش مي ع وجهي وتبجي وودق بنتها تبجي وواكفات هي وبنتها يم راسي

باوعت ورجعت ابجي كالت مريم
ولج ريم جذب ونبي هاي ايات كايله ل امي عساس عبدالله مخابرها وكايللها ميريدها ومن هاي السوالف وهسه حروحلها اطيح حضهاا هل الحقيره واجيب تليفونج منها لان هي الي اخذته منج حته مو عبدالله اخذه هي اخذته وحته بلال رايدج هل اسبوع حيجي يخطبج عبدالله توه اجه وكلي حيجي ياخذها
لتخافين حبيبتي

راحت وره شويه اجتي هي ووردق كال طيحت حضها وكامت تبجي وتكول اني اريد مصلحتها ولد هل وكت مو خوش ولد وجان استلمها ولج شتخافين عليها لو تخافين عليها جان نصحتيها مو تكولين ل اخوانها واهلها وتفضحيها ايات سوالفج متمشي عليه اختي اذا وصلتيلها او اندكيتي بيها اطيح حضج ماشي كلامي وهسه جيبي تليفونها يلا راحت بسرعه جابته وجتي وودق تتفل عليها تكلها اكتلج اذا وصلتي لخالتي ريم وايات لو مو اني جان كطعتها ل ودق بس تخاف المهم وكتلها ولج ايات ليش اجذبين وتكولين بلال يكول ميريد ريم ليش هل جذب وتلعبين ب اعصاب ريم ليش هل حقاره كالت ها لا لا اني مكلت هيج بس بس  سمعت انو ميريده ماعرف عفيه لدخلوني بيناتكم وبمشاكلكم ..
ولج وهو غير انتي رب المشكله والمصيبه منو كب العركه بالبيت غير انتي لتخليني افضحج والعب بيج فلك مو جان عدج علاقه قبل عبدالله وعلاقه وي عبدالله وهسه كمتي تستشرفين براس ريم.
عزه يا علاقه هاي منين جبتي هل سوالف.
اوي عيني برئيه عود هي ماعدهه هيج سوالف بس بسيطه اني الج وعفتها ورحت.

بلال 

جنت داحجي ويا ريم وابرللها واتوسل بيها تسامحني لان اجاوزت حدودي وياها وجان اسمع ايات صوتها وتصيح عبدالله اني هنا عقلي مضل بيه اتخبلتي كلت راح تنكتل ريم لان عبدالله بسرعه يندفع رحت بسرعه بدلت وطلعت من الباب دا اروح لبيهم حته اكله اني احبها ل اختك ورايدها زواج بس لتائذيها
وصلت للبينهم جان يطلعلي عبدالله ركعني بوكس بوجهي ووكعني بالكاع وكعد فوكايه دك بوكسيات دفعته حيل ورديتله البوكس بوجهه لكك افهمم ارريد اتفاهم وياك بس عوف الضرب خلي احجي وهو هايج عليه يركع بوكسات بوجهي ب بطني جان اركعه ع راسه داخ وصحه ع نفسه كال لك عوف بنات الناس كلها وتجي تصادق اختي امنت عليها بخطك عبالي شريف وتعبرها مثل اختك طلعت مجطل وياها لك اليوم احركك انتي وياها
هاي شبيك عبدالله اهدئ لك والله رايدها زواح ونيتي شريفه والله م اضحك عليها احبها واريد اخطبها بس هي كالت اريد اكمل دراسه وتقدملي الله شاهد ع كلامي احبها واريدها
هدئته بكلامي صفن وكال باوعلي بلال هل اسبوع تجي تخطبها واخذها وبس صداقتنه تنتهي لا اعرفك ولا تعرفني يلا امشي ولي مني ع فكره تجي تخطبها غصب عنك خلصني منها ومنك وروح بغير منطقه م اتحمل اباوع بوجوهكم

حاولت اصالحه ابد مقبل وحلفته ميضربها واني هل ايام نسوي مشيه ع بيتكم واخطبها رسمي الله،يوفقك ل تئذيها واليرحم والديك
باوع عليه وعافني وراح

ريم

مرت يومين ع هل عركه والمشاكل ومريم راحت لبيتها
كمت انزل جوه محد يباوع بوجهي محد يحاجيني عبالك هوا لا شي يفوت من يمهم كارهيني دمعت عيوني وصعدت لغرفتي ابجي لحد م غفيت ساعه ب 3:55 ص ميته جوع نزلت جوه فتحت الثلاجه وطلعت اكل واكلت وصعدت لغرفتي كلت بيني وبين نفسي بعد يوميه هيج اسوي اكعد بليل اكل حته لا اشوفهم ولا يشوفوني اظاهر وجودي يغثهم ورجعت نمت ساعه ب 3:40 م كعدتني امي كالت كومي سبحي وبدلي حيجون بيت بلال يخطبوج كومي يمه كومي مسامحتج ع عملت مدام اجه وخطبج كومي يمامه يلا باوعت للساعه ورجعت دفنت راسي بالمخده وره شويه جتي مريم وودق يكعدوني ويغنن هي وبتها اول منبدي وشنكول لا الله اله الله الف الصلاه ع الرسول الا الله اله الله  ودق تركص وتكول عروستنه ماكو مثلها وكومتني مريم كالت محضرتلج الحمام بسرعه روحي سبحي وحته تبدلين وتتمكيجين تره بعد شويه يجون يلا يلا ابتسمت بوجها ابتسامه بتعب ودخلت سبحت وخلصت وطلعت لكيتها مشتريتلي فستان يجنن بيجي وبيها ورد ناعم اسود لبسته وشسورت شعري وحطتلي مكياج خفيف وهادئ طلعت حلوه رغم معالم الحزن الطاغيه ع وجهي والكدمات الضرب ابينه بس خفتهن مريم بالفونديشن .

وره شويه جتي ودق تركض كالت اجوي بيت العريس نزلت مريم ترحب بيهم وحضرت صينيه حط بيهن المي ونزلتني كالت روحي قدمي المي بالبدايه ومن تقرون الفاتحه قدمي العصاير  
طبعا طلعت بدون حجاب لان بس امه واخته وخالاته قدمتلهم وكعدت واشرتلي مريم ابتسم وجان ابتسم ب وجهم وكالن فدوه ربي يحفضها تخبل وخالته هم كال ربي يسعدكم واتفقوا امي واختي وياهم ع المهر وقروا الفاتحه
جان تجيني مريم جرتني من ايدي وكالت روحي لبسي حجاب لان حيدخل بلال وابو ويقرون الفاتحه مره ثانيه وقدميلهم عصير
صعدت لغرفتي حطيت الشال ع شعري ودانزل وابين ع وجهي الحزن جنت متخيله من يخطبني راح اكون فرحانه وهو فرحان لكن صار العكس وحته نفسي ممتقبلته من وره عملته بالاضافه اني اريد ازوج واخلص من ايات ونضرات اهلي وتجاهلهم الي الي حته بنضره ميعبروني واني الك بلال هسه خلي نزوج واني اعلمك ع الشي السواه بيه بس هسه خلي اخلص واطلع من البيت واني دافكر جان تفززني مريم
ولج شو صافنه روحي قدمي العصير لخطيبج يلا اخذت الصينيه من ايدها ودخلت باوعت ع بلال اول نضره وانصدمت من شكله ...... يتبع

بنات صوتوا ع النجمه حته اشجع وانزلها كلها لان قصه كولش حلوه وحقيقيه ف اتمنه تدعموني بتعليقاتكم والتصويت 😘