احببته من طرف واحد👨🏻‍✈️💕

بارت التاسع عشر 19

تقرب مني ودفعني ع الجربايه ديبوسني جان انهزم
-وين منهزم الكتكوت مالتي اصيدج يعني اصيدج تعلين ليوين
-بلال مو اتفقنه نرتب الملابس شو جنك جايبني ع غير شي
-هو اني اصلا جايبج ع غير شي اشاقه لا ما اشاقه ههه
-ياا بلالل
ضحك بصوت عالي 
بلال لتسوي هيج
-لك باع اسمي بحلكها شكد حلو احسه بلاااالل اوي عيني لك اشتعل بلال
-ههههه بلال كافي هسه يجي ابويه يسحلني خلي نكمل ترتيب الغرفه
-دخيولي
-انت خيولي خزرني
اني هم خزرته لعد ليش تكول ع ابويه هيج حسيته زعل طلع من الغرفه رحت وراه بلال شبيك
لزمني من خصري وقرب شفته وباسني وكال بهمس ها شلونها خطتي خليت انتي تلحكين ورايه ههه
- دفعته ورحت
ركض ورايه تعاي لزمني من خصري وشالني ع جتفه ويركض بيه واني من الضحك انهيت تخيلوا شكلنه بس
نزلني من جتفه وكال مزعلين اصعدج ع جتفي واهزج هز ديري بالج تزعلين
-بضحك لا بعد م اعيدها

المهم رتبنه الملابس وخطيه ام بلال حته تعلاكات مال ملابس مجهزتهن وحطيت لوكرات مكياج وترستهن مكياج واشكال بس خليت شي بسيط ع الميز والباقي ضميته ب المجر حته لتصير هوسه
حطيت بس عطورنه ع الميز وكم قطعه مكياج وخليت لوكر بس للكريمات ومرطبات والباقي غسول جسم ومعطرات ومخمريه وماسكات جاهزه وخليت ساعه للغرفه وحطيت الباندا مالتي الكبير كولش احبه جنت من ازعل من بلال

كملت ها بلال حلو
اي حياتي عاشت ايدج وصدك جبتلج ديجي صغير نشغل اغاني حتلو نعلي الصوت كله ميطلع صوت من الغرفه مشتغل الحايط عازل الصوت يعني العب لعب محد يسمع
-هههه ياا بلال غير تفكير
- اي اعجبج

المهم اجه يوم الحنه

رحنه اني وامي ومريم من الصبح كعدت انتضر بين ما يجي السره مالتي ضليت احجي اني وبلال ب التليفون ونسولف وكال من تخلصين اني اجي اخذكم

المهم حطتلي مكياج بيجي نازك وتسريحه ناعمه ولبست تخم الذهب ولبست فستاتي الاسود طلع حيل حلو وحذاء كعب بيجي وامي بين ما تحطلي مكياج رجعت للبيت ترتب المكان حطت شالزون ووراه ورد مثل مال قاعات وباجر  العرس بالقاعه

كملت اني مكياج ولبست عباة لان   فستاني قصير
اجه بلال للصالون اخذني اني ومريم كعدت ب الصدر ضل يتغزل بيه خجلت لان مريم ويانه
ومريم تضحك كالت عيني اخذوا راحتكم

رجعنه للبيت حيل جوعانه اكلت وشبعت لان ورايه حفله وتعب وديجي حنطرش

وصارت الحنه صح بسيطه بس مرتبه واجوي اقاربنه وضلن يركصن البنات حاولن يكومني اركص مقبلت استحي ويصورن بيه حسيت نفسي مشهوره هههه

وره ساعه اجوي بيت بلال هو واقاربه واهله صارت هلاهل وعلوه الديجي اجه بلال مبتسم طالع يخبل هو اصلا حلو فديته ولابس قاط زيتوني ضارب ع عيونه الخضر طالع يجنن حسدت نفسي عليه

كعدنه فرحانين احلا شي البنيه من تزوج واحد تحبه حتكمل حياتها ويا شخص تحبه ويحبها وتكون عائله من شخص قلبها يحبه
••••••••••••••••••••••
‏- كم مرة أحببتي ؟
- أحببته هو نفسه ألف مره 💙
••••••••••••••••••••••

