قصه با اللهجه العراقيه
قصه حقيقه لبنت حبت من طرف واحد ولكن ...
ملاحضه دائما الناس تنجذب للقصص الي عليها مشاهدات اما القصص الي عليها نسبه قليل مراح تقروها وممكن هي احلا من الي مشاهدات عاليه هسه اغلب القصص فصيله والخخ واغلبهن نفس السيناريو بس تغير اسم...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ولبست الفستان وثبتت البرقع طلعت حيل حلوه حته ام الصالون كالت طلعتي احلا من العروستين القبلج. وبنت خالتي ومريم اخذنه صور حته تبقى ذكرى طبعا هنه هم سون مكياج ولبسن فساتينهن ورتبن حجاباتهن. وبعدها دكت مريم ع عبدالله حته يجي ياخذنه ضلينه نرتب بنفسنه بين ميجي حطينه عطر يجنن المهم دزلي بلال كال دزي صورتج خلي اشوفج رديت كتبه اعذرني م ادز صوري للولد ضحك كال لا حبابه اني اختلف عن باقي الشباب دزيلي ضحكت بعد شويه وتشوفني باي امي متقبل احجي وي ولد ضحك كال ماشي. اجه عبدلله وصعدنه ب السياره باوعلي كالت ما شاء الله طالع حلوه الف مبروك ربي يسعدج فرحت كتله تسلم الله يبارك بيك ان شالله تصير احلا اب ونفرح بي المهم وصلنه للبيت هوسه مليان اقرابنه وجيرانه وصوت هلاهل اول موصلت للبيت ويباركولي قسم من البنات يتمكيجن وقسم يركصن والاطفال شايلين بخاخ مال اعراس واحد يرش ع الثاني اجواء سعيده واصوات الاغاني كعدت ب الصاله وصورت وي البنات وركصنه جتي امي بوستني والدمعه بعيونه كالت الف مبروك صغيروتنه وشويه وكالو اجوي اهل العريس صارت هلاهل وعلوا الديجي لمحت بلال يجنن طالع احس كلبي كام يرفرف من السعاده مدري من الخجل مدري من الشوق مشاعر مخلوطه اجه باسني من كصتي وباركلي وبوست اهله وكعدنه طلعوا اغنيه هم عريس هم نشمي هم ربعه يزفونه
اجواء تجنن واحلا شي انو صرت لحبيبي الي جنت احبه من جنت مراهقه .
المهم شويه وطلعنه لان حضروا السيارات مال معازيم وصلنه للطرمه اجه ابويه وامي يباركولنه وفرحانين وبوسوني ووصو بلال عليه دير بالك عليها وكذا واجه عبدالله ومرته هم باركولي بس احس بلال وعبدالله عبالك غربه مو مثل قبل جانو صداقتهم حلوه ضجت صراحه اني خربتها. ضليت ادور ع اخويه امير وينه شو ماكو دنطلع جان يجي امير حضني احس ضايج بجيت كال عمري الف مبروك الله يسعدج ان شالله صح احنه 24 ساعه عركات اني ويا بس احبه احسه حنين عليه. كال حقيره طالعه حلو يا جكمه ضحكت مسح دموعي وسلم ع بلال وباكلنا احسه دمع جان يطلع بسرعه عمري المهم صعدنه ب السياره مزينيها لون ابيض عاليه وصديقه هو الي يسوق باركلنه وصعدنه ليوره وشغل مكيف واغاني اجوي اهل المزيقه فد اجواء جد تجنن وبلال يتغزل بيه لك شهل جمال حبيبتي ريمه بس شويه غطي شعرج ب البرق متفقنه هيج كله مطلعته بلال شبيك هسه اني متوتره مو بحال شي هسه اعدله يلا ماشي صدوك بلال اكولك ها حياتي جبت ملابسك العسكريه بجلسه التصوير تصور بيهن اي حبي جبتهن لخاطرج بس بجلست التصوير وانزعهن اي حياتي بنص الطريق اباوع ع المعازيم يركصون والجهال من شبابيك السيارات يسولنه هلو 👋🏻 متتت كمت اسويلهم 👋🏻 بلال ضحك كالت هاي شدسوين كتله دارحب بيهم كال تره اغار عوفيهن اهتمي بيه بس ضحكت فديت اليغار المهم نزلو بجسر الجادريه نزلو اصدقاء الضباط يرمون طلق ويسون هوسات ونزل بلال يركص وياهم وشالو ع جتفهم ويغنون المهم وصلنه للقاعه ملكيه تجنن فد رتابه والكوشه كلها ورد والقاعه بارده تنعش الكلب دخلنه اخير شي بالبدايه المعازيم دخلوا بقينه اني وبلال وابويه اخواني مجوي للقاعه بس ابويه يودعني ويروح المهم دخل بلال وكف يم الكوشه مال عرس طلعوا ب الديجي مال قاعه لحن هادئ ودخلنه اني وابويه ديسلمني لزوجي يعني حركه حلوه والمصورين صورو من دخلنه اني وابويه ووداني لبلال وباركلنه وراح كعدنه ع الكوش وبدت الاغاني والولد واصدقاء بلال واقرابهم يركصون وجان يجون ع بلال جروه ويغنون حبها ولك حبها لتخاف من امها ويضحكون واخذ بنص القاعه يركصون وشايلي ع جتفهم
بعدين كمنه نركص اني وبلال بالقاعه لزمني من خصري واني لازمته من جتفه وطلعو اغنيه اليوم اجمل يوم بعمري اليوم احلا يوم ونزكص ويغني وياها ويهمسلي ب اذني احبج اموت عليج لج صدك اليوم احلا يوم بعمري وضلينه فرحانين
تقريبا كومه طلعو اغاني وتصوير ويركصون احنه ب النص والمزوجين هو ومرته داير مدايرنه هم يركصون هم وزوجاتهم
بعدين كعدنه استراحينه كالو هسه فقره رمي المسكه الورد شكو وحده بعدها عزباء خلي توكف وره العروس وترميها طلعو اغنيه ورميت الورد لزمته بنيه نفس هاي الجانت تباوع ع بلال ب الحنه باوعت عليه وضحكت وسوت هيج ✌🏻 المهم بعدها قطعنه الكيك كيكه كبيره ووكلني كيك وشربنه عصير وضلو يركصون الشباب واغاني وكذا وخلصنه وكال ابو الديج احلا تحيه لضابطنه بلال بالرفاه والبنين الف مبروك ولهنا وتنتهي الحفله. وكفنه يم الكوشه واجوي اقرابنه واقراب بلال يباركولنه وكذا تقريبا ساعه كامله واحنه نسلم عليهم متت تعب بعدها بدو الناس تروح لبيتهم احنه ورانه جلسه تصوير يم المصور هم صعدنه ب السياره توجهنه للمصور بدل بلال لبس زي ضابط طلع يجنن 👰🏻👨🏻✈️ وصورنه وكل شويه نسوي حركات حته تطلع الصور حلوه وسوينه نفس الحركه هاي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
المهم حيل قضيت وقت حلو ب اخذ الصور بعدها خلصنه طلعنه من المصور لكينه صديق بلال ولكم جلبتوا يم المصور واني صالبيني صارلي ساعه انتضركم الله يقبلها بكلي ازوج واخليك السايق مالتي ضحك بلال كله ملازمنه الذهب اخوي الورده مقصرت كال دصعدو لا هسه اشمركم ب السجن ضحكنه واني هم شكرته تسلم تعبناك لا خيتي تعبكم راحه بس داشاقه وصلنه للفندق وصعدنه ب الغرفه باوعلي بلال كال الف مبروك مرتي واخير صرنه سوه وحدنه الله يبارك بيك زوجي احبك اموت عليج ..............يتبع
بنات صارلي هوايه ممنزله اسف بس جان رمز حسابي ناسيته وتوني اذكرت ورجعت اكمل القصه اعتذر منكم احبكم + حته ريم سئلت ليش توقفت القصه وتسلم عليكم + من تنهون قرائه البارت دوسوا ع النجمه زر التصويت وعلقو انطو رائكم ب البارت ومتابعه لحسابي حته يوصللكم اشعار من انزل والقصه مثل ما تريدون مني بارت واني اتعب بي واكتب وانتو متعلقون احب التعليقات الحلوه حته استمر + ريم هم تقره تعليقاتكم 💙