حيل تونست وكوموني كوه ركصنه وصورنه بكامرا يوم حلوه 
بس لاحضت بنيه من اقاربهم طول الحفله تباوع ع بلال نضرات ما اعرف افسرهه بس هو ابد مباوعلها
عديتها وخلصت الحفله تونست صح بس مرتاحيت لنضرات هاي البنيه هي صغيره يطلع عمرها 17 او 18 او اكثر مادري دوختني

خلصت الحفله دخت حيل كاموا الناس يروحون وسلمت عليهم وودعت اهل بلال وا اقراربهم  وصارت هدوء نزعت البدله دانام طبن بنات خالاتي ومريم وبنتها هلاا وين العروس كومي لج خلي نطك وياج صور لبسي البدله وخلي نركص

-بنات والله حيل تعبت اريد انام

-كالت مريم انجبي ريم اسحلوها بنات وجيبوها للاستقبال ماعدنه عروسات ينامن نريد نتونس

سحلونيي وطكينه صور  وعلكن ديجي وركصن لحد م هلكت تعبن  جابوا عشه جاهز وتعشيت وياهم اهلي فرحانين ابويه كال الله يسعدج بنيتي وامي هم خطيه بس عبدالله حته مباركلي جان حيل حباب هسه حيل كالب خلقته عليه مرته نفس الشي بس احسها فرحانه تريد تخلص مني وتاخذ غرفتي اما مريم حبيبتي حيل فرحانه لان اخذت بلال ع عناد ايه زوجت عبدالله ولان اخذت الحبيته وبنات خالتي واقاربنه مكيفين يحبوون الاعراس والوناسه هههه
تعشيت وصعدت كتلهم عفيه اريد انام ومسحت المكياج وبدلت ونمت نومه عميقه

فزيت ساعه ب 2:00 ع تليفوني يدك
باوعت بتك عين عيني مال نعاس مغوشه مكتوب بلال
اهو شلون نسيت احاجي بلال رديت

-وينج حبيبي شو اختفيتي دزيت سبعتالاف مسج وانتي ولا يمج
-بلال ونبي جنت نايمه حيل تعبت
-زين هسه مشتاقلج
-اني هم خلي نضل نسهر
-ايي شكو علينه هسه نسهر ب الموبايل باجر بغرفتنه الله
-ههه ان شالله
-ان شالله حبيبتي اليوم رحت اخذت اجازه من الدوام ومن تعب المركز والضباط مزعجين
بس انتي راحتي شو م انزعج منج ليش ?
-حبيبي اني اختلف
-شلون يعني تختلفين مثلا عدج كرون لو ذيل حته تختلفين
-هاي شنو بلال ههههههه حموت ضحك
-ههههه غير انتي تكولين اختلف
زين اكولج
-ها
-باجر حننجمع اني وياج ببيتنه الله حيجمعنه سوه لو تدرين شكد مشتاقلج اله اطلع ضربات عبدالله بيج صبريلي
-اي واخيرا الله جمعنه الحمدالله ههههه خرب اني شعليه
-اي مو تحملت كتلات اخوج علمودج مو متقبلين اكتله سلمت نفسي للكتل علمودج
-اويي حبيبي
-الاوي هاي خلي تفيدج باجر
-هههه... ضلو يسولفون شعليكم بيهم 😂

صارت ب 6 واحنه كاعدين نسولف يلا بلال طفيت من النعس حروح انام ب العشره لازم اروح للصالون انتضر السره مالتي حروح انام

-ريم يعني اليوم عرسنه الله روحي نامي حبيبتي حته يقصر النهار
-ههه يلا حبيبي باي

صارت ب العشره دك المنبه كمت سبحت وبدلت وكعدت مريم وامي يروحون ويايه للصالون وبنات خالتي هم رادن يجن ويانه كالت امي لعد خلي اني ابقه بالبيت حيضل فارغ روحي انتي ومريم وبنات خالتج

.......يتبع هسه حتبدي احداث جديده باجر ان شالله اكمل حضل يوميه انزل وها بنات عفيه اهم شي صوتتوا ضغطوا ع زر ⭐  وتعليقات حلوه مثلكم حبي 🥺❤️